خاصية تشغيل النوافذ الآلية بعد ايقاف تشغيل المحرك في كورولا 2014

[walyamw]

صباح الفل علي عم الكل(أي تيوتاوي طبعا)

تجربة بسيطة:

امبارح وبعد ما ركنت العربية وشيلت المفتاح من الكونتاكت وبدل ما دوس علي زرار unlock دوست علي زرار فتح الشباك ولقيت الشباك بيفتح ويقفل عادي لفترة بعدين يفصل كهرباء تماما. فسالت نفسي ازاي الشباك فتح وقفل و انا شايل المفتاح اساسا. أعدت التجربة وقررت أقيس الوقت اللي ممكن أفتح وأقفل فيه الشبابيك بعد ما اشيل المفتاح فلقيت أنه 45 ث. وبالبحث في الكاتلوج لقيت الخاصية الأتية:



تشغيل النوافذ الآلية بعد ايقاف تشغيل المحرك (صفحة 160 في كاتلوج كورولا 2014 عربي)

يمكن تشغيل النوافذ الآلية لمدة 45 ثانية حتي بعد ادارة محول تشغيل المحرك الي الوضع" ACC " او الوضع" LOCK " .ولكن لايمكن تشغيلها اذاتم فتح احد البابين الاماميين.

ودي معناها أنك بعد تطفي محرك العربية أو حتي تشيل مفتاح العربية خالص أنك تقدر تفتح و تقفل شبابيك العربية في فترة 45 ث بشرط متفتحش البابين الاماميين.

السؤال هم ليه عاملين الخاصية دي في العربية؟

[bassem.naguib]

الأوبشن ده موجود في بعض العربيات التانية مش التويوتا فقط .. وده بيديك فرصة أنك لو ناسي الشباك مفتوح أنك تقفله بعد ما شلت المفتاح من الكونتاكت .

[iUsef]

الخاصية دي قديمة من ٢٠٠٨ وهي مفيدة جداً في اماكن زي البزينه لازم تبطل الموتور وتفتح الشباك وتقفله وللعلم عن تجربه ٤٥ ثانيه بيبداؤ بعد اخر لمسه ليك للزراير يعني لو فضلت تفتح و تقفل بيفضل شغال

[a7medsh3rawi]

يعنى لو طفيت المحرك وشيلت المفتاح وبتبص على الشبابيك لاقيتهم مفتوحين كنت فى الاول هتضطر تحط المفتاح تانى وتشغل الكونتاكت وترفع الازاز وبعد كدا تشيل المفتاح تانى مره ..
فالنظام دا سهل الموضوع عليك بحيث انك تقفل شبابيكك علطول وتنزل
وهو موجود فى الاوروبى والامريكى واليابانى اللى هى الانفينتى واليكزس

[walyamw]

الأوبشن ده موجود في بعض العربيات التانية مش التويوتا فقط .. وده بيديك فرصة أنك لو ناسي الشباك مفتوح أنك تقفله بعد ما شلت المفتاح من الكونتاكت .

سبب منطقي شكرا يا باسم باشا

[walyamw]

يعنى لو طفيت المحرك وشيلت المفتاح وبتبص على الشبابيك لاقيتهم مفتوحين كنت فى الاول هتضطر تحط المفتاح تانى وتشغل الكونتاكت وترفع الازاز وبعد كدا تشيل المفتاح تانى مره ..
فالنظام دا سهل الموضوع عليك بحيث انك تقفل شبابيكك علطول وتنزل
وهو موجود فى الاوروبى والامريكى واليابانى اللى هى الانفينتى واليكزس

شكرا للافادة و تقبل تحياتي

[AhMeD MeTwAlY]

مش جديده ولي حاجه
موجوده ف الكامري 2006

[walyamw]

الخاصية دي قديمة من ٢٠٠٨ وهي مفيدة جداً في اماكن زي البزينه لازم تبطل الموتور وتفتح الشباك وتقفله وللعلم عن تجربه ٤٥ ثانيه بيبداؤ بعد اخر لمسه ليك للزراير يعني لو فضلت تفتح و تقفل بيفضل شغال

يوسف باشا منور وليك وحشة ويارب نتقابل تاني معاك في مقابلة تويوتا الجاية أن شاء الله

بالنسبة للجزء ده:
"وللعلم عن تجربه ٤٥ ثانيه بيبداؤ بعد اخر لمسه ليك للزراير يعني لو فضلت تفتح و تقفل بيفضل شغال[/quote]"

أنا عملت التجربة دي (فضلت أفتح و أقفل) وقفل عليا الكهرباء بعد 45 ث من اطفاء المحرك أو شيل المفتاح وده اللي الكاتلوج بيقوله بالضبط.

تشغيل النوافذ الآلية بعد ايقاف تشغيل المحرك (صفحة 160 في كاتلوج كورولا 2014 عربي)

يمكن تشغيل النوافذ الآلية لمدة 45 ثانية حتي بعد ادارة محول تشغيل المحرك الي الوضع" acc " او الوضع" lock " .ولكن لايمكن تشغيلها اذاتم فتح احد البابين الاماميين.

[amr elsisi]

مش جديدة ولا حاجة موجودة في عربيتي من سنة 97
بس غلق فقط من الريموت
وفتح وقفل من الزرار
لمدة دقيقة
انت اية حكايتك النهاردة معاياة
هات حاجة جديدة
ربنا يباركلك في سيارتك ويرزقق خيرها ويكفيك شرها
وعلي فكرة انت صبحت علي تيوتاوي فقط

[walyamw]

مش جديده ولي حاجه
موجوده ف الكامري 2006

هاهاها.....ده علي اساس أن الكامري مغرقة مصر .... ده التوكيل نفسة معندوش عربية واحدة كامري . بالضافه أن أنا مقلتش جديده.

وتقبل تحياتي

[walyamw]

مش جديدة ولا حاجة موجودة في عربيتي من سنة 97

يا باشا انا مقلتش في المشاركة أنها خاصية جديدة في العموم ولكن هي جديدة بالنسبة ليا فقط ومش موجودة مثلا في أوكتافيا 2011.

بس غلق فقط من الريموت
وفتح وقفل من الزرار
لمدة دقيقة
انت اية حكايتك النهاردة معاياة
هات حاجة جديدة

ربنا يبارك لمحمد هاني وأبو فندي و باسم نجيب و يوسف وحضرتك و باقي اعضاء المنتدي مخلوش حاجة في الكورولا 2014 مكتبوش عنها والسوق نايم اليوميين دول اصبر شوية

ربنا يباركلك في سيارتك ويرزقق خيرها ويكفيك شرها
ويبارك في عربيتك ويرزقق خيرها ويكفيك شرها

وعلي فكرة انت صبحت علي تيوتاوي فقط

في دي عندك حق
صباح الفل علي الكل

[Mohamed Bander]

في دي عندك حق
صباح الفل علي الكل

موجودة فى الاوكتافيا 2013 اللى معايا

[baherhassan30]

هي فعلا خاصية جميلة .. وموجودة عندي في الالنترا 2013 ومفيدة جدااا
وبتفصل بعد مدة معينة وقصيرة جداااا
اللي استغربته اني لما فتحت الباب الامامي فصلت
بعتبرها ميزة كويسة جدااا
الميزة الاقوى منها
انك لو شغلت النور الامامي وقفلت العربية وسيبتها
النور بيكون شغال لمدة 30 ثانية وبيفصل
ولما تفتح العربية بالريموت بيشتغل (مفيدة جداااااااااا بالليل او لو كنت راكن في جراج مول)
وفيه ميزة كمان نور التابلوة (النور الصغير) لو كان شغال ... اول ما بتفتح الباب بيطفى .. وبينور تاني اول ما تدخل المفتاح في الكونتاكت

معذرة يا كورولاوية ... ان كلامي كله على الالنترا :)
معرفش الامكانيات دي موجودة في الكورولا الجديدة ولا لا ...

وتقبلوا تحياتي :)

[bassem.naguib]

هي فعلا خاصية جميلة .. وموجودة عندي في الالنترا 2013 ومفيدة جدااا
وبتفصل بعد مدة معينة وقصيرة جداااا
اللي استغربته اني لما فتحت الباب الامامي فصلت
بعتبرها ميزة كويسة جدااا
الميزة الاقوى منها
انك لو شغلت النور الامامي وقفلت العربية وسيبتها
النور بيكون شغال لمدة 30 ثانية وبيفصل
ولما تفتح العربية بالريموت بيشتغل (مفيدة جداااااااااا بالليل او لو كنت راكن في جراج مول)
وفيه ميزة كمان نور التابلوة (النور الصغير) لو كان شغال ... اول ما بتفتح الباب بيطفى .. وبينور تاني اول ما تدخل المفتاح في الكونتاكت

معذرة يا كورولاوية ... ان كلامي كله على الالنترا :)
معرفش الامكانيات دي موجودة في الكورولا الجديدة ولا لا ...

وتقبلوا تحياتي :)

أنت تقصد خاصية فلو مي follow me موجودة في الكرولا من الفئة التانية على ما اعتقد .. بس مش متأكد أنك لما تيجي تفتح بالريموت النور بيشتغل تاني ولا لآه .

النور الصغير لو قفلت الكونتاكت وشلت المفتاح وبتطلع ليك علامة تعجب في التابلوه مع صوت صفارة مستمر ينبهك لقفل النور .

[elweshahy]

على فكره الموضوع ده كان موجود عندي في عربيتي القديمه شيفوريه الأفيو - تقفيل كوري - بس للأسف مش موجود دلوقتي في عربيتي التيوتا اليارس