هو ماحدش جاب الياريس 2014 ولا أيه ؟

[Mohamed.Hany]

عربيه منظرها سيىء جدآ موديل جديد وقديم وسعرها لما اجيب بيه النترا ولا سيراتو ولا اربى ولا ريو حتى لو اول فئه انظف لى من الحكى الفاضى دة . التويوتا مش هاتمشى فى مصر باسعارها دة . حتى الكرولا رايحه فى اسعار عربيات السيراتو والنترا الهاى لاين افضل منها . بصى مش هاتمشى

السيراتو والالنترا الهاي لاين افضل من الكوروﻻ !!! اكيد حضرتك بتتكلم علي كوروﻻ الفاضية اللي في الخليج او ان حضرتك مشفتهاش او مقارنتش مبينهم.
اسمحلي لا يجب وضع الالنترا و السيراتو الهاي لاين في المقارنة مع كوروﻻ 2014 نهائيا.
انا احترم وجهة نظر حضرتك بس حابب اعرف هما افضل من كوروﻻ 2014 في ايه؟

[raedegypt]

بص انا ركبت الكرولا الكامله هى هنا 2000 سى سى عاديه جدآ وركبت السيراتو والالنترا بصراحه الالنترا والسيراتو افخم واوسع واوبشن وشكل من برة وصالون افضل من الكرولا . الكرولا ضيقه من الداخل . شوف اركب بنفسك الكرولا والنترا وقارن انا بتكلم على مو 2014 او سيراتو فرق شاسع . الكرولا واخده هيصه العلامه فى البيع ولكن المشترى لازم بنفسه يركب ويقارن وسيبك من الحكى حتى يكون هناك عدل

[islam.afifi]

١١١١+
معاك حق متستهيلش ١٤٠ الف جنية ... العربيات الصيني هيا الي تستاهل ١٢٠ الف جنية !!

اعتقد لما عربية نفس المواصفات القديمة و الماتور الضعيف , متأكد انها ما تستاهلش السعر ده
و المسئول عن التسويق في تويوتا محتاج ينزل السوق المصري و يعرف اكتر عنه
لو خفض سعرها , هياكل السوق كله خصوصاً ان العربية مش متقفله في اليابان
و فاضية تماماً
يبقى لو هتقارن ال 140,000 بمثيلاتها 1300 cc يبقى الكوري يكسب بجدارة
الكوري ناجح في مصر و لسه سوقه كويس و سعره مناسب
بينزلوا فئات كتير و انت اختار
انا كان معايا الياريس القديمة و هتجه للكوري
تحياتي

[M.atef82]

بص انا ركبت الكرولا الكامله هى هنا 2000 سى سى عاديه جدآ وركبت السيراتو والالنترا بصراحه الالنترا والسيراتو افخم واوسع واوبشن وشكل من برة وصالون افضل من الكرولا . الكرولا ضيقه من الداخل . شوف اركب بنفسك الكرولا والنترا وقارن انا بتكلم على مو 2014 او سيراتو فرق شاسع . الكرولا واخده هيصه العلامه فى البيع ولكن المشترى لازم بنفسه يركب ويقارن وسيبك من الحكى حتى يكون هناك عدل

باشا مع كامل احترامى لرأيك بس اللى انت بتقوله ده غير صحيح بالمرة. لأن أنا معايا الكورولا 2014 و أخويا معاه السيراتو 2014 وركبت السيراتو كتير جدا وقارنت مابينهم كتير لدرجة انى قعدت اسوق فيهم ورا بعض وانزل من واحدة اركب التانية وراها على طول وانزل منها اقوم راكب التانية و ماشى بيها شوية وهكذا عشان الاحظ اقل فرق مابينهم واقدر اقولك ان مافيش وجه مقارنة مابينهم لا فى العفشة ولا الفرامل ولا قعدة كرسى السواق ولا السماعات الداخلية ولا اى حاجة .التويوتا تتفوق بمراحل. مع العلم ان السيراتو افضل من الالنترا فى حاجات كتير.
وبرده أنا ركبت الالنترا من جوه هيه مش أوسع من الكورولا خالص وفى الثبات مفيش وجه مقارنة وتابلوه الكورولا أشيك بمراحل.

-أنا ممكن أركب بيز لاين كورولا ومركبش هاى لاين سيراتو أو الينترا
باشا مينفعش تقارن كورى بيابانى مهما حصل ومهما الكوريين اتشقلبو على نفسهم مش هيعرفو يوصلو لنص اليابانى

-أنا ركبت عربيات المانى ومن غير مبالغة والله أقدر اقولك ان الكورولا 2014 تضاهى العربيات الالمانى فى حاجات كتير زى الستيرنج سيستم وعوامل الأمان والفرامل والثبات والراحة فى الجلوس أثناء القيادة و هى أفضل من موديلات قديمة فى الالمانى كتير

[S O P H O S]

يا جماعة هي غالية فعلا
ولكن مقارنة بأيه ؟

[amgomaa]

يا جماعة هي غالية فعلا
ولكن مقارنة بأيه ؟

فى راى مقارنة بالسيتى السيتى تكسب

Sent from my GT-S5282 using Forum Runner

[body7733]

عربيه حلوة وشبابيه

[bassem_foda]

معايه يارس سيدان 2014 اوتوماتيك استلمتها يوم الاربعاء الماضى
علما ان قبلها كان معى نيسان صنى 2001 مانوال
ذهبت للتوكيل للاتى السياره فيها تنتيشه انما فى السرعات السياره بتسحب
فى بدايه الدوسه السيارة مش مضبوطه
وبالبحث على النت هذه المشكله ظهرت فى نفس الموديل فى السعوديه
بالاضافه الى فرامل اليد حوالى 12 تكه ده كتير
طلبوا منى الانتظار لصيانه 1000

[Optiplex]

العربيه دي عاجباني مع إنها للأسف مابقتش بتنزل ياباني خلاص لكن برضه عجباني .. لكن الغريبه إني مش لاقي ليها أي تقارير ع النت كأن ماحدش إشتراها .. ياريت اللي عنده عنها معلومات يفيدنا أفادكم الله .

نظرا لاسعار الياريس الغالية و الى على سببها الناس بعدت عن الياريس و خلت الموديلات الثانية تاكل عيش تويوتا بتخلص من ال1300 و هاتنزل 1500 برجاء عدم شراء الياريس فى الوقت الحالى لان التوكيل حس بالغلطة

[ashawkyh]

نظرا لاسعار الياريس الغالية و الى على سببها الناس بعدت عن الياريس و خلت الموديلات الثانية تاكل عيش تويوتا بتخلص من ال1300 و هاتنزل 1500 برجاء عدم شراء الياريس فى الوقت الحالى لان التوكيل حس بالغلطة

طب هل الأسعار هتفضل زى ما هيا و لا هتزيد ؟

[S O P H O S]

فى راى مقارنة بالسيتى السيتى تكسب

sent from my gt-s5282 using forum runner

وانا بصراحة متفق معاك ان السيتي افضل وبكتير

[bassemali]

طب هل الأسعار هتفضل زى ما هيا و لا هتزيد ؟

أعتقد ان السعر لو زاد مش هيزيد اكتر من 5000 جنيه وده فرق بسيط لو العربيه هتنزل فعلا 1500

[محمد سماحة]

بص يا باشا
عاوز تجرب العزم بتاع العربيه خدها في مطلع و اقف بيها و سيبها تطلع لوحدها بدن أن تدوس بنزين هيبان العزم بتعها
و بالنسبه للتيوتا فهي غاليه جداً على إمكانيتها 140000 جـ و الله أنا بندم كل يوم أني أشتريتها

هوا العربية هتطلع المطلع ازاى من غير ما تدوس بنزبن ؟؟؟لو انت قصدك ان الصلانصية يطلعها من غير ما تدوس فده مالوش علاقة بالعزم بتاعها ...انت ممكن تروح لأى ميكانيكى يزودلك الصلانصية و العربية هتطلع من غير ما تدوس بنزين

عاوز تجرب العزم بجد ممكن على مطلع جراج زى سيتي ستارز مثلا و العربية راكب فيها 5 افراد شوف هتعمل ايه معاك


انا معايا الاوتوماتيك و مافيشش شكوى من العزم حتى لو التكييف شغال ...بس ده ميمنعش ان انت ممكن يكون عندك عيب صناعة

[bassem_foda]

الحمد لله اشتريت تويوتا يارس 2014
بس ملاحظ ان فىه بطئ فى استجابة دواسة البنزين فى السرعات الخفيفه اثناء بدأ تحريك السيارة
ولو دوست على الدواسه بقوة السيارة بتندفع وممكن يعمل مشكله وخصوصا فى الاماكن المزدحمه
مع العلم ان دواسة البنزين كهرباء
التوكيل طلب الانتظار لفحص 1000 كيلو بس انا بتحرك بالسياره بصعوبه فى الاماكن المزدحمه

اريد النصيحه

[محمد سماحة]

الحمد لله اشتريت تويوتا يارس 2014
بس ملاحظ ان فىه بطئ فى استجابة دواسة البنزين فى السرعات الخفيفه اثناء بدأ تحريك السيارة
ولو دوست على الدواسه بقوة السيارة بتندفع وممكن يعمل مشكله وخصوصا فى الاماكن المزدحمه
مع العلم ان دواسة البنزين كهرباء
التوكيل طلب الانتظار لفحص 1000 كيلو بس انا بتحرك بالسياره بصعوبه فى الاماكن المزدحمه

اريد النصيحه

المشكلة دى كانت عندي فى الاول و مع الوقت قلت و العربية ادائها بيتحسن مع الوقت عموما انا رايح اعمل صيانة ال 5000 يوم السبت و ساعتها ممكن اقييم العربية كويس بعد ما اغير الزيت