مبدئيا كده بس (الشتيمة حرام على فكرة)
طبعا أنا عارف ان موضوع ارتفاع العربية هو أكتر حاجة مقلقة الناس من العربية بسبب جودة الطرق عندنا مع المطبات. ومن ساعة ما استلمت العربيةالمعدلة (اسبوع) وانا عايز أجرب المطبات بس مكنتش لسه محمل العربية (أنا ومراتي والأطفال بس)
المهم كنت رايح مشوار لمطار برج العرب امبارح وكان راكب معايا مراتي وحمايا وحماتي وأخو مراتي وأختها وطبعا الأطفال متوسط 220ك قدام و300ك ورا (أحب أفكركم بأول سطر في الموضوع)، عديت على كام مطب معمولين كويس والعربية محكتش والحمد لله، كان فيه مطب عالي شوية وكنت أخدت ثقة من اللي قبله فدخلت بقلب جامد من غير زاوية والعربية حكت في قلبي قصدي المطب.
المهم وأنا راجع بعد لما نزلت أخت مراتي رجعت من طريق سيء جدا جدا جدا جدا جدا (الصحراوي) وبالرغم ان الحمولة خفت شوية ولكن العربية حكت معايا مرتين، مرة الصوت كان جامد جدا في نصف العربية (وطبعا من ساعتها قلبي واقع ومش عارف أطمن عليها ازاي) ومرة في الاكصدام اللي ورا وانا طالع من حفرة.
أنا بنقل التجربة دي عشان محدش بس يفتري ويحمل العربية ويمشي براحتو (ما هي متعدله بقى وعالية) وعشان أقول ان العربية فعلا كانت محتاجة التعديل على الرغم من شكلها الغير متناسق نسبيا بعد الارتفاع.
حاجة أخيرة، كان نفسي أجرب أجري بالعربية شوية بس الطريق كان سيء جدا للأسف.
طبعا أنا عارف ان موضوع ارتفاع العربية هو أكتر حاجة مقلقة الناس من العربية بسبب جودة الطرق عندنا مع المطبات. ومن ساعة ما استلمت العربيةالمعدلة (اسبوع) وانا عايز أجرب المطبات بس مكنتش لسه محمل العربية (أنا ومراتي والأطفال بس)
المهم كنت رايح مشوار لمطار برج العرب امبارح وكان راكب معايا مراتي وحمايا وحماتي وأخو مراتي وأختها وطبعا الأطفال متوسط 220ك قدام و300ك ورا (أحب أفكركم بأول سطر في الموضوع)، عديت على كام مطب معمولين كويس والعربية محكتش والحمد لله، كان فيه مطب عالي شوية وكنت أخدت ثقة من اللي قبله فدخلت بقلب جامد من غير زاوية والعربية حكت في قلبي قصدي المطب.
المهم وأنا راجع بعد لما نزلت أخت مراتي رجعت من طريق سيء جدا جدا جدا جدا جدا (الصحراوي) وبالرغم ان الحمولة خفت شوية ولكن العربية حكت معايا مرتين، مرة الصوت كان جامد جدا في نصف العربية (وطبعا من ساعتها قلبي واقع ومش عارف أطمن عليها ازاي) ومرة في الاكصدام اللي ورا وانا طالع من حفرة.
أنا بنقل التجربة دي عشان محدش بس يفتري ويحمل العربية ويمشي براحتو (ما هي متعدله بقى وعالية) وعشان أقول ان العربية فعلا كانت محتاجة التعديل على الرغم من شكلها الغير متناسق نسبيا بعد الارتفاع.
حاجة أخيرة، كان نفسي أجرب أجري بالعربية شوية بس الطريق كان سيء جدا للأسف.

.gif)
![36 2 49[1]](https://www.nilemotors.net/Nile/core/images/smilies/36_2_49[1].gif)
Comment