حادث بكرولا ٢٠٠٩

[emad_elnegmy]

السلام عليكم،

بعد التحيه...
الحمد لله انا عملت حادثه بكرولا ٢٠٠٩ هاي لين (جنوب افريقي)؛ ميكروبص وقف مره وحده على مطب قدامي وانا سرحت فدخلت فيه بقوه. العربيه اتبهدلت شويه، بس الخبطه من فوق (مجتش في شاسيه الاكصدام) علشان الميكروبص كان واقف على المطب من ورا.
لو حد يقدر يساعدني يقولي اجيب منين حاجات استراد. اللي باين دلوقتي علشان السمكري لسه مفكش فيها....
- اكصدام (برشاش الفانوس)
- كبوت
- شبكه
- فنوس شمال (زينون)
- طقم التبريد (ريداتير - سربنتينه - مروحه)
- عمة فلتر الهواء
- غطاء الموتور البلاستك

لو حد يعرف اجيب الحاجات ديه استراد منين وسعرها كام يبقه كتر خيره

شكراً

[محمود سامح]

الحرفين

[sonaeg]

الحمد لله انك بخير دي اهم حاجة وحمدا لله علي سلامتك. ان شاء الله الحاجات دي كلها سهل تلاقيها ف الحرفيين. وشوف موضوع تجار الحرفيين المتثبت هنا ف المنتدي تعرف تكلمهم وتسال علي الاسعار. وبالتوفيق ان شاء الله

[ahmedaly1965]

الف سلامة عليك والحمد لله أنك بخير...
أفضل حاجه فعلا تجار تويوتا في الحرفيين وهما كتير جدا...

[Mohamed.Hany]

الف سلامة عليك و الحمد لله علي كدة.
انت بس انزل الحرفيين و هتلاقيهم بيطاردوك طول مانت ماشي.
وقدر الله ما شاء فعل

[nazar muharram]

الف سلامة والحمد لله انها مجتش فى حاجه تانيه زى ما الاخوه الاعضاء قالولك فى الحرفيين هتلاقى كل حاجه هناك ومتزعلش نفسك ادام فى الفلوس

[S O P H O S]

الف حمد الله علي سلامتك

[J A G U A R]

الف سلامه

[medoghaly]

الف سلامه سهله ان شاء الله

[M.FOUAD]

مش هتلاقي حاجة الجنوب افريقي بسهولة في الحرفيين هتلاقي كلة خليجي
هتروح في طوابق فيصل ف محل اسمة العالمية تويوتا جنب سوسو اللي في الطوابق مش المريوطية
شغال في الجنوب افريقي
و انصحك تجيب اللي محتاجة جديد و تعدل على الخليجي ف الاستيراد
لان قطع غيارالجنوب افريقي الاستيراد غالية جدا و مش هتلاقيها بسهولة
والف سلامة عليك

[M.FOUAD]

سؤال هو فرامل العربية دية ضعيفة ولا انا متهيالي

[amrelsaqqa]

دى ارقام تليفونات محلات في الحرفيين كلمهم قبل ما تخبط المشوار
الحسن 01004250482
الاندلس ( محمد ) 01001999528

دول بتوع استيراد تويوتا

ان شاء الله بسيطة وحمد لله على سلامتك