سعر الكورولا هاى لاين

[mashy45]

السلام عليكم
ياجماعة بالله ومن الاخر كدا حد يقوللى سعر الكورولا 2014 الفل اوبشن/ بس افضل سعر ومن اى تاجر اقدر اشتريها بحيث اشتريها بافضل سعر ممكن لانى سمعت ان سعرها بقى عالى قوى زيادة عن اللزوم
ولكم جزيل الشكر

[abofandy]

الفول اوبشن 189
الهاى لاين 215
السعر دى سعر توكيل والانتظار 3 او 4 اشهر

[ahmad_82_03]

هوه منين الأسعار دى ؟؟ مش المفروض يبلغوا الناس اللى حاجزة ان فى تحريك فى السعر ؟؟

[abofandy]

الناس الى حاجزة اعتقد خلاص هستلموا بالسعر القديم
وممكن تتصل تتاكد برضة بمندوب المبيعات الى انت متعاقد معاه

[ahmad_82_03]

مندوب المبيعات كل اللى يعرفه ان سعر الدولار اتحرك فى البنك المركزى وده هيأثر على تمن العربية عند التسليم النهائى عشان الفلوس اللى هتدفع زيادة عتد الأفراج الجمركى ..بصراحة كلامه مش مقنع بالنسبالى

[Yousef.Kamel]

احنا فى مصر

[abofandy]

لو حضرتك ركبت الوش الخشب .. وزعقت وصوتك على عليهم
انك حاجز بقالك فترة ع السعر القديم .. وان دة مينفعش تحجز ع سعر وتستلم ع سعر .. ممكن الدفه تمشى زى ما انت عايز .. بس الكلام دة لو حاجز من فترة بعيدة شوية

[ahmad_82_03]

عديت 3 شهور وكانوا قايلينلى الاستلام من شهرين ونص لتلاتة

[abofandy]

يبقى ادخل على مدير الفرع او مدير المعرض وزعق وقول انا عايز المدير المسول اكلمة
وتقوله وتشرحله انك حاجز بقالك 3 اشهر وفيها ناس استلموا عربياتهم بنفس السعر المتفق عليه
اشمعن انا استلم العربية بزيادة مع العلم انا حاجز العربية في نفس ميعادهم ويمكن قبل ناس كمان من الى استلمت بس المشكلة كانت عندى ان اللون مكنش جه او تنظيش او واسايط الله اعلم وكل دة وانا ساكت واقول مش مشكلة ما انا كدة كدة ليا عربية هستلمها .. انما تيجى بقى دلوقتى بعد كل العطلة دى تقولى العربية زادت وادفع فوق الفلوس كمان دة بقى مينفعش وحرام

هتلاقى الدنيا اتقلبت من حواليهم وهيهدوكوا ومش بعيد يبعت يجبلك العربية زى ما حصل ما زمينلنا العزيز احمد خليفة في فرع العباسية

دة راى والله اعلى واعلم

[ahmad_82_03]

هههههه والله كلام كويس .. طب متيجى معايا

[abofandy]

ياريت يا صاحبى والله
انا من المنصورة في المسافة بعيدة شوية عليا
بس والله لو ربنا قدرلى وفضيت اجى معاك مفيش مشاكل عندى
بس متقلقش خير والله ان شاء الله

[ahmad_82_03]

ياباشا كفاية ذوقك واهتمامك .. جعلك الله ذخرا لعاشقى الكورولا :))

[abofandy]

ربنا يخليك يا حبيبى ويكرمك يارب