الكورولا الجديدة عاملة نفسية جامدة جدا

[magedtito]

لو بتعتبر ان مشاركتك الاولى اسلوب كويس يبقى الاسلوب الوحش ازاى
انا قولت رايى بمنتهى الاحترام وقولت محدش يزعل وتقبلوا تحياتى لكن لازم يطلع واحد يرمى كلمتين وخلاص دفاع مستميت عن السياره كانها لم يخلق مثلها
وطالما انت كده كده زعلان
احب اقولك انا مبخدش ادويه عشان معدتى مش معقوله هتعب معدتى عشان عربيه زى دى
انا من اكتر اشمئزازى منها ببص لها عشان اقرف ( غاوى قرف بقى تقول ايه ) وانت كرهتنى فى العربيه اكتر ههههه
لسه شايف واحده امبارح الليدات الاماميه منوره جنب الشبكه بصراحة منظر يضحك ومخليها فقيره جدا :) وسع صدرك

يا استاذ نبيل العربية وحشة و دميمة و شكل اليدات فعلا وحش قوي طالما ده يريحك و كمان تصميم العربية زي الصيني تمام انا و الله موسع صدري انت اللي واخد الموضوع شخصي مش عارف ليه الصراحة انت الوحيد اللي واخد الموقف كده كذا زميل دخل و علق و قالك العربية و حشة لدرجة اني بعتها و و و و علي فكرة تقبلنا الكلام عادي كل واحد بيدور علي حاجات معينة في العربية لو مش لاقيها او متقبل العربية خلاص ميشتريهاش انا مش حشتري عربية حلوة من وجهة نظر الاخريين و مش عجباني
لازم يبقي عندنا ثقافة تقبل راي الاخر يا ريتك والله انتقدت العربية بشكل موضوعي في نقط محددة انما كل الكلام عام ذمك في العربية مش حيضرها لان ناس كتير مقبلة عليها و بتستناها بال4 شهور و اكتر و في الاخر انا مش مشارك في مصنع تويوتا و لا حاجة و لا لو باعت حاخد نسبة في الارباح
و لو قريت اخر بوست لي هنا نوهت عن قصدي من الموضوع و اني مش قصدي استفز حد و شكرا

[ramymechanics]

علي فكرة انا عامل الموضوع ده و موجه السؤال لملاك العربية و مش قصدي استفز حد و لا حاجة و ربنا يكفي كل واحد شر عربيته و يديه خيرها ان شاء الله و يباركلوا فيها كمان
سيبكم من كل ده بقي متيجو نتقابل في يوم و نتعرف علي بعض بغض النظر معاك كورولا و لا اي عربية تانية و لا ممعكش عربية خالص يا سيدي

أنا عن نفسى مش هقدر آجى لحسن عربيتى تنفسن على عربيتك ولا تاكل منها حتة هههههههههههه

[magedtito]

أنا عن نفسى مش هقدر آجى لحسن عربيتى تنفسن على عربيتك ولا تاكل منها حتة هههههههههههه

و لا يهمك تعالي بس و خليها تاكل من العربية زي ما هي عايزة ان شالله تاكل العربية كلها

[ramymechanics]

و لا يهمك تعالي بس و خليها تاكل من العربية زي ما هي عايزة ان شالله تاكل العربية كلها

يا باشا ربنا يخليهالك و يبارك لك فيها ولكل صحابها وعقبال ما نباركلك على ال x6 ان شاء الله بس ساعتها هناكل العربية بجد هههههه

[bassem.naguib]

وأنا شايف أنه كفاية ردود في الموضوع ده لأنه أخد كلام كتير ممكن يزعلنا من بعض .. ويلا يا حاج رامي شد بالفلوانس بتاعتك على قسم رينو من غير مطرود .. ولو مش عارف تشد هاتلك حتة سيراتو أو النترا أحسن من اللي معاك .. ههههههههههههه

[bassem.naguib]

شوية جد .. عاوزين نعمل مقابلة جماعية لتويوتا ورينو بما أنهم متقاربين في الفئة والأداء (بس الكرولا أحسن طبعاً والناس بتنفسن عليها وخاصة بتوع فلوانس) .. أيه رأيكم دام فضلكم

وممكن نحط على بتوع كيا وهيونداي في المقابلة بتاعتهم ونضربهم ضربة رجل واحدقبل ما يتكاثروا .. أنا إن شاء الله ححضر المقابلة دي :

http://www.nilemotors.net/Nile/400337-14-2-2014-a.html

[تامر.محمد]

نحط على كيا و هيونداي عشان تلخناقة تبقى رباعية
مش كفاية الخناقة اللي عاملينها دي

Sent from my GT-N7000 using Forum Runner

[bassem.naguib]

ما علشان الدم يتفرق بين القبائل ويصعب تعقب الجاني

[ramymechanics]

شوية جد .. عاوزين نعمل مقابلة جماعية لتويوتا ورينو بما أنهم متقاربين في الفئة والأداء (بس الكرولا أحسن طبعاً والناس بتنفسن عليها وخاصة بتوع فلوانس) .. أيه رأيكم دام فضلكم

وممكن نحط على بتوع كيا وهيونداي في المقابلة بتاعتهم ونضربهم ضربة رجل واحدقبل ما يتكاثروا .. أنا إن شاء الله ححضر المقابلة دي :

http://www.nilemotors.net/nile/400337-14-2-2014-a.html

طب انت هتحضر المقابلة بصفتك تويوتا ولا صينى ولا رينو ههههههه

[bassem.naguib]

رينو طبعاً

[eng.mohamed]

فلوانس تكسب

شوية جد .. عاوزين نعمل مقابلة جماعية لتويوتا ورينو بما أنهم متقاربين في الفئة والأداء (بس الكرولا أحسن طبعاً والناس بتنفسن عليها وخاصة بتوع فلوانس) .. أيه رأيكم دام فضلكم

وممكن نحط على بتوع كيا وهيونداي في المقابلة بتاعتهم ونضربهم ضربة رجل واحدقبل ما يتكاثروا .. أنا إن شاء الله ححضر المقابلة دي :

http://www.nilemotors.net/Nile/400337-14-2-2014-a.html

بموضوعيه وحياديه بما انى ركبت العربيتين اقدر اقول لحضرتك فلوانس تكسب فى كل شى ما عدا الشكل الخارجى ( وجهة نظر تحترم ) و esp غير كه فلوانس سياره عمليه جدا وبالنسبه لموضوع ان اصحاب الكورولا بيقللو من ان انخفاض العربيه موضوع بسيط اقدر اقولك ان ارتفاع العربيه هو عامل هااااااااام جدا خصوصا فى شوارعنا المصريه وبالتالى التويوتا لن تكون معمره على الاطلاق مقارنة بفلوانس والدليل انى بعت الكورولا وخسرت فيها 15 الف وفى ناااااس كتييير باعوها لنفس السبب لانى مش خايب عربيه ب 190 الف تقفيل بلدها واجى العب فيها واعدلها وشكرا .

[bassem.naguib]

بموضوعيه وحياديه بما انى ركبت العربيتين اقدر اقول لحضرتك فلوانس تكسب فى كل شى ما عدا الشكل الخارجى ( وجهة نظر تحترم ) و esp غير كه فلوانس سياره عمليه جدا وبالنسبه لموضوع ان اصحاب الكورولا بيقللو من ان انخفاض العربيه موضوع بسيط اقدر اقولك ان ارتفاع العربيه هو عامل هااااااااام جدا خصوصا فى شوارعنا المصريه وبالتالى التويوتا لن تكون معمره على الاطلاق مقارنة بفلوانس والدليل انى بعت الكورولا وخسرت فيها 15 الف وفى ناااااس كتييير باعوها لنفس السبب لانى مش خايب عربيه ب 190 الف تقفيل بلدها واجى العب فيها واعدلها وشكرا .

يا فندم أنا مبعبش في الفلوانس .. وأعيب فيها ازاي وهي كانت من ضمن اختياراتي قبل ما ربنا يكرمني بالكرولا .. اللي رجح الكرولا بالنسبة ليا هي استخارة المولى عز وجل في المقام الأول والراحة النفسية في المقام الثاني .. يعني كلها حاجات لغير اعتبارات فنية في العربية نفسها .

يمكن حضرتك بعت الكرولا علشان ربنا مكنش رايد ليك فيها خير .. وربنا كرمك بالفلوانس وهي طبعاً سيارة جميلة وربنا يباركلك فيها ولكل ملاكها ..

بالنسبة لموضوع الانخفاض .. أحب أؤكد لسيادتك أنه مش بالشكل المرعب اللي الناس بتتكلم عليه ده .. بمعنى أن أي مطب غبي فيكي يا مصر أكيد حتحك فيه أي عربية .. بالإضافة أنه وبالتجارب مع ضبظ الكاوتش على 35 (مسموح لغاية 38) تقريباً وبنسبة 99% مش حتحك إلا لو في مطب غبي جداً زيها زي أي عربية .. أينعم ممكن ينشف العفشة سنة صغيرة .. ولكن مش بدرجة كبيرة أو مزعجة أنك تنزل من العربية مقطوم وسطك .

وبصراحة مستغرب على التويوتا موضوع معمرة أو مش معمرة ودي بيندرج تحتها اعتمادية أو مش اعتمادية .. فالتويوتا طول عمرها معروفة بكدة .. وإذا كنت حضرتك تقصد أنها مش حتعمر علشان موضوع الحك ده .. فلو افترضنا ذلك فهي مصفحة من أسفل بالكامل فمفيش حاجة حتأثر على مكونات العربية من أسفل .. وكدة كدة من الصعب الحكم بموضوعية كاملة على الكرولا أو الفلوانس الفيس ليفت قبل فترة قد تكول طويلة نسبياً .. مع اعتبار أن المقدمات تنبئ على ما سيحدث فيما بعد .. والمقدمات أعتقد أنها قتلت بحثاً في العربيتين .. يعني لو واحد بيختار بينهم أكيد اختياره مش حيكون بسهوله .

ملحوظة : كلامي كان هزار مع رامي ويحتوي على دلالات لا يفهمها إلا أنا وهو وليس عيباً في الفلوانس ..

وأرجو ألا تأخد نقاشي مع حضرتك بمحمل هجومي على شخصكم الكريم .. خالص تحياتي .

[abofandy]

التعديل نازل من بلادها
وهيتعدل ف التوكيل ومجانا برضة

[eng.mohamed]

اتفق واختلف

يا فندم أنا مبعبش في الفلوانس .. وأعيب فيها ازاي وهي كانت من ضمن اختياراتي قبل ما ربنا يكرمني بالكرولا .. اللي رجح الكرولا بالنسبة ليا هي استخارة المولى عز وجل في المقام الأول والراحة النفسية في المقام الثاني .. يعني كلها حاجات لغير اعتبارات فنية في العربية نفسها .

يمكن حضرتك بعت الكرولا علشان ربنا مكنش رايد ليك فيها خير .. وربنا كرمك بالفلوانس وهي طبعاً سيارة جميلة وربنا يباركلك فيها ولكل ملاكها ..

بالنسبة لموضوع الانخفاض .. أحب أؤكد لسيادتك أنه مش بالشكل المرعب اللي الناس بتتكلم عليه ده .. بمعنى أن أي مطب غبي فيكي يا مصر أكيد حتحك فيه أي عربية .. بالإضافة أنه وبالتجارب مع ضبظ الكاوتش على 35 (مسموح لغاية 38) تقريباً وبنسبة 99% مش حتحك إلا لو في مطب غبي جداً زيها زي أي عربية .. أينعم ممكن ينشف العفشة سنة صغيرة .. ولكن مش بدرجة كبيرة أو مزعجة أنك تنزل من العربية مقطوم وسطك .

وبصراحة مستغرب على التويوتا موضوع معمرة أو مش معمرة ودي بيندرج تحتها اعتمادية أو مش اعتمادية .. فالتويوتا طول عمرها معروفة بكدة .. وإذا كنت حضرتك تقصد أنها مش حتعمر علشان موضوع الحك ده .. فلو افترضنا ذلك فهي مصفحة من أسفل بالكامل فمفيش حاجة حتأثر على مكونات العربية من أسفل .. وكدة كدة من الصعب الحكم بموضوعية كاملة على الكرولا أو الفلوانس الفيس ليفت قبل فترة قد تكول طويلة نسبياً .. مع اعتبار أن المقدمات تنبئ على ما سيحدث فيما بعد .. والمقدمات أعتقد أنها قتلت بحثاً في العربيتين .. يعني لو واحد بيختار بينهم أكيد اختياره مش حيكون بسهوله .

ملحوظة : كلامي كان هزار مع رامي ويحتوي على دلالات لا يفهمها إلا أنا وهو وليس عيباً في الفلوانس ..

وأرجو ألا تأخد نقاشي مع حضرتك بمحمل هجومي على شخصكم الكريم .. خالص تحياتي .

أبدا انا معتبرتهوش هجوم لان فعلا جميع اعضاء المنتدى محترمون وكان لى الشرف الانضمام اليكم والاستفاده من خبراتكم ........

النقطه ودى واقع ان ناس كتير جدا من الى اشترو الكورولا باعوها وحضرتك ممكن تشوف على كونتطت كارز كام سياره للبيع ده غير المعارض اكيد كل الناس دى عندهم وجهة نظر معينه وده نفس السبب الى خلانى ابيع الاولى . وشكرا لحضرتك

[M.atef82]

شوية جد .. عاوزين نعمل مقابلة جماعية لتويوتا ورينو بما أنهم متقاربين في الفئة والأداء (بس الكرولا أحسن طبعاً والناس بتنفسن عليها وخاصة بتوع فلوانس) .. أيه رأيكم دام فضلكم

وممكن نحط على بتوع كيا وهيونداي في المقابلة بتاعتهم ونضربهم ضربة رجل واحدقبل ما يتكاثروا .. أنا إن شاء الله ححضر المقابلة دي :

http://www.nilemotors.net/Nile/400337-14-2-2014-a.html

خلاص ياريت والله لو نجمع أكبر عدد ونروح نحط عليهم و انا معاكم