تويوتا كورولا 2014 مسروقة....طب إزاى يعنى؟

[Hany Saad]

وحوش التويوتا....دلوقتى نازل إعلان على بيقولك أن فى واحد معاه كورولا 2014 مسروقة و حاطط مواصفاتها و بيناشد الناس تساعده....طبعا أنا صعقت....المفروض الكورولا فيها إيموبيلايزر أساسى....طيب إزاى الحرامى قدر يسرقها...إيه الجنون ده؟؟؟!!! يعنى شالها على كساحة مثلاً؟؟!!! و بعدين طيب ما العربيات اللى منغير إيموبيليزر مالية البلد...ملقاش غير اللى فيها و يسرقها....ربنا يكفيكم و إيانا شر الطريق و يا رب يرجع لصاحب السيارة المسروقة سيارته و يفرحه بيها تانى يا رب...أنا متخيل حصرته قد إيه.....

أسيبكم مع الأعلان

[zangry]

يمكن ثبتوه بيها وخدوه منه !!

ربنا يرجعهاله

[Mzeid]

ممكن اتسرقت منه بسلاح
او اتشالت فعلا على كساحة و دي بتحصل
و الإحتمال الثالث و هو الأسوأ أن الحرامية قدروا يتغلبوا على موضوع الايمو مع أني استبعد النقطة دي و لكن هتظل نقطة خطيرة

[amgomaa]

التويوتا كلها فيها ايموبيليزر كان معايا تويوتا ايكو 2000 وكان فيها ايموبيليزر اكيد ده تثبيت ولا اتقطرت وربنا يردهاله و يصلح حال البلد

Sent from my GT-S5282 using Forum Runner

[Hany Saad]

صح...أنا كنت ناسى موضوع التثبيت ده....فى الغالب هو كده....
ربنا يسترها على الجميع و يصلح حال البلد....ربنا يرجعاله يا رب.....

[abohend]

الإحتمالات كتير

لا حول و لا قوة إلا بالله
يا رب رد عليه ضالته

و الإحتمالات كتيرة

• ممكن إتشالت على كساحة (بالذات لو ساكن في حته هادية)

• ممكن إتثبت و إتاخدت منه

• ممكن إتعمل فيه حركة (الكاوتش نايم-أو حد خبطله على العربية من ورا عشان ينزل و يسيب المفتاح و بعدها الحرامي يطير)

• و ممكن سرقها واحد متمكن و بيعرف يوصل من قبل كنترول الإيموبيلايزر (صعب لكن غير مستحيل) و العربية سعرها عالي و يشجع الحرامي إنه يحاول

ربنا يكفينا جميعا شر الطريق و ولاد الحرام
يا رب نسألك الأمان في أوطاننا و دمائنا و أعراضنا و أولادنا و أموالنا

[M I D O]

لا حول ولا قوة الا بالله .. الله اعلم استرقت ازاي وربنا يحفظ ملاك العربيات الي فيها ايموبلايزر و وملاك العربيات الي من غير ايموبلايزر وربنا يرجع لصاحب العربية عربيتة علي خير باذن الله

[waleedmohmood]

لا حول ولا قوة الا بالله ربنا يسترها والله الواحد بيتصدم لما بيسمع حاجة زي دي ربنا يردهالو قادر علي كل شئ بس فعلا الاحتمالات كتير بالنسبة لسرقتها بس استبعد انو عن طريق الايمو

[mahmoud_ali]

ربنا يرجعهاله بالسلامه بس اعتقد ان اللى بيثبت حد بيتصل بيه وبيفاوضه على مبلغ مقابل رجوع العربيه

[شادى عبدالمنعم]

ربى انتقم من كل ظالم

[J A G U A R]

لا حول ولا قوه الا بالله
ربنا يرجعهاله بالسلامه ان شاء الله

[Loay94]

ايضاحا للموضوع صاحب العربية قال ان والده طلعو عليه بلطجية باسلحة و ثبتوه و خدوا العربية متسرقتش و هي راكنة

[Mohamed.Hany]

لاحول ولا قوة الا بالله، زمانه قلبه محروق عليها و لسة متهناش بيها.
احنا في بلد ولا مينفعش اقول عليها بلد ممكن اقول غابة ﻷن بقي البقاء للاقوى و ربنا ينتقم من اللي كان السبب و يرجعهالو علي خير.
ابويا دايما كان بيقولي متجبش عربية جديدة عشان ملفتة للانتباه خصوصا لحرامية التثبيت ﻷنهم فاهمين انك معاك فلوس و خايف عليها ﻷنها جديدة فهيساومك في مبلغ محترم و هتدفع غصب عنك و هو متأكد انك تقدر تدفع لولا كدة مكنش هيسرقك ، لكن لو عربية مش جديدة مبلغ المساومة هيكون اقل فهيكون جازف بالتثبيت و السلاح علي مبلغ اقل علي الفاضى.
و لسه من كام شهر زميل لينا في الشغل اتثبت بأوكتافيا a7 و طلبو منه 50 الف راح عمل محضر و البوليس قالو هيتصل بيك و ادفع له و خلص!!!!
و واحد صديقي تاني موتوسيكل خبطه من ورا نزل يبص و يتخانق معاه يدوبك لسة هيتخانق لقي العربية بتمشي لوحدها جه يجرى ورا العربية ملحقهاش طبعا وبتاع الموتوسيكل اختفي هو كمان و لا حول ولا قوة الا بالله.
اعتقد ان الكوروﻻ دى اتسرقت بواحدة من الطرق دي او ان نسخة من مفتاحه ضاع او اتقطرت، ﻷن مودوع الايمو صعب يضرب جدا و لو اتضرب بياخد وقت و لازم يتسرب من التوكيل وده مستحيل عشان العربية لسة جديدة و معظم قطع غيارها و حاجتها مش متوفرة في التوكيل.

[iUsef]

بيقولو علي الفيس بتاع بيقولك اتثبت بالسلاح في العاشر من رمضان واتخدت منه.... ربنا يردهالو بالسلامه

[yassermahmmoud]

حسبي الله ونعم الوكيل على الناس اللي معندهاش ضمير، ربنا يعوض على صاحب العربية ويرجعها له ..