رابطة ملاك الجميلة 《◀كورولا 2013 (الخليجي)▶》

[Yousef.Kamel]

عملت الموضوع ده علشان يبقى مكان لملاك الكورولا 2013 الخليجي وذلك لكي
نتناقش فيه مع بعض حول السيارة ،
ونساعد بعض فى فهم كل تفصيلة صغيرة فى السيارة ،
نفيد بعض فى اى امر يخص تركيب كماليات للسيارة.

وان شاء الله كلنا نستفيد ونفيد اى عضو حابب يعرف عن ملكة اليابان

اتمنى منكم المشاركة فى الموضوع واثرائه بمشاركاتكم المميزة.

لو عندك استفسار او ملاحظة فى عربيتك اكتبهالنا هنا ونتناقش فيها.
لو عرفت حاجة جديدة اكتبهالنا ونستفيد كلنا منها .
لو عرفت مكان كويس نركب فيه كماليات للسيارة ماتبخلش علينا بيه.
لو عندك اى اخبار تخص السيارة اكتبهالنا.

واتمني ان الموضوع ينال اعجابكم وتزداد المشاركات والافكار به يوما بعد يوم ....

وفكرة الموضوع جت بعد ازدياد واضح لبيع هذه الجوهرة اليابانية وذلك لانها صفقة رابحة الحمدلله :)

[mhoreya]

مع ان لسه بدرى على السؤال ده بس قولت اعرف من بدرى احسن
عربيتى عاملة 80 كيلو و عاوز اعرف زيت الفابريقة بيتغير على الف كيلو ام 5 الاف
بخصوص الكماليات .. طالع فى دماغى اركبلها شبكة امامية نيكل زى بتاعت الوكيل سالت عليها لقيتها عاملة 280 جنيه و بفكر فيها بجدية

[MR . Gold]

مع ان لسه بدرى على السؤال ده بس قولت اعرف من بدرى احسن
عربيتى عاملة 80 كيلو و عاوز اعرف زيت الفابريقة بيتغير على الف كيلو ام 5 الاف
بخصوص الكماليات .. طالع فى دماغى اركبلها شبكة امامية نيكل زى بتاعت الوكيل سالت عليها لقيتها عاملة 280 جنيه و بفكر فيها بجدية

زيت الفابريقة بيتغير علي 5000 الاف .. والشبكة اللي حضرتك ذكرتها دة سعرها في التوكيل ام خارج التوكيل ولو مش من التوكيل حضرتك لقيتها فين لان فعلاً شكلها جميل

[MR . Gold]

موضوع جميل ياابوجورج ربنا يوفقك

[Yousef.Kamel]

مع ان لسه بدرى على السؤال ده بس قولت اعرف من بدرى احسن
عربيتى عاملة 80 كيلو و عاوز اعرف زيت الفابريقة بيتغير على الف كيلو ام 5 الاف
بخصوص الكماليات .. طالع فى دماغى اركبلها شبكة امامية نيكل زى بتاعت الوكيل سالت عليها لقيتها عاملة 280 جنيه و بفكر فيها بجدية

زي ما قال الزميل الفاضل ( Lancer ) ان الزيت فعلا بيتغير علي 5000 وليس 1000 كيلو ولكن لو عاوز تعرف اللي بيبقي في صيانة الالف كيلو فهي بتبقي عبارة عن تربيط عفشة فقط و لو ليك اي ملاحظات في العربية ....... اما بالنسبة للشبكة ف دي حرية شخصية لحضرتك اكيد لان انا من وجهة نظري ان اللي نازلة فيها احلي و مش بتتباع كمان ولكن سعرها انا مش متاكد منه

[Yousef.Kamel]

موضوع جميل ياابوجورج ربنا يوفقك

شكرا جزيلا يا باشا وانشاء الله ينال اعجابكم الاخوة ملاك الجوهرة اليابانية

[mhoreya]

زيت الفابريقة بيتغير علي 5000 الاف .. والشبكة اللي حضرتك ذكرتها دة سعرها في التوكيل ام خارج التوكيل ولو مش من التوكيل حضرتك لقيتها فين لان فعلاً شكلها جميل

اولا شكرا على معلومة الزيت كده يبقى لسه بدرى اوى عشان اغيره
انا سالت عليها عندنا فى المنصورة و مش متاكد هى صينى ولا اصلى فى محل بيبيع زيرو مش استيراد

[memme]

اكيد علي 5000 كيلو لاني قربت علي ال1000 وكنت محتارة
مشكلتي حاسة ان العربية صوتها فيوه خشونه
وشو بيلزم نعمل علي ال1000 محتارة و
اذا في مكان محترم للصيانة بمدينة نصر لا في حاجات بسيطة مش محتاجة توكيل
برجاء الرد ولكم كل الشكر

[memme]

وكمان ينفع اشغل التكييف قبل ال 1000 كيلو
وكام اقصي سرعة قبل ال1000

[drmostafashaer]

شكراً أستاذ چو
موضوع أكثر من رإئع وأكيد هيكون مفيد
الزيت 5000كم

[Yousef.Kamel]

اكيد علي 5000 كيلو لاني قربت علي ال1000 وكنت محتارة
مشكلتي حاسة ان العربية صوتها فيوه خشونه
وشو بيلزم نعمل علي ال1000 محتارة و
اذا في مكان محترم للصيانة بمدينة نصر لا في حاجات بسيطة مش محتاجة توكيل
برجاء الرد ولكم كل الشكر

التوكيل الافضل بلا شك ..... صيانة الالف هي تربيط عفشة و اي شكوى من العربية فقط

[Yousef.Kamel]

وكمان ينفع اشغل التكييف قبل ال 1000 كيلو
وكام اقصي سرعة قبل ال1000

انا شغلت التكيف وجبت 170 من وكانت في حدود ال 900 كيلو ومفيش اي حاجة الحمدلله ..... و العربية متلينة بالفعل و بشهادة التوكيل

[OmarEzzat93]

سبحان الله لسه كنت بفتح عشان اعمل موضوع عن ملاك كرولا 2013 الخليجى و انطباعتهم عن العربيه لانى انا ملاحظ ان ملاكها زادو جدا جدا مشاء الله و ان شاء الله انا هندم للرابطة قريب

[Yousef.Kamel]

سبحان الله لسه كنت بفتح عشان اعمل موضوع عن ملاك كرولا 2013 الخليجى و انطباعتهم عن العربيه لانى انا ملاحظ ان ملاكها زادو جدا جدا مشاء الله و ان شاء الله انا هندم للرابطة قريب

ههههههههههههههه معلش يا باشا سبقتك انا ولا يهمك ...... مستيين بقي اول ما تجيبها تعملنا تقرير حلو كدة عنها .... وانشاءالله ملاكها في ازدياد دائما

[Yousef.Kamel]

يا ريت كل اللي عنده استفسارات بخصوص اي حاجة في العربية يكتب هنا يا جماعة عشان الكل يستفاد