مراية تويوتا ياريس 2014 سيدان 2505 جنيه

[محمد سماحة]

مراية العربية اتخبطت جامد فى عمود فبر اتكسر بس المراية كلها سليمة طبعا العمود ده ممكن يتلحم عادي بس قلت اسأل عن المراية فى التوكيل طلعت بتتباع كلها على بعض ب 2505 جنيه
هى الاسعار دى كده فى الكورولا برضو ولا انا لبست :)

[bassem.naguib]

أي حاجة في بدايتها بتبقى أسعار قطع الغيار غالية .. ومع الانتشار الاسعار بتقل سواء داخل التوكيل أو خارج التوكيل .

[ramyraby]

يااااااااااااااااااالاهوي غالية فعلا ربنا يسترها معاك ومعانا

[J A G U A R]

الاسعار دى عامله كده ليه .............

[Yousef.Kamel]

علشان جديده بكره ترخص

[2CODE]

هي الاسعار كده لا تندهش ولا توهم نفسك بأنخفاضها اللي بيعلي مش بينزل وخصوصاً في مصر

[mahmoud_afifi]

حاول تشوف الجزء اللي اتكسر على النت وتغيره من غير ما تلجأ للتوكيل.
حرام تغير المرايه كلها علشان خبطه بسيطه . والسعر كبير جدا على عربية في الفئه دي !
ربنا يعوض عليك :)

[speed_magnum]

على كدا مراية الاوبل كورسا رخيصه بالنسبالها
انا سالت عليها في التوكيل ب 1800

[S O P H O S]

ايه السعر ده !!!

[sonybony]

عمااااار يا مصر الاسعار رخيصه موت يا بلاش ده الواحد يجيب مرايتين ويشيلهم :(

[Y a r i s]

زمان. لمن سئلت عن مراية اليارس وقالولي ٥٠٠ جنية
الناس قالت يالهوووووووي. لييييييييه مارشيدس !!! ههههه. قلتلهم لا. يارس مش مارسيدس :)

كان ساعتها الناس واخدة على قطع غيار انها بعشرة جنية وعشرين جنية .... جدير بالذكر ان سعر باب اليارس ب ٣٠٠٠ جنية الشكل القديم. الشكل الجديد اكيد اغلى .... بس ايه روووح بقه ياحلو اسئل عن باب الالينترا الكوري الجديد في التوكيل عامل كام وانتا تطلم بجددد .
الاسعار مغليتش ولا حاجة بس. قوة الجنية امام الدولار وارتفاع سعر الين. ... والعامل الياباني ابن الذينة. كل شوية يعمل اعتصام ويطلب. زيادة في الاجور وحد ادنى واقصى. ده غير العلاوات ... كل ده هو خلى سعر المرايا بتاع اليارس يوصل لكدة .

ربنا يهدي اليابانين. يارب.