طلب نصيحة من خبراء الياريس

[محمد يوسف]

السلام عليكم ياجماعة
أنا عضو جديد وطالب مشورتكم
أنا معايا الياريس فول أوبشن أوتوماتيك 2008 بقالها شهرين..والعربية ناعمة وزى الفل بس كنت عايز أستشيركم فى كام نقطة قالقانى :

1- لاحظت فى الفترة الأخيرة ان العربية فى بعض المطبات -وبالذات فواصل كوبرى أكتوبر- بتعمل صوت رجة أو هبدة بالذات من ناحية العجل اللى وراززياترى ده عادى مع الكل ولا دى مشكلة مساعدين ولا العفشة عايزة تربيط؟
2- برضه لما أمشى فوق الأسفلت الخشن المحبب أسمع صوت جامد زى حكة الكاوتش علما بأن الكاوتش جديد و ضغطه مظبوط على 28
3-لما بازود السرعة باسمع صوت خفيف من الموتور على أى ضغطة بنزين..ده طبيعى؟
4- لما رحت عملت صيانة الألف كيلو فى توكيل العباسية مادونيش أى اثبات بالفحص-صيانة مجانية- مجرد قطعوا ورقة صيانة الألف من كتالوج الضمان..ده صح؟

وشكرا ليكوا مقدما

[محمد يوسف]

ايه ياجماعة؟
ماحدش عايز يساعدنى ولا ايه؟

[omarabosehly]

معرفش ليه محدش رد عليك
لكن انت خوفتنى منها
انا كنت حاشتريها
قلقتنى..........ز

[Yarisawy]

السلام عليكم ياجماعة
أنا عضو جديد وطالب مشورتكم
أنا معايا الياريس فول أوبشن أوتوماتيك 2008 بقالها شهرين..والعربية ناعمة وزى الفل بس كنت عايز أستشيركم فى كام نقطة قالقانى :

1- لاحظت فى الفترة الأخيرة ان العربية فى بعض المطبات -وبالذات فواصل كوبرى أكتوبر- بتعمل صوت رجة أو هبدة بالذات من ناحية العجل اللى وراززياترى ده عادى مع الكل ولا دى مشكلة مساعدين ولا العفشة عايزة تربيط؟
2- برضه لما أمشى فوق الأسفلت الخشن المحبب أسمع صوت جامد زى حكة الكاوتش علما بأن الكاوتش جديد و ضغطه مظبوط على 28
3-لما بازود السرعة باسمع صوت خفيف من الموتور على أى ضغطة بنزين..ده طبيعى؟
4- لما رحت عملت صيانة الألف كيلو فى توكيل العباسية مادونيش أى اثبات بالفحص-صيانة مجانية- مجرد قطعوا ورقة صيانة الألف من كتالوج الضمان..ده صح؟

وشكرا ليكوا مقدما

مبروك اولا مع انها متأخره على العربيه

1- الاول انت فى حاجة حاططها فى الشنطه ؟ شيل اى حاجة وشوف
انت بتقول بالذات فواصل كوبرى اكتوبر ... معنى الكلام ده ان اى فواصل تانيه مفيهاش مشكله .؟؟؟

2-ضغط الهوا 32 مش 28 على الكاوتش كله

3- اكيد لازم تسمع صوت خفيف لما تدوس بنزين :)

4- ايوا ده عادى

[hero]

4- لما رحت عملت صيانة الألف كيلو فى توكيل العباسية مادونيش أى اثبات بالفحص-صيانة مجانية- مجرد قطعوا ورقة صيانة الألف من كتالوج الضمان..ده صح؟

وشكرا ليكوا مقدما

المفروض يكون ختملك في الضمان ايلي بيجي مع العربية علي صيانة الالف...ودة هو الاثبات انك عملت صيانة...وكل صيانة بعد كدة بيختم في ضمان العربية...لانك لو فوت صيانتين او تلاتة الضمان بيسقط....

[دموع الثلج]

بص بالنسبه لموضوع التوكيل
انارحت اعمل صيانه الالف كيلو وناسيه اخد معايا الضمان بتاع العربيه اصلا

لما وصلت هناك طلبوا الضمان طبعا مفيش المهم عملت الصيانه والمهندس قالى لما تيجى تانى هاتى الضمان وفكرينى اختمهولك وبالفعل تانى زياره مكنتش للصيانه ختم لى الضمان لصيانه الالف

وضغط الهواء زى ما قالك ياريساوى على 32 ومحش يقولك 28 كويس عشان درجه الحراره فى مصر والفلسفه دى انت امشى على الكتالوج 32

وصوت الماتور عادى جدا تسمعه اعلى لما تدوس بنزين وكمان الصوت لما يكون الاسفلت خشن تحس العجل بيحك فى الارض مش بيمشى عليها ده عادى

بالنسبه لصوت الرجه فى المطبات كل المطبات لو فعلا مفيش حاجه فى لشنطه يبقى تربيط عفشه
انما لو حسيت ان العربيه مع المطبات وكانها بتتشال وتتهبد مره واحده يبقى مساعدين ومظنش لان العربيه لسا جديده

[محمد يوسف]

مبروك اولا مع انها متأخره على العربيه

1- الاول انت فى حاجة حاططها فى الشنطه ؟ شيل اى حاجة وشوف
انت بتقول بالذات فواصل كوبرى اكتوبر ... معنى الكلام ده ان اى فواصل تانيه مفيهاش مشكله .؟؟؟

2-ضغط الهوا 32 مش 28 على الكاوتش كله

3- اكيد لازم تسمع صوت خفيف لما تدوس بنزين :)

4- ايوا ده عادى

الأخ حسام

تسلم ياباشا

أنا فعلا حاطط طفاية الحريق فى الشنطة...حاشيلها و أجرب
أه فيه فواصل تانية ما باحسش بيها قوى..لكن فواصل أكتوبر بالذات وبعض فواصل مايو
انت متأكد من ضغط الهوا 32 دى؟ أصل المعرض هما اللى قالوالى اظبط الكاوتش على 28 صيف وشتا....ممكن تقوللى مصدرك؟

وألف شكر

[محمد يوسف]

بص بالنسبه لموضوع التوكيل
انارحت اعمل صيانه الالف كيلو وناسيه اخد معايا الضمان بتاع العربيه اصلا

لما وصلت هناك طلبوا الضمان طبعا مفيش المهم عملت الصيانه والمهندس قالى لما تيجى تانى هاتى الضمان وفكرينى اختمهولك وبالفعل تانى زياره مكنتش للصيانه ختم لى الضمان لصيانه الالف

وضغط الهواء زى ما قالك ياريساوى على 32 ومحش يقولك 28 كويس عشان درجه الحراره فى مصر والفلسفه دى انت امشى على الكتالوج 32

وصوت الماتور عادى جدا تسمعه اعلى لما تدوس بنزين وكمان الصوت لما يكون الاسفلت خشن تحس العجل بيحك فى الارض مش بيمشى عليها ده عادى

بالنسبه لصوت الرجه فى المطبات كل المطبات لو فعلا مفيش حاجه فى لشنطه يبقى تربيط عفشه
انما لو حسيت ان العربيه مع المطبات وكانها بتتشال وتتهبد مره واحده يبقى مساعدين ومظنش لان العربيه لسا جديده

العضوة دموع الثلج

شكرا على ردك

أنا كده مش فاهم؟ هما قطعوا ورقة من الضمان..تفتكرى أروح لهم تانى أقول لهم اختموا فى الضمان؟

هل الكتالوج كاتب 32؟ أنا دورت فى الكتالوج مش لاقى ساريت تدلينى

حافضى الشنطة و أشوف

ألف شكر

[Yarisawy]

افتح المانيوال صفحه 274

بالنسبه لورقه الضمان انا حصلى نفس اللى حصل معاك وشايف انها مفيش مشكله
لان اولا صيانه الاف مش صيانه مهمه اوى مجرد بيعمل Check لو الصيانات اللى بعد كده اقولك ماشى
اكيد حضرتك متسجل على الكمبيوتر عندهم انك عملت صيانه الالف
الموضوع مفيهوش قلق اصلا

[دموع الثلج]

متشغلش دماغك بختم الالف مش بيهتموا بيه لانه مجانى وكمان مفيهوش حاجه غير تشيك بس لما تروح تعمل صيانه ال5000 ابقى قولهم يختموا لك بالمره الالف وخلاص الموضوع بسيط ومفيهوش قلق

[محمد يوسف]

افتح المانيوال صفحه 274

بالنسبه لورقه الضمان انا حصلى نفس اللى حصل معاك وشايف انها مفيش مشكله
لان اولا صيانه الاف مش صيانه مهمه اوى مجرد بيعمل Check لو الصيانات اللى بعد كده اقولك ماشى
اكيد حضرتك متسجل على الكمبيوتر عندهم انك عملت صيانه الالف
الموضوع مفيهوش قلق اصلا

أنا فتحت الصفحة فعلا بس هما كاتبين الضغط يكون 220 كيلو باسكال..مش فاهم أحولها ازاى ل 32 الصراحة؟

[Yarisawy]

فى الصفحة الانجليزى هاتلاقيهم كاتبنها 32 , او ممكن تعمل بحث فى جوجل عن التحويل وهاتلاقى مواقع كتير