مواصفات امان و سلامة كوروﻻ 2014 معلومات اساسية تهمك

[Mohamed.Hany]

بسم الله الرحمن الرحيم

زملائي الاعزاء بقسم تويوتا، حبيت اعملكم تجميعة لمواصفات امان الجميلة كوروﻻ 2014.
الموضوع ده من مجهودي الخاص ، فارجو لو فيه اي خطاء او نسيت حاجة ان الاخوة الافاضل يعدلوها او يضيفوها.
نبدا بتوصيف الفئات فهي متوفرة بناقل حركة مانيوال ب 162 الف و فئة اولي اوتو ب 177 و فئة تانية اوتو 189 و هاي لاين 215 الف

نظام الفرامل المانعة للانزلاق abs :
antilock braking system و هو بالبلدي زي مكنا بنفرمل زمان بالعربيات القديمة نكبس فرامل و نشيل و نكبس بسرعة ورا بعض، هي دي نفس الفكرة العربية في حالة الفرملة القوية او علي سطح منزلق زي رملة او ثلج بتحس و تبدا تفعل النظام انها تدي اشارات للتيل انه يمسك و يفك في الطنابير بسرعة عالية جدا عشان العربية تفرمل في وقت و مسافة اقل، و كمان بيديك فرصة انك ممكن تحود الدركسيون في نفس وقت الفرملة بس بنسبة بسيطة عشان العربية متعومش.هذا النظام حد من عدد الحوادث سنويا الي 38 % علي مستوي العالم.متوفر في جميع الفئات و المانيوال.
Anti-lock Braking System (ABS) - Toyota New Zealand - YouTube

نظام توزيع الفرامل EBD :
electronic brake force distribution وهو ان كمبيوتر العربية بيلاحظ سرعة دوران كل عجلة منفصلة و بيشوف كل عجلة محتاجة قوة فرملة قد ايه عشان العربية تفضل محافظة علي اتزانها و التحكم بها مع الاخذ في الاعتبار الحمولة و السرعة.
مش اي فرملة و السلام كله محسوب و مدرووس.جميع الفئات و المانيوال.
Electronic Brake Force Distribution (EBD) - Toyota New Zealand - YouTube

نظام المساعدة علي الفرملة BAS
brake assist system اكتشفت شركة مرسيدس ان 90% من السائقين لايستطيعون الضغط الكامل السليم علي الفرامل في حالات الطوارئ لذا طبقو هذا النظام و ذلك بتحليل قوة و سرعة شيل رجلك من علي بدال البنزين الي بدال الفرامل فتقوم السيارة اوتوماتيكيا بضغط الفرامل بكل قوة ليبدا عمل نظام ال abs للسيطرة الكاملة علي السيارة.جميع الفئات و المانيوال.
Brake Assist System - YouTube

نظام الثبات الالكتروني esp
electronic stability program وهو للسهولة مراقبة للاربع كاوتشات و تحكم في الفرامل و الموتور من الكمبيوتر في حالة الانزلاق او عدم القدرة علي التحكم في العربية عن طريق حسابات للسرعة و كسرة الدكسيون و التوجيه مع سرعة دوران مل كاوتش علي حدا.
يعني بالبلدي لو جيت اخدت ملف جامد و رديت الركسيون العكس و فرملت كمان العربية مش هتعوم و لا هتتتعتع من مكانها ثبات الافيال.جميع الفئات والمانيوال.
Vehicle Stability Control (VSC) - Toyota New Zealand - YouTube

نظام trc
traction control و هو نظام يساعد علي اتزان السيارة و يزيد من القدرة علي التحكم الكامل لها و هو يقوم بمتابعة سرعة دوران العجل و يقوم بفرملة العجلة الاسرع لتتماشي مع بقية العجل، و هو ايضا يساعد عند الوقوف بسطح منزلق للخروج منه بكامل القوة دون فقدان اي عزم للسيارة او تفحيط بالارض.جميع الفئات و المانيوال.
Toyota Traction Control System (TRC) - YouTube

انوار الطوارئ التلقائية
هو عبارة عن انوار الطوارئ العادية و لكنها تفعل اوتوماتيكيا في حالة الضغط الفجائي و بقوة علي الفرامل علي سرعة اعلي من 40 كم/س و ذلك لتنبيه القادم من الخلف.جميع الفئات و المانيوال
Corolla 2013 EBS - YouTube

7 ايرباج
طبعا كلنا عارفين فايدته وقيمته اثناء الحوادث لاقدر الله و الكوروﻻ الهاي لاين بها 2 امامي للسائق و الراكب الامامي ، 2 جانبي امامي ، 2 ستارة كاملة جانبي امامي و خلفي ، واحد للركبة.
الفئات الاخري 2 ايرباج امامي حتي المانيوال.

نظام المساعدة في المرتفعات hill assist
و هويساعد السائق في المرتفعات و المنخفضات ببقاء السيارة بمكانها و تشغيل الفرامل اوتوماتيكيا لكي تمنع الانزلاق .جميع الفئات و المانيوال
Hill-start Assist Control (HAC) - Toyota New Zealand - YouTube

نظام follow me home
وهو امكانية فتح نور الكشاف العالي لمدة دقيقة او 30 ثانية بعد غلق السيارة لتضيئ لك الطريق لتفادي اي عوائق.جميع الفئات و المانيوال
Corolla 2013 Follow me home 01 - YouTube

نظام الاحزمة isofix
خاصية التثبيت لكراسي الاطفال لجميع الفئات و المانيوال

anti whiplash
و هو مزودة في الكراسي و مساند الراس لمنع الاصابة اثناء الحوادث لجميع الفئات و المانيوال
Crash Test 2012- Toyota Corolla Axio Fielder (Whiplash Protection) JNCAP - YouTube

pretension seat belt
انظمة امان تتفاعل بشد الحزام بقوة اكبر مع الحادث جميع الفئات و المانيوال

فوانيس الشبورة الخلفية من تاني فئة

تصفيح السيارة من الاسفل جميع الفئات و المانيوال

الانوار الليد LED
وهي من مواصفات الامان الموصي بها من الاتحاد الاوربي و تساعد علي رؤية السيارة بوضوح.
جميع الفئات و المانيوال

حجم ووزن السيارة
تم زيادة وزن السيارة اﻻ 1300 كج و خفض الارتفاع واطاله قاعدة العجلات ال 2700 مم و ذلك لضمان الثبات.جميع الفئات و المانيوال

نوع و مقاس الكاوتش
R16/205/55 بريدجستون 91v اي يتحمل سرعة الي 240كم/س بعكس معظم العربيات في فئتها تتحمل ال 210 كم/س فقط و هذا يدل علي قوة استحمال الكاوتش. جميع الفئات و المانيوال بس يختلف اول فئة و المانيوال جنط حديد

الاستبن
نفس نوع و مقاس الكاوتش و متوفر بجنط رياضي و ليس حديد بعكس معظم السيارات.

مرايات ذاتية التعتيم
التي تعمل علي خفض قوة الانارة من الخلف لتجنب حدوث اي خلل في البصر لجزء من الثانية يؤدي لحادث لاقدر الله. هاي لاين فقط

حساسات النور و المطر
و التي تساعد علي ضبط النور تلقائيا لكي يوضح الطريق تلقائيا كذلك للمطر بدون تدخل من السائق لعدم ارباكه و لسرعة رد الفعل. هاي لاين فقط

نظام مانع السرقة immobilizer
وهواستحالة تشغيل موتور السيارة الا بالمفتاح الاصلي .جميع الفئات و المانيوال

المسافة في حوض العربية
المسافة من الاكصدام الامامي الي بداية الموتور 45 سم بالتمام و الكمال يعني امان في حالة الحوادث مسافة جيدة جدا لامتصاص الصدمة كاملة.جميع الفئات و المانيوال

قوة الباور
تتغير قوة و نعومة الباور بالدركسيون حسب سرعة العربية و ذلك للمحافظة علي التحكم بالسيارة.
جميع الفئات و المانيوال.

وطبعا احب انهي باختبار ال euroncap اللي الكوروﻻ واخدة فيه 5 نجوم
Toyota Corolla | Euro NCAP - For safer cars crash test safety rating

اتمني اكون جمعت كل المعلومات و اسف للاطالة عليكم

[abofandy]

اوجزت .. فانجزت .. فاقنعت
تسلم ايدك معلومات قيمة من شخيصة قيمه محترمه
والشاى بتاعك على حسابى لانك بتتعب معايا ومع المنتدى


ربنا يوفقك يا صديقى تقرير محترم وسليم
Toyota safety

[heeshooheeshoo]

تسلم إيدك وشكرا لما بذلته من وقت ومجهود فى هذا التقرير الممتااااز
ولو أنى شايف أنه مش تقرير عادى .. ده برشامة فيها مقرر الكرولا 2014 كله من الجلدة للجلدة .. قصدى من المانيوال للهاى لاين

وتقبل تحياتى ،،،

[Mohamed.Hany]

اوجزت .. فانجزت .. فاقنعت
تسلم ايدك معلومات قيمة من شخيصة قيمه محترمه
والشاى بتاعك على حسابى لانك بتتعب معايا ومع المنتدى


ربنا يوفقك يا صديقى تقرير محترم وسليم
toyota safety

حبيبي يادكترة
الشاي وصل،ومستني الشاي بتاع حبايبنا التانين اللي منورين قسم تويوتا

تسلم إيدك وشكرا لما بذلته من وقت ومجهود فى هذا التقرير الممتااااز
ولو أنى شايف أنه مش تقرير عادى .. ده برشامة فيها مقرر الكرولا 2014 كله من الجلدة للجلدة .. قصدى من المانيوال للهاى لاين

وتقبل تحياتى ،،،

مش معقولة كدة برشامة و شاي ايه ياجماعة الكلام ده.
اشكرك يا صديقي علي المجاملة .

[nazar muharram]

موضوع ممتاز وحضرتك موضح فيه كل حاجه

[Abdulrahman M]

اللهم صل على محمد وعلى آله وصحبه أجمعين

تسلم وربنا يديك الف عافيه

[محمد ابراهيم 1]

مجهود مشكور لكن معلوماتى إنها فشلت فى اختبار التصادم
2014 Toyota Corolla small overlap IIHS crash test - YouTube

[yassermahmmoud]

عزيزي العضو Mohamed. Hany في الحقيقة تقرير جميل وممتاز مثلك، كما عودتنا وشرح وافي لهذه الجزئية من السيارة، لك مني كل التقدير من خارج مصر.

[bassem.naguib]

مجهود مشكور لكن معلوماتى إنها فشلت فى اختبار التصادم
2014 Toyota Corolla small overlap IIHS crash test - YouTube

http://www.nilemotors.net/Nile/383383-2014.html

[iUsef]

تسلم ايدك يا كبير

[Mohamed.Hany]

مجهود مشكور لكن معلوماتى إنها فشلت فى اختبار التصادم
2014 Toyota Corolla small overlap IIHS crash test - YouTube

ده مش فشل بالعكس نجاح , اتمني حضرتك تقرا الموضوع اللي بعتهولك استاذ باسم و هتفهم قصدي , و لو هنقول فشلت يبقي في الاختبار ده هنقول BMW و Mercedes و 70% من العربيات فشلت في اختبار التصادم.
مستني تعليق حضرتك بعد قراية الموضوع المذكور لتعرف خبايا الامور في هذا الاختبار.

[Mohamed.Hany]

موضوع ممتاز وحضرتك موضح فيه كل حاجه

الله يخليك ياباشا, ويلا بقا مستنيين منك المواضيع الجامدة لتنشيط القسم

اللهم صل على محمد وعلى آله وصحبه أجمعين

تسلم وربنا يديك الف عافيه

عليه الصلاة و السلام

عزيزي العضو mohamed. Hany في الحقيقة تقرير جميل وممتاز مثلك، كما عودتنا وشرح وافي لهذه الجزئية من السيارة، لك مني كل التقدير من خارج مصر.

اشكرك سيدي الفاضل

تسلم ايدك يا كبير

الله يخليك , ميجيش حاجة جنب تقاريرك القوية

[Mustafa_Zain]

تقرير رائع من عضو رائع لسيارة رائعة

[nazar muharram]

ياباشا بعد حضرتك مفيش مواضيع جديدا تتعمل

[nazar muharram]

ولو حضرتك عايز اى حاجه من شرم الشيخ انا فى الخدمه