ممكن المساعدة فى تسعير كورلا 2006

[منعم]

كورلا 2006 مكنة 1600 كاملة اتو ماتيك ماعدا فتحة السقف فبريكة برة وجوة ممكن اخر سعر ليها لان صاحبها طالب فيها 125 الف العربية عاملة 120الف كيلو ارجو الدخول من السادة الاعضاء الذين لهم خبرة فى الشراء

[jojojojo]

125 الف كتير جدا العربيه ايوه حلوه بس برضه ماشيه بقالها 8 سنين اعتقد سعرها المناسب 105 الف

[abofandy]

هى سعرها من بين 100 الى 110 على حسب الحاله وادائها

يمكن السعر يكون مبالغ فية شوية بس ماسكه سعر فى السوق شوية
بس خلى حد فاهم يكشف عليها لانها ممكن تحتاج مصاريف صيانه من سيور بوجيهات تيل طنابير
كل الكلام دة بيفرق فى حاله العربية والسعر كمان

وربنا يوفقك مقدما

[mhoreya]

بعد اذن دكتور ابوفندى و جوجو

اعرف واحد شارى 2007 1300 من شهر عداد 88 بى 117
قريبى معاه 2006 1300 اوتو رجاج مانوال عداد 140 و جايله فيها 110 و مش عاوز يبيع

صاحب الموضوع بيقول ان العربية المعروضة 1600 و فابريقة 2006 يعنى هى لو 1300 تجيب 110 مستريح يبقى 1600 توصل فوق 120 يعنى لو 125 كتير يبقى متقلش عن120 122 و ممكن 125 لو حالة شاذة و مش محتاجة مصاريف .... للاسف هو ده سعر السوق و العربية دى ماسكة سعر جامد

[ضى القمر]

115 نهايتها

[J A G U A R]

انا مش عارف الكورولا دي سعرها عالى كده ليه .. من حلاوتها يعنى !!

[hany63]

انا مش عارف الكورولا دي سعرها عالى كده ليه .. من حلاوتها يعنى !!

اه من حلاوتها
اللي عنده العربيه دي سليمه و بيبيعها بيزعل جدا
انا معايا ال ١٣٠٠ اوتو و موتورها ناعم وفايق جدا
انعم عفشه تركبها و كرسي مريح جدا و تقريبا ما بتحتجش غير الزيت و الفلتر و تيل الفرامل
العربيه دي في البيت من ١٤ سنه و ياما اتبدل عليها عربيات و هيا لما اتبدلت اتجاب نفس الموديل برضه زيرو
بتحايل على المدام تسيبها للبنت و تاخد سيفيك ٢٠١٠ في تي اي و مش راضيه نهائي

[J A G U A R]

اه من حلاوتها
اللي عنده العربيه دي سليمه و بيبيعها بيزعل جدا
انا معايا ال ١٣٠٠ اوتو و موتورها ناعم وفايق جدا
انعم عفشه تركبها و كرسي مريح جدا و تقريبا ما بتحتجش غير الزيت و الفلتر و تيل الفرامل
العربيه دي في البيت من ١٤ سنه و ياما اتبدل عليها عربيات و هيا لما اتبدلت اتجاب نفس الموديل برضه زيرو
بتحايل على المدام تسيبها للبنت و تاخد سيفيك ٢٠١٠ في تي اي و مش راضيه نهائي

متفق مع حضرتك فى الكلام .. بس المشكله فى سعرها المبالغ فيه جدا

[hany63]

متفق مع حضرتك فى الكلام .. بس المشكله فى سعرها المبالغ فيه جدا

ولا مبالغ فيه ولا حاجه بعني حضرتك عايز كل حاجه تولع مش تغلى و الجنيه يخسر ٤٠ في الميه من قيمته و تتباع ب ٧٠ الف مثلا دي العربيات الكوري بلا مبالغه تمنها زاد بنسبة ٨٠ في الميه تقريبا في ٣ سنين
تعال نحسبها لما حد يفكر يبيع عربيته عشان يجيب نفس الماركه زيرو اللي ب ١٨٥ الف يطلب فيها كام ؟

[J A G U A R]

ولا مبالغ فيه ولا حاجه بعني حضرتك عايز كل حاجه تولع مش تغلى و الجنيه يخسر ٤٠ في الميه من قيمته و تتباع ب ٧٠ الف مثلا دي العربيات الكوري بلا مبالغه تمنها زاد بنسبة ٨٠ في الميه تقريبا في ٣ سنين
تعال نحسبها لما حد يفكر يبيع عربيته عشان يجيب نفس الماركه زيرو اللي ب ١٨٥ الف يطلب فيها كام ؟

والله قبل الاسعار ما تغلى كمان العربيه دى بالذات سعرها كان بيقى عالى جدا برضو وعلى فكره مش انا لواحدى اللى بقول انها غاليه هتلاقى كتير جدا فى المنتدى بيقولو نفس كلامى

[S O P H O S]

105 الي 110
والله اعلم