تشمييع السياره الجديده

[Yousef.Kamel]

بسأل عن ايه معلومات عن تشمييع سيارتى الجديده وهل هذا ضرورى وايه احسن مكان وخامات له

[Hany Saad]

بسأل عن ايه معلومات عن تشمييع سيارتى الجديده وهل هذا ضرورى وايه احسن مكان وخامات له

التشميع ضرورى جدا لانه بيحمى الدهان من الاتربه و المياه و اشعة الشمس الضارة و بيطول عمر الدهان....
التشميع بيتعمل مرتين فى السنة على أقل تقدير
تقدر تعمله بنفسك ومش لازم حد يعملهولك
تغسل العربية غسله كويسه و تنشفها و تشمعها فى الضله
تشترى شمع زى الدهان كده و تجيب ماركة محترمة زى sonax او armor all و تجيب اللى فيه زيت ال carnauba
بتفرشه باسفنجة على جزء من العربية و ليكن باب و تسيبه ينشف ١٠ دقائق و بعدين تشيله بفوطه صوف و هو بيتشال زى البودره
بعد كده تكمل باقى العربية بالمثل جزء جزء يعنى كبوت و بعدين شنطة و هكذا....
بعد ما تخلص هتلاقى العربية زى المرايه و لو ميه جت عليها هتلاقيها بتعمل كور و تنطر من على العربية و كأن العربية waterproof
أنصح جميع الأعضاء بيه للمحافظة على جمال الدهان أطول فترة ممكنة

[Yousef.Kamel]

شكرا جزيﻻ اشترى علبه هاتكفى العربيه وﻻ ايه وفى حدود كام

[Hany Saad]

شكرا جزيﻻ اشترى علبه هاتكفى العربيه وﻻ ايه وفى حدود كام

العلبة هتكفيك كذا مرة و لو من الأصناف الكويسة هتكون فى حدود ٧٥ جنيه

[mahmoud_ali]

شكرا للافاده

[Abdulrahman M]

طيب مفيش أماكن معينه تعمله

[yassermahmmoud]

جزاك الله خير على هذه المعلومة المفيدة

[Hany Saad]

طيب مفيش أماكن معينه تعمله

ممكن بتوع الدوكو تطلب منهم يعملوه...او بتوع ال car care كمان بيعملوه
بس هو فعليا مش محتاج حد يعمله لأنه سهل جدا و مش بتحك الصاج زى البوليش فمش متعب
و بعدين بعد ما بتخلصه بتحس ان العربية بقت زى العروسة و بتفرح بتعبك.....

[my3fox]

فيه كار كير محترم في إسكندرية.... و خصوصا سموحة....علشان عاوز أعمل تشميع للعربية ضروري

[body7733]

معلومه قيمه