مشكله في تركيب جهاز تتبع

[sanhotymed]

انا لسا جايب كورولا 2013 معداش عليها اسبوعين

وقررت اركب جهاز تتبع gps tracker
نزلت شارع دمشق ولاقيت جهاز امكانياته معقوله عند حسام رمضان
الراجل من كتر كلامه حسسني انه شغال في الجهاز بقاله زمن وان الجهاز جبار بس هو في الاول والاخر صيني

جبنا الجهاز والكهربائي ابتدا يركب
الراجل في نص التركيب بيقولي انا اول مره اركب الجهاز ده
طبعا اتصدمت
احنا في نص الشغل ومش هينفع اقوله قفل
المهم كملنا شغل

طبعا كان مفهمني انه عارف كل خصائص الجهاز وهيشرحلي كل حاجه
كله هجص

طلع مش عارف اي حاجه في اي حاجه
انا ابتديت اقرا الكتالوج بسرعه واحنا واقفين
وشغلت كام امر
توقيف الداييره وتشغيلها وتحديد الموقع
كان شغال عادي

المهم بعد ما روحت لاقيت ان الراجل مركب الجهاز غلط
المفروض انه بيشتغل علي الدايره الكهربيه وعلي طرمبة البنزين

والرسمه في الكتالوج بتاعة الجهاز فيها اتنين كتاوت
والبشا مشغل واحد بس علي الدايره مش ومش مشغل طرمبة البنزين
ولو العبريبه فصلت الدايره علي سرعه عاليه البور ستيرنج بيفصل وممكن تحصل حادثه لا قدر الله

العربيه في الوقت الحالي شغاله كويسه مفيش مشاكل في الكهربا الحمد لله
بس المشكله اني عايز اركب الجهاز صح زي خريطة الكتالوج وخايف ارجعله يبوظ ميصلحش لانه اساسا مش فاهم

لو حد يعرف كهربائي متمكن ممكن يصلح ورا الراجل ده يبقي مشكور واسف عالاطاله

ونصيحه لكل الناس متلعبش في ضفيرة العربيه الا لما تكون متاكد مليون الميه ان الراجل اللي قدامك بيفهم مش..............ربنا يسامحه

[abofandy]

هو جهاز حلو
ولابد منه ف ظل الظروف بتاعة البلد والسرقة
بس اهم حاجة يكون جهاز نظيف مش صينى والى يركبة يكون فاهم وياريت لو كانت العربية
ف الضمان تركب ف الصيانة علشان الضفيرة متطلعش برة الضمان

[sanhotymed]

والله يا كبير العربيه خليجي ملهاش ضمان وللاسف انا خلاص ركبت الجهاز

وانا عايز كهربائي محترم يركب الجهاز صح لان الر اجل اللي ركبه مش فاهم

وهل ممكن التوكيل يركب اجهزه زي دي؟؟؟؟؟

[abofandy]

فية حلين /
1 ) ان تروح التوكيل تعملها حتى لو هتتكلف بس شغل نظيف
2 ) او تروح التوكيل ومرضوش ييشغلوا ليك فيها علشان برة الضمان .. خد رقم تليفون اى كهربائى جوة الضمان بعد ما تسال مين انظف كهربائى له ورشة برة وحدد ميعاد تروحلة فية يظبتلك العمل

[abofandy]

بس الكلام دة ف الخباثة .. تروح تسال مثلا بتاع الغسيل الى ف التوكيل .. الراجل الى ف الباركينج ف التوكيل علشان يدلك .. لكن متروحش تقول لمدير المبيعات او مندوب صيانة مش هيدلوك وهينفضولك