إعـــــــلان

Collapse

.

,
See more
See less

الكرسيدا اتفجرت ياريت تنصحونى اعمل ايه

Collapse
X
 
  • Filter
  • الوقت
  • Show
Clear All
new posts

  • الكرسيدا اتفجرت ياريت تنصحونى اعمل ايه

    اولا السلام عليكم ورحمه الله وبركاته على اعضاء المنتدى الكرام
    بعد التحيه خلاص الموضوع
    الكرسيدا مركونه فى امانه الله جمب الرصيف عادى زى كل يوم وفيه عربيه ميكروباص عاليه قوى كدا من قدام اسمها دودج تقريبا مش عارف اعذرونى ياجماعه انا مش بفهم قوى فى العربيات وفى حاله نفسيه الحمد لله المهم نرجع للموضوع راحت الميكروباص دى وهيا بتلف دخلت فى جنبها من ناحيه الدريكسيون بشكل عمودى ونظرا لانها عاليه فالضربه تقريبا دا تصورى للى حصل حملت على سقف العربيه والبابين بتاع السواق واللى وره والحمد لله بقت عامله زى اللى بنشوفهم فى نشره الاخبار بتوع تفجيرات العراق كدا دى المهم فى الموضوع
    ليا كام سؤال لو سمحتولى وياريت محدش يضايق لانهم كتير شويه بس التمسولى العذر
    1-الاحسن انى اصلحها ولا ابيعها على الحاله دى وتجيب كام
    2-لو صلحتها لانى بجد نفسى اصلحها لانها عشره عمر تفتكرو تتكلف كام
    ملحوظه (السمكرى قال هنغير بابين وسقف )
    3-تفتكروا نغير بابين وسقف افضل ولا نشترى بادى بتاع الجيل الرابع ليها موديل التسعينات دا شكله تحفه وهل دا ينفع ولا مش هيركب فيها
    4-هيتكلف البابين والسقف كام ولو فكرت فى البادى هيتكلف كام برضو وهل الافضل من هنا ولا اروح بور سعيد
    5-هل البادى القديم ممكن يتباع لانى حاسس ان التكلفه ختبقى عاليه وخصوصا لما ندخل على الدواخل
    6-ازاى اعرف ان الموتور والشاسيه والميكانيكا الداخليه عموما محصلهاش حاجه او اعرف مدى العيب اللى فيها وياريت تقولولى امتى العيب يكون كبير ومش هيتصلح وتترمى بقى وامرنا لله
    7-ياريت تفصيل بالحاجات اللى تتغير مره واحده بقى علشان انزل اشتريها واعرف احسب تكاليفها يعنى فيه ناس قالولى بضام فتحت فيها غير شويه حاجات خصوصا ان هيا والحمد لله كبوتها نادرا ما كان بينفتح فقالولى غير دبرياج مساعدين الحاجات دى يعنى فياريت تقولولى ازاى اعرف هما محتاجين يتغيرو ولا لاء بالذات بعد الصدمه الجامده دى ولاهما اساسى هيتغيروا دا روتين يعنى والله المستعان وحسبنا الله فى التباعين اللى بيسوقو من غير رخص ولا بيبقوا بينين من تحت الدركسيون اصلا

    اخيرا انا اسف جدا انى طولت بس ارجو من خبراء السيارت عموما ومحبى الكرسيدا خصوصا يفيدونى ومحدش يكسل او يبخل بالرد ياجماعه ولو عايزين تستفسروا عن اى حاجه موضحتهاش ياريت تقولوا وشكرا جزيلا لحضراتكم

  • #2
    أولا قدر الله وماشاء فعل

    وربنا يعوض عليك بإذن الله خير

    المهم

    البابين واسقف يعني العملية ممكن تدخل في 4 الاف او اقل لأني مش عارف الحاله ايه بالظبط
    ولكن المسألة مش كبيرة قوي يعني

    اما مسألة العربيه فيها حاجه تانيه فاحنا مشوفناش العربيه علشان نعرف

    المهم انا رايي انك تصلحها لأن العربيه جميلة خصوصا لو حالته كويسة ولو بعتها فلوسها مش هتركب حاجه خالص محترمة وهتحس انك نزلت لتحت كتير
    فأيي خليها معاك افضل وصلحها ومتخفشيهتبقى حلوهزي ما هيا برضه

    اما عن الدبرياج فده بيتعرف ان سحب العربيه بيقل والعربيه لما بتحملها بتضعف جامد خصوصا في المطالع والدبرياج بيوطى معاك

    المهم انت عاوز ميكانيكي كويس أمين يجربهالك ويقولك محتاجه ولا ... لأ
    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
    [COLOR="Olive"]قال رسول الله صلى الله عليه وسلم :[/COLOR]
    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

    Comment


    • #3
      شكرا لحضرتك جدا على المشاركه والاهتمام وطبعا قدر الله وماشاء فعل والف حمد وشكر لله ان محش مننا كان فيها
      بس حضرتك ياريت تشرحلى اكتر شويه لو مش هتقل عليك
      مثلا فى نقطه البادى الكامل دا هيتكلف كام وهل ينفع التسعينات ولا مش هينفع
      كمان هشترى من بور سعيد ولا من هنا
      دا بالنسبه للخارج بالنسبه للداخل بقى الموتور والشاسيه والحاجات دى ياترى اعرف ازاى حالتهم وايه العيب اللى لو فيهم يبقى الاحسن مصلحهاش علشان خايف اصرف عليها ومتتصلحش برضو لان شكلها فظيع بجد استحاله اللى يشوفها يقول هتمشى تانى

      Comment


      • #4
        طيب يا ريت لو تصورها بالتفصيل وترفع الصور علشان نقدر نتكلم فيها كويس

        اما عن موضوع البودي فده فيلم كبير قوي لأن فيرقم للشاسية وحاجات كده ها فيلم طويل بصراحه

        اما عن مكان الشراء فهو الحرفيين وبعد كده بورسعيد
        بس الحرفيين ممكن تلاقي فيها اللي انت عاوزه ان شاء الله

        الماتو والشاسية
        اظن ان الماتور ميحصلهوش حاجه من الكلام ده
        اما الشاسية فلما نشوف الصور الأول واظن برده ان مفيش حاجه اكيد ان شاء الله
        [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
        [COLOR="Olive"]قال رسول الله صلى الله عليه وسلم :[/COLOR]
        [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

        Comment


        • #5
          حاضر ان شاء الله الصور هتكون فى اقرب وقت على الموقع بس اصلها عند السمكرى اول ما اروح هصورها لحضرتك
          بس ياريت برضو ( انا عارف زودتها ) تقولى الاسعار فى حدود كام والحرفيين اغلى ولا بور سعيد
          وموضوع رقم الشاسيه دا مش فاهمه قوى يعنى هو لما اشترى بودى هشترى كمان شاسيه جديد ولا ايه النظام ياريت تفهمنى النقطه دى بردو (استفسار :هو الشاسيه هو البودى )
          وهل من كلام حضرتك دا اقدر استنتج انه فعلا ينفع احط بودى تسعينات مكان التمانينات
          شكرا

          Comment


          • #6
            الحمد لله
            وشكرا لحضرتك لانك كنت اول من بشرنى انها سليمه
            الميكانيكى اكدلى النهارده انها سليمه وبمجرد انه يغير البابين والسقف
            ويربط شويه حركات (هوا دا اللفظ اللى قالهولى) هترجع تانى زى الفل
            بس ياريت والنبى ياجماعه يبقى فيه شويه تعاون من حضراتكوا هو ليه مش بتردوا عليا وتفهمونى
            عموما هسال وامرى لله
            1-موضوع البودى ياريت حد ليه خبره فى الموضوع دا يقولى ينفع اجيب بودى تسعينات ولا مش هيركب فيها
            2-لو هجيب البابين والسقف بتوعها موديل التمانينات 81-84 هيبقوا بكام ولو البودى كله موديل تسعينات 89- 92 يبقى بكام برضو
            3-الاوفرلى اشترى من القاهره ولا بورسعيد لان الموضوع جه فجاه ومكنش فى الحسبان خالص
            4-فيه حاجات لما اروح اشترى اجيبها بالمره كتجديد يعنى علشان تبقى اتشدت مره وخلاص
            5-والاخيره واسف للاطاله الميكانيكى قال كلمه مفهمتهاش قالى ربنا يستر عالقواعد حد يقولى يعنى ايه اللمه دى ودى بتنشرى ولا لو طلعت بايظه يبقى خلاص العربيه هتبوظ ولا ايه يعنى

            Comment


            • #7
              قدر الله وما شاء فعل الحمد لله انه مكنش حد موجود فى العربيه ومركونه

              اى اضرار فى صاج يتصلح او يتغير مفيش مشكله متقلقش هترجع احسن من الاول

              وانتظر بس خبراء المنتدى هيردوا عليك بس لما يدخلوا المنتدى
              [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

              Comment


              • #8
                اولا قدر الله و ما شاء فعل

                ثانيا طالما الخبطة بعيد عن فرد الشاسية يبقى الموضوع مش صعب و ممكن اصلاحة

                احنا معندناش صور عشان نقول التكلفة التقريبية او ايه اللى حيحتاج يتغير و بالتالى كل اللى حنقولة حيبقى تكهنات

                عموما موضوع شراء بودى كامل معتقدش انه ممكن لان حسب ما انا فاهم انت عايز هيكل على بعضة... و بالتالى رقم شاية مختلف يعنى عربية تانية و حوارات مع المرور و خلافة دا غير التكلفة

                بابين و سقف مش قضية خالص... يتجابوا منين.. مش عارف لانى مش خبير فى التيوتا بس اعتقد ان لو نزلت الحرفيين حتلاقى حاجاتها او على الاقل بتوع التيوتا اللى هناك حيدلوك على حاجات الموديل دة تلاقيها فين

                الحاجات اللى حتتفك من العربية اخرها حتتباع خردة بالكيلو و مش حتجيب تمن زى ما انت متصور

                MMamdouh
                [CENTER]What is the difference between ignorance and apathy?...I don't know & I don't care[/CENTER]

                [CENTER][SIGPIC][/SIGPIC][/CENTER]


                [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                [marq="Error"]what goes around... comes around[/marq]


                [CENTER][URL="http://www.cardomain.com/ride/567267"]MMamdouh's Lanos on CarDomain
                [/URL][/CENTER]

                [URL="http://www.nilemotors.net/Nile/showthread.php?t=85421"]
                [/URL]

                Comment


                • #9
                  انا رأيي انك تغير البابين و السقف في حالة لو انت مرتاح للعربية و العربية حالتها حلوة كموتور و اساسيات لو حالتها حلوة و انت راضي عنها يبقي صلح و اركب خصوصا انك لو بعت مش هتركب حاجة في نفس مستوي الكرسيدا هتبقي قطعا اقل و الحمد لله الشاسيه سليم

                  اما موضوع بودي التسعاينات لو كان البودي يركب و دي عايزة واحد خبير في العربية دي عمليا بقي يبقي لو انت عايز تحطه حطه لو اني مش من انصار الفكرة دي لو جيبت تبيعها المصريين هيجيبولك الضغط و يقولك دي 100 % كانت مقلوبة و غيرلها مش عارف ايه و حاجات كده غير ان الشاسيه رقمه مختلف انا رأيي هات البابين و السقف بتوعها و عليك و علي الحرفيين بس يبقي معاك واحد بيفهم عشان متتاكلش هناك او بورسعيد و بورسعيد اعتقد انها هتكون ارخص من الحرفيين عن تجربة في القطع بورسعيد ارخص من الحرفيين و عندهم كل حاجة

                  Comment


                  • #10
                    دموع الثلج

                    MMamdouh

                    mohamed ibiza

                    الف شكر لحضراتكوا وعلى مشاركتكوا ونصيحتكوا المفيده جدا واللى اكيد هاخد بيها
                    ان شاء الله
                    وربنا يسهل لانى مش بفكر ابيع لانها جابت تمن
                    ميركبنيش موتسكل صينى حتى
                    وشكرا ليكوا واسف لازعاجكوا

                    وتوضيح اخير بس حد يفهمنى يعنى ايه قواعد الموتور اللى الميكانيكى خوفنى منها دى ؟

                    Comment


                    • #11
                      السلام عليكم
                      نصيحة من واحد مازال محتفظ بهذه السيارة لانها ميراث عن والدي رحمه الله
                      العربية دي 90% من حاجتها بارخص الاسعار موجودة في المحله علشان تقريبا هي الموديل الاساسي للتاكسي هناك وهتلاقي هناك عربيات متقطعة منها كتير
                      انا سبق ولفيت علي الضفيرة بتاعتها مابينمصر وبورسعيد ولم اجدها الا في المحلة
                      بس ياريت وانتنازل هناك تاخد معاك حد متخصص وبيعرف يفاصل علشان هما بيحاولوا يتشطروا علي بتوع القاهرة بالذات علي اساس ان احنا فلوسنا كتير ولله الحمد
                      وإن شاء الله تتصلح وترجع زي الاول

                      Comment


                      • #12
                        للأسف مافيش في مصر حاجة اسمها تغيير بودي كامل...

                        لأنك عشان تغير بودي لازم يبقى له سجل في المرور و رقم الشاسية متسجل عندهم....لكن لو ملهوش يبقي مش هاينفع

                        غير كده مافيش حد بيبيع هيكل كامل كده لوحده....لو لاقيت هايبقي نصين.....عشان ممنوع استيراد السيارات قطعة واحدة...لازم تتكون متتفككة و تخش مصر تحت بند قطع غيار مستعملة

                        و أصلا أصلا....طالما العربية موديل قديم...يبقي ماينفعش تحط الحاجات اللي فيها في موديل أحدث!!

                        ربنا يعينك و تخلص العربية علي خيير ان شاء الله
                        [CENTER][SIGPIC][/SIGPIC][/CENTER]

                        Comment


                        • #13
                          موضوع قواعد الموتور دا بسيط جدا قاعده الموتور الواحدة لاتزيد ثمنها علي 60 جنيه والتركيب خوالي 80 جنيه للقاعدتين ومتخدش بكلام الميكانيكي لو حاول يزود عليك علي اساس انه هيرفع الموتور والكلام ده الموضوع بسيط والتركيب مابيخدش ساعة

                          Comment


                          • #14
                            طيب اعرف منين لو سمحت ان الحاجات دى سليمه ولا لاء لانها دارت ياجماعه الحمد لله وصوتها تقريبا مفرقش كتير عن الاول باسثناء زى وش كدا نتيجه حاجات فى التابلوه وكده انما مش سامع صوت جديد فى الماتور فياريت النصيحه علشان مينضحكش عليا
                            وحاجه كمان المحله دا اكيد مضمون ان شاء الله والاسعار فى حدود كام بالنسبه للبابين والسقف علشان مينضحكش عليا وشكرا ليكوا جدا

                            Comment


                            • #15
                              لا حول ولا قوة الا بالله، قدر الله وما شاء فعل

                              بسيطة ان شاء الله لو جت على البابين والسقف

                              غيرهم واشتري استيراد من بورسعيد بس المهم ان

                              شاسية العربية يكون سليم.

                              القواعد اللي انت بتقول عليها اعتقد انك تقصد قواعد

                              الموتور ودي حاجة بسيطة برضة وممكن تتغير في اي

                              عربية من غير ما تكون عاملة حادثة ولا اي حاجة.

                              اما بالنسبة للشاسية فمينفعش يتغير في مصر للاسف

                              لان في مصر بيعتبروا ان الشاسية هو اساس العربية

                              وتغيير الشاسية معناة تغيير العربية نفسها.
                              [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
                              [/CENTER]


                              [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
                              [/RIGHT]

                              Comment

                              Working...
                              X