يا أهل الكورولا معلش افيدون فى فتيس mmt

[Ahmed_m7md_A5]

النية لشراء واحدة من 3 ماركات هم لانسر و A5 و كورولا

كورولا افريقى 2008 , طبعا المشكلة القديمة من ساعتها كانت الفتيس ال mmt وتم تناول هذا الموضوع مئات المرات و اتعشاتوا بيه لكن برضه بالنسبة لى مش هجيبه ابدا فالسؤال كالاتى
المفروض كان فى قرار من حماية المستهلك بتغيير ال mmt باخر اوتو عادى مجانا , هل التوكيل نفذه ؟؟؟ وهل لو اشتريت mmt اقدر اروح التوكيل اغير الفتيس مجانا ؟؟؟؟
معلش يا جماعة انا عارف ان الموضوع قديم جدا بس انا جالى صداع من كتر البحث عن السيارات و مشاكلها و عيوبها و عينى هتبوظ من كتر القعدة قدام الكمبيوتر
مليون شكر مقدما لكل من يرد

[iUsef]

يا باشا مفيش تغيير فتيس mmt ب اوتوماتيك التغيير بيكون ب نفس الفتيس بس المكونات مختلفه ولاكن نفس اسلوب القياده المختلف عن الاوتوماتيك

[Ahmed_m7md_A5]

طيب بصوا بقه يا رجال , اول صورة دى ده ال mmt صح ؟؟


دلوقتى على دوبيزل موجود شكل تانى , انا افترضت انه العادى بتاع الخليجى ( الصور لموديلات 2008 )

و صاحب الصورة التانية كاتب كده : " الصورة التانية فى المشاركة اللى بعد دى

كرولا 2008 الشكل الجديد رشه خارجى جنوب افريقى
تم تغيير الفتيس الجنوب وتركيب فتيس يبانى فى التوكيل من اسبوع
العربيه مش محتاجه مصاريف
برجاء اسطحاب فنى عند المعاينه لضيق الوقت

واحد غيره كمان كاتب انه مغير فتيس توكيل جديد توكيل برضه
يبقى ايه القصة عشان دماغى بتودى و تجيب ؟؟؟

[Ahmed_m7md_A5]

طب ايه ده ؟؟؟؟ صاحب الصورة مش قايل وكيل و لا خليجى ؟؟؟

[iUsef]

يا باشا الصورة بتاعت دوبيزيل دي مش جنوب افريقي وممكن تبقي من علي جوجل وخلاص انا كان معايا 2008 جنوب هاي لاين وحافظ العربيه... العربيه اللي في الصورة فيها مثبت سرعه و زراير في الطاره علي الشمال زياده و تكيف بكر ودي مواصفات غير الجنوب خالص
ثانياً كلام تغيير الفتيس باليباني مش معناه انه اوتوماتيك غير ان اللي كان راكب برضه يباني... جنوب افريقيا بتجمع بس و المكونات الاساسيه في العربيه يباني زي اي عربيه تويوتا ودمتم...

[Ahmed_m7md_A5]

يا باشا الصورة بتاعت دوبيزيل دي مش جنوب افريقي وممكن تبقي من علي جوجل وخلاص انا كان معايا 2008 جنوب هاي لاين وحافظ العربيه... العربيه اللي في الصورة فيها مثبت سرعه و زراير في الطاره علي الشمال زياده و تكيف بكر ودي مواصفات غير الجنوب خالص
ثانياً كلام تغيير الفتيس باليباني مش معناه انه اوتوماتيك غير ان اللي كان راكب برضه يباني... جنوب افريقيا بتجمع بس و المكونات الاساسيه في العربيه يباني زي اي عربيه تويوتا ودمتم...

ماشى انا عارف ان المكونات يابانى تجميع جنوب افريقى , انما الفكرة ان اتنين من المعلنين بيقولوا مغيرين فتيس من التوكيل يابانى فهل القصد انهم الاتوماتيك العادى بتاع الخليجى ؟؟؟ مهو مش معقول انهم بيقولوا ان الفتيس ضرب منهم و مغيرين

ثانيا : حضرتك عارف الافريقى بالسنتى , طب حضرتك تنصحنى بالفتيس ال mmt ؟؟؟ و هل فى حد بيفهم فيه غير التوكيل ؟؟؟

[iUsef]

ماشى انا عارف ان المكونات يابانى تجميع جنوب افريقى , انما الفكرة ان اتنين من المعلنين بيقولوا مغيرين فتيس من التوكيل يابانى فهل القصد انهم الاتوماتيك العادى بتاع الخليجى ؟؟؟ مهو مش معقول انهم بيقولوا ان الفتيس ضرب منهم و مغيرين

ثانيا : حضرتك عارف الافريقى بالسنتى , طب حضرتك تنصحنى بالفتيس ال mmt ؟؟؟ و هل فى حد بيفهم فيه غير التوكيل ؟؟؟

بص يا باشا الفتيس اول ما نزل كان فيه نتشه جامده وده اللي الناس اشتكت منه و تويوتا عملت استدعاء للموديل ده وغيرت فيه شويه حاجات و بعديها بحوالي سنه برضه غيرت فيه حاجات زي اسطوانه الدبرياج و وحدة الكمبيوتر واخر حاجة نزله تعديل تاني قبل ما ابيع العربيه علي طول في شهر ٩ اللي فات و المهندسين في التوكيل قالو ده اخر تعديل هينزل للموديل ده و ان شاء الله مش هيحصل مشاكل تاني....

هجبلك من الاخر اول حاجه انسي ان ممكن تغيير ال mmt باوتوماتيك لانك هتغير فتيس و ضفيره كامله و عدادات غير شويه الفبر بتاع الطبلوه اللي ممكن متلاقهوش و التوكيل انا سألت فيه من حوالي سنتين قالي ان عمره ما هيعمل كده لانه مش سهل
تاني حاجه تقيمي للعربيه انها عربيه فوق الممتازه انا عملت بيها ٢٠٠٠٠٠ كيلو و العربيه كانت فوق الممتازه عزل و تقفيل و كماليات عاليه جداً جداً هي بس اعاده البيع هي اللي كانت مخوف الناس منها بس دلوقتي اللي بيشتريها بيجبها بتمن افيو او اوبترا ومع احترامي للعربيتين بس دي تويوتا يا ناس
غير ان بعض قطع الغيار مش هتلاقيها غير عند موزعين تويوتا الاصلي او التوكيل

بالنسبه للفتيس ال mmt ليه طريقه سواقه معينه لانه رياضي جداً غير الاوتوماتيك العادي او ال cvt لازم تجربها الاول لو حاسس ان العربيه مريحاك توكل علي الله لو انت موسس وهتقعد تسمع لكلام الناس ابعد عنها وريح دماغك
بالنسبه لحد بيفهم فيه ولا لا بره التوكيل... بصراحه انا مجربتش لان التوكيل كان بيعمل كل حاجه فيه ببلاش فمكنتش محتاج اروح بره
دور علي عربيه حاله نضيفه ويكون بيصلح في التوكيل او علي الاقل عامل تعديل الفتيس ولو فيه اي سؤال انا تحت امرك

[Ahmed_m7md_A5]

بص يا باشا الفتيس اول ما نزل كان فيه نتشه جامده وده اللي الناس اشتكت منه و تويوتا عملت استدعاء للموديل ده وغيرت فيه شويه حاجات و بعديها بحوالي سنه برضه غيرت فيه حاجات زي اسطوانه الدبرياج و وحدة الكمبيوتر واخر حاجة نزله تعديل تاني قبل ما ابيع العربيه علي طول في شهر ٩ اللي فات و المهندسين في التوكيل قالو ده اخر تعديل هينزل للموديل ده و ان شاء الله مش هيحصل مشاكل تاني....

هجبلك من الاخر اول حاجه انسي ان ممكن تغيير ال mmt باوتوماتيك لانك هتغير فتيس و ضفيره كامله و عدادات غير شويه الفبر بتاع الطبلوه اللي ممكن متلاقهوش و التوكيل انا سألت فيه من حوالي سنتين قالي ان عمره ما هيعمل كده لانه مش سهل
تاني حاجه تقيمي للعربيه انها عربيه فوق الممتازه انا عملت بيها ٢٠٠٠٠٠ كيلو و العربيه كانت فوق الممتازه عزل و تقفيل و كماليات عاليه جداً جداً هي بس اعاده البيع هي اللي كانت مخوف الناس منها بس دلوقتي اللي بيشتريها بيجبها بتمن افيو او اوبترا ومع احترامي للعربيتين بس دي تويوتا يا ناس
غير ان بعض قطع الغيار مش هتلاقيها غير عند موزعين تويوتا الاصلي او التوكيل

بالنسبه للفتيس ال mmt ليه طريقه سواقه معينه لانه رياضي جداً غير الاوتوماتيك العادي او ال cvt لازم تجربها الاول لو حاسس ان العربيه مريحاك توكل علي الله لو انت موسس وهتقعد تسمع لكلام الناس ابعد عنها وريح دماغك
بالنسبه لحد بيفهم فيه ولا لا بره التوكيل... بصراحه انا مجربتش لان التوكيل كان بيعمل كل حاجه فيه ببلاش فمكنتش محتاج اروح بره
دور علي عربيه حاله نضيفه ويكون بيصلح في التوكيل او علي الاقل عامل تعديل الفتيس ولو فيه اي سؤال انا تحت امرك

ياباشا الف شكر و ازاى بتعمل صياناته مجانا ؟

[iUsef]

الفتيس عملوله ضمان زياده عن العربيه زي ما انت قولت في الاول من حمايه المستهلك

[Ahmed_m7md_A5]

الفتيس عملوله ضمان زياده عن العربيه زي ما انت قولت في الاول من حمايه المستهلك

ده ضمان قد ايه ؟؟؟ ان سمعت انه مدى الحياة ؟؟؟

[Ahmed_m7md_A5]

ايه يا جدعان الموضوع نام ليه ؟؟؟

[Ahmed_m7md_A5]

مفيش حد عنده ايتها خبرة ؟؟؟؟؟؟

[midnightman_74]

مفيش حد عنده ايتها خبرة ؟؟؟؟؟؟

انت قدامك عربية معينة ولا سؤال عام ؟
لان مش كل ال م م ت عمل مشاكل مع الناس

[Ahmed_m7md_A5]

انت قدامك عربية معينة ولا سؤال عام ؟
لان مش كل ال م م ت عمل مشاكل مع الناس

بص حضرتك انا باصص لكورولا 2008 افريقى و اسمع ان كان ليها تعديل على الفتيس من اليابان من كام شهر , هل ده انهى مشاكل الفتيس ؟؟؟

[midnightman_74]

بص حضرتك انا باصص لكورولا 2008 افريقى و اسمع ان كان ليها تعديل على الفتيس من اليابان من كام شهر , هل ده انهى مشاكل الفتيس ؟؟؟

التعديل زى ما فهمت من التوكيل عبارة عن فتيس كامل بخامات احسن مع اضافة لمبة فى التابلوة تنور لما مجموعة الدبرياج تبدأ تتآكل عشان تلحقها بدرى
إنما نفس فكرة عمل الفتيس متغيرتيش
على فكرة العربية بالفتيس بتاعها بتشم البنزين