محتار فى تويوتا كورولا موديل 90

[zipooo]

قدامى تويوتا كورولا موديل 90 فابريكا حالتها جيدة جدا ب35 الف بس 1300 سى سى وانا بصراحة بحب الجرى والشد ومعرفش هو كام حصان فهل الموتور ده كويس ولا اشوف حاجة 1600 سى سى احسن

[Mohamed.Hany]

قدامى تويوتا كورولا موديل 90 فابريكا حالتها جيدة جدا ب35 الف بس 1300 سى سى وانا بصراحة بحب الجرى والشد ومعرفش هو كام حصان فهل الموتور ده كويس ولا اشوف حاجة 1600 سى سى احسن

لو بتاع شد بلاش موديل 90 و شوف الموديل اللي بعده و اللي قبل العيون الموديل اسمه الملكة حتي لو 1300 بيبقي شده معقول

[zipooo]

اشكرك على الرد بس هى 1300 سى سى دى كام حصان

[Y a r i s]

تقريباً كانت ٧٥ حصان تقريبا ً او ٦٨ حصان
بص اذا بتحب الجري وكده سيبك منها وهاتلك عربية ريجاتا ٢٠٠٠ سي سي حكااااااااية ده لو الموضوع بيقاس بالسي سي او هاتلك بيجو ٥٠٤ برضوا السي سي بتاعها عاااالي ... بس الموضوع مش في سي سي عالي ولا هادي ... المسئلة مسئلت عمر وموديل يعني انتا هتجيب شب لسه صغير موديل حديث براجل كبير موديل قديم في الجري ... اذا انتا بتحب الجري ممتاز هتلك كوتش اديدس واطلع اجري لكن كعربيات موديلها قديم. اه ممكن تجري معاك مره. قول مرتين. تلاته بس هتجريك انتا وراها. باقي المرات عند الميكانيكية والكهربائية ليه ! لان صحتها مش مسعداها ومحدش يلومها ... ثم هقولك على حاجة الكورولا في الاساس مش معمولة للجري. ولاهياش عربيات سباق اصلاً حتى لو كانت موديل ٢٠١٤ دي عربيات مدينة يعني تروح مشوارك وترجع من مشوارك ... ومصنفه على انها سيارات صغيرة ميني كار مش صالون ولا لموزين بس احنا بنقول عليها عربيات كبيرة وياااااه اوعه وشك وعربية جامدة وعربية مش عارف ايه لكن لأ ده لسه في فئات تاني اكبر حجماً وقوة من الكورولة. زي. تويوتا كرونة. وتويوتا كامري وتويوتا افلون وتويوتا اكس. وتويوتا. لكزيس بجميع فئاتها وتويوتا سيلكاااا او تويوتا. اف جي او جي تي مش فاكر اسمها بالزبط .

فارجو اكون وضحت ليك الفكرة ان الموضوع مش بالسي سي خالص
وان الكورولا في الاساس مش مصممة للجري فما بالك. بموديل قديم
لكن هتجيب معاك ١٠٠ و ١٢٠ عادي
وبالتوفيق وربنا يستر طريقك ... وتقبل تحياتي

[S O P H O S]

فرأي لو تقدر تجيب 94 يكون احسن