ياريس هاتشباك vs سيدان

[Mohamed.Hany]

ما هى تويوتا محسبتهاش صح بصراحة لما عملته مانيوال .. عيب لما تكون عربيه بكل الكماليات دى و شباك مانيوال .. أنا بصراحة غير متقبلة الموضوع ده اطلاقا :(
ممكن حضرتك تجيبلى اللينك بتاع الموضوعين ؟
لك جزيل الشكر

هيفيدك جدا و هتقدري تحكمي
http://www.nilemotors.net/Nile/39235...hb-2013-a.html

http://www.nilemotors.net/Nile/391682-2014.html

[FaZoRa]

البدائل في نفس الفئة السعرية هي بيجو ٣٠١ و ستروين اليزيه و اوبل كورسا مع الريو طبعا
تقبل تحياتي

, الله انا بصيت على كل دول و برضه لقيت أن الياريس بتتفوق عليهم

[J A G U A R]

مع احترامى الكامل لوجه نظر حضرتك
التيدا ب 160,000 ف هى بره المقارنة لأنها مش نفس الفئه السعرية
أما بالنسبة للريو ف الياريس أقوى منها طبعا دى مفيهاش لا Airbags و لا ABS و دول معادوش كماليات دى أساسيات فى العربية ، و فى نفس الوقت الياريس بتتفوق عليها فى الكماليات

و بكده يبقى الياريس ثمنها فيها عن الريو و لا ايه ؟؟

حضرتك الريو هاتشباك هاى لاين فيها 2 airbags و abs و ebd وفوانيس امامى وخلفى led وفتحه سقف كهرباء ومثبت سرعه وغيره ........ اما لو حضرتك تقصدى الفئه الاولى فى الريو يبقى الياريس تتفوق طبعا .

[FaZoRa]

حضرتك الريو هاتشباك هاى لاين فيها 2 airbags و abs و ebd وفوانيس امامى وخلفى led وفتحه سقف كهرباء ومثبت سرعه وغيره ........ اما لو حضرتك تقصدى الفئه الاولى فى الريو يبقى الياريس تتفوق طبعا .

ايوه يا فندم أنا أقصد الفئة اللى قبل الهاى لاين لأن هى ال فى الفئة السعرية للياريس (139.000)

[FaZoRa]

هيفيدك جدا و هتقدري تحكمي

http://www.nilemotors.net/Nile/392359-yaris-hb-2013-a.html

http://www.nilemotors.net/Nile/391682-2014.html

أشكرك

[sa3dawy]

اليارس السيدان عربية مختلفة عن الهاتش باك

السيدان للأسف مفيش فيها اى جديد عن الموديل الى فات

السيدان نفس الموتور ال 86 حصان ونفس الفتيس ال 4 نقلات ونفس الكاوتشات البريدج ستون والمقاسات ونفس نظام الفرامل والتعليق وكل شىء .

بس بصراحة سعرها ممتاز جدا ورخيصة بالنسبة للى هتحصل عليه

قبل ما اى حد يحكم على الياريس يقارن بينها وبين مثيلاتها على الواقع


اما الهاتش باك فا الموتور جديد 1330 سى سى بيطلع 101 حصان والفتيس جديد 5 نقلات بدل 4 وفيه تحكم بالنقلات يعنى فى تغيير عن الجيل الى فات وان كان الجيل الى فات مش سىء ولا حاجة

فى الحالتين العربيتين استهلاك للبنزين كانوا دايما فى المراكز الاولى
التسارع ممتاز وزيه زى عربيات مواتيرها اقوى بسبب انها اخف 200 ل300 كيلوا

عربية رقيقة وناعمة جدا والباور حرير بجد وعربية ذكية جدا فى المناورات والركن

اعتقد دى افضل عربية ممكن تتجاب ب 140 او 150

لو زودوا الكماليات زى ما بيحصل فى الكورى كانت هتعدى ال 180 وال 190 الف

السيراتوا ب 220 الف

السيراتوا الى كانت ارخص من اليارس ال 1500

فا لما تكون السيراتوا ب 220 الف فا بكده الياريس برخص التراب .


دا بالنسبة لعشاق اليابنى

الكورى بقى قصة تانية

عامل زى الفرق بين سامسونج وأبل

سامسونج تلاقيها مقدمة موديلات كتير جدا اما ابل فا ليها وضعها الخاص

وايوه مهما اتقال ومهما ومهما

الكورى لم يصل لدقة اليابانى

واليابانى لم يصل ل دقة وقوة الالمانى

[sa3dawy]

ممكن عادى تضحى بالكام حصان الزيادة والنقلة الزيادة مقابل الحصول على السيدان

السيدان بصراحة شكلها هيبة كده وطول بعرض بارتفاع بعكس الهاتش المصريين مش بيفهموها

اذا كان الجولف كانت بتتباع بطلوع الروح عشان المانى وكان سعرها احسن من الجيتا الى هى المانى برازيلى

خلاصته
انا اتبهدلت فى العربيات فى الخليج ومصر
وحقيقى فى رينج ال 130 او 140

ياريس

الا لو فى الانترا اوتوا ممكن هنا يبقى فى كلام

كيا مقدرش ادفع فيها ابدا الاسعار المبالغ فيها دى
الكيا كان ناقص يبقى ثمنها بثمن البى ام !

[FaZoRa]

بشكر حضرتك على رأيك

[S O P H O S]

الياريس الهتشباك بالطبع
مجرد رأي ..