المشاركة الأصلية كتبت بواسطة walyamw
مشاهدة المشاركة
انا بحب الرينو و لا انكر هذا...و لكن لو حضرتك نقلتلى خبر عالمى صحيح عن مشكلة فى عربيات رينو انا اول حاجة هعملها هكلم التوكيل و اتأكد ان عربيتى مش مشمولة بالأستدعاء و هشكرك انك نبهتنى لهذا الشىء و مش ههاجمك لانك غير مختلق لهذا الخبر...انا هقراه او هسمعه شأت ام أبيت لانه خبر عالمى...المفروض انى هتوقع منك حسن النية مش كده و لا ايه؟
الأستاذ موحه-موحه نقل خبر استدعاء مجموعة فولكس للفتيس ال dsg فى الصين...و حطه فى قسم فولكس..تفتكر الناس هاجمته و قالتله الفتيس ده مفيش احسن منه و اعتمادية فولكس فى السما و توكيلها اكتر توكيل محترم فى مصر
و الأستاذ Horas2000 نقل خبر تحقيق حماية المستهلك مع منصور لعيوب فى موتور الانسجنيا...الناس تهاجمه و تقوله مفيش احسن من منصور و الانسجنيا بدل ما تشكره على التنبيه
بالنسبة لعنوان الموضوع و بوضح تانى: ده عنوان الموضوع اللى سكاى نيوز عربية حطاه و ال bbc حطاه...طيب هل فيه عنوان موضوع احن من كده ممكن استخدمه....:) يعنى مثلاً تويوتا تستدعى و الباقى فى داخل الموضوع :):)
طبعاً بهزر مع حضرتك
موضوع ال esp ليس مهاجمة منى و لكن كثر الكلام من القسم عندكم عن هذا الاوبشن لدرجة ان الناس حست ان مينفعش تكون فيه عربية فى الوجود بدون esp و فيه أعضاء فى قسم رينو فتحوا موضوع علشان يطالبوا التوكيل بتركيب الاوبشن و معظم الناس مش فاهمه عنه كويس اصلاً و واخداه بالسمع ....فما كان منى الا انى عملت موضوع بتوضيح كل جوانب ال esp و المحترم باسم بيه اشترك معانا بنفس صافية جداً و كلنا استفدنا من النقاش الثرى و لم يكن ابداً الهدف التقليل من شأنه و انا مجبتش سيرة الكورولا و كنت بتكلم فى المطلق لدرجة ان فيه عضو طلب نقله للقسم التعليمى و اعضاء من كافة الاقسام اشتركوا
يا بيه انا ههاجم اوبشن فى منتهى الجمال و اتمنى يكون عندى فى عربيتى ليه؟؟!!
طالما طلعنا ولاد عم فانا محبش حد يكون شايل منى او متخيل انى بهاجم عربيته و يكون واخد منى موقف دفاعى أبداً
انا النهارده معايا فلوانس ان شاء الله بكره يكون معايا كورولا كلها عربيات محترمة و لو كويسة هنشكر شركاتها و لو مش كويسة هنحذر منها
اتمنى تكون النفوس صافية و اعتز جداً بك أخا كريماً لى
تحياتى

Comment