..:: تقرير عن صيانه الالف لتويوتا كورولا 2014 ::..

[abofandy]

حبيبى ربنا يباركلى فيك يارب
وملحوقة ان شاء الله تتعوض فى مرات تانية وانا عارف انك اهل الكرم والضيافة كلها يا صديقى
بس يلة يدوب كنت مستعجل علشان ارجع لان المشوار للمنصورة علقة وعايز ارجع بدرى بدرى

[ابوحميد]

ايوة انا غيرت اللمبات وبدلتها بنيت برايكر انلميتد
بس للاسف انا معملتش تقرير ليها لان الدكتور احمد خليفة اعتقد عمل موضوع باللمبات الجديدة ونقل التجربه فى موضوع للمنتدى

انا غيرت لمبات الواطى والعالى باللمبات الجديدة والاضاءه الحمد لله مرضية جدا ولونها كويس اوى
انما الفوج انا اشتريت لمبات h11 ليها بس محتاجة شوية تعديل فى الريشة العلوية بس انا معملتهاش ومستنى على نهاية الشهر لما تنزل لمبات ال h16 ابدلهم بدل ما اعمل تعديل فى اللمبات
لكن لو لقدر الله ملقتش اللمبات 16 هتضطر انى اعمل تعديل فى الريشة لحد ما تركب ان شاء الله


لو عايز تقرير ان شاء الله اعمله لحضرتك بس الفكره كله انا كنت ماجله لما اركب الفوج لايت كمان بنفس نوع اللمبات الجديدة علشان يبقى تقرير شامل وكويس لكن لو عايز تقرير عن تبديل العالى والواطى فقط انا تحت امرك مفيش مشاكل

أولا شكرا للرد
يا ريت يا دكتور الموضوع بس يكون باستفاضة من الالف للياء لانى موضوع الاضاءة و اللمبات معلوماتى عنه محدودة جدا و تشرح فيه انواع اللمبات و اسعارها و اماكن شراءها و اللى ممكن يركب عندنا الكرولا 2014 و افضلهم اللى ترشحهم
و لا اقول لك الاسهل ممكن نمرة حضرتك

[abofandy]

أولا شكرا للرد
يا ريت يا دكتور الموضوع بس يكون باستفاضة من الالف للياء لانى موضوع الاضاءة و اللمبات معلوماتى عنه محدودة جدا و تشرح فيه انواع اللمبات و اسعارها و اماكن شراءها و اللى ممكن يركب عندنا الكرولا 2014 و افضلهم اللى ترشحهم
و لا اقول لك الاسهل ممكن نمرة حضرتك

الشكر لله يا حبى وانت طبعا تومرنى

اللمبات الاورجينال الى نازله فى العربية هى /
الواطى هو Osram H11 55Watt
العالى هو Sylvania HB3 60Watt
الفوج هو Osram H16 19Watt

فية انواع كتيرة اوى فى السوق بس انا شخصيا برشح Osram وفية 2 براند من شركه اوسرام وهما :
Osram Night breaker plus ودة متوفر فى السوق بجميع المقاسات وينفع للكورولا 2014
وموجودة تقريبا فى كل المحلات واشهرها محل المدينه فى شارع دمشق .

وفية الاحدث منها وهى
Osram Night breaker unlimited ودة لسة نازله مصر يدوب فى معرض اوتوماك فورميلا الى خلص من كام يوم وان شاء الله تتوفر فى كل المحلات اخر الشهر ده او اول شهر 4 ومتوفره ان شاء الله بكل المقاسات وينفع للكورولا 2014 ايضا
وكان سعر اللمبه فى المعرض هو : 90 جنيه ( سعر معرض ) لسة منعرفش سعرها فى السوق هيبقى كام

وبالنسبة لاى استفسارات انا تحت امرك
ورقمى موجود فى الملف الشخصى على المنتدى او ابعتلى رقم فى رساله وانا اكلم حضرتك

[ابوحميد]

شكرا لذوقك .. و الله ذوقك اللى بيخلى الواحد يزود فى الاسئلة و العشم فى شهامتك ..
.. لو حركب اوزرام اجيب مقاسات ايه للعالى و الواطى و الفوج ..
و عاوز اعرف لو جبت اللمبات دى يا دكتور من حد فى شارع دمشق .. هو بيركبهم و لا اروح للتوكيل او كهربائى

[abofandy]

لو ركزت فى الرد السابق هتعرف هتجيب اية بالضبط لكل لمبه فى العربية بس مش مشكلة اقولك تانى

الواطى هو H11
العالى هو HB3
الفوج هو H16 لو ملقتش ال h16 ممكن تجيب مكانها h11 وهتركب عادى ان شاء الله


بالنسبة للتركيب ... التوكيل مش هيركبلك حاجة جايبها من بره لازم تبقى من عندهم علشان يركبوها ليك
ممكن تركبهم عند اى حد فنى وبعدين دول تركيبهم انت مش محتاج فنى ولا اى حد انت ممكن تركبهم بنفسك
لو مش عارف ممكن اى حد من المحل الى انت هتشتريه منه يركبهملك عادى خالص مفيش مشاكل

[omaranes77]

انت حبيبي

[abofandy]

الله يكرم يا حبيبى
ربنا يديم المحبة والمعروف يارب

[ابوحميد]

طيب سؤال أخير .. معلش استحمل بأه .. حد قال لك تكون اول واحد يجرب تغيير اللمبات .. :)
بالنسبة للوات ممكن ازود يعنى ال 55 اخليها 60 و ال19 اخليها 55 مثلا او اكتر عشان تبقى اضاءة اقوى .. و لا دا غلط ؟
و هل الموضوع دا بيفرق فى الاضاءة و لون الاضاءة ؟ و لو بيفرق .. بيفررق اد ايه تقريبا ؟
انا عارف انى قلت سؤال اخير بس نعمل ايه .. ما صدقت لقيت مكان اسال فيه حد فاهم
:) :) :)

[abofandy]

الفوج ممكن يتزود من 19 الى 55 وات
غير كدة منصحكش
الواطى 55 وات
العالى 60 وات .. غير هتركب كتاوت للتقوية

اللون ابيض ف الانلميتد مائل للاصفرار

[bassem.naguib]

كتاوت أيه اللي حتركب .. وللعالي فقط ولا لكله (كلامي بالنسبة للآنليميتد)
أيه حكاية الكتاوت دي يا دكتره

[abofandy]

فهمتنى غلط يا باسم
انا برد على الراجل بس فى حاجة

ابسطهالك بص معايا

بالنسبة لمبات الانلميتد مفيش اى حاجة لا كتاوت ولا اى بتنجان خالص .. لية لية ؟
لان ببساطه انت شيلت اللمبه بقيمتها ورجعتها بقيمتها ؟
العالى 60 حطيتله لمبه نفس القيمه 60
الواطى 55 حطيتله لمبه نفس القيمة 55
الفوج 19 حطيتله لمبه اعلى شوية 55 ( بس مفهاش مشاكل ولا حاجة )


تعال بقى امال اية حكاية الكتاوت الى انت قرفنها بيها دى :::؟
لكن الراجل بيقول انا عايز اعلى شده الاضاءة يعنى مثلا
يخلى العالى بدل ما هو 60 وات يخليه مثلا 120 او 200 وات
دة هيحتاج بقى كتاوت نور علشان تقدر تعلى الاضاءه وشغل وقصه تانيه كدة احنا فى غنى عنها

دة ورابط عندنا فى المنتدى يوضح الصورة شوية

http://www.nilemotors.net/Nile/46546-a.html

[S O P H O S]

ما شاء الله
الف مبروك وعقبال صيانة ال 500 الف

[abofandy]

مرسيى يا حبيبى
ربنا يخليك يارب

[abofandy]

متعوضة المرات الجاية ان شاء الله