سؤال لخبراء تويوتا عن كماليات الكورولا ٢٠١٤

[Magdy abomazen]

انا نويت ان شاء الله انى اشترى الكورولا ٢٠١٤ اول فئة فى الاوتوماتيك .. عارف طبعا ان الكل هيقول حرام عليك هات اللى بعدها بس انا ظروفى المادية مخليانى مقدرش ادفع جنيه زياده مش عشر تلاف المهم سؤالى لو فكرت اركب بعدين سنسور بارك فى التوكيل هيكلف اد ايه ؟؟

[اشرف نبيل]

تركيب سنسور بارك خلفى

تركيب السنسور بارك خلفى فقط ب 400 جنية فى التوكيل فرع العباسية من قسم الاكسسوارات

[Mohamed.Hany]

انا نويت ان شاء الله انى اشترى الكورولا ٢٠١٤ اول فئة فى الاوتوماتيك .. عارف طبعا ان الكل هيقول حرام عليك هات اللى بعدها بس انا ظروفى المادية مخليانى مقدرش ادفع جنيه زياده مش عشر تلاف المهم سؤالى لو فكرت اركب بعدين سنسور بارك فى التوكيل هيكلف اد ايه ؟؟

انا بصراحة لو مكانك استلف اعمل اي حاجة بس اجيب الفئة التانية بجد هتفرق معاك قوي ال 10000 جنيه دول يساو :
مثبت سرعة
تكييف أوتوماتيكي Dual Zone
تحكم بالنظام الصوتي والتليفون من عجلة القيادة
Bluetooth
راديو 6CD سماعات
مدخل USB+AUX
كاوتش مقاس 55/16 205 R(جنوط سبور )
حساسات ركن امامية وخلفية خاصية الركن التلقائى Park Assist
فوانيس شبورة أمامية وخلفية
مرايا كهرباء قابله للطى
يعني الموضوع مش سينسور بس, و في الاخر برضو انت واخد عربية تحفة حتي لو الفئة الاول كفاية انك معاك esp و trc و مفيش اي عربية في الفئة السعرية دي فيها الكلام ده ولا وسائل الامان اللي فيها. بص نصيحة اخوية اعمل اللي بقولك عليه و هتعرف قيمته بعدين.

تركيب السنسور بارك خلفى فقط ب 400 جنية فى التوكيل فرع العباسية من قسم الاكسسوارات

خد بالك السنسور ده مش هيبقي زى الاصلي هو عبارة عن شاشة صغيرة بتكتبلك المسافة و معاها صوت صفارة غير الاصلي بتاع العربية اللي بيظهر في وسط العدادات و يرسملك العربية.

[Magdy abomazen]

الف شكر لحضرتك يا استاذ اشرف

[Magdy abomazen]

والله انا اتشرفت ان اول مشاركة ليا يرد عليها شخص محترم زى حضرتك يا استاذ محمد هانى .. بالنسبة لنصيحة حضرتك انا مقدرها بس المشكلة ان انا فعلا استلفت وعملت كل حاجة عشان اوصل لاول فئة من الكورولا :))

[Mohamed.Hany]

والله انا اتشرفت ان اول مشاركة ليا يرد عليها شخص محترم زى حضرتك يا استاذ محمد هانى .. بالنسبة لنصيحة حضرتك انا مقدرها بس المشكلة ان انا فعلا استلفت وعملت كل حاجة عشان اوصل لاول فئة من الكورولا :))

الشرف لي يا استاذ مجدي , حاول تشوف حد تاني يسلفك الفرق ده لأن انا مش عاوزك بعد فترة تندم صدقني ال 10000 دلوقتي غير انك هتاخد اوبشنز و كماليات هتاخد اعادة بيع احسن .
بس مدام الموضوع مستحيل اكيد برضو الفئة الاولي جميلة مقارنة باللي موجود في السوق.