مشكله بسيطه فى الفيتيس

[VTEC]

من فتره كده وانا بتظهر عندى نتشه فى الفتيس كده زى ما تكون العربيه خدت نقله ورجعت فى كلامها قلت حاجه عاديه مش مشكله عشان كانت بتحصل كل فين و فين بس دلوقتى الموضوع زاد و بقت بتحصل كتير حد عارف ايه ممكن يكون السبب ؟
العربيه تويوتا كورولا 2012 عامله 62 الف كيلو يابانى فتيس عادى مش mmt

[lenasam]

لا حول و لا قوة الا بالله
ان شاء الله بسيطة
هل حضرتك بتشيك على زيت الفتيس

[Ahmed Saad]

حضرتك غيرت زيت الفتيس العربيه انت كاتب عامله 62000 كم لو ماتغيرش غيره ومعاه بالمره الفلتر بتاع الفتيس

[akmm]

حضرتك غيرت زيت الفتيس العربيه انت كاتب عامله 62000 كم لو ماتغيرش غيره ومعاه بالمره الفلتر بتاع الفتيس

ده التحليل والعلاج الحقيقى لمشكله فتيس عربيتك ...... ولكن كن حريص ان تاتى بالزيت والفلتر او المصفاه الاصليه ... راجع الكاتالوج علشان تعرف نوعيه الزيت الصحيحه .

[VTEC]

الصيانه بتتعمل فى التوكيل كل 10 الاف عادى و الزيت متغير فى معاده

[VTEC]

محدش عارف ايه السبب يا جماعه ؟؟
انا زهقت من العربيه دى و بقكر اخلص منها اصلاّ

[Mohamed.Hany]

محدش عارف ايه السبب يا جماعه ؟؟
انا زهقت من العربيه دى و بقكر اخلص منها اصلاّ

طب متوديها التوكيل يقولولك فيها ايه بالضبط، مش ممكن تبقي حاجة بسيطة

[VTEC]

الموضوع زاد انهارده الصبح بس الموتور بفسه كان بيقطع و تشيك انجن كانت منوره اتصلت بميكانيكى تبعنا جى بص عليها و قالى موبينه رقم 3 محروقه سألته على موضوع النتشه قالى ممكن تكون منها لما تتغير هنعرف
عايز رقم حد بتاع قطع غيار غير عرفه جابر عشان مش موجوده عنده دلوقتى و بيقولى الواحده ب 475 جنيه

[sewefy]

ممكن بس حضرتك كمان تبص على قاعده الفتيس والماتور وتربطهم كويس يمكن تكون عاوزه قواعد والله اعلم

[VTEC]

ما ده اللى فكرت فيه بس عامه انا حغير الموبينه و اوديها التوكيل بعد كده بنفسى لأن العربيه اتبهدلت خالص حتى العفشه فيها حاجات عايزه تتعمل واضح ان السواقين بيبهدلوها

[AboBassem]

فيه حاجة اسمها ( لافيه ) ده المسئول عن الغيار فى الفتيس ممكن يكون فيه بوش وده محتاج حد يكشف على الفتيس للتأكيد

[VTEC]

فيه حاجة اسمها ( لافيه ) ده المسئول عن الغيار فى الفتيس ممكن يكون فيه بوش وده محتاج حد يكشف على الفتيس للتأكيد

انا غيرت الموبينه و النتشه مظهرتش تانى الحمدلله بس هى اصلاّ سعات سعات مش على طول بتظهر و كده كده انا حوديها التوكيل حخليهم يبصو عالفتيس برضه