فصل صوت صفارة الحزام و السرعة فى التوكيل

[mamado56]

كنت عايز افصل صوت التنبيه اللى بعد ال 120 ....ده ممكن اعملو انا ولا فى التوكيل احسن (corolla2002) ,, ان شاء الله ال 2014 عايز افصل صوت التنبيه و صوت الحزام .

المشكلة ان فى شخص قلى ان فى التوكيل هيرفضو يفصلوه عشان الامان ده صحيح ؟؟

[matrixo07]

صفارة ال 120 الحل اللى اعرفه انه ممكن
1- بتلغى واير السرعة يعنى ميبقاش فيه مؤشر
2- بتشيل فيوز معين تقريبا او بتلعب فى الدفيرة لغاية م توصل سلك السماعة بتاعت الصفارة ( ديه مش فاكرها الصراحه اوى ^^ )

و #التوكيلات عمرها ما هترضى تعملك كلام ذى ده و والله اعلم برضوا :)

[Mohamed.Hany]

كنت عايز افصل صوت التنبيه اللى بعد ال 120 ....ده ممكن اعملو انا ولا فى التوكيل احسن (corolla2002) ,, ان شاء الله ال 2014 عايز افصل صوت التنبيه و صوت الحزام .

المشكلة ان فى شخص قلى ان فى التوكيل هيرفضو يفصلوه عشان الامان ده صحيح ؟؟

حضرتك ممكن تعملها بنفسك ، بتشيل الفيوز المسؤول عن الصوت ده بس خد بالك هيلغيلك الصوت ده لو بيرن لما تفتح الباب او لو مشيت و ناسي الهاند بريك او لما بتشيل المفتاح و انت ناسيى الانوار والعة.
بالنسبة لكوروﻻ 2014 مفيهاش صوت تنبيه بعد ال 120 ، لكن صوت الحزام رخم جدا و مش بيسكت و صوته بيعلي كمان وده حله بسيط هتنزل تحت الكرسي و هتلاقي سوكيت لونه ابيض هتفكه و انتهي الموضوع، بس خد بالك برضو لو لا قدر الله عملت حادثة و الايرباج فتح و انت مش رابط الحزام هتتبهدل و مككن يحصلك كسور جامد و كمان في عربيات لما بتشيل السوكيت ده في الكرسي اللي جنب السواق بيعتبر ان مفيش حد راكب فيه فمش بيفتح الايرباج ده و بيفتح بتاع السواق فقط ، لذا لزم التنبيه.

[bassem.naguib]

حضرتك ممكن تعملها بنفسك ، بتشيل الفيوز المسؤول عن الصوت ده بس خد بالك هيلغيلك الصوت ده لو بيرن لما تفتح الباب او لو مشيت و ناسي الهاند بريك او لما بتشيل المفتاح و انت ناسيى الانوار والعة.
بالنسبة لكوروﻻ 2014 مفيهاش صوت تنبيه بعد ال 120 ، لكن صوت الحزام رخم جدا و مش بيسكت و صوته بيعلي كمان وده حله بسيط هتنزل تحت الكرسي و هتلاقي سوكيت لونه ابيض هتفكه و انتهي الموضوع، بس خد بالك برضو لو لا قدر الله عملت حادثة و الايرباج فتح و انت مش رابط الحزام هتتبهدل و مككن يحصلك كسور جامد و كمان في عربيات لما بتشيل السوكيت ده في الكرسي اللي جنب السواق بيعتبر ان مفيش حد راكب فيه فمش بيفتح الايرباج ده و بيفتح بتاع السواق فقط ، لذا لزم التنبيه.

على ما أعتقد يا محمد باشا أن أحد شروط الأيرباج يفتح لازم يكون الحزام مربوط .

صوت الإنذار ممكن يتشال كسوفت وير .. ومش عارف التوكيل حيرضى يشيلها ولا لآه .. ممكن لو الحزام مضايقك قوي نحط القفل اللي في الحزام (الحديدة اللي بتركب في سوكت الحزام) وبكدة بيحسن أن الحزام مربوط .. والله وأعلم .

هو شيء مش عملي أنك تشيل الفيوز لأنك حتلغي جميع الأصوات والتنبيهات ..
و(فتوى) مني أن السوكيت الأبيض اللي تحت الكرسي ده (أنا مشفتوش أو مخدتش بالي منه) خاص بسينسور وجود راكب على الكرسي أم لا .. لأنك لو قاعد (لوحدك) في العربية وحاطط الحزام انذار الحزام مبيرنش ولا بيدي ضوء في التابلوه .

[Mohamed.Hany]

على ما أعتقد يا محمد باشا أن أحد شروط الأيرباج يفتح لازم يكون الحزام مربوط .

صوت الإنذار ممكن يتشال كسوفت وير .. ومش عارف التوكيل حيرضى يشيلها ولا لآه .. ممكن لو الحزام مضايقك قوي نحط القفل اللي في الحزام (الحديدة اللي بتركب في سوكت الحزام) وبكدة بيحسن أن الحزام مربوط .. والله وأعلم .

هو شيء مش عملي أنك تشيل الفيوز لأنك حتلغي جميع الأصوات والتنبيهات ..
و(فتوى) مني أن السوكيت الأبيض اللي تحت الكرسي ده (أنا مشفتوش أو مخدتش بالي منه) خاص بسينسور وجود راكب على الكرسي أم لا .. لأنك لو قاعد (لوحدك) في العربية وحاطط الحزام انذار الحزام مبيرنش ولا بيدي ضوء في التابلوه .

علي حسب معلوماتي الايرباج بيفتح حتي لو الحزام مش مربوط، ﻷن فيه واحد معايا في الشغل و هو بيركن العربية حب يطلعها لقدام شوية بس معرفش يدخل من كرسي السواق عشان الرصيف كان عالي فدخل من الباب التاني و دور و هو علي الكرسي التاني و داس بنزين برجلو الشمال بس للاسف داس جامد و العربية طلعت فوق الرصيف و الاتنين ايرباج فتحو ، نوع العربية سيات ايبيزا .
2011 . و الايرباج فتح بدون ميكون رابط الحزام و الايرباج التاني فتح عشان هو كان قاعد علي الكرسي التاني .
بالنسبة للصوت انا شيلته من عربية هيونداي جيتز، و فصل صوت بيطلع لما بفتح الباب فقط.
و فعلا لو حطيت توكة الجزام في السوكيت الصوت مش هيطلع بس الخوف لو الايرباج فتح علي السائق.
بالنسبة للسوكيت الابيض موجود و انا فصلته في كوروﻻ 2011 عشان اللي بيركب جمبي مبيحبش الحزام ، و هو ده فعلا السنسور اللي بيحس ان في حد راكب جنبك ولا ﻷ .
تحياتي ليك يا باسم باشا، و اختفيت عنا فترة كده ليه ؟ هي الكوروﻻ هتبعدك عن المنتدي و عن حبايبك ؟

[abofandy]

زى ما كل حبايبنا قالولك
1. 2014 مفهاش انذار بعد 120
2. الحزام اشترى له الجديدة او فية حاجة جديدة نازلة انا حبتها وهى حديدة بردة بس شكل قفل الحزام العادى بتركب فية وليعا ميزتين :
الاولى . بتلغى الصوت المزعج
الثانية . ممكن تركب فيها الحزام كمان لو عايز بدون ما تشيلها
وسعرها 35 جنية ومتوفرة

[Mohamed.Hany]

زى ما كل حبايبنا قالولك
1. 2014 مفهاش انذار بعد 120
2. الحزام اشترى له الجديدة او فية حاجة جديدة نازلة انا حبتها وهى حديدة بردة بس شكل قفل الحزام العادى بتركب فية وليعا ميزتين :
الاولى . بتلغى الصوت المزعج
الثانية . ممكن تركب فيها الحزام كمان لو عايز بدون ما تشيلها
وسعرها 35 جنية ومتوفرة

الحزام حاجة اساسية في ظل وجود ايرباج ، عشان امتصاص الصدمة .
لو مش لابس الحزام و الايرباج فتح لاقدر الله احتمالية حدوث كسور بالوجه عالية جدا خصوصا بالانف و الفكين و الرقبة و ربنا الحافظ ﻷن في هذه الحالة يعتبر الايرباج نقمة وليس نعمة.

[abofandy]

والله يا بش مهندس الكلام صح وكويس
بس
مش كل الناس بتلبس الحزام ويعتبر تقييد ف الكرسى وربطة علشان كدة الناس بتعزف عن استخدامة
ولكن هو من اهم وسائل الامان واولها وبدونة بتحصل مقاسى ولكن القدر والنصيب وستر الله هو الحافظ فوق كل شى

[Mohamed.Hany]

والله يا بش مهندس الكلام صح وكويس
بس
مش كل الناس بتلبس الحزام ويعتبر تقييد ف الكرسى وربطة علشان كدة الناس بتعزف عن استخدامة
ولكن هو من اهم وسائل الامان واولها وبدونة بتحصل مقاسى ولكن القدر والنصيب وستر الله هو الحافظ فوق كل شى

فعلا عنك حق.
بس انا بعتبر الحزام اساسي زى الفرامل من غيرة حياتي في خطر، و خير مثال علي زميلي اللي وهوبيركن الايرباج فتح حصله كسر في الرقبة و شروخ بالفك و الانف

[bassem.naguib]

@ محمد هاني .. أنا مقدرش أبعد عنكم يا باشا .. أنا متابع أول بأول .

طب مفيش فيوز يفصل الإيرباج لو ماشيين جوه المدينة بسرعات قليلة .. أعتقد ده حيكون أفضل

[Mohamed.Hany]

@ محمد هاني .. أنا مقدرش أبعد عنكم يا باشا .. أنا متابع أول بأول .

طب مفيش فيوز يفصل الإيرباج لو ماشيين جوه المدينة بسرعات قليلة .. أعتقد ده حيكون أفضل

بالفعل انا نزلت و فتحت علبة الفيوزات ملقتش فيوز ليه، شكله كدة في الفيوزات اللي تحت الدركسيون.
و بالمناسبة احنا الكود بتاع اللون بتاعنا 4v8

[bassem.naguib]

يا ريت تذكر موضوع الكود ده في موضوع نادي ملاك تويوتا علشان يكون مرجع
ويا ريت برضه أسعار الصيانات الدورية وما يتم فيها .. الموضوع ده مهم لو حد عنده فكرة يقوله

[dr.mohm]

هوا صوت التنبيه بتاع الحزام فعلا مزعج جدا بس ىمكن يكون فعلا دافع ليك انك تربطه ﻷنه فعلا مهم جدا و عن تجربة انا لسه من 5 شهور تقريبا عامل حادثة بكورولا 2012..العربية عومت مني و اتقلبت بسبب عيب في الاسفلت في الطرق الجميلة بتاعتنا و رغم انى جالى كسر في العمود الفقري بس فعلا بعد فضل ربنا اللى خفف من اثر الحادثة شوية كان الحزام و الاير باج و الله اعلم لو مكنتش رابط الحزام كان ايه اللي هايحصل بس غالبا كنت هاطلع من الازاز اللى قدام مع العلم اني عملت الحادثة بعيد عن بيتى ب 3 او 4 كيلو و كنت نازل اشتري حاجة و راجع مشوار مش بياخد ربع ساعه..يعني محدش يعرف الحادثة هاتحصل امتى..ربنا يحفظكم كلكم من كل سوء.بس يا ريت محدش يستهتر بقصة الحزام دي

[abofandy]

الف حمد الله ع سلامتك

[dr.mohm]

الله يسلمك يا باشا