مطلوب أراء حضراتكم ضرورى

[eng.mohamed]

مساء الخير على الاعضاء الكرام ... انا دفعت حجز كورولا 2014 الفئه الثانيه والنهارده شوفت سياراه باسات 2014 اول فئه ب 238 وبكده هيكون الفرق عن الكورولا 38 الف جنيه ايه رايكم ازود ال 38 الف واشترى باسات base line ولا زى ما انا كورولا 2014 .

سعر اعادة البيع مش هيفرق معايا لانى مش هبيع ان شاء الله قبل 7 سنين .

الباسات الى ب 138 الف فيها سمارت كى و6 ايرباج .

الباسات ال ب 138 الف تفرق عن الهاى لاين انها بدون جنوط وفتحة سقف وبعد الفروق الطفيفه .

اتمنى الرد فى اسرع وقت .....

[Yousef.Kamel]

احب ادعوك الى قسم الفولكس واتفرج على مشاكل الفتيس Dsg وشوف الناس بتعمل ايه وتخلص من العربيات ده الفتيس ناجح بره لكن عندنا فشل ذريع

[abofandy]

طبعا كا brand الباسات اعلى بكتير
ولكن
الفتيس ثم الفتيس ثم الفتيس
Dsg وما ادراك ما هو ومشاكلة ف مصر
زى ما استاذ جورج قال ... هو ناجح برة .. بس ف مصر مشاكله خطيرة
وبعدين الفلوس دى انت مش لاقيها ف الشارع .. انت تعبان فيها
فكر ثم فكر

[drmostafashaer]

الباسات عربية خرافة لكن
الفتيس مشكلة

[Optiplex]

السلام عليكم يا بشمهندس محمد نصيحتى ليك ابعد عن عائلة الفتيس الفاشل و هما باسات و حيتا و سكودا و لو عايز عربية محترمة انا عن نفسى كنت هاجيبها مع الكرولا اوبل انسيجنا عربية محترمة جداااا يعيبها بس اسم منصوور و اديك جربت الكرولا مع انى لما عرفت انك بعتها علشان انها واطية والله زعلت ليك كتير لانك كنت جايبها اوفر برايس و كمان صرفت عليها شوية كماليات بس اهوو نصيب المهم لو عايز المانى جو اون اوبل غير كدة توكل عالله فى الكورلا و ربنا يوفقك

[eng.mohamed]

تسلم يا دكتور

طبعا كا brand الباسات اعلى بكتير
ولكن
الفتيس ثم الفتيس ثم الفتيس
dsg وما ادراك ما هو ومشاكلة ف مصر
زى ما استاذ جورج قال ... هو ناجح برة .. بس ف مصر مشاكله خطيرة
وبعدين الفلوس دى انت مش لاقيها ف الشارع .. انت تعبان فيها
فكر ثم فكر

شكرا على رد حضرتك وان شاء الله هجيب كورولا تحياتى

[Ahmed.Essam]

مشكلة الباسات بس الفتيس غير كده هي اعلى من الكورولا
بس لو عاوز ألماني ممكن تشوف بنفس السعر عربية تانية زي الاوبل انسجينيا او الاسترا لو عاوز تنزل شوية

[Mohamed.Hany]

هقولك راي و الاجر علي الله،
حضرتك لو عايش برة مصر هقولك هات الباسات وش، بس احنا للاسف نقطن بالمحروسة و ربنا يستر.
حضرتك الفرق 49 الف وليس 38 الف.
الملخص المفيد :
1.عربية تربو في مصر و ازمات و جودة البنزين مع توكيل نص نص و بيبيع في ثانية
2.الفتيس المحبوب الجميل dsg اللي بيضرب و التوكيل بيعمل عبيط و بنسمع ارقام فلكية.
3.تخيل عربية قاعدة عجلاتها 2712 مم و ارتفاعها عم الارض 11.9 سم في مصر.
4.هدفع المبلغ ده كله قرب ربع مليون جنيه و ميبقاش فيه لا جنوط و لا بارك سنسور ولا مرايات ضم.

[moosaleh]

الباسات طبعا أحسن بكتير من الكورولا للأسباب التاليه :-
1- الألمانى افضل من اليابانى .
2- الباسات سياره متميزه شكلا وغير منتشرة بخلاف الكورولا التى ستصبح سيارة شعبيه بأنتشارها الكبير.
3- فئه الباسات أعلى من الكورولا التى ممكن أن تقارن بالجيتا.
4-أكيد الباسات مش بتتجمع فى تركيا أو تايوان اوتايلاند .
5- وسائل الأمان اعلى .
6- موتور الباسات أقوى من موتور الكورولا ومتقدم عنه .
7-افتكر كان فرق السعر بين العربيتين كام من 10 سنين .
فكر فى النقط دى قبل ما تشترى وربنا يوفققك للأحسن .

[Mohamed.Hany]

الباسات طبعا أحسن بكتير من الكورولا للأسباب التاليه :-
1- الألمانى افضل من اليابانى .
2- الباسات سياره متميزه شكلا وغير منتشرة بخلاف الكورولا التى ستصبح سيارة شعبيه بأنتشارها الكبير.
3- فئه الباسات أعلى من الكورولا التى ممكن أن تقارن بالجيتا.
4-أكيد الباسات مش بتتجمع فى تركيا أو تايوان اوتايلاند .
5- وسائل الأمان اعلى .
6- موتور الباسات أقوى من موتور الكورولا ومتقدم عنه .
7-افتكر كان فرق السعر بين العربيتين كام من 10 سنين .
فكر فى النقط دى قبل ما تشترى وربنا يوفققك للأحسن .

اتفق مع حضرتك في معظم النقاط ، بس اختلف في :
الانتشار ميزة وليس عيب،و هل يوجد سيارة شعبية ب 200 الف !
المرسيدس بتتجمع في مصر هل ده معناه ان الباسات احسن ؟ هل التقفيل المصري افضل من التركي ؟
صدق او لا تصدق وسائل امان الكوروﻻ اعلي، علي الاقل فيها 7 ايرباج.

[moosaleh]

اتفق مع حضرتك في معظم النقاط ، بس اختلف في :
الانتشار ميزة وليس عيب،و هل يوجد سيارة شعبية ب 200 الف !
المرسيدس بتتجمع في مصر هل ده معناه ان الباسات احسن ؟ هل التقفيل المصري افضل من التركي ؟
صدق او لا تصدق وسائل امان الكوروﻻ اعلي، علي الاقل فيها 7 ايرباج.

أمتلاك سيارة منتشرة أولا وجهه نظر بس نتكلم بصراحه انت اشتريت مثلا بدلة بنوع وموديل ولون وبعد ما أشتريتها لقيت ناس كتير لابسنها على أختلاف أشكالهم مش بتقفل من نحيتها شويه وبتدايق منها فاكر ياباشا السيراتو من اول 2010 مش أنتشارها بقى يزهق اللى ركبينها منها ده بقى أنا اللى متوقعه مع الكورولا وبعدين أنا امتلك كورولا تقفيل جنوب أفريقيا مش هكدب عليك انا عانيت من سوء التقفيل مقارنة بالتقفيل اليابانى ودى حقيقه وعندى حوالى 6نقط ملاحظات على التقفيل لا داعى لذكرهم مع مطالبتى للتوكيل بالاصلاح وقوبلت بالمماطله وبعدين الألمان هما اول ناس عملوا وسائل الأمان المتعدده وهما اللى ابتكروا معايير الأختبار من حوالى 30 سنه تفتكر اليابانين اللى قلدوهم تفوقوا عليهم .

[amgomaa]

مع حبي الشديد لتويوتا الكورولا صاحبة اعلى مبيعات فى التاريخ واعلى اعتماديه بس حرام نقارن الباسات بالكورولا الباسات فئه اعلى و برستيج تانى خالص ومن متابعتي لصفحة فولكس على الفيس الشكوى مش من الفتيس بس لا من الموتور كمان بيحصله مشاكل كتير بسبب البنزين 92 مش ماشي مع التربو بس الحق يقال التوكيل بيحل المشاكل يبقى لو انت عندك وقت لو حصل مشكله تصبر مع التوكيل لان فى عربيات ممكن تقعد شهر و مستعد تحط 95 ومستعد تدفع فرق ال50 الف اللي هو مش شويه وانت شكلك بتحب تغير فاعادة البيع أكيد فى الضياع يبقى اكيد الباسات احسن و فئه اعلى وتكنولوجيا احدث من الكورولا غير كده خليك فى المضمون كورولا

Sent from my GT-S5282 using Forum Runner

[Mohamed.Hany]

أمتلاك سيارة منتشرة أولا وجهه نظر بس نتكلم بصراحه انت اشتريت مثلا بدلة بنوع وموديل ولون وبعد ما أشتريتها لقيت ناس كتير لابسنها على أختلاف أشكالهم مش بتقفل من نحيتها شويه وبتدايق منها فاكر ياباشا السيراتو من اول 2010 مش أنتشارها بقى يزهق اللى ركبينها منها ده بقى أنا اللى متوقعه مع الكورولا وبعدين أنا امتلك كورولا تقفيل جنوب أفريقيا مش هكدب عليك انا عانيت من سوء التقفيل مقارنة بالتقفيل اليابانى ودى حقيقه وعندى حوالى 6نقط ملاحظات على التقفيل لا داعى لذكرهم مع مطالبتى للتوكيل بالاصلاح وقوبلت بالمماطله وبعدين الألمان هما اول ناس عملوا وسائل الأمان المتعدده وهما اللى ابتكروا معايير الأختبار من حوالى 30 سنه تفتكر اليابانين اللى قلدوهم تفوقوا عليهم .

الانتشار عمره مهيضايقني، ده انا بحدد نجاح العربية بانتشارها و عامل الانتشار من العوامل الحاسمة في اختياري لاي عربية في مصر و انا بكرر في مصر.
امتفق الباسات فئة اعلي طبعا، بس انا برد علي حضرتك انك بتقول انها بتتفوق في عوامل الامان وةجاوبت بموضوعية ان العكس صحيح بدليل وجود عدد ايرباج زيادة فلو في مواصفة امان زيادةفي الباسات ياريت حضرتك تقولها لتوضح الصورة بالنسبة لي ليكون الكلام منطقي.
انا اعمل بشركة المانية و عارف يعني ايه جودة و معلومة بسيطة ٩٠٪ من مكونات الاجهزة الالمانية صناعة صينية ايوة صينية !
طب هل ده يعيبها في شئ، اكيد هما مش بالغباء انهم يخسرو السوق عشان كدة و المواصفات الموجودة و معاير الجودة واحدة حتي لو اتعملت في مصر، و اقرب مثال المرسيدس الل يبتتجمع في ام الدنيا
يعني حضرتك قدامك مرسيدس و باسات هتاخد الباسات عشان المرسيدس متجمعة في مصر؟ده كلام بعيد عن الكورولا خالص لانها فئة اقل من العربيات دي خالص.

[eng.mohamed]

السلام عليكم يا بشمهندس محمد نصيحتى ليك ابعد عن عائلة الفتيس الفاشل و هما باسات و حيتا و سكودا و لو عايز عربية محترمة انا عن نفسى كنت هاجيبها مع الكرولا اوبل انسيجنا عربية محترمة جداااا يعيبها بس اسم منصوور و اديك جربت الكرولا مع انى لما عرفت انك بعتها علشان انها واطية والله زعلت ليك كتير لانك كنت جايبها اوفر برايس و كمان صرفت عليها شوية كماليات بس اهوو نصيب المهم لو عايز المانى جو اون اوبل غير كدة توكل عالله فى الكورلا و ربنا يوفقك

شكرا جزيلا على متابعة حضرتك وردك ...... الحمد لله انا اشتريت كورولا

[eng.mohamed]

هقولك راي و الاجر علي الله،
حضرتك لو عايش برة مصر هقولك هات الباسات وش، بس احنا للاسف نقطن بالمحروسة و ربنا يستر.
حضرتك الفرق 49 الف وليس 38 الف.
الملخص المفيد :
1.عربية تربو في مصر و ازمات و جودة البنزين مع توكيل نص نص و بيبيع في ثانية
2.الفتيس المحبوب الجميل dsg اللي بيضرب و التوكيل بيعمل عبيط و بنسمع ارقام فلكية.
3.تخيل عربية قاعدة عجلاتها 2712 مم و ارتفاعها عم الارض 11.9 سم في مصر.
4.هدفع المبلغ ده كله قرب ربع مليون جنيه و ميبقاش فيه لا جنوط و لا بارك سنسور ولا مرايات ضم.

تسلم يا استاذ محمد وتعبت حضرتك معايا خلاص انا توكلت على الله واشتريت الكورولا ولو فيها اى مشاكل هيكون حضرتك و الدكتور Mohamed المسؤليين وهجيب لكم العربيه مباشرة نعتبرها من الان سيارة حضراتكم ...

شكرا جزيلا