عملت حادثه بالياريس

[hopeless20]

السلام عليكم ورحمه الله وبركاته

الحمد لله ... الحمد لله ... الحمد لله ... انا عملت حادثه بالياريس .. وربنا ستر والخسائر مش كتير وفي شويه حاجات احب أشاركها مع الناس عشان تخلي بالها .

أنا كنت راجع من القريه الذكيه .. واخد الصحراوي ومن بعد حازم حسن في ملف كبير شويه مكسر ويدوبك اخر حته خالص علي اقصي الشمال هي اللي ممكن تمشي منها ... هنا لازم اقولكم شويه حقائك

1- العجله اللي ورا يمين كانت مهويه شويه وكسلت أعدي علي عجلاتي أشيك عليها .
2- حاله الكاوتش عندي مش تمام وكنت روحت fit & fix وقالي ياريت تمشي بيه علي مهلك وتغيره في اقرب فرصه ومرضاش يرصص ساعتها عشان قالي حرام .
3- أنا كنت رابط الحزام عشان التعود (الموضوع ده فرق جدا والحمد لله وهتعرفوا ليه بعدين)

كنت داخل الملف بسرعه شويه .. علي 100 كيلو تقريبا .. قافل الازاز ومش حاسس بالسرعه .. معلي الكاست شويتيين .. مش شايف لاخر الملف ودي غلطه كبيره .. عربيه تريلا بمقطوره ماشيه في أقصي الشمال من غير نور خالص لقيتها ادامي .. طبعا الطريق مكسر والتريلا ماشيه في أنضف حته وبقيت الطريق مكسر ... بدل ما أفرمل معرفش ليه قررت أزود وأحاول اعدي من حته ضيقه أوي في الشمال .. الحته مكفتش .. في اخر لحظه رميت يمين !!! .. العربيه لفت وخمست بيا .. الحمد لله محدش كان جاي من ورايا وإلا كان لبس فيا بالجنب .. هنا الحزام فادني جدا جدا جدا لقيت نفسي مربوط في الكرسي ولسه مالك العربيه .. دوست فرامل وبرضه عرفت قيمت ال abs وال ebd .. الفرامل والحزام الحمد لله أنقذوني .. انا دخلت في الطوب والعربيه وقفت قبل لحظه من الحاجز الخرساني ..

أنا فضلت واقف وماسك الدريكسيون فوق الربع ساعه مش قادر اتحرك .. العربيه واقفه علي الطوب اللي جنب الحاجز .. محدش وقفلي خالص الحقيقه ومش هقدر ألوم علي حد .. بعد ما هديت اتحركت ونزلت من ع الطوب ونزلت اشوف العربيه ..

الخسائر :

الكاوتش اتكسر طبعا والسلك ضرب .. الاكصدام وقع من جنب وخد خبطه من تحت.. الجنط أتنا .. المصفحه شالت كتير الحقيقه الحمد لله ... في حاجه في العفشه ولا لأ دي حاجه لسه معرفهاش وربنا يستر علي المقص والجلب .. انا ماشي علي الاستبن اللي اصلا فيه بالونه لحد ما اروح اغير الكاوتش واكشف علي العفشه .. وفي رجه كده مش طبيعيه


نصيحه لكل واحد بيسوق .. انا طبعا غلطان في حاجات كتير .. داخل ملف بسرعه .. زودت عشان اعدي في لحظه تهور ... قافل العربيه ومعلي الكاست ومش حاسس بسرعتي .. الكاوتش كان مريح ومرحتش ازوده وطبعا فرق في الثبات جدا جدا

1-أربطوا الحزام فعلا بيفرق
2- خلي عينك علي كاوتش العربيه علطول ومتستهترش لو مريح شويه
3-الفرامل ال ABS وال EBD ليهم لازمه
4- السواقه ملهاش كبير مفيش داعي تمشي بسرعه عشان مش هتفرق في الاخر كتير

الحمد لله وربنا يحفظ كل واحد سايق

[monamize4]

اهم حاجة انك سليم يا باشا ,, و ان شاء الله التلفيات دى مش هتكلفك كتير

[iUsef]

حمد الله علي السلامه اهم حاجه انك تاخد بالك المرات اللي جايه وربنا يستر طريقك ان شاء الله

[Mustafa_Zain]

ألف سلامة عليك ...

[Mustafa_Zain]

مقولتش هي يارس موديل سنة كام؟

[kokowasfy]

حمد للة بلسلامة طبعا كلنا عرفين فائدة الحزام و الحمد للة ربنا ستر معاك و كمان الفرامل ال abs وال ebd نفعو مع انى مش عارف ليهم لازم معاك ازاى العربية بتاعتك عامت و لفت المفروض ميحصلش كدا بس الحمد للة ربنا بيستر و مكتوبالك و مكتوبلك تعمل حدثا هتعمل حتى لو راكب بى ام فيها كل انظمة الامان

[Mohamed.Hany]

الف حمدالله علي سلامتك و فداك مليون عربية

[J A G U A R]

الف سلامه على حضرتك

[Ahmod]

حمدلله على سلامتك والحمد لله انها جت على قد كدة

حمد لله بلسلامة طبعا كلنا عرفين فائدة الحزام و الحمد لله ربنا ستر معاك و كمان الفرامل ال abs وال ebd نفعو مع انى مش عارف ليهم لازم معاك ازاى العربية بتاعتك عامت و لفت المفروض ميحصلش كدا بس الحمد لله ربنا بيستر و مكتوبالك و مكتوبلك تعمل حدثا هتعمل حتى لو راكب بى ام فيها كل انظمة الامان

ال ABS + EBD المفروض انهم بيدولك امكانية توجيه العربية والتحكم فيها وانت دايس على الفرامل

ودي انا عن نفسي كنت بلاحظها كتير بالياريس انك تقدر تعمل مناورة وانت دايس على الفرامل !! بعكس عربيات تانية ممكن تعوم من حاجة زي كدة

بس برضوا الموضوع ده ليه حدود !! وغالبا العربية عامت منه بسبب ال Body weight shift

انه جيه يعدي من الشمال ضاقت قام حدف يمين جامد

كسرة الدركسيون يمين شمال على سرعة بتخلي اي عربية تعوم خصوصا لو عنده مشكلة في الكاوتش !!

[kokowasfy]

حمدلله على سلامتك والحمد لله انها جت على قد كدة



ال ABS + EBD المفروض انهم بيدولك امكانية توجيه العربية والتحكم فيها وانت دايس على الفرامل

ودي انا عن نفسي كنت بلاحظها كتير بالياريس انك تقدر تعمل مناورة وانت دايس على الفرامل !! بعكس عربيات تانية ممكن تعوم من حاجة زي كدة

بس برضوا الموضوع ده ليه حدود !! وغالبا العربية عامت منه بسبب ال Body weight shift

انه جيه يعدي من الشمال ضاقت قام حدف يمين جامد

كسرة الدركسيون يمين شمال على سرعة بتخلي اي عربية تعوم خصوصا لو عنده مشكلة في الكاوتش !!

كلام حضرتك مظبوت انا حصل معاية موقف بس ربنا بيستر و عرفت قيمة abs فعلا كنت فى ملف و عربية زنقت علية فخلانى ادخلى فى التراب غصب عنى فدست على الفرامل جامد فى ملف و طريق فية تراب بس الحمد للة العربية معمتش سنتى واحد كانت بلمسترة عشان كدا كنت بقولو ان abs مفدوش بحاجة عشان العربية عامت منو بس الحمد للة ربنا ستر

[bmya]

سلامتك ياباشا

[hopeless20]

حمد لله بلسلامة طبعا كلنا عرفين فائدة الحزام و الحمد لله ربنا ستر معاك و كمان الفرامل ال abs وال ebd نفعو مع انى مش عارف ليهم لازم معاك ازاى العربية بتاعتك عامت و لفت المفروض ميحصلش كدا بس الحمد لله ربنا بيستر و مكتوبالك و مكتوبلك تعمل حدثا هتعمل حتى لو راكب بى ام فيها كل انظمة الامان

الله يسلمكم جميعا
ومتشكر لكل الناس
وربنا يسترها معانا كلنا ..
انا بس عاوز اوضح ان العربيه بعد ما عامت مني انا كنت داخل في الحاجز الخرساني .. دوست فرامل ولفيت الدريكسيون تاني في اخر لحظه عشان الحاجز .. العربيه حودت معايا في اللحظه الاخيره بدل ما ادخل بالكبوت دخلت بالكاوتش الشمال والاكصدام والمصفحه .. من غير ال abs وال ebd أعتقد مكنتش هقف غير في الحاجز نفسو .
أنا كنت كتير بقول ان مفيش فايده لفرامل بتديك القدره علي المناوره بالعربيه .. يعني كنت بفكر مين ده اللي فاضي ورايق يفرمل وكمان يحود .. ماهو كفايه يفرمل بس ويقف .. بس أدركت ان في الحوادث لا قدر الله ميزه زي دي انك تناور وانت دايس فرامل ممكن تنقذ حياتك


الحمد لله ..

[ahmedaly1965]

حمدلله على سلامتك والحمد لله

[S O P H O S]

الف حمد الله علي سلامتك

[BLOODY_STONE]

حمد لله على السلامة و ان شاء الله خير