مشكلة فى كرولا 2008

[kh@iry]

السلام عليكم

بعد اذنكو انا معايا كرولا 2008 جنوب

كنت جيبها زيرو لكن دلوقتى مع الشغل فى الموقاولات . . كتر خيرها

المهم دلوقتى العربيه مخنوقه جدا جدا جدا وبتنتش ومش مظبوطه وبطل مني

مش عارف حلاها ايه

ومحدش يقولى التوكيل لان وربنا انا كنت موديها التوكيل علشان المساعد كان بايظ غيرتو بعدها بأسبوع حصل كدا

ياريت حد يقولى الحل لان بجد العربيه لا تطاق 27 افضل منها

وياريت اعرف مكان كويس ويكون مش غالى بس علشان تعت ومشكلة ربنا

[saddam]

صديقي المواطن
اﻷعراض اللي عندك بسيطة جدا.وعادية وحتتحل مجرد تغير طقم بوجيهات غالي ونفس كود العربية ويفضل تغير معاها طقم سلوك بوجيهات وكمان تغيرلي فلتر هواء وفلتر بنزين وأهم أهم حاجة تعمل تنظيف رشاشات بجهاز ألترا سونيك أو.تعمل ليها كورس منظفات مع التنك عدد 5 علب على تموينتين بنزين مع فلترين بنزين واحد قبل المنظفات وواحد بعد متخلص كورس التنظيف وفي التموينتين دول تقرصلي عالعربية شوية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[iUsef]

بص يا باشا في مشكلتين ممكن يكونو السبب لو لمبة الموتور نورت يبقي توكل علي الله وروح التوكيل من غير كلام كتيير
لو التهييس ده بيحصل متقطع جرب فضي التنك بتاع البنزين وفول ٩٥ هو غالي شويه بس امان اكتر من المحفزات ولو مكسل خالص حط علبتين لخمس علب زي ماقالك استاذ صدام طبعا مع فحص كل الحاجات المذكوره

ولو الرعشه دي بتحصل علي السلانسيه وانت طالع او لو هديت في زحمه وطالع يبقي الفتيس المشكله ولازم تروح التوكيل برضه لان حرام تغير فيه حاجه بره وهو لسه في الضمان وفي تعديل نزل جديد في شهر ٩ و ببلاش
ملحوظة مهمه ان الموديل ده في منه عربيات بيبقي عايز يغير دفيرة الموتور ومتقلقش هي في الضمان زي الفتيس بالظبط بس لازم تسجل عندك Error وتلاقي العربيه دخلت Save mode والسرعة مش بتزيد عن ٦٠ كم

[kh@iry]

بجد اشكركم

بس في حد قالى ان ممكن تكون بوابه وعاوزه تحط على الجهاز ويعلجها

انتو رئيكو ايه

[iUsef]

ممكن برضه البوابة بس برضه البوابه لازم تنور لمبه الموتور وتلاقي العربيه بترعش وبتبطل فهل ده حصل معاك اشرح لنا اكتر وقولنا العربيه عامله كام كيلو وايه اخبار الصيانات معاك متابع ولا منفض؟؟؟

[kh@iry]

للاسف انا كنت منفض لكن دلوقتى

غيرت بوجهات وفلاتر وزيت وكلو تمام

وهي فلا بتبطل مني وبذات على المشي البطئ

وفى علامة Erro او علامة مثلاث بلون الاصفر بس مش عارف بتاعت ايه

[iUsef]

ال Error ده لازم تروح بيه التوكيل او مركز خدمه عنده كمبيوتر عشان يعرف ايه السبب وممكن فعلا تبقي البوابه جرب نضفها الاول عشان في التوكيل ممكن يقولك عايزه تتغير وهيا غاليه جداً تعمل ٥٥٠٠ تقريباً فلو عايزه تنضيف الحاقها قبل ما تقفش منك

[kh@iry]

ودتها النهرده

لكن هي ال Error دي بتاعت ايه بئا

[iUsef]

Error ده بيطلع في حالة عطل وغالبا بيكون حاجة ليها علاقة بالموتور بس انا كان بيكتب Check Engine عشان كان معايا هاي لاين طب مكتبش عندك اي كود او حاجة تانية؟؟؟

[meron_mero]

روح يا دوب الشركة و اطلب مجرد فحص كمبيوتر و اعرف العطل فين و اسال ع قطعة الغيار لقيتها غالية تروح ع الحرفين ولا ش دمشق و لف و شوف الاسعار ايه و بالتوفيق ياباشا و تطلع حاجة بسيطة باذن الله

[alaamousa]

ليا صديق في التوكيل ممكن تظبط معاه كلمني على الخاص راجل محترم وناااس اتعاملت معاه