جميع الفروق بين تويوتا كورولا 2013 و 2014 بالتفصيل

[Mohamed.Hany]

صديقي المواطن
موضوع أكثر من رائع ومتعوب عليه ومصروف عليه جامد لخدمة زملائك أعضاء المنتدى الكرام فلا تحرمنا من مواضيعك الجديدة
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

صديق الكفاح
شكرا لكلماتك الرقيقة و المحفزة لينا لمشاركة كل جديد
بالتوفيق و الي الامام و دمتم للنضال

موضوع رإئع

استاذ جورج شكرا لكلامك و مبروك مرة تانيه علي الكوروﻻ الجميلة

[Hosam_Optrawy]

مقارنه جميله شكرا لمجهودك

[Mohamed.Hany]

نسيت اضيف ان كورولا ٢٠١٤ تزيد عن ٢٠١٣ :
خاصية trc
اشارات بالمرايات
فتح الشنطة من الريموت
حليات من النيكل كروم
اضاءة في الشماسات الامامية
علاقة او هولدر داخل الشنطة
دراع داخل الشنطة لسهولة الغلق
خاصية hill assist
خاصية follow me home
خاصية اضاءة انوار emergency بعد الفرملر القوية لتنبيه السائق الخلفي
تعديل سرعة المساحات الاوتوماتيكية
تعديل شدة اضاءة التابلوه
التحكم في ارتفاع المصابيح الامامية

٢٠١٣ تزيد :
اماكن امامية للتخزين افضل
الاستهلاك الحالي للبنزين
عتب جانبي من البلاستيك يمكن فكه

ومن عيوبها سوء تثبيت الاكصدام الامامي من الجانبين الملاصق للرفارف و خروجه من مكانه و التوكيل لو ثبته بيفك تاني.

[yassermahmmoud]

في الحقيقة أنت دائماً تحرجنا بموضوعاتك .. والله العظيم إن كلمة شكراً قليلة عليك .. ولا أقول إلا جزاك الله خيراً ولك كل الحب والتقدير ،،،،

[Mohamed.Hany]

مقارنه جميله شكرا لمجهودك

الشكر ليك و لمرورك الكريم

في الحقيقة أنت دائماً تحرجنا بموضوعاتك .. والله العظيم إن كلمة شكراً قليلة عليك .. ولا أقول إلا جزاك الله خيراً ولك كل الحب والتقدير ،،،،

يا باشا العفو ده الشرف لي انك زرت الموضوع

[Yousef.Kamel]

ﻻ ده كتير قوى ايه الجمال ده فعﻻ شكرا جزيﻻ

[medo99_pc]

طيب وخامات التبلوه والاوباب ؟

[Mohamed.Hany]

طيب وخامات التبلوه والاوباب ؟

مسند اليد في كورولا 2014 خاماته و تثبيته اقل في الخامة من 2013 اتحدث عن الهاي لاين في2013 ﻷنه من الشمواه و بعض الاماكن بلاستيك افضل من 2014.
اما التابلوه ف 2014 افضل خامات عن 2013 ﻷنه من مادة تحسها عاملة زى الجلد المعالج الطري يعني لو دست عليه بينضغط اما 2013 فهو بلاستيك قوى ولا ينضغط بس في المجمل جيد.
التارة في الاتنين خامات جيدة جدا و لكن خامات الفتيس و فرامل اليد افضل في 2014.
الابواب جيدين في الاتنين بس حاسس ان باب 2014 اتقل في الفتح و القفل عن 2013 و لكن اماكن التخزين افضل في 2013

[medo99_pc]

طيب انا عندى ساعات بسمع اصوات "طقطقه" فى التابلوه وباب السائق وانا ماشى فى حته مكسره , ده عادى ؟

[Mohamed.Hany]

طيب انا عندى ساعات بسمع اصوات "طقطقه" فى التابلوه وباب السائق وانا ماشى فى حته مكسره , ده عادى ؟

شيل كل حاجة من ادراج التابلوه الامامي يمين و شمال و و مسند اليد و اماكن تخزين الابواب و خصوصا طفاية السجاير و شيل اي مفاتيح او ميداليات من المفتاح و جرب .
لو لسه فيه صوت روح التوكيل ممكن تكون حاجة عاوزة تتربط

[m_kamal]

تسلم ايدك يا باشا على الموضوع الهايل

بس فى الخليجى بقى لازم تظبط المكس :)

لان الموتور و الجير فى 2014 هما بتوع 2013 :(

[Mohamed.Hany]

تسلم ايدك يا باشا على الموضوع الهايل

بس فى الخليجى بقى لازم تظبط المكس :)

لان الموتور و الجير فى 2014 هما بتوع 2013 :(

انا بصراحة معنديش معلومات عن كورولا 2013 خليجي

[ahmzd]

جزاك الله خيرا .. بس هل انخفاض الخلوص الأرضي في 2014 مزعج فعلا مع مطباتنا الجميلة؟!

[Mohamed.Hany]

جزاك الله خيرا .. بس هل انخفاض الخلوص الأرضي في 2014 مزعج فعلا مع مطباتنا الجميلة؟!

بتحك في المطبات الرخمة لما بيكون في 3 في العربية.
انا عن نفسي حكت 4 مرات بس مكنتش باخد المطب بالجنب، و جربت اخده بالجنب محكتش.
انا في انتظار التعديل

[وائل محمد نبيل]

مشكوووووور احب اوى الناس اللى بتشتغل وتفيد الاخرين يبقى ليهم بصمه فى الدنيا مشكوووور تانى