استفسار بخصوص الكورولا 2014

[برنس الليالي]

السلام عليكم .. لو سمحتم انا عندي سؤال موجه لملاك الكورولا 2014 لإني ناوي اشتري بإذن الله

اول حاجة بعد إذنكم عايز اعرف ايه نظام العزل والوسع مقارنة بالفلوينس فيس ليفت يعني اقل ولا افضل ولا بمستوى بعض ؟

وبالنسبة لكرسي السائق هل فيه اي نوع من النشوفية زي الالنترا والكروز والاسترا ولا مريح ؟

بالنسبة لإستهلاك البنزين ياريت اعرف المعدل المتوسط يعني كام لتر لكل 100 كيلو وهل بتمشي مع البنزين 92 طبيعي ولا في اي تأثير ؟

وفي حاجة كمان ايه نظام التسارع كويس ولا ايه ؟ وشكرا

[Mohamed.Hany]

السلام عليكم .. لو سمحتم انا عندي سؤال موجه لملاك الكورولا 2014 لإني ناوي اشتري بإذن الله
انا لى صديق معاه الفلوانس، و هقارنلك بموضوعية،و هذا بناء اني ركبت معاه 3 مرات في سفر
اول حاجة بعد إذنكم عايز اعرف ايه نظام العزل والوسع مقارنة بالفلوينس فيس ليفت يعني اقل ولا افضل ولا بمستوى بعض ؟
العزل جيد جدا 8/10 للاتنين ، الوسع الداخلي 9/10 الاتنين ممتازين بجد متقاربين جدا
وبالنسبة لكرسي السائق هل فيه اي نوع من النشوفية زي الالنترا والكروز والاسترا ولا مريح ؟
هي دى بتفرق من شخص لشخص، انا بالنسبة لي مريح، لكن العفشة ماسكة نفسها مش زي العربيات اللي بتاخد و تدي معاك و تحسسك انك في الملاهي، وطبعا ده مدي ثبات جامد جدا
بالنسبة لإستهلاك البنزين ياريت اعرف المعدل المتوسط يعني كام لتر لكل 100 كيلو وهل بتمشي مع البنزين 92 طبيعي ولا في اي تأثير ؟
92 عادى جدا ، الاستهلام حسب مشيك انت انا مثلا 9 لتر لكل 100 كم بس معظمهم جوة البلد ، استاذ باسم مثلا 8 او 8.5 لتر مع الاخد في الاعتبار اننا كلنا لسة بنليين، بس عموما الكوروﻻ موفرة للبنزين و انا لما بفول التنك 55 لتر بيمشيني 490 كم بدون الاحتياطي ال5 لتر
وفي حاجة كمان ايه نظام التسارع كويس ولا ايه ؟
التسارع رهيييب، انا جبت من 0 ال 100 في 9.5 ثانية ببنزين 92 و كنت محمل في الشنطة، و فيه موضوع انا عامله اسمة تسارع كورولتي 2014 مصور فيديو بنفسي للعدادات و انا بجيب من 0 الي 100 وده بفضل الفتيس ال cvt و السبورت موود وشكرا

[abofandy]

مسبتلناش حاجة نتكلم فيها يا بش مهندس
تسلم على الرد
نصيحة لو واقع ف الحيرة بينهم هات الكورولا ومش هتندم انا كنت زمان ف نفس الحيرةدى
ودة راى انا الشخصى

[برنس الليالي]

طيب هوو الزجاج الخلفي معتم ولا عادي ؟

وايه يا شباب موضوع الصوت الخشن بتاع الفرامل اللي الاستاذ كان بيشتكي منه والتزييق اللي في التبلوه ؟

هي العربية فيها مشاكل وهي زيرو ؟ طيب بإذن الله مع مرور الوقت حتعمل معانا ايه ؟ هو الكل يا شباب عنده المشكلة دي ولا ايه ؟

اصل الواحد مصدق يقتنع بعربية وفي الآخر يسمع كلام مش تمام :(

[abofandy]

الزجاج عادى ف الكورولا
معتم فقط ف تويوتا اوريس

مشكلة التزييق دة مش كله بيشتكى منها
العربية لما بتتركن كتير خصوصا الى بتتقفل ف تركيا وكمان بدون اسبستوس ممكن تزيق والمشكلة بتروح مع تغيير التيل ودى مش مشكلة عامه خالص

[bassem.naguib]

يوم السبت الماضي .. البلد كانت خنقة مش زحمة .. ومتوسط استهلاك البنزين على كمبيوتر العربية كان 9.2 لتر / 100كم (في الوضع الاقتصادي) .. بس ده مش مقياس خاااااااالص لأسباب كتيرة .. أولهم معظم العربيات معتدش الألف الأولى .. وأحسن أداء لاستهلاك البنزين بيكون بعد الألف الأولى .. وبيزيد التحسن حتى 5000كم .. وثانيهم القياس الحقيقي بيكون بالطريقة المعتادة بقسمة عدد الكيلوات المقطوعة على عدد اللترات المفولة .. وأخيراً أسلوب القيادة وظروف الطريق بتفرق من واحد للتاني .

بقية الإجابات زي ما قال أ/ محمد هاني ، والعربية في المجمل والحمد لله جميلة .

[moha4tec]

يا جماعة العربية تحفة... بجد بجد بجد انا ماشفتش فخامة فى الركوب كده... اللى ماركبش تويوتا كورولا 2014 من الاخر ماركبش عربيات .

[abofandy]

دة شهادة بنعتز بيها كل ملاك الكورولت 2014 من راجل محترم منسق منتدى كيا بذات نفسيتة
نورتنا يا صدقينا العزيز فى منتجع تويوتا عاما والكورولا خاصة

[برنس الليالي]

يا جماعة العربية تحفة... بجد بجد بجد انا ماشفتش فخامة فى الركوب كده... اللى ماركبش تويوتا كورولا 2014 من الاخر ماركبش عربيات .

كلامك دا بيوحي مدى حبك للكورولا