كوروللا 94

[svneleven]

السلام عليكم.
يا جماعة كان واحد صاحبي معروض عليه كوروللا 94 لونها فيراني و مانيوال 1500 cc خليجي و ماشية 110000كم و رشة جنبين و فيها انذار و تقريبا مجددة بالكامل. عاوز يعرف الموديل ده كويس و الا لأ و العربية تساوي كام. أنا قلتله أن الموديل ده من أحسن موديلات تويوتا كوروللا لكن هو مصمم أسألكو.

[kar!m]

دي الملكة :-) عربية اعتمادية لأقصى درجة و نادرا لما تفتح كبودها.
المشكلة انها بقالها 20 سنة ماشية في مصر .. احنا بنشوف عربيات 2008 و طاله عينها.
طبعا موضوع ال 110000 كيلومتر ده أي كلام .. دول بيتعملوا في 5 سنين .. الا لو كانت مرفوعة.
لو حالتها ممتازة و سعرها كويس يتوكل على الله .. بس الناس بتطلب فيها أسعار خرافية لما تكون نضيفة.

[svneleven]

لأ هو متأكد من الكيلو متر لأنها عربية جاره و هو كان مشتريها معاه من سبع سنين و مشيت فيهم 20000 كم فقط.. فأعتقد أنها لقطة المهم سعرها يكون كام؟

[kar!m]

لو فيها تكييف تعمل 43 ألف جنية .. وزي ما قلت لك الناس بتطلب أكتر.

[S O P H O S]

عربية كويسة لو حالة السعر من 42 الف 45 الف
بس يتاكد انها حالة
والله اعلم

[svneleven]

1000 شكر لكن أظن تعدي ال 50 مستريح. العربية ديه ماسكة سعر بطريقة غريبة.

[kar!m]

1000 شكر لكن أظن تعدي ال 50 مستريح. العربية ديه ماسكة سعر بطريقة غريبة.

ثقافة شعب .. أنا شخصيا ممكن أجيب أكتر من عربية أحسن و أحدث منها ألف مرة بالسعر ده .. خلي بالك تكنولوجيا استهلاك الوقود و التكييف و الكماليات و قوة المحرك بالنسبة لاستهلاك البنزين اتطورت كتير جدا في العشرين سنه دول .. كل الحاجات دي هتكون عندك بتكنولوجيا قديمة.

[svneleven]

ثقافة شعب .. أنا شخصيا ممكن أجيب أكتر من عربية أحسن و أحدث منها ألف مرة بالسعر ده .. خلي بالك تكنولوجيا استهلاك الوقود و التكييف و الكماليات و قوة المحرك بالنسبة لاستهلاك البنزين اتطورت كتير جدا في العشرين سنه دول .. كل الحاجات دي هتكون عندك بتكنولوجيا قديمة.

فعلا عندك حق هي فعلا ثقافة شعب.