حتجنن من لون الكورولا

[ahmedtalat]

السلام عليكم و رحمه الله و بركاته
يوم الخميس اللى فات انا روحت توكيل كورولا و حجزت الحمد لله الفئه الهاى لاين
المشكله انى كنت رايح اختار اللون البرونز و بعدين شوفت فى صاله العرض اللون السلفر بصراحه شكله عجبنى اكتر قمت حجزته و خليت اللون البديل هو البرونز بس المشكله انى متردد اوى بين اللونين و اللى يقوللى خليك فى السلفر اصل البرونز بيبان فبه التجريح اكتر و اللى بيقوللى السلفر اشيك جدا من البرونزى و فى واحد ابن حلال قالى معلومه غريبه جدا - قاللى بلاش سلفر علشان بيتسرق اكتر اليومين دول (الظاهر فى طلب على السلفر عند اخواننا حراميه العربيات)

و بعدين شوفت الاسود لقيته جميل - بصراحه البياع بتاع التوكيل غلب معايا

بس المفروض بصراحه ان تيوتا تعرض كل الالوان فى نور ربنا بره صاله العرض علشان الناس تعرف تشوف اللون صح

مش عارف ليه فى التوكيل عارضين بعض الالوان مش كلها

يعنى لحد دلوقت انا مش عارف الفرق بين اللونين (الاسود) و (دارك ستيل ميكا) ؟؟!!!

و بعدين المشكله فى الفرش - انا حاسس ان البيج شيك اوى بس للأسف بيتوسخ بسرعه و البياع بتاع التوكيل قاللى مش حتعرف تركب فرش على البيج علشان الايرباجز الجانبيه بتاعة الكراسى الاماميه

انا احترت و احتار دليلى

انا عارف ان من الاخر الموضوع اذواق و راحه نفسيه بس المشكله ان الواحد نفسه يجيب حاجه و ما يندمش عليها بعد كده

[yassermahmmoud]

شوف يا عزيزي .. أولاً السيارة في صالة العرض بتكون جميلة جداً عليها جميع الألوان وتبهرك وتشعر من الوهلة الأولى أن هذا اللون هو الذي تريده، فنصيحة حاول أن تشوف اللون الذي ترغبه خارج صالة العرض يعني تشوفه في الشارع أفضل في نور ربنا، ثانياً الألوان أذواق وهناك مقاييس في الألوان، يعني اللون الأسود والرمادي فخم ولكن عيبه إنه يمتص حرارة كبيرة وبيبان فيه الأوساخ والتراب بشكل فظيع ويحتاج الى تنظيف مستمر، واللون الأبيض من الألوان الفاتحة ولكن بعد فترة تشعر أن السيارة عجوزة، واللون البرونزي لون جديد ومش منتشر وتشعر أنه في الصباح لون وفي المساء لون آخر، ثم نأتي للون الفضي (السليفر) وهذا في الحقيقة لون أراه جميل جداً لأنه ليس غامق ولا فاتح جداً ومش بيبان فيه الأوساخ ولا يسحب حرارة وشكله شيك جداً على الكورولا 2014 أتمنى لك التوفيق في اختيار اللون المناسب.

[nazar muharram]

الف مبروك مقدما الالوان ازواق بس اهم حاجه تختار لون يبان فيه نيكل بتاع العربيه علشان فيها نيكل كتير انا شخصيا اخترت اللون الاسود
مميزات
1- مبين النيكل اوى
2- شكل الفوانيس مع الشبكه جامده جدا
3- سيد اللوان
عيوب
1- بيلم تراب بسرعه خصوصا شوارعنا الجميله
2- حكاية السخونة وكده مش فارقه علشان انا هفيمها مش هحس باي حاجه ومش لازم نفيم دارك لا هات اخف حاجه وبالنسبه للسخونه الداخليه التكيف ثم التكيف هي اكبر مشكلا التراب قدار تنظف كل يوم تديها فوطه يبقا تمام

[Mohamed.Hany]

السلام عليكم و رحمه الله و بركاته
يوم الخميس اللى فات انا روحت توكيل كورولا و حجزت الحمد لله الفئه الهاى لاين
المشكله انى كنت رايح اختار اللون البرونز و بعدين شوفت فى صاله العرض اللون السلفر بصراحه شكله عجبنى اكتر قمت حجزته و خليت اللون البديل هو البرونز بس المشكله انى متردد اوى بين اللونين و اللى يقوللى خليك فى السلفر اصل البرونز بيبان فبه التجريح اكتر و اللى بيقوللى السلفر اشيك جدا من البرونزى و فى واحد ابن حلال قالى معلومه غريبه جدا - قاللى بلاش سلفر علشان بيتسرق اكتر اليومين دول (الظاهر فى طلب على السلفر عند اخواننا حراميه العربيات)

و بعدين شوفت الاسود لقيته جميل - بصراحه البياع بتاع التوكيل غلب معايا

بس المفروض بصراحه ان تيوتا تعرض كل الالوان فى نور ربنا بره صاله العرض علشان الناس تعرف تشوف اللون صح

مش عارف ليه فى التوكيل عارضين بعض الالوان مش كلها

يعنى لحد دلوقت انا مش عارف الفرق بين اللونين (الاسود) و (دارك ستيل ميكا) ؟؟!!!

و بعدين المشكله فى الفرش - انا حاسس ان البيج شيك اوى بس للأسف بيتوسخ بسرعه و البياع بتاع التوكيل قاللى مش حتعرف تركب فرش على البيج علشان الايرباجز الجانبيه بتاعة الكراسى الاماميه

انا احترت و احتار دليلى

انا عارف ان من الاخر الموضوع اذواق و راحه نفسيه بس المشكله ان الواحد نفسه يجيب حاجه و ما يندمش عليها بعد كده

فعلا لو هتجيب الهاي لاين مينفعش تركب فرش عشان فيها 7 ايرباج و في 2 منهم في الكراسي.
مفيش لون اسمه دارك ستيل ميكا للاسف دى غلطة و البديل ليه الفيراني.
الفرش البيج و التابلوه البيج اشيك.
واشيك الوان الفيراني الاسود الفضي البرونزي

[miceg]

كل الالوان جميلة عالعربية دي
وان كنت بفضل الفضي ثم الاسود ثم البرونزي
والفرش البيج على ألاسود تحفة
بس الفصلة كلها موضوع الايرباجز والفرش
لو مش عندك أطفال وكده يبقا اتكل على الله

[J A G U A R]

رأيي الفيرانى افضل لون عليها

[Mustafa_Zain]

إن شاء الله أستلم قريب اللون الفضي.
بس بجد بعد التعديل الأخير الفراني أفضل عليها عشان العربية بقى شكلها متشعلق قوي ولكن الشعلقة مش باينة قوي في الفراني.

[S O P H O S]

هات الفيراني او الفضي

[yahya157e]

الفيرانى حلو خالص عليها وانا حاجز الفيرانى

[ahramadan]

الابيض من افضل الالوان , بيبين حجم العربيه و من اكثر الالوان انتشاراعالميا في 2013

The greatest white cars ever - BBC Top Gear