لمالكي الكورولا الجديدة

[dr_waswas]

بعض الأسئلة
وننتظر الأجوبة كما عهدناكم في ردودكم بالصراحة


السؤال الأول
العربية لونها إيه اللي انت اشتريتها

السؤال الثاني
آي فئة اشتريتها


السؤال الثالث
اقتناعك بيها زاد ولا قل

السؤال الرابع
اللون اللي انت اشتريته من وجهة نظرك بعد التجربة
أحلى لون
ولا كان ممكن يبقى فيه أحلى

السؤال الخامس
الفئة اللي انت اشتريتها
شايف إنها كانت الاختيار الآصح ولا كان الأولى فئة أخرى

السؤال السادس
البنزين أخباره إيه في استهلاكه وهل جربت تحطلها ٩٥

السؤال السابع
الفتيس،،، فيه فرق في سحبه ولا زيه زي الموديل اللي قبليه

السؤال الثامن
التابلوه خاماته ومنظره حلو فعلاً
ولا النظرة اختلفت بعد استعمالها



السؤال التاسع
العربية بتجري؟؟؟
جيبت بيها كام

السؤال العاشر
هيا واطية لدرجة مستفزة
ولا عادي شغالة

]السؤال الحادي عشر
فلوسها تستاهل تجيبها ولا تفكر تجيب بفلوسها حاجة تانية حتى لو كانت مستعملة

السؤال الثاني عشر
هل فيه فرق فعلا بينها وبين ٢٠١٣
يعني حسيت بنقلة نوجعية في التويوتا

السؤال الثالث عشر
رآي اصحابك وخصوصا كارهي التويوتا

السؤال الرابع عشر
تقييمك للعربية في كلمة واحدة

السؤال الأخير
لو عاد الزمن كنت هتشتريها تاني ولا كنت ممكن تفكر شوية

[hossam_elwani]

متابع اﻻجابات

[prennons]

prennons2009@yahoo.com

السيارة ممتازة ودى أول مرة أكتب فى هذا المنتدى مع إنى متابع المنتدى من 4 شهور ومتابع كل المشتركين من جميع أنواع السيارات وبصراحة الموقع محترم وعشان مكترش عليك هرد عليك فى كﻻم قليل من واحد تقدر تقول إنه ركب كل أنواع السيارات بﻻ إستثناء ﻷن فى واحد صاحبى عنده معرض وكنت بتطوع أجيبله العربيات من الوكﻻء للعمﻻء عشان أجرب العربيات ولذلك بقولك العربية ممتازة وأنا شخصيا بعت اﻹلنترا 2012 fully loadedوهجيب التويوتا باﻹضافة إن أنا خبرة فى السيارات بقالى 18 سنة والحمدلله

[Mohamed.Hany]

بعض الأسئلة
وننتظر الأجوبة كما عهدناكم في ردودكم بالصراحة


السؤال الأول
العربية لونها إيه اللي انت اشتريتها برونزى افان جارد

السؤال الثاني
آي فئة اشتريتها الفئة التانية فول اوبشنز


السؤال الثالث
اقتناعك بيها زاد ولا قل زاد والحمد لله جدا خصوصا اني كنت راكب كورولا 2011 هاي لاين

السؤال الرابع
اللون اللي انت اشتريته من وجهة نظرك بعد التجربة
أحلى لون
ولا كان ممكن يبقى فيه أحلى اقوى الوان فيراني , فضى , برونزى في وجهة نظرى كشكل ولكن عيب الفيراني انه غامق قوى فمحتاج نضافة عشان التراب والتجاريج, الفضي لون ممتاذ للتراب والتجاريح عيبه الوحيد مش مبين النيكل كروم وبصراحة بيدى شياكة رهيبة , اما البرونزي وجهة نظرى افضلهم لانه لون جديد و درجة غمقانة بتتغير من الصبح للليل غريب جدا, وميزته انه لاغامق ولا فاتح فمدى شياكة الغامق ومبين النيكل كروم و مش بيبان عليه التراب ولاالتجاريح.

السؤال الخامس
الفئة اللي انت اشتريتها
شايف إنها كانت الاختيار الآصح ولا كان الأولى فئة أخرى الفئة التانية اوتو تعتبر الحصان الرابح و best value of money الفرق رهيب في الاوبشنز مبينها وبين الفئة الاولي ب 10000 جنيه بسس و الفرق مع الهاي لاين كتيير 25000 في حاجات مش كتيرة و معظمها مش هحتاجها لأنها رفاهية زيادة قوى متستحقش 25000 جنيه

السؤال السادس
البنزين أخباره إيه في استهلاكه وهل جربت تحطلها ٩٥ استهلاكي للبنزين حتي الان 8.5 لتر لكل 100 كم وانا لسة بليين العربية و ممشتش غير 950 كم و معظمهم داخل المدينة يعني في اسواء الظروف اللي ممكن تحسب فيها استهلاك البنزين ومتوقع يقل جامد بعد التليين . واخر معلومة لما بفول الكمبيوتر بقولي ان التفويلة تمشيني 540 كم وده في وجه نظرى رقم رهييب.

السؤال السابع
الفتيس،،، فيه فرق في سحبه ولا زيه زي الموديل اللي قبليه الفتيس ده يختلف عن اللي قبلة اختلاف كلي في السحب خصوصا في الاول و التاني, والسبورت موود بيخلي العربية تتجنن.

السؤال الثامن
التابلوه خاماته ومنظره حلو فعلاً
ولا النظرة اختلفت بعد استعمالها التابلوه من اكتر ما يميز العربية خصوصا بالليل مع الاضاءة الزرقا والزراير الكتيير اللي فيه



السؤال التاسع
العربية بتجري؟؟؟
جيبت بيها كام لسة مجرتش بيها بس في التجمييع من طبيعية و خييط نيو النترا من كام يوم في شارع مراد بس كسرعات عالية فوق ال 120 ممشتش لكن صديق ليها ما شاء الله سافر بيها الاسماعيلية و بيقول انه جاب 180 و الار بي ام كان لسة عند 4 و صوت الموتور مكنش عالي ولا كانت بتعتل يعني تجيب 200 مستريح ده كلامه وليس تجربتي

السؤال العاشر
هيا واطية لدرجة مستفزة
ولا عادي شغالة الارتفاع اتكلمنا فيه كتيير جدا بس عادى شغالة و انا حكت منى مرة واحدة بسس ومكنتش شايف المطب فأخدته بسرعة وزيادة عن كدة كان مطب اهالي مقرف وكنا 3 في العربية و اكييد لو اي عربية بالسرعة دى كانت هتحك غير كدة متصدقش حد ماللي بيهرو فالحك والكلام ده دي ناس ولا ركبو العربية وبيتكلمو و خلاص و نزلت بصيت تحت العربية ولا الهوا و مصفحة جامد جدا .

]السؤال الحادي عشر
فلوسها تستاهل تجيبها ولا تفكر تجيب بفلوسها حاجة تانية حتى لو كانت مستعملة
العربية بجد ماشاء الله تحفة فنية و تستاهل كل ملييم ادفع فيها بأمكانياتها و ثباتها الرهييب و سعرها اللي وجهة نظرى منافس هاتلي عربية ب 185 الف وفيها كل الاوبشنز اللي في اي عربية زيادة عليها esp, trc, auto park,front side parking sensors

السؤال الثاني عشر
هل فيه فرق فعلا بينها وبين ٢٠١٣
يعني حسيت بنقلة نوجعية في التويوتا
مفيش مقارنة والسؤال ده يجاوبك عليه واحد كان معاه العربيتين بصراحة تكتسح في كل شئ ماعدا قوة اضاءة الفوج لايت و قوة صوت الكلاكس فقط !!

السؤال الثالث عشر
رآي اصحابك وخصوصا كارهي التويوتا
كلوة واحدة كانت بتتقال علي كورولتى 2011 انها عربية راجل مسن او كبيير و فقيرة في الاوبشنز لكن بعد ما ركبو 2014 كلمة واحدة "انبهار"
السؤال الرابع عشر
تقييمك للعربية في كلمة واحدة
الوحش
السؤال الأخير
لو عاد الزمن كنت هتشتريها تاني ولا كنت ممكن تفكر شوية
بدون شك وبشكر كل الناس اللي قعدت تفتي في موضوع انخفاض العربية لانهم هما اللي خلوني اصر اني افلي العربية دى من جميع النواحى لغاية متأكدت بنفسي انها افضل من افضل اختيار في السوق دلوقتي

[abofandy]

العربية جميلة بمعنى الكلمة
فضى .... فئة التانية اوتو
الخامات محترمة .التقغيل جميل
انا شوفت معظم الالوان عجبنى الفضى والرمادى واللولوى بس بعد الاستختارة هديت للفضى ولو عاد بيا الوقت هفاضل بين الفضى واللولى بس هختار الفضى لان حاسس انى ميالة اكتر لان بشوف الابيض بيعجز بسرعة

العربية واطية وتحسها ف المطبات الرخمة . بس خلاص ف تعديل نازل ليها
اكبر سرعة 120
لو عاد بيا الزمن هشتريها
اقتنعت ببها اوى بعد ما شوفت الى نزلت ف السعودية والفرق الشاسع بينا وبينهم
كان نفسى تبقى بفتحة سقف

العربية تستاهل فلوسها بس غالية شوية بس دة حال كل العربيات دلوقتى حتى الكورى بقى نار


العربية ع راى اخويا الصغير تحسها عررروسة
ولما سالتة ع الى كانت عندنا قبلها كورولا 2009 خليجى .. قالى عروسة بس مطلقة هههههه

طبعا اختلاف سما من ارض بينها وبين الموديلات السابقة وانا وضحتها ف التقرير الشامل

[dr_waswas]

برونزي افان جارد ؟؟؟ هل هو مختلف عن البرونزي
لو ممكن تصورلنا اللون

[Mohamed.Hany]

برونزي افان جارد ؟؟؟ هل هو مختلف عن البرونزي
لو ممكن تصورلنا اللون

هو اسمه كدة في التوكيل و علي موقع تويوتا و الكتالوج برونزي افان جارد هوهو البرونزى او الرصاصى او الشامبين الغامق او الموكا كلها اسامي الناس بتقولها