كم مرة أستخدمت الاوتو بارك فى الركن منذ أستلامك للسيارة؟

[Hany Saad]

طبعاً مش شرط كل كمالية بينزلها صانع السيارة لازم تكون مفيدة ليا كمالك او ممكن تكون مفيدة و لكن ليس لها استخدام منتظم لدى
مثال حى على ذلك هو خاصية المانيوال فى الفتيس ال cvt .....أنا واحد من الناس يدوبك جربته انه شغال لما استلمت العربية و انتهت علاقتى به بعد ذلك
مثال اخر هو حساس الأضاءة
انا واحد من الناس حساس الأضاءة مش بيمثل أهمية ليا لأنه ساعات بيشغل الكشافات الصبح لما يكون الجو مغيم ...فى المجمل مش برتحله و بحب اشغل الأضاءة مانيوال

سؤالى لحضراتكم بالمثل....فى الحياة العملية اليومية كام مرة أستخدمت خاصية الأوتوبارك منذ أستلامك للسيارة؟ و هل هو عملى للأستخدام اليومى أم تفضل الركن التقليدى بنفسك؟

يا ريت أسمع خبراتكم لأستفادتى الشخصية

[Mohamed.Hany]

طبعاً مش شرط كل كمالية بينزلها صانع السيارة لازم تكون مفيدة ليا كمالك او ممكن تكون مفيدة و لكن ليس لها استخدام منتظم لدى
مثال حى على ذلك هو خاصية المانيوال فى الفتيس ال cvt .....أنا واحد من الناس يدوبك جربته انه شغال لما استلمت العربية و انتهت علاقتى به بعد ذلك
مثال اخر هو حساس الأضاءة
انا واحد من الناس حساس الأضاءة مش بيمثل أهمية ليا لأنه ساعات بيشغل الكشافات الصبح لما يكون الجو مغيم ...فى المجمل مش برتحله و بحب اشغل الأضاءة مانيوال

سؤالى لحضراتكم بالمثل....فى الحياة العملية اليومية كام مرة أستخدمت خاصية الأوتوبارك منذ أستلامك للسيارة؟ و هل هو عملى للأستخدام اليومى أم تفضل الركن التقليدى بنفسك؟

يا ريت أسمع خبراتكم لأستفادتى الشخصية

اي ركنة عمودي مش بستخدمه طبعا لانه بيشتغل موازي.
لكن لو موازي فبالتاكيد بستخدمه علي طول و ده عشان استخدامه سهل جدا و بسيط و مريح جدا جدا ده غير طبعا انه عملي جدا و بيركن بدقة عالية مع تحضين للعربية ناحية الرصيف بدقة تدهش.
اللي كمان بيسهل عليا انه بيركن يمين و شمال .
و اجمل حاجة فيه بالتجربة لما تكون في شارع ضيق و فيه صف عربيات يمين و شمال و الركنة ضيقة بتبقي خايف انك تخبط وش العربية عشان الشارع ضيق و انت بتكسر طبعا هو بيبقي قايس كل الابعاد دي و كل اللي عليك تدوس فرامل .
لو مثلا مشغلتوش بيبقي في الغالب اني قررت فجاة اني اركن عشان افتكرت حاجة او نسيت حاجة فطبعا لو في ركنة جنبي علي طول و ملحقتش ادوس علي الزرار او كنت عديت الركنة و ساعتها برضو ببقي مستريح جدا عشان عندي 10 سنسورز 4 ورا و 2 امامي و 4 جانبي بيسهلو الركنة جدا جدا لو هي ايه.
الملخص :
لو الركنة عمودي 0%
لو موازي و الشارع ضيق قوى 100%
لو موازى و الشارع واسع ممكن اقول 80%
انا من النوع اللي بحب استخدم كل حاجة دفعت فيها فلوس خصوصا لو حاجة بتريح
انت مشفتش اعلان تويوتا يا هندسة اللي بيجي كل خمس دقايق في التلفزيون و هو بيركن بالاوتوبارك ولا ايه

[my3fox]

كل ما أكون عاوز أركن بفكر علي طول في الاوتو بارك...
نسبة الاستخدام 75٪
مريح جداً....سهل جداً

[iUsef]

نسبه الاستخدام اليومي بالنسبالي يمكن صفر
بس ده عشان طبيعه ان شغلي وبيتي في الفراغ فمش بلاقي زحمه في الركنه
بس ديما في وسط البلد و الاماكن الزحمه اول حاجه بيجي علي بالي استخدمه لان نسبه نجاحه ٩٨٪ وبيركن ممتاز وعلي عكس الناس اللي بيقولو بتوقف الطريق بالعكس دي أسهل من انك تركن لوحدك بكتير و اسرع بس محتاج تعود
بس أنا شايف ان وجوده ممتاز نظرا لابعاد العربيه الكبير وزي ال abs او الايرباج مش هتستخدمهم كل شويه بس بتبقي مرتاح البال

[تامر.محمد]

سؤال في الجون خصوصا بعد ما الناس ركبت العربية قدر كافي
و فعلا مدى كثافة استخدام الاوبشن هايحدد الاوبشن نفسه اخباره ايه

انا سعيد باجابات الناس عموما

منورين يا رجالة :)

[Mustafa_Zain]

أنا استلمت السبت اللي فات وركنت بيه مرة واحد وكنت فعلا منبهر، بس المشكلة اني لسه مش متعود اضغط على الزرار في الوقت المناسب عشان كده احتست أكتر من مرة في الركنة بسبب كبر حجم العربية مقارنة بحبيبتي اللادا.

يبقى تعليق أخير. أخي معاه كورولا 2013 والفانوس الخلفي اتكسر منه بسبب السينسور بارك الخلفي لأنه عطاه قرايات غلط فخبط في صندوق قمامة.

الفكرة هنا، هل يمكن الاعتماد الكلي على السينسور بارك والبارك اسيستنت أم لا؟ خصوصا في أيام المطر عشان ممكن السينسورز يجي عبها تراب وطينة من المطر.

[Hany Saad]

أنا استلمت السبت اللي فات وركنت بيه مرة واحد وكنت فعلا منبهر، بس المشكلة اني لسه مش متعود اضغط على الزرار في الوقت المناسب عشان كده احتست أكتر من مرة في الركنة بسبب كبر حجم العربية مقارنة بحبيبتي اللادا.

يبقى تعليق أخير. أخي معاه كورولا 2013 والفانوس الخلفي اتكسر منه بسبب السينسور بارك الخلفي لأنه عطاه قرايات غلط فخبط في صندوق قمامة.

الفكرة هنا، هل يمكن الاعتماد الكلي على السينسور بارك والبارك اسيستنت أم لا؟ خصوصا في أيام المطر عشان ممكن السينسورز يجي عبها تراب وطينة من المطر.

أولاً مبروك العربية الجميلة و بشكر حضرتك جداً على مشاركتنا الحوار....
ثانياً حضرتك مشكوراً وضحت نقطة غاية فى الأهمية و هى انه يجب ان لا نعتمد أو نعطى الأمان للسنسورز سواء أمامى أو خلفى 100% و ده مش كلامى أنا و لا حضرتك لأ ده كلام صانع السيارة فى الكتالوج أن ديه كلها وسائل مساعدة و لكن يبقى أولاً و أخيراً الرؤية و القرار بيد السائق
و فعلاً لما العربية بتبقى راجعة مش مستقيمة أو السنسورز مش نظاف أو خلافه بيعطى السنسور تحذير مش مظبوط و ممكن ينتج عنه مشاكل زى ما حدث لأخو حضرتك

لذا وجب التنبيه أن هذه الكماليات لا تغنى عن النظر جيداً فى المرايات و النظر خلفك للتأكد جيداً ثم الأستعانة كمان بتنبيه السنسورز للمناطق اللى مش متشافة من السائق و لكن لا يجب الأعتماد كلياً على تحذير السنسورز دون النظر للخلف....

[Elawany13]

ياترى فيه فيديو بيوضح الاوتوبارك ؟

[TeGo]

From YouTube, video show how to use the auto-parking in the new Toyota Corolla

https://www.youtube.com/watch?v=GfkL3vIH8fY

[mac os]

https://www.youtube.com/watch?v=De9XbXvKdhA

[Hany Saad]

ماذا بكم يا رجالة التويوتا؟ هو أنا بسأل سؤال عيب و لا حرام؟ :) ;)

444 مشاهدة و مفيش غير أربع ردود من الملاك....!!!!!

ده أنتوا من أنشط الأقسام...ماذا حل بكم يا رجال؟ أين التفاعل؟

[bassem.naguib]

عاوز توصل لأيه بالظبط يا هاني باشا

[Mohamed.Hany]

أنا استلمت السبت اللي فات وركنت بيه مرة واحد وكنت فعلا منبهر، بس المشكلة اني لسه مش متعود اضغط على الزرار في الوقت المناسب عشان كده احتست أكتر من مرة في الركنة بسبب كبر حجم العربية مقارنة بحبيبتي اللادا.

يبقى تعليق أخير. أخي معاه كورولا 2013 والفانوس الخلفي اتكسر منه بسبب السينسور بارك الخلفي لأنه عطاه قرايات غلط فخبط في صندوق قمامة.

الفكرة هنا، هل يمكن الاعتماد الكلي على السينسور بارك والبارك اسيستنت أم لا؟ خصوصا في أيام المطر عشان ممكن السينسورز يجي عبها تراب وطينة من المطر.

طبعا لازم تبقي مركز معاه ، بس اسمحلي في فرق مبين السنسور الاصلي اللي نازل مع العربية و السنسور اللي بيتركب ﻷن الفني اللي بيركب ممكن يركب اماكن الحساسات في المكان اللي يعجبه و ده ممكن يخلي ال4 حساسات مغطوش المساحة الخلفية بشكل سليم طبقا لابعاد العربية ﻷن كل عربية ليها ابعاد في الاكصدام و الفانوس و الارتفاعات بتفرق جدا.
وده الحال في كوروﻻ 2013 ﻷنها مش بتنزل بحساسات ركن ولا حتي الهاي لاين و الخليجي منها بيتركب في التوكيل برضو.

[miceg]

مواضيعك تحفة يابشمهندس هاني
ايوة نشط قسم تويوتا بقا :d
شخصيا بما اني في منطقة مليئة بالسيارات
بركن العربية ولو في خرم ابره بدون الحاجة الى الاوتو بارك
وكفاية عليا اوووى فالفلوانس السينسور الخلفي
حتى لو العربية فيها اوتو بارك مش هبقا مطمن

[Hany Saad]

عاوز توصل لأيه بالظبط يا هاني باشا

باسم باشا.....أنا أكبر من كده بكتير....متخليش مخك ياخدك لبعيد....
يا باشا أنا فعلاً بناقش حاجة تهمنى شخصياً و ملهاش أى علاقة بالكورولا كعربية و لكن هل أحنا كمشتريين أو مستهلكين بنستخدم كل الأوبشنز اللى دفعنا فيها فلوس علشان نشتريها و يا ترى معدل أستخدامها قد أيه؟ ينقصنى فى عربيتى الأوتو بارك فعايز أعرف هل هو أوبشن مريح للأستخدام اليومى و لا لأ....
أنا أبتديت بنفسى....و هعيد تانى
-المانيوال موود فى الCVT ملهوش أى تلاتين لازمة بالنسبة لى
-حساس الأضاءة كنت مجربة من وقت الميجان و معجبنيش و لغاية دلوقتى مجربتوش حتى فى الفلوانس
-DRL لاغيها و مشغل ال LED مانيوال
-فتحة السقف فرحان بيها هههههه أكمنها مكنتش عندى قبل كده و باستخدمها يومى
-غلق و فتح مركزى للسيارة بمجرد الأبتعاد و الأقتراب استخدام دائم
-غلق و فتح من ال smart card منعدم
-بلولتوث دائم
-follow me home نادراً و بشغلها من ال smart card لو أحتجت
-حساس مطر دائم الأستخدام و هو أوبشن رائع لتشغيل المساحات بمجرد هطول المطر و زيادة سرعتها أتوماتيكياً مع زيادة المطر دون أى تدخل منك حتى تبقى منتبه للطريق...يوجد 6 درجات من الحساسية
-زينون واطى دائم و طبعاً قليل أما بشغل العالى
-قفل مركزى مع التحرك دائم الأستخدام
-قفل أطفال كهربى خلفى دائم الأستخدام
- 3 ستائر دائم الأستخدام و مش بنزلهم أبداً
-مثبت سرعة دائم الأستخدام كل أسبوع فى السفر
- محدد سرعة بأستخدمه فقط فى أماكن الردارات علشان رجلى ما تسرحش
- غسيل فوانيس أمامية لا تستخدم...جربتها مرة واحدة فقط علشان أتأكد أنها شغالة
- ضبط أرتفاع الصوت مع السرعة شغال دائم على المستوى 5
- حساس ركن خلفى و جانبى دايماً شغال و على مستوى صوت نمرة 5
-شاشات المعلومات دايماً بقلب فيها كل يوم

ده أستخدامى الشخصى للكماليات الموجودة عندى، و أنا أبتديت بنفسى....يا ريت تشاركونا للأستفادة مش أكتر و طبعاً اللى مش حابب يتفاعل ده ارتياح شخصى.....