..:: يوم الجمعة والمفاجات مع الكورولا 2014 ::..

[abofandy]

بسم الله الرحمن الرحيم

كل عام وانتم بخير
ويارب سنة سعيدة على الجميع
والف مبروك لكل الى استلم والى لسة هيستلم مبروك مقدما
الوحش اليابانى

(( الكورولا 2014 ))



زى ما انا موعدكم معايا مع مفاجات يوم الجمعة مع كرولتى الجميلة

ودايما تسيبنى اعصابى بس يلة خير الحمد لله على اى حال


نبدا حكايتنا اليوم


النهاردة الجمعة ودى العطلة الى عندى فبقضية مع كرولتى الجميلة
اليوم يبدا بغسله جميلة وترويقة عليها ولكن الجمعة دى تختلف عن سابقتها
وقررت انى انا الى اغسلها واظبطها وكمان بينى وبينكم علشان انا كنت عامل لكرولتى مفاجاه
واصبح وامسى عليها بردة انا طول الاسبوع مشغول عنها فلازم يجى اليوم الى اخد بالى منها
(( ويارتنى ما خدت بالى ههههه ))


بدات فى غسيل السياره والتلميع وبدات تبرق كدة وانا بخاف منها لما بتبقى بتلمع

وبدات اطلعلها المفاجاه بتاعتها وهى اكسسوار كنت دايما بجيبه لكرورلتى السابقة 2009
ودة عبارة عن علامه شارك او طياره زى ما بيقولوا عليه فى محل الاكسسوار بيركب على سقف السيارة
بيدى شكل جميل للعربية ودى بينزل مع عربيات البى ام وبيرسم العربية
المهم انا جيبته وبيجى طبع فيلر اسود عادى بدون لون فباخدة لواحد بتاع بوهية ويرشه لون العربية
بس السنة دى ملقتش الى انا عايزة فى الحجم فدوخت لما جيبته وتم رشة وبدات تركيبه

المهم انا عارف انها حاجة هايفة بس على قد انها بسيطة بس حاجة بتفرحنى انا شخصيا لما اشوف السياره
بيها وانا من ببقى حالتى المزاجية حلو اوى لما بشوف العربية كويسة .. واذا باحد الزملاء معدى بسيارته وهى كورولا 2014 وكان مستلم تقريبا معاى وقف وقالى اية دة االعربية شكلها حلو اوى بالعلامة دى وطبعا
انا عارف ان صاحبنا العزيز عينة ماشاء الله تفلق الحجر لانه سره باتع معايا فى ذكريات كتير قبل كدة مع
سيارات تانية فرديت عليه قول ماشاء الله وانا ياعم هدية منى اجيبلك واحد وارشه رمادى لون العربية بتاعتك واركبهولك كمان بس قول ماشاء الله
قالى ياعم متقلقش اوى كدة انا بقول علامة الشارك دى مع الاريال الى فى جنبك راسمين العربية
فقولت فى عقل بالى دة انت داخل على طمع بقى شارك واريل قولته من عنية والمهم خلاص مشى

اجى يا سادة يا كرام على مطب رخم شوية وعارف ان العربية بتحك فية عديت المطب براحة والعربية عدت بسلام وامان الاقى عربية جنبى محملة خشب وفية حتة خشبة بارزة منها تحك الرفرف والاكصدام من ناحية اليمين فى منطقة التقاء الرفرف بالاكصدام ويبان حتة سمراء من لون الاكصدام يعنى البوية وقعت من علية
منظر يخليك تعيط وتقولى بركاتك يا دكتورنا العزيز يا الى عينك متحسدش

انا رفعتلكم صورة للسيارة بعد الغسيل وتركيب الاريل وعلامة الشارك بس قلبى مطوعنيش ارفع ليك صورة تجريح
البوية لان قلبى وجعنى من ساعه الموقف دة وبصراحة انا فى حيرة من امرييين ومحتاج مشورة منكم

* - فى تجريح ممكن يروح بالكمبوند والتلميع ودة فى الصاج بتاع الرفرف

* - وفى جزء سقطت منه البويه من على الاكصدام فى خط التقاء الرفرف بالاكصدام على اليمين



الامريين بقى الى عايز منكم نجمع الاراء والنصيحة "



1 - انا ممكن اعمل كموبند وتليمع على الجروح الى ممكن تروح والجزء الى سقط من البوية من الاكصدام دة ممكن احط علية حتة فسفور لون السيارة بحيث العربية متخدش بوهيه دلوقتى خصوصا انها لسة 400 كيلو بس واسيبها تغزى العين و خلاص


2 - لا اتوكل على الله وقلم بوهيا وترجع العربية زى الاول خصوصا انهم يدوب نقطتين الى سقطت منهم البوهيه تقريا 3سم ف 3سم واحدة والتانية 2*2 سم وخلاص




ودى الصورة قبل العين والحسد ..


وربنا يبعد عنكم يارب عربياتكم من العين والحسد ويبعدكم عن اصحاب العيون الجميلة

[A.Adel]

دي لو مراتك مش هتزعل عليها كده :)

زعلتلك والله عشان الموضوع مضايقك قوي كده
بس لازم تجهز نفسك عشان احنا في مصر وهتاخد من ده كتير

ده أنا على كده عربيتي ترفع عليَّ قضية خلع LOL
مع إني مش مهمل يعني

[abofandy]

ههههههههههههههههه
حبيبى تسلملى روحك الجميلة دى
الدلع حلو برضة ياابو عادل مش بيقولك كله بالحنية بيفك وانا عايزها تفك معايا كدة مش تدينى وشها الخشب ههههه

[kar!m]

ما شاء الله .. اللهم بارك
الايريال ده بيعمل حاجه .. ولا حليه بس؟

[J A G U A R]

الحمد لله انها جات لحد كده وسيب الحكه دى شويه علشان العين وربنا يباركلك فيها

[abofandy]

حلية فقط لا غير

[abofandy]

الحمد لله انها جات لحد كده وسيب الحكه دى شويه علشان العين وربنا يباركلك فيها

اللهم امين يارب
ويبارك في حضرتك
هسيبها شوية ان شاء الله علشان العين

فية حاجة غريبة اوى دايما بلاحظها اى بلد غير المنصورة بتشوف ان حتى لو العربية اخدت بوهيا كلها من بره عادى الا المنصورة او التجار في المنصورة والدقهلية بيحسسنى ان العربية لو خدت بوهيا من بره كانها فقدت عذريتها ههههه شى غريب بس يلة كلها اراء

[amgomaa]

اوعى صاحبك يقرا الموضوع وانا عندى واحد زيه بالظبط اول مبشوفه اول u turn و بهرب بسرعه حتى لو هتاخرنى ساعه والحمد لله بسيطه هى كده مهما عملت لازم تاخد اول عين عن تجربه وربك هو الحافظ وخلى بالك الاريال اللى فى الازاز اللى ورا ده ممكن واحد ذكى فى كمين يقولك جاسوس امسكوه

[abofandy]

والله بجد معاك حق
الاصحاب الى بالشكل دة ناس فظيعة بمعنى الكلمة حاجة مفيش كدة سرهم باتع بصراحة
وبخصوص الاريل
جاسسسسسسسسوس
يا خبر ابيض دة اريل ملوش سلك ولا له اى بتنجان دة سوسته ماسكه في الازاز ودة عيره
غير كدة دة بينزل في الفانتازيا انا شوفته في عربية فانتازيا كتير

[Mohamed.Hany]

احمد ربنا ،
انا ابويا لسا مخبوطة منه العربية كوروﻻ 2011 علي كوبري عباس توكتوك قرر فجأة في نص الكوبرى يكسر من اقصي اليمين ﻷقصي الشمال و اتفاجئ ان مفيش فتحة يطلع منها فوقف قدامه فراح ابويا مفرمل جامد لكن اللي وراه لبس فيه بكل قوته و الحمد لله. و ادي الصور :

http://nileup.com/up/uploads/nilemotors_13899825391.jpg

http://nileup.com/up/uploads/nilemotors_13899825392.jpg

[amgomaa]

والله بجد معاك حق
الاصحاب الى بالشكل دة ناس فظيعة بمعنى الكلمة حاجة مفيش كدة سرهم باتع بصراحة
وبخصوص الاريل
جاسسسسسسسسوس
يا خبر ابيض دة اريل ملوش سلك ولا له اى بتنجان دة سوسته ماسكه في الازاز ودة عيره
غير كدة دة بينزل في الفانتازيا انا شوفته في عربية فانتازيا كتير

ما انا فاهم كويس انه ولا ليه اى لازمه غير شكل فقط بس انا ملاحظ ان معدل الذكاء زاد الايام دى و ربنا يستر

[amgomaa]

احمد ربنا ،
انا ابويا لسا مخبوطة منه العربية كوروﻻ 2011 علي كوبري عباس توكتوك قرر فجأة في نص الكوبرى يكسر من اقصي اليمين ﻷقصي الشمال و اتفاجئ ان مفيش فتحة يطلع منها فوقف قدامه فراح ابويا مفرمل جامد لكن اللي وراه لبس فيه بكل قوته و الحمد لله. و ادي الصور :

http://nileup.com/up/uploads/nilemotors_13899825391.jpg

http://nileup.com/up/uploads/nilemotors_13899825392.jpg

بسيطه ان شاء الله متهيالى اعمله عند اى واحد بتاع فيبر مؤقتا لغاية ما يجيب اخره وبعد كده اشتريه جديد متهيالى بالرش يعمل فى حدود 1100

[bassem.naguib]

سبها تاخد العين .. لا كمبوند ولا قلم بوية .. أنا برضه تاني يوم العربية ما جت حكه بسيطة في الباب الخلفي شمال من واحد غبي .. بسبب واحد أول ما شافها من قبل ما تعلق نمر .. الناس تقول ما شاء الله لا حول ولا قوة إلا بالله .. ده بقى لا .. قالي بحس جهوري مبروك العروسة يا عم .

زعلت طبعاً شوية .. بس قلت ما باليد حيلة وقدر الله وما شاء فعل .. وكدة كدة كان حيحصل في مصر مهما حاولت .. فوقوع البلاء أحسن من انتظاره .

[abofandy]

ياساتر يارب
الحمد لله انها جت ع قد كدة والحمد لله ان الحاج بخير ومجرلوش حاجة
الى يجى ف الصاج بقشيش

[abofandy]

ياساتر يارب
الحمد لله انها جت ع قد كدة والحمد لله ان الحاج بخير ومجرلوش حاجة
الى يجى ف الصاج بقشيش