ضغط غير طبيبعى على كورولا خليجى 2013

[OmarEzzat93]

العربيه بدات تختفى خالص من السوق بطريقه غريبه و معدش موجود الوان كتير و اللون بيفرق حوالى 4 الف جنيه فى السعر و اخر سعر شوفته كان 160 و لونها ابيض كمان و واحد صاحبى شغال فى اكبر معرض عربيات فى الزقازيق قلى انها اكتر عربيه بتتطلب عندهم و السبب يرجع انه الناس اللى عجبهم 2013 من حيث الشكل و التقفيل و كل حاجه مش قدامهم غير الخليجى لان خلاص التوكيل مش بينزل 2013 بينزل 2014 بس و كمان كرولا خليجى 2013 يابانى ميه فى الميه انا قرات الكلام بنفسى على الباب حسب المواصفات السعوديه و ربنا يستر و ألحق واحده

[Hosam_Optrawy]

سبحان الله :)

طب سبب الإقبال الرهيب دا على عربيه 2013 وبالسعر دا عشان تويوتا ولا ياباني 100 % ولا إيه

عموما ربنا يوفقك ياباشا وتلحق واحده , ولو ملحقتش اللانسر شارك موجوده ب 136 الف ويابانى 100 %

[walidzakzok]

التويوتا ال 2013 تايواني

[abofandy]

2013 فية ناس كتير بتقول انها تايوانى والكلام دة من شركه عبد اللطيف الجميل فى السعودية
وان الفئة الاول فقط هى الى بتصنع وتقفل فى اليابان اما بقى الفئات تقفل فى تايوان

على العموم لو هى عجباك هى موجودة هنا فى المنصورة وجميع الالوان لو عايز اجيبلك رقم التليفون او تنزل بنفسك تكيييش وتاخدها

[OmarEzzat93]

صح زى ما انت قولت العربيه الفئه الاوله اللى هى عليها اقبال يبانى ميه فى ميه مش تيوانى

[ahmedaly1965]

علي فكرة فيه واحد في القاهرة عنده 2013 وكيل وانا اشتريت منه وكان عنده كذا عربيه

[Yousef.Kamel]

التويوتا ال 2013 تايواني

اتاكد من معلوماتك بالتفصيل من فضلك

[amgomaa]

سبحان الله :)

طب سبب الإقبال الرهيب دا على عربيه 2013 وبالسعر دا عشان تويوتا ولا ياباني 100 % ولا إيه

عموما ربنا يوفقك ياباشا وتلحق واحده , ولو ملحقتش اللانسر شارك موجوده ب 136 الف ويابانى 100 %

+1111111111

Sent from my GT-S5282 using Forum Runner

[amgomaa]

التويوتا ال 2013 تايواني

كان واحد سائل فى تويوتا ايجيبت على الفيس علي الموضوع ده والاجابة كانت تايوان

Sent from my GT-S5282 using Forum Runner

[JapRuleZ]

هل نفس الموتور و التسارع ؟ 2013 و 2014

[hossam_elwani]

2013 فية ناس كتير بتقول انها تايوانى والكلام دة من شركه عبد اللطيف الجميل فى السعودية
وان الفئة الاول فقط هى الى بتصنع وتقفل فى اليابان اما بقى الفئات تقفل فى تايوان

على العموم لو هى عجباك هى موجودة هنا فى المنصورة وجميع الالوان لو عايز اجيبلك رقم التليفون او تنزل بنفسك تكيييش وتاخدها

الهاى ﻻين متوفره؟؟وبكام؟؟

[تويوتا افريقي]

على فكره ياجماعه جزاكم الله خير 2013 عربيه فقيره جدا وسيبك من تقفيل والكلام المضحك ده هي هي الي قبله واللي قبلها ده بالعكس فيها نفس العيوب اللي هو التكييف لو باز الحساس اللي فيه هاتغير الكباس والسربنتينه وليله تانيه وده عيب في العربيات دي وكل سنتين على الاقل في التكييف هاتصرف 6000 جنيه ماانا معايا جنوب افريقي ههي هي بالعكس الجنوب فيها عفشة اللي نازله في 2014 يعني ثبات والفتيس عندي مافيهوش عيب خطير زي مالناس متوقعه على الاقل انه مابيوقفش العربيه وبيبوظ زي dsg عندك الخلايجه بيشتكوا من ثبات العربيه دي من 2008 الى 2013 عفشتها بتاعت 2007 ودي حقيقه مع ان العربيه واطيه على الارض بس ثبات تعبان وعندك التقفيل الداخلى هو هو اللي قبلها واللي قبلها العربيه كلها بتزيق من جوه كل الديكورات الداخليه بتطلع اصوات غريبه من اقل حركه (ياجماعه ماتخلوش حد يستغلكم عشان اسم خليجي وتقفيل ياباني ) التويوتا تويوتا خليجي تركي تايواني صيني هي هي التقفيل بيسلموه بالحته تحت اشراف علماء ومهندسي تويوتا

[abofandy]

على فكره ياجماعه جزاكم الله خير 2013 عربيه فقيره جدا وسيبك من تقفيل والكلام المضحك ده هي هي الي قبله واللي قبلها ده بالعكس فيها نفس العيوب اللي هو التكييف لو باز الحساس اللي فيه هاتغير الكباس والسربنتينه وليله تانيه وده عيب في العربيات دي وكل سنتين على الاقل في التكييف هاتصرف 6000 جنيه ماانا معايا جنوب افريقي ههي هي بالعكس الجنوب فيها عفشة اللي نازله في 2014 يعني ثبات والفتيس عندي مافيهوش عيب خطير زي مالناس متوقعه على الاقل انه مابيوقفش العربيه وبيبوظ زي dsg عندك الخلايجه بيشتكوا من ثبات العربيه دي من 2008 الى 2013 عفشتها بتاعت 2007 ودي حقيقه مع ان العربيه واطيه على الارض بس ثبات تعبان وعندك التقفيل الداخلى هو هو اللي قبلها واللي قبلها العربيه كلها بتزيق من جوه كل الديكورات الداخليه بتطلع اصوات غريبه من اقل حركه (ياجماعه ماتخلوش حد يستغلكم عشان اسم خليجي وتقفيل ياباني ) التويوتا تويوتا خليجي تركي تايواني صيني هي هي التقفيل بيسلموه بالحته تحت اشراف علماء ومهندسي تويوتا

كلام مقنع ومحترم
احيييك عليه
تسلم الايادى

[yassermahmmoud]

أنا مش عارف الضغط على العربية سببه إيه بالضبط، أنا كان معاي واحدة 2009 تقفيل ياباني 100% وكنت مشتريها من السعودية والعربية لا تقارن نهائياً بالموديل الجديد 2014 من ناحية الوسع الداخلي أو الشكل الخارجي، وطبعاً الكنبة الخلفية للكورولا 2013 ضيقة للغاية، يعني اللي بيجلس فيها يشعر أنه غير مستريح، على عكس الكنبة الخلفية للكورولا 2014 فرق شاسع، فأنا مش عارف هذا الضغط سببه إيه؟؟؟؟

[jdmm]

للأسف أسعار ال2013 مبالغ فيه بمصر مع أنه موديل قديم

كانت تنباع أخر شيء بالكويت مايعادل ( 114 ألف جنيه) لل1.6

و 117.5 ألف جنيه لل 1.8