فتيس تويوتا - كورولا الشكل الجديد Mmt

[ashrafE51]

اتمني من الله عز وجل ان يساعدني في توضيح خطواط استخدام فتيس MMT
فاعتقد ان استخدام الفتيس من قبل عام 2003 لم يحدث عليه اي تطوير او تحديث
فالتكنولوجيا تتطور بصور سريعه جدا .
مرفق صور من كتيب استخدام الفتيس المرفق من شركة تويوتا ( اذا كان الملف غير واضح ممن المكن ان ارسله لكم من الــ Mail ،،،، واتمني ان يشارك الزملاء بالمنتدي في هذا الموضع بمايفيد وليس لصالح اي شيء اخر!
وللحديث بقيه باذان الله مع تطور استخدام الفتيس -
وشكرأ

[ashrafE51]

ما كتب عن الفتيس الجديد

http://www.nilemotors.net/Nile/showthread.php?t=22906&page=2

[Sharky]

و ما كتب عنه فى إنجلترا
http://toyotaownersclub.com/forums/i...howtopic=33317

[ashrafE51]

هل نظام الفتيس المستخدم بالصور المرفقه ((( )))) هو هو نفس الفتيس المستخدم في التويوتا الموجوده باوروبا او استراليا واي موديل ؟؟؟؟
واحب ان اوضح في نقط اساسية لفصل موضوع الفتيس :
1- ماهو مدة استخدام الفتيس في السوق المصري؟
2- هل الفتيس يقوم بعمل مشكله باللخطبه من وضع الــ N الي وضع الــ E او يقوم بالنقل من وضع الــr وضع الــ N ?
3- هل الهجوم علي السيارة بالرغم من انتشارها الان في الشارع المصري الا هو تغطيه علي فشل سيارة اخري ( سمكة القرش ) .
4- سوف اقوم بعمل صيانة الــ 1000 موضوع الفتيس مع الوكيل من خلال تحديد مما اذا كان هناك شكواي ام لا
5- علي فكره انا لسه عامل مناورة علي مطلع كوبر فيصل من بداية الحركة وذلك بسرعة بين عدة سيارات وكانت سهله وناجحة والحمد لله .


ارجو عدم التسرع بالحكم علي اي شي ___

[abo samra]

1- حوالى 9 شهور
2- يحدث تاخر من وضع n الى r احيانا لما تقوم بوقف السياره وفورا تقوم بالرجوع للخلف يجب التانى تقف بالسياره اولا ثم تقوم بعمل r
3-شعب مصر بيسمع اشاعه بيعممها وخلاص وخارج نطاق المنتدى ما شفتش اى حد من ملاكها كره الفتيس وقال هيبعيها السبب فقط الناس لسه مش متعوده على طريقة عمل الفتيس وفاكرينه فتيس اوتو عادى
4- سالت فى التوكيل لا توجد شكوى ولكنها جهل بطريقة عمل الفتيس
5-السياره فى المناوره كويسه قوى لانها عفشتها مش خشنه وتمتص المطبات افضل من السيارات ذات التعليق الرياضى الخشن التى تجعل السياره غير مستقره على الطريق وتقفز باستمرار انا كنت بمشى على 120كم على الدائرى باللانسر اسبورت والعربيه كانت بتقفز باستمرار لدرجة كل شويه اقلل السرعه عن 120 ولكن الكورولا ما شاء الله بجرى براحتى
الكورولا القديمه اللى كان عجبنى بيها ان عفشتها وهميه جدا ومش بتحس بالطريق اطلاقا ولكن عيبها انها خفيفه على الطريق والهواء كان بيخليها (بترقص على الطريق) خصوصا بعد 150 كم
وتقبلوا تحياتى

[Sharky]

هل نظام الفتيس المستخدم بالصور المرفقه ((( )))) هو هو نفس الفتيس المستخدم في التويوتا الموجوده باوروبا او استراليا واي موديل ؟؟؟؟

نعم هو نفس الفتيس MMT
إللى فيه شكوى منه فى إنجلترا فى التويوتا كرولا

[abo samra]

الاستاذ شاركى .................قائد حمله ضد تويوتا كورولا 2008 جنوب افريقى
حبيت بس اسلم عليك

[شاهين - بنز]

على فكرة التويتا لا يمكن مقارنتها بأي شركة يابانية أخرى غير الهوندا

[nobody]

كنت بمشى على 120كم على الدائرى باللانسر اسبورت والعربيه كانت بتقفز باستمرار لدرجة كل شويه اقلل السرعه عن 120 ولكن الكورولا ما شاء الله بجرى براحتى

فعلا عندك حق
انا مش عشان معايا لانسر اعد ادافع و خلاص
بس على فكرة الطرق هي اللي غلط مش العربية

[Sharky]

الاستاذ شاركى .................قائد حمله ضد تويوتا كورولا 2008 جنوب افريقى
حبيت بس اسلم عليك

يا ماندو باشا أنا لا قائد حملة و لا حاجة
هو إللى يوضح معلومة للأعضاء و تكون ضد ماركة معينة يبقى ضد العربية
إحنا فى المنتدى هدفنا نوصل المعلومة صح بدون مجاملات و لا تحيز شخصى لماركة معينة و لو كلامى فيه حاجة غلط ناقشنى فيه

[megane_man]

هو لسه في كلام علي موضوع الفتيس بعد ما تويوتا قالت انها هتغيره في موديلات 2009

[abo samra]

على فكره انا كنت بهزر معاك يا باشا


على فكره تقريبا ما فيش معلومات اكيده عن انهم هيغيروا الفتيس

[Sharky]

و لا يهمك يا ماندو

بالنسبة للمعلومات الأكيدة
انا سألت شركة النصر و دا موزع معتمد من تويوتا و أكد لى الكلام دا
و كان فيه عضو فى المنتدى هنا برضه سأل فى التوكيل و أكدوا المعلومة دى

[ashrafE51]

الحمد لله انا كنت في التوكيل العباسة اليوم لصيانة الــ 1000 وكانت ملاحظة الاتي :
1- التوكيل ماشاء الله كل الموجودين به من بدء من الحارس الي المهندس - منظمين جدا
ولقد تم دخول السيارة بميعاد محدد من التوكيل .
2- قبل ما اذهب الي التوكيل كنت قد لحظت عدة اشياء اولا - الحمد لله العربية الجديد عدد الموجودين في التوكيل كان كثير - ولحظت انه هناك جراج خارج التوكيل به السيارات الجديده ولحظة وجود ما لايقل عند 10 سيارات او اكثر من التوياتا الجديده
3- ولقد قابلت المهندس احمد مشرف الصيانه ولقد كان مهذب جدا - ولقد سرد عليه اسئله كثيرة التي كنت مجهزها من قبل .
هل سوف يتم تغير السيارة وعدم استيراد السيارة بالفتيس الجديد MMt
رد المهندس - لا
ولكن موضوع الفتيس والازعاج الموجود من قبل الناس غريب وانه هناك شكواي كثيرة علي ذلك فقال .
لا يوجد اي شكواي وعلي فكره انا معي نفس العربية - وانا معجب بالفتيس الجديد فهو في الاصل مانيول اتوماتيك - وليس بالعربية اي مشكله - ولقد اعطاني الكارت الخاص به .

والحمد لله العربية حققت انتشار كبير جدا
واحب ان اوضح ان تصميم السيارة الهندسي جميل يسمح للسيارة بالحركة بصورة سهله
وبعد ساعه فقط تم الانتهاء من عمل المراجعه الاساسيه علي السيارة وبكل هدوء اخذت السيارة بعد قامو بتظيفها وخرجت بالسيارة من باب الخلفي للصيانه .
الحمد لله التوكيل محترم جدا
ولقد ذهبت الي الاكسسوار وسالت علي بعض الاشياء الاسعار بها بعض الارتفاع بسيط ولد علمت بانه هناك شي جديد ( كاسيت كامل DVD باالشاشه يتم تركيبه مكان الكاسيت بالكامل
- جنوط السيارة الاربعة بــ 4500
- الحساسات موجودة بالشاه (عدد 4 حساس ) 650 ولابد للكي تركب الحساس ان تشتريه من عندهم لضمان استمرار الضمان
وهناك الكثير -

[ashrafE51]

الفتيس Mmt

هو لسه في كلام علي موضوع الفتيس بعد ما تويوتا قالت انها هتغيره في موديلات 2009

الحمد لله ظهرت تويوتا أفينسي الجديده موديل 2009 - والملاحظ بالصورة انه بالفتيس الجديد بتاع التويوتا MMT - الا الناس قالت انه اتلغي او به عيب واو معتوب وهذا هو اللبنك للموضوع

http://www.nilemotors.net/Nile/showthread.php?t=41249

[IMG]file:///C:/DOCUME%7E1/ASHRAF%7E1/LOCALS%7E1/Temp/moz-screenshot-2.jpg[/IMG]
ودي صورة السيارة بالفتيس الجديد

http://img54.imageshack.us/img54/6297/3rdgenerationtoyotaavenki9.jpg