اسعار قطع غيار ومصنعيات وصيانات كورولا 2014

[Mohamed.Hany]

بسم الله الرحمن الرحيم

زملائي الاعزاء بقسم تويوتا, اخيرا و بعد طول انتظار جيبتلكم اسعار الصيانات و تفاصيلها كمصنعيات و قطع غيار.

*معلومة برضو ممكن ناس كتيرة متعرفهاش , ان توكيل تويوتا بالتجمع الخامس بقي يعمل صيانة ليلية لغاية الساعة 10 مساء .
يعني حضرتك مش لازم تاخد اجازة او تزوغ من الشغل عشان تعمل الصيانة و ممكن تعملها بالليل بعد شغلك و الميزة انه بيبقي فاضي عشان الموضوع لسة مش معروف خالص.

ملحوظة : الاسعار دي بتاعة التوكيل و ممكن تجيب اسعار قطع غيار و اكسسوار من الموزعين ارخص من كدة.

صيانة 5000,15000,25000 و مضاعفاتها :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
مصنعيات 110 جنيه
مجموع 181 جنيه

صيانة 10000,30000,50000,70000 :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
مصنعيات 242 جنيه
مجموع 313 جنيه

صيانة 20000,60000 :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
فلتر التكييف 398 جنيه (حسب الحالة وطلب العميل)
مصنعيات 275 جنيه
مجموع 744 جنيه بدون فلتر التكييف 346 جنيه

صيانة 40000 :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
فلتر التكييف 398 جنيه
فلتر هواء 119 جنيه
مصنعيات 385 جنيه
مجموع 973 جنيه

صيانة 80000 :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
فلتر هواء 119 جنيه
فلتر التكييف 398 جنيه
فلتر بنزين + سيور المحرك و التقسيم و الكاتينة 1406 جنيه (حسب الحالة بعد 80 الف)
مصنعيات 440 جنيه
مجموع 2434 جنيه

صيانة 100000 :

تربيط عفشة , جنرال تشيك اب علي وظائف العربية , فحص الاطارات , فحص السوائل..ألخ
فلتر زيت 71 جنيه
فلتر التكييف 398 جنيه (حسب الحالة وطلب العميل)
بوجيهات 460 جنيه (حسب الحالة بعد 100 الف)
مصنعيات 330 جنيه
مجموع 1259 جنيه بدون فلتر التكييف 861 جنيه

بعض اسعار قطع الغيار و الاكسسوار:

جلدة المساحات 126 جنيه
تيل فرامل امامي 500 جنيه مصنعية 88 جنيه = 588 جنيه
تيل فرامل خلفي 329 جنيه مصنعية 121 جنيه = 450 جنيه
ديسكات فرامل امامية 2466 جنيه مصنعية 99 جنيه = 2565 جنيه
طنابير فرامل خلفية 1862 جنيه مصنعية 99 جنيه = 1961 جنيه
انذار ايطالي 780 جنيه
وحدات رفع زجاج 550 جنيه
مرايات ضم 550 جنيه
زينون الماني اوسرام 2200 جنيه
زينون صيني 660 جنيه
لمبتين اوسرام 55W night breaker plus جنيه 250
دواسات تبدأ من 220 جنيه
شماسة خلفية120 جنيه و 200 جنيه
فرش جلد يبدأ من 650 جنيه

انا حبيت احسب لو قعدت بالعربية 100 الف كم هدفع قطع غيار و مستهلكات زي ( تيل كل 20 الف كم , فلاتر , بوجيهات ,سيور حسب جدول الصيانة ...) و مصنعيات قد ايه بدون ميكون في مشاكل في العربية لقيت بالتقريب 10000 جنيه بدون تمن الزيت و 13000 جنيه بالزيت انا عن نفسي بعمل متوسط 1500 كم في الشهر يعني بالتقريب هعمل 100 الف كم في 6 سنوات يعني تقريبا بدفع 180 جنيه شهريا لصيانة عربيتي الكلام ده علي الاسعار الحالية و اكيد مع الوقت الاسعار بتتغير .

معلومة غريبة جدا برضو لاحظتها ان اسعار الصيانات اختلفت عن السنة اللي فاتت لكل العربيات التويوتا وان 80% من سعر الصيانات و قطع الغيار بتاعة كورولا 2014 ارخص من 2013 !!! مش عارف ازاي .
بس ده رد علي كل الناس اللي كانو خايفين من اسعار قطع الغيار و المصنعيات و مخليهم مترددين في العربية احب اقولهم اتطمنو و الدنيا وضحت دلوقتي.

[abofandy]

ازاى صيانة ال 5000 بالسعر دة
دة الناس دفعت 600 جنية فيها يا بش مهندس

[hossam_elwani]

ازاى صيانة ال 5000 بالسعر دة
دة الناس دفعت 600 جنية فيها يا بش مهندس

وليه اصلا تدفع مش المفروض اول صيانه مجانيه

[amrelsaqqa]

دى اسعار الصيانات مش قطع الغيار
عايز تعرف العربية قطع غيارها غالية وﻻ ﻻ
اسأل عن الكبوت والاكصدامات والفوانيس ، ده خارجيا ، في العفشة المقصات والعمساعدين وعلبة الدركسيون في اليكانيكا والكهربا الدينامو و سربنتينة التكييف ، طرمبة البنزين والرشاشات والموبينة ....... الحاجات دى

وواضح ان الحاجات دى هتكون غالية نار في التوكيل لان واضح من اسعار ديسكات الفرامل مثﻻ

[Mohamed.Hany]

ازاى صيانة ال 5000 بالسعر دة
دة الناس دفعت 600 جنية فيها يا بش مهندس

الجدول ده لسة نازل جديد و مكنوش محددين الاسعار بتاعة كورولا ٢٠١٤ و الاسعار بدون ضريبة و بدون سعر الزيت.

وليه اصلا تدفع مش المفروض اول صيانه مجانيه

اول صيانة هي صيانة الالف المجانية

دى اسعار الصيانات مش قطع الغيار
عايز تعرف العربية قطع غيارها غالية وﻻ ﻻ
اسأل عن الكبوت والاكصدامات والفوانيس ، ده خارجيا ، في العفشة المقصات والعمساعدين وعلبة الدركسيون في اليكانيكا والكهربا الدينامو و سربنتينة التكييف ، طرمبة البنزين والرشاشات والموبينة ....... الحاجات دى

وواضح ان الحاجات دى هتكون غالية نار في التوكيل لان واضح من اسعار ديسكات الفرامل مثﻻ

اسعار الصيانة تشمل قطع الغيار و المصنعيات، هو دة اللي لحقت اجيبه.
اما بخصوص قطع الغيار اللي حضرتك ذكرتها معظمها لسة مش متوفر لان العربية لسة جديدة و الحاجات الموجودة سعرها اكيد عالي عشان لية مجبوش ستوك.
يعني مثلا قطع غيار كورولا ٢٠١١ اول منزلت كانت كدة و دلوقتي قلت جامد.

[hossam_elwani]

جزئية رخص قطع الغيار ممكن يكون راجع لكونها تركية الصنع ..

[MR . Gold]

مهندس / محمد هاني .. بعد التحية

الحقيقة كنت اشتريت فلتر زيت لعربيتي الكرولا 2013 حشو من عند البرجسي في شارع مراد سعرة كان ( 105 ) اة فعلاً مائة جنية وخمسة والحقيقة استغربت من السعر بس بردو اشتريتة رغم اني لم اغيرة حتي الان لان العربية عندي لسة عاملة يادوب 300 كيلو بس انا بحب اجيب الفلتر واجيب التيل واخلية دايماً معايا في العربية لأي ظروف .. واللي اعرفة ان موتور 2013 هوهو 2014 وحضرتك ذكرت سعر فلتر الزيت في التوكيل 71 جنية مش عارف اية الفرق هنا ؟؟؟ وهل 2014 فلتر الزيت حشو؟؟؟ ولا فلتر كوباية عادي وعلي فكرة الفلتر صناعة تايلندي وليس صيني او ياباني ولما بسالة بقولة مش المفروض يكون ياباني قالي اليابان بطلت تصنع قطع الغيار ودة الاورجينال ولو في التوكيل هاتلاقية صيني فامش عارف مامدي صحة هذة المعلومات ياريت حضرتك تفيدنا في الكلام دة

[Mohamed.Hany]

جزئية رخص قطع الغيار ممكن يكون راجع لكونها تركية الصنع ..

فعلا ممكن يون عشان كدة, بس مش اختلاف كبير في السعر.

مهندس / محمد هاني .. بعد التحية

الحقيقة كنت اشتريت فلتر زيت لعربيتي الكرولا 2013 حشو من عند البرجسي في شارع مراد سعرة كان ( 105 ) اة فعلاً مائة جنية وخمسة والحقيقة استغربت من السعر بس بردو اشتريتة رغم اني لم اغيرة حتي الان لان العربية عندي لسة عاملة يادوب 300 كيلو بس انا بحب اجيب الفلتر واجيب التيل واخلية دايماً معايا في العربية لأي ظروف .. واللي اعرفة ان موتور 2013 هوهو 2014 وحضرتك ذكرت سعر فلتر الزيت في التوكيل 71 جنية مش عارف اية الفرق هنا ؟؟؟ وهل 2014 فلتر الزيت حشو؟؟؟ ولا فلتر كوباية عادي وعلي فكرة الفلتر صناعة تايلندي وليس صيني او ياباني ولما بسالة بقولة مش المفروض يكون ياباني قالي اليابان بطلت تصنع قطع الغيار ودة الاورجينال ولو في التوكيل هاتلاقية صيني فامش عارف مامدي صحة هذة المعلومات ياريت حضرتك تفيدنا في الكلام دة

اللي اعرفه انه حشو فعلا و العربية هي هي نفس الموتور بتاع 2013 !!!
مش عارف في التوكيل صيني ولا ايه, بس في الصيانة هعرف ان شاء الله

[Mohamed.Hany]

و ادي يا جماعة الاسعار من التوكيل عشان مصداقية الكلام, و باين ان في بعض اسعار المصنعيات و قطع الغيار بتاعة 2014 ارخص من 2011 زي مقلتلكم ومعلملكم عليها بالاحمر في الصورة !!! لو حد عنده تفسير لانه كلام غير منطقي بالمرة.

* ملحوظة للتاكيد السعر غير شامل سعر الزيت اللي بيبقي في حدود 300 جنيه و لا يشمل الضريبة ايضا.

حاجة تانية حابب اقولها ان الاسعار اختلفت عن السنة اللي فاتت و ترتيب الصيانات نفسها و اللي بيتعمل فيها كمان اتغير.
يعني لو معاك جدول 2013 و قارنته بده هتلاقيه مختلف جامد جدا في الصيانات و الاسعار و هما لسة منزلينه من فترة صغيرة جدا .
يعني صيانة ال 5000 سعرها زي مامكتوب 181 + سعر الزيت في حدود 300 + غسيل و منظفات + الضرايب يعني هترسي علي رقم مبين 500 ال 600 جنيه بالتمام و الكمال

[moosaleh]

أنا عندى معلومه أن الموتور لكورولا 2014 هو نفس موتور موديل 2008 لو ده صح يبقى كده أكيد الفلاتر والسيور وطلمبه البنزين والدينامو وطلمبة الميه وحجات تانيه هيبقوا متطابقين يبقى كده أكيد قطع الغيار 2014 هتبقى رخيصة لأنها أصبحت متوفر منها خارج التوكيل ولو حد عندوا تأكيد على الموضوع ده يقولنا وهل فى تشابه فى العفشه ومقاس التيل والطانبير والكبالن .

[Mohamed.Hany]

أنا عندى معلومه أن الموتور لكورولا 2014 هو نفس موتور موديل 2008 لو ده صح يبقى كده أكيد الفلاتر والسيور وطلمبه البنزين والدينامو وطلمبة الميه وحجات تانيه هيبقوا متطابقين يبقى كده أكيد قطع الغيار 2014 هتبقى رخيصة لأنها أصبحت متوفر منها خارج التوكيل ولو حد عندوا تأكيد على الموضوع ده يقولنا وهل فى تشابه فى العفشه ومقاس التيل والطانبير والكبالن .

انا اعرف انه نفس موتور 2011 اللي هو 122 حصان و 154 نيوتن لكن معرفش موضوع 2008 ده, اعتقد فعلا في حاجات كتير متطابقة مع 2011 لكن العفشة و الكبالن مختلفين وقارناهم في المقابلة امبارح.

[saddam]

صديقي المواطن
شكرا للجهود الجبارة والمفيدة والموضوع شديد الفائدة لزملائك أعضاء المنتدى الكرام من ملاك كورولا الجديدة ومنتظرين منك كل جديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mahmoud kimo]

هو مش سير الكاتينة جنزير يبقى ازاى بيتغير

[Mohamed.Hany]

صديقي المواطن
شكرا للجهود الجبارة والمفيدة والموضوع شديد الفائدة لزملائك أعضاء المنتدى الكرام من ملاك كورولا الجديدة ومنتظرين منك كل جديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اشكرك ياباشا

هو مش سير الكاتينة جنزير يبقى ازاى بيتغير

ايوة سير الكاتينة جنزير من موديل ٢٠٠٨ . ولو تلاحظ انا كاتب بين قوسين جنبيها بالاخضر حسب الحالة و ده معناه انهم بيبصو عليه من بعد ال ٨٠ الف لو احتاج يتغير.
وممكن يكون اللي سالته مفهمتش منه يقصد ايه بسيور المحرك هل من ضمنهم الكاتينة و لا لأ.
بس ١٠٠٪ هو جنزير من ٢٠٠٨

[miceg]

هي بما إنها اسعار صيانات دورية ولوازم أساسية
جميله جداااااا وأسعار ممتازة بالنسبة لسيارة موديل 2014 وبالسعر ده
لكن الغير مطمئن هي باقي ألاجزاء
لكن فألاول كله بيبقا كده وكلها سنة او سنتين والاسعار هتنزل
مجهود جبار منك يامحمد بك