ليه التويوتا كرولا الجديده مقاعدها بدون جوانب رياضيه ؟؟

[hossam_elwani]

ليه التيوتا كرولا الجديده مقاعدها بدون جوانب رياضيه ؟؟

انا لاحظت ده شكلا من بعيد وبعد ماركبتها كمان

الجوانب دى بتدى احساس عالى بالثبات والاستقرار لكن فى الكرولا مش موجوده

وسؤال لملكها حاسس بنشوفية الكرسى ولا حاسه مريح وطرى

انا عن نفسى حاسس ان كرسى السيراتو الجديده اريح واكثر استقرار من الكرولا الجديده

[abofandy]

معلش اعذر جهلى هو حضرتك المقاعد الى بقواعد رياضيه زى دى مثلا

[abofandy]

انا مجرتبش السيراتو للامانه
بس انا معنديش مشكله خالص فى الكورولا والقعده مريحه اوى مفيش فيها مشاكل
وكنت حاسس انى بعد ما اركب فرش جلد ان القعده هتبقى ناشفة وتضايقنى وكدة بس بالعكس نفس الاحساس قبل وبعد التركيب

انا ركبت تويوتا 2009 خليجى
وركبت هيواندى الانترا 2012 كامله بصمه
وركبت اسكودا فانتازيا 2010

محستش ان الكورولا 2014 سيئة فى القعدة خالص وتقريبا كان القعدة فى 3 سيارت متشابقة بتفاوت قليل جدا



اخر نقطة عايز اجوبك عليها وتعذرنى لو اطالت عليك
فى السوال الى حضرتك سالته ان لية الكورولا مش بتنزل بمقاعد رياضية هجاوبك على السوال فى اكتر من نقطه


1 - تويوتا كورولا عربية بتبيع كتير اوى يمكن من اكبر شركات مبيعات فى العالم هى تويوتا والكورولا الاكثر سياره مبيعا فى العالم فلازم ترضى كل الاطراف فتنزل حاجة استندر
2 - تويوتا كورولا عربية ليس من يقودها شباب فقط ولكن يقودها جميع طوائف الشعب سننا وعمرا فلو نزلت كراسى رياضية يبقى اقتصرت على الشباب فقط اكيد مش راجل عجوز هيركب كراسى بالمنظر دة
3 - تويوتا كروولا معروف عنها انها عربية عائلية والكراسى الرياضية بتبقى اكتر فى العربية الاسبور او الكوبيه او الشبابيه
4 - الكورولا حتى فى الهاى لاين سواء فى جميع النسخ مبينزلش كراسى رياضيه يعنى حاجة استندر عند الشركه لان مفيش شكوى طلعت قبل كدة للشركه الام فى تصميم الكراسى بتاعتها

[mostafa magdy]

يا باشا الناس بتاعت الكورولا الجديده قلبها مات و ممكن ياكلوك هههههه
دول عقدوني عشان معايا الفلوينس الجديده مفيهاش Esp و هم عندهم في الكورولا ال Esp :D
ربنا معاك .. عم باسم هيدخل الوقتي يسستم لك الدنيا ..

[Mohamed.Hany]

ليه التيوتا كرولا الجديده مقاعدها بدون جوانب رياضيه ؟؟

انا لاحظت ده شكلا من بعيد وبعد ماركبتها كمان

الجوانب دى بتدى احساس عالى بالثبات والاستقرار لكن فى الكرولا مش موجوده

وسؤال لملكها حاسس بنشوفية الكرسى ولا حاسه مريح وطرى

انا عن نفسى حاسس ان كرسى السيراتو الجديده اريح واكثر استقرار من الكرولا الجديده

فعلا ملاحظة دقيقة من عين ثاقبة خبيرة .
التويوتا سيارة عائلية و طول عمرها بتارجت فئة معينة مكنش منهم فئة الشباب كان اكتر لسن فوق 40 سنة و ده كان شئ ملحوظ من كماليات السيارة.
بالنسبة لي الكراسي السبور رائعة و بتديك احساس خطير خصوصا لو انت جراي و بتاع غرز، لكن لناس كتير جدا موضوع سئ جدا و غير مريح بالمرة خصوصا لو جسمك مليان شوية هتحس بعدم ارتياح.
لو دماغك قوي في الموضوع ده فهو متوفر في النسخة الهاتش باك الرياضية اللي هيا الاوريس بموتور شبابي 132 حصان بالتمام و الكمال حصان ينطح حصان و كراسي سبور ضامة علي جسمك يديك احساس مايكل شوماخر في عز شبابه.

كنت مع والدة واحد صديقي شافت الكوروﻻ و الاوريس و عجبتها الاوريس جدا عن الكوروﻻ لكن لما ركبتها اتضايقت جدا جدا و كان اول تعليق ليها لما ركبت الكوروﻻ ان كرسيها مريح جدا بالنسبة للاوريس ، و ده تفكير معظم الناس اللي مش في دماغهم القيادة الرياضية و همهم البحث عن سيارة مريحة و تويوتا فكرت في كدا اعتقد وقالت توفره في الاوريس للي عاوز .
و علي رأي عادل امام عاوز رياضي ياخد ، عاوز مريح ياخد .

[hossam_elwani]

هيا ليها مسمى باﻻنجليزى ولكن اتا اقصد تقريبا الى زى الى موجود فى السيراتو او اﻻسترا او الكروز او اﻻوكتافيا وعلى فكره اﻻوكتافيا انشفهم فى الكروﻻ الكرسى مسطح بنسبه كبير ده انطباعى لما ركبتها امبارح فى المعرض


معلومه على الهامش الفئه التانيه بتتباع اوفر 195 الف فى اسكندريه

[hossam_elwani]

فعلا ملاحظة دقيقة من عين ثاقبة خبيرة .
التويوتا سيارة عائلية و طول عمرها بتارجت فئة معينة مكنش منهم فئة الشباب كان اكتر لسن فوق 40 سنة و ده كان شئ ملحوظ من كماليات السيارة.
بالنسبة لي الكراسي السبور رائعة و بتديك احساس خطير خصوصا لو انت جراي و بتاع غرز، لكن لناس كتير جدا موضوع سئ جدا و غير مريح بالمرة خصوصا لو جسمك مليان شوية هتحس بعدم ارتياح.
لو دماغك قوي في الموضوع ده فهو متوفر في النسخة الهاتش باك الرياضية اللي هيا الاوريس بموتور شبابي 132 حصان بالتمام و الكمال حصان ينطح حصان و كراسي سبور ضامة علي جسمك يديك احساس مايكل شوماخر في عز شبابه.

كنت مع والدة واحد صديقي شافت الكوروﻻ و الاوريس و عجبتها الاوريس جدا عن الكوروﻻ لكن لما ركبتها اتضايقت جدا جدا و كان اول تعليق ليها لما ركبت الكوروﻻ ان كرسيها مريح جدا بالنسبة للاوريس ، و ده تفكير معظم الناس اللي مش في دماغهم القيادة الرياضية و همهم البحث عن سيارة مريحة و تويوتا فكرت في كدا اعتقد وقالت توفره في الاوريس للي عاوز .
و علي رأي عادل امام عاوز رياضي ياخد ، عاوز مريح ياخد .

شكرا على المجامله

الله ينور عليك وصلت للى انا عايز اقوله وشكرا على اﻻجابه الوافيه

اتا عندى فى الكروز الجوانب دى موجوده وببروز مثالى زياده عن الﻻزم كمان بس لﻻسف الكرسى رياضيه اوى زياده عن اللزوم وناشفه بس طبعا ده لصالح العمر المديد لشكل الكرسى وقالب الفوم وان شاء الله احاول احل المشكله دى بالفرش الجلد

[abofandy]

ولسة هتتباع باكتر من كدة
انا امبارح واحد وقفنى بالعربية وانت عارف يوم الجمعة بقى والعربية بتبقى مغسوله
واتحط فى العربية من تاجر 187.500 وقفت وفكرت كدة شوية قولتله طيب ما تزودها شوية :]
قالى وماله مش خساره فيها نخليهم 187.750 مممم قولتله تصدق كدة خلتها تلعب فى دماغى بالربعاية الى انت زودتها دى :]
قولتله والله ياحج انا مش ببيع دلوقتى .. قالى طيب بص كارتى معاكى اهو لو نويت معاك لحد 188 الف بعد كدة متكلمنيش .. قولتله ماشى ياحج
هههههههههههههه (( مواقف وطرائف يوم الجمعة معايا ))


اية رايك يابو هانى ابيع ولا اية الظروف ؟

[Mohamed.Hany]

شكرا على المجامله

الله ينور عليك وصلت للى انا عايز اقوله وشكرا على اﻻجابه الوافيه

اتا عندى فى الكروز الجوانب دى موجوده وببروز مثالى زياده عن الﻻزم كمان بس لﻻسف الكرسى رياضيه اوى زياده عن اللزوم وناشفه بس طبعا ده لصالح العمر المديد لشكل الكرسى وقالب الفوم وان شاء الله احاول احل المشكله دى بالفرش الجلد

حسام باشا حضرتك من الناس اللي بحترمها جدا جدا و دايما بتنورنا بمشاركاتك الجميلة الهادفة.
الكروز عربية محترمة جدا و اجمل ما فيها الثبات كانت معانا موديل 2011 قبل تعديل الارتفاع و كنت دايما بقول عليها اوكتافيت الكورى لثباتها بس بعد التعلية جربتها مع صديق لي اتضايقت انهم علوها بصراحة. بس في منتهي الامانة كنت مبسوط بقاعدتها جدا بس والدي مكنش بيستريح فيها من الكراسي و بعناها للسبب ده و سبب تاني اللي هو الفتيس اللي بصراحة خفت منه .

ولسة هتتباع باكتر من كدة
انا امبارح واحد وقفنى بالعربية وانت عارف يوم الجمعة بقى والعربية بتبقى مغسوله
واتحط فى العربية من تاجر 187.500 وقفت وفكرت كدة شوية قولتله طيب ما تزودها شوية :]
قالى وماله مش خساره فيها نخليهم 187.750 مممم قولتله تصدق كدة خلتها تلعب فى دماغى بالربعاية الى انت زودتها دى :]
قولتله والله ياحج انا مش ببيع دلوقتى .. قالى طيب بص كارتى معاكى اهو لو نويت معاك لحد 188 الف بعد كدة متكلمنيش .. قولتله ماشى ياحج
هههههههههههههه (( مواقف وطرائف يوم الجمعة معايا ))


اية رايك يابو هانى ابيع ولا اية الظروف ؟

لو هتبيع قولي انا شاري هههههه

[hossam_elwani]

حسام باشا حضرتك من الناس اللي بحترمها جدا جدا و دايما بتنورنا بمشاركاتك الجميلة الهادفة.
الكروز عربية محترمة جدا و اجمل ما فيها الثبات كانت معانا موديل 2011 قبل تعديل الارتفاع و كنت دايما بقول عليها اوكتافيت الكورى لثباتها بس بعد التعلية جربتها مع صديق لي اتضايقت انهم علوها بصراحة. بس في منتهي الامانة كنت مبسوط بقاعدتها جدا بس والدي مكنش بيستريح فيها من الكراسي و بعناها للسبب ده و سبب تاني اللي هو الفتيس اللي بصراحة خفت منه .

لو هتبيع قولي انا شاري هههههه

الله يعزك ويبارك فيك القلوب عند بعضها كل اعضاء تويوتا ناس افاضل محترمين

بخصوص اﻻرتفاع فى الكروز فعﻻ اﻻرتفاع اثر على الثبات رغم وجود الجنط 17 والكاوتش العريض بخﻻف الموديل القديم الى عرض وحجم الجنط فيه اصغر والمفروض ان الفرق كان يعوض بعضه لكن كانت المفاجئه الثبات قل لكن مش بشكل مزعج اوى

وكفايه كده الموضوع قلب على منتدى شيفروليه ههههه

انا كنت خايف بل ومتاكد يقينﻻ ان الثبات فى الكروﻻ هو كمان حيتاثر بالتعديل وده عايز تاكيد من مالك للكروﻻ وتجربه قبل وبعد

تحياتى

[Mohamed.Hany]

الله يعزك ويبارك فيك القلوب عند بعضها كل اعضاء تويوتا ناس افاضل محترمين

بخصوص اﻻرتفاع فى الكروز فعﻻ اﻻرتفاع اثر على الثبات رغم وجود الجنط 17 والكاوتش العريض بخﻻف الموديل القديم الى عرض وحجم الجنط فيه اصغر والمفروض ان الفرق كان يعوض بعضه لكن كانت المفاجئه الثبات قل لكن مش بشكل مزعج اوى

وكفايه كده الموضوع قلب على منتدى شيفروليه ههههه

انا كنت خايف بل ومتاكد يقينﻻ ان الثبات فى الكروﻻ هو كمان حيتاثر بالتعديل وده عايز تاكيد من مالك للكروﻻ وتجربه قبل وبعد

تحياتى

علي حسب علمي التعديل علي شهر مايو و ان كان لينا عمر هنعمل تقرير وافي بكل التفاصيل لافادة الجميع.
اما بخصوص التجربة قبل و بعد :
1. العضو الفاضل optiplex معاه عربيتين واحدة معدلة و التانية غير معدلة و بيقول الثبات لم يتأثر
2. عضو اخر كان معاه العربية الغير معدلة و باعها عشان بتحك و بعد ما عدلو العريية اشتراها تاني و برضو بيقول الثبات لم يتأثر.

انا في رأي الثبات لن يتأثر و ده ﻷن التعديل مدروس و مطبق بالفعل في النسخة الخليجية ، يعني هما مخترعوش تعديل مخصوص و لكن هي مصممة من الخواجة من الاول في الخليج علي الارتفاع ده بالابعاد دي بالشكل ده و هو ده اللي هيحصل في التعديل و هو تغيير العفشة كاملة بالنسخة الخليجية.

[bassem.naguib]

يا باشا الناس بتاعت الكورولا الجديده قلبها مات و ممكن ياكلوك هههههه
دول عقدوني عشان معايا الفلوينس الجديده مفيهاش esp و هم عندهم في الكورولا ال esp :d
ربنا معاك .. عم باسم هيدخل الوقتي يسستم لك الدنيا ..

واسستم ليه يا سيدي !!!

ما أبو فندي ومحمد ظبطوا الأداء .. أهم حاجة الزبون يبقى خارج من عندنا وهو مبسوط وميت فل واربعتاشر .

وبعدين مش كدة يا سيدي .. خلي قلبك أبيض شوية من ناحيتنا .. مش معقولة كدة أسيات الريس .. نعملوا أيه يعني نموتوا نفسينا عشان ترتاحوا .. مش كدة أكماحة .

حبيبي يا درش أنت وحسام .. وربنا هو العالم .. ياااارب ياااااااارب %$# بس كدة

شكرا على المجامله

الله ينور عليك وصلت للى انا عايز اقوله وشكرا على اﻻجابه الوافيه

اتا عندى فى الكروز الجوانب دى موجوده وببروز مثالى زياده عن الﻻزم كمان بس لﻻسف الكرسى رياضيه اوى زياده عن اللزوم وناشفه بس طبعا ده لصالح العمر المديد لشكل الكرسى وقالب الفوم وان شاء الله احاول احل المشكله دى بالفرش الجلد

اهو شفت بقى يا درش .. وصلك كلامي .. الراجل أخر انبساط أهو

منورنا يا حس والله بمداخلاتك وملاحظاتك .. أنا في تقييمي كراسي الكرولا 2014 أديها 8 من 10 من حيث الراحة .. نظراً لنشوفيتها شوية .. وفي اعتقادي مع الوقت حتريح أكتر .. لأنه في اعتقادي فوم الكراسي بيريح مع الاستخدام ويبتدي يلين أكتر .