استلمت تويوتا كورولا 2014 النهاردة

[mahmoud kimo]

استلمت تويوتا كورولا 2014 النهاردة بس ليا بعض الملاحظات عليها

- الزرار بتاع قفل المريات مش بينور مع التبلوه مكان USb ,AUX كمان مش بينور
- صوت خشونة فى الفرامل لم بحاول اهدى العربية شوية
- حساس ان السماعات صوتها مش اد كده مقارنة بالكورى اللى انا اعرفة

غير كده العربية ناعمة جدا وسحبها حلو جدا بس فى حاجة لما بفتح الكونتاكت بسمع صوت مروحة شغالة مش عارف مروحة ايه

[abofandy]

الف مليون مبروك يا صاحبى
وربنا يجعلها فتحه خير عليك ويبعد عنك شرها

1 - فعلا مش بتنور الزراير دى بس دى مش مهمه بالنسبة ليا .... انا كان نفسى بس لمبه فى الدرج الى فى اليمين الى فية الكتالوج بتاع العربية يبقى فية لمبه ومش فارقة معايا اللمبات aux او ضم المريات

2 - الخشونه دى عادى يا صديقى علشان لسة التيل جديد بس الخشونه دى هتروح واحدة واحدة ولو فضلت معاك ممكن تروح التوكيل يعملوا ليك صنفره وهتبقى تمام التمام ... بس سيبها وهتروح لوحدها بس علشان التيل لسة جديد بس

3 - السماعات شايف انها صوتها كويس ونقى اوى .. بس هى اراء يا صديقى

4 - صوت المروحه دى فعلا موجودة بتحس ان بيجى هواء او هواء ماشى فى مواسير او هويات كان التكيف بيشحن ... بس افتح الكونتاك وسيبها ثانية او اتنين وبعد كدة دور العربية عادى مفيش مشاكل


ربنا يباركلك فيها يارب

[insurancebroke]

الف مبروك
وربنا يكفيك شرها

[yassermahmmoud]

مبروك وربنا يطعمك من خيرها ويكفيك شرها .. ويبارك لك فيها .. بس ما هو اللون اللي اخترته؟

[Mohamed.Hany]

استلمت تويوتا كورولا 2014 النهاردة بس ليا بعض الملاحظات عليها

- الزرار بتاع قفل المريات مش بينور مع التبلوه مكان USb ,AUX كمان مش بينور ايوة فعلا مش بينور بس هتحتاجه ينور ليه ؟ حضرتك بتبقي مركب الفلاشة علي طول و بتبقي سايب كابل ال AUX راكب علي طول برضو ده ان استخدمت ال AUX لان ال Bluetooth بيغني عنها تماما.
بالنسبة للمرايات في عندك 3 زراير الضم , اختيار المرايا يمين و شمال , و اخيرا الزرار الكبير Mirror هو ده اللي بينور و ده كافي جدا.

- صوت خشونة فى الفرامل لم بحاول اهدى العربية شوية ده صوت التيل عادي هوا صوتها كدة خشن شوية و هتحسن لما يطبع مع الوقت و هتتعود عليه
- حساس ان السماعات صوتها مش اد كده مقارنة بالكورى اللى انا اعرفة بالعكس خالص , السماعات نضيفة جدا , جرب كدة تظبط ال EQ

غير كده العربية ناعمة جدا وسحبها حلو جدا بس فى حاجة لما بفتح الكونتاكت بسمع صوت مروحة شغالة مش عارف مروحة ايه صوت المروحة ده مش مروحة ده صوت رشاشات الانجكشن و هي بتفتح و ده طبيعي و الاهم بقي انك عشان تحافظ علي عمر الرشاشات دي تجيب كونتاكت و تستني 5 ثواني الصوت هيروح ده معناها انا فتحت و بعد كدة تدور عادى. طبعا لو دورت علي طول م هيحصل حاجة بي البنزين هيطلع في نفس وقت فتح الرشاشات و ده بيقلل شوية من عمرها الافتراضي.

[miceg]

الف مبروك على الكورولا الجميلة
وربنا يديك خيرها ويكفيك شرها

[omaranes77]

الف مبروك بس حضرتك جبت انهي قئة

[mahmoud kimo]

شكرا للاخ abofandy والأخ Mohamed.Hany على الرد وشكرا ليهم جدا جدا مش عارف اشكرهم ازاى لأن هم فعلا الى خلونى اطمن واجيب العربية بس العربية فعلا ما شاء الله جميلة جدا وناعمة جدا والعفشة ناعمة

واللون كونت حاجز فضى او فرانى او برونزى بس التوكيل كلمنى وقالى يا فضى يا برونزى
واخترت الفضى بصراحة ات شايف من وجهة نظرى انو احلى لون


الفئة الثانية

[Mohamed.Hany]

شكرا للاخ abofandy والأخ mohamed.hany على الرد وشكرا ليهم جدا جدا مش عارف اشكرهم ازاى لأن هم فعلا الى خلونى اطمن واجيب العربية بس العربية فعلا ما شاء الله جميلة جدا وناعمة جدا والعفشة ناعمة

واللون كونت حاجز فضى او فرانى او برونزى بس التوكيل كلمنى وقالى يا فضى يا برونزى
واخترت الفضى بصراحة ات شايف من وجهة نظرى انو احلى لون


الفئة الثانية

الف مبروك يا محمود باشا، وربنا يباركلك فيها

[mo7a_mo7a]

الف الف مبروك ربنا يبارك لك فيها ويديك خيرها ويكفيك شرها

[ابوحميد]

ريح نفسك و بلاش اسطوانات سى دى .. حمل تراكات صيغة نقية على فلاشة و جربها حتدعيلى .. موجود على النت تراكات صيغة فلاك .. بس بصراحة مجربتهاش على الكاسيت العربية .. معتقدش يقدر يقرا الامتداد ده

[Marwan yahya]

الف مبرووووك ربنا يديك خيرها ويكفيك شرها

[lenasam]

مبرووووووك من الاعماق والى الامام وبالتوفيق يارب

[lenasam]

الف مبروك يا محمود باشا، وربنا يباركلك فيها

فعلا استاذ و رئيس قسم

[S O P H O S]

الف مبـــروك يا باشا