حجزت تويوتا ياريس سيدان وعندى شوية استفسارات

[bayoumisoft]

أمس رحت تويوتا ايجيبت فرع ابو رواش حجزت تويوتا ياريس سيدان اول فئة اتوماتيك
اللون بيج ميتالك (شامبين) الفرش والتابلوة الدخلى بيج

طبعاالعربيه مش موجوده والاستلام بعد شهر ونص من تاريخ الحجز.

عندي شويهاستفسارات اتمني اني الاقي اجابه عليها

الاستلام:
يا ترى اية المرفقات اللى هاخدها مع استلام العربية ؟ مثلا كوريك, مثلث ,........ الخ
شركة التأمين :
أأمن عليالعربيه مع اية شركة تأمين؟ , فية ناس كتير بتقولى الليانز . طيب هو اية اللى بيفرق شركة من شركة تانية؟ ويا ترى فية كذا نوع من التأمين؟ ولو فية يفضل اختار اية منهم؟ مع العلم انا لسة حديث فى السواقة ؟
الفرش:
عاوز اعملفرش للعربيه علشان ما ابهدلش الفرش بتاعها لان الفرش الداخلى والتابلوة لونة بيج,, هل في مكان معين تنصحونى بيه ؟ هل فيخامه معينه بتستحمل و اعتماديه تنصحوني بيها ؟؟ التكلفه هاتكون في حدود كام تقريبا؟و كمان الارضية لونها بيج تنصحونى برضة بفرش الارضية ولا اجيب دواسات وخلاص؟

ترخيص المرور:
الترخيص لمده 3 سنوات ها يكلفنى قد اية؟

كماليات اضافية:
يا ترى فية كماليات مفروض اشتريها مع العربية .

يا ترى فية حاجة تانية مقولتهاش وكان المفروض استفسر عنها

معذرة لاسألتى الكتيرة لانى حديث فى قصة العربيات دى شوية

[firstknight_eg]

ممكن ارد عليك في 3 نقاط :

1- التأمين: طبعا بتفرق من شركة لشركة في سرعة صرف التعويض في حالة الحوادث لا قدر الله... وكمان نسبة التحمل (يعني المبلغ اللي هتستقطعوا الشركة) ... وانت اللي هتدفع الاول وبعدين تاخد شيك ولا هما علي طول هيحسبوا مركز الخدمة... عشان كده شوف كذا شركة الاول وبعدين قرر... عندك اليانز و رويال وشركات كتير

2- تكلفة الترخيص : لو انا مش غلطان فالياريس 1300 سي سي ... التكلفة بتكون 175 في السنة (525 في ال 3 سنين) + تأمين إجباري تقريبا 200 جنيه في ال 3 سنين و ملف (حوالي 30) ولوحات 100 جنيه وطفاية 145 ورشاوي وبلاوي وعيش حياتك.

3 - بخصوص الفرش في كذا حد... جينز كار ناس محترمة وبيعملوا خصم لحاملي استيكر نايل موتورز... التكلفة بالأرضية حوالي 1500 جنية ممكن اقل او اكتر.

ربنا يديك خيرها ويكفيك شرها ان شاء الله والف مبروك

[ahmedaly1965]

ممكن أفيدك في موضوع الفرش للكراسي والكنبة وأرضية العربية وفرش الشنطة ....

[insurancebroke]

انا ممكن افيدك في نقطه واحده
التأمين
شوف عاوز اسعار شركان ايه وانا اجبهالك
فيه اليانز
aig
عاوز اسعار انهي شركات

[Mohamed.Hany]

الاستلام:
يا ترى اية المرفقات اللى هاخدها مع استلام العربية ؟ مثلا كوريك, مثلث ,........ الخ
اتاكد ان كل حاجة في العربية شغالة من كاسيت تكييف زجاج.....
اتأكد مفيش خدوش او خبطات
اتاكد من الجنط الاستبن
اتاكد من العدة
اتاكد من الولاعة و الطفاية
اناكد من كتيب الضمان و المانوال
شيل اي ورق ملزوق علي العربية وعلي الازاز
اتاكد من ان كل الاوراق موجودة زي الافراج و جواب المرور و المبايعة
متقرسش علي الموتور اول 1000 كم و شغل التكييف عادي

شركة التأمين :
أأمن عليالعربيه مع اية شركة تأمين؟ , فية ناس كتير بتقولى الليانز . طيب هو اية اللى بيفرق شركة من شركة تانية؟ ويا ترى فية كذا نوع من التأمين؟ ولو فية يفضل اختار اية منهم؟ مع العلم انا لسة حديث فى السواقة ؟
انا مكنتش اعرف ان في تامين داخل تويوتا ولو كنت اعرف كنت امنت معاهم وريحت دماغي من ورقيات و روتين رهيب . ده رأي
الفرش:
عاوز اعملفرش للعربيه علشان ما ابهدلش الفرش بتاعها لان الفرش الداخلى والتابلوة لونة بيج,, هل في مكان معين تنصحونى بيه ؟ هل فيخامه معينه بتستحمل و اعتماديه تنصحوني بيها ؟؟ التكلفه هاتكون في حدود كام تقريبا؟و كمان الارضية لونها بيج تنصحونى برضة بفرش الارضية ولا اجيب دواسات وخلاص؟
ركب فرش و ارضية انضف, عندك جينز كار و دوس للفرش ممكن تركب تلبيس بيبدأ من 300 جنيه و في تفصيل بداية من 700 جنيه.

ترخيص المرور:
الترخيص لمده 3 سنوات ها يكلفنى قد اية؟1000
الي 1500 جنيه

كماليات اضافية:
يا ترى فية كماليات مفروض اشتريها مع العربية .
ممكن فوج لايت

اتمني اكون جاوبت علي كل اسئلتك

[bayoumisoft]

اتمني اكون جاوبت علي كل اسئلتك

شكرا يا محمد على ردك الوافى على اسألتى.

بس اية الفرق بين التامين اللى موجود فى تويوتا والتامين اللى برة

تقريبا التامين اللى فى تويوتا . شركة تانية غير تويوتا اسمها تقريبا الشرق او المشرق حاجة زى كده مش فاكر سعرها بصراحة

[bayoumisoft]

انا ممكن افيدك في نقطه واحده
التأمين
شوف عاوز اسعار شركان ايه وانا اجبهالك
فيه اليانز
aig
عاوز اسعار انهي شركات

يا ريت اليانز لان ناس كتير جدا بتشكر فيها واكون شاكر لحضرتك

[bayoumisoft]

ممكن أفيدك في موضوع الفرش للكراسي والكنبة وأرضية العربية وفرش الشنطة ....

يا ريت لو ممكن بعد اذنك

[bayoumisoft]

ممكن ارد عليك في 3 نقاط :

1- التأمين: طبعا بتفرق من شركة لشركة في سرعة صرف التعويض في حالة الحوادث لا قدر الله... وكمان نسبة التحمل (يعني المبلغ اللي هتستقطعوا الشركة) ... وانت اللي هتدفع الاول وبعدين تاخد شيك ولا هما علي طول هيحسبوا مركز الخدمة... عشان كده شوف كذا شركة الاول وبعدين قرر... عندك اليانز و رويال وشركات كتير

2- تكلفة الترخيص : لو انا مش غلطان فالياريس 1300 سي سي ... التكلفة بتكون 175 في السنة (525 في ال 3 سنين) + تأمين إجباري تقريبا 200 جنيه في ال 3 سنين و ملف (حوالي 30) ولوحات 100 جنيه وطفاية 145 ورشاوي وبلاوي وعيش حياتك.

3 - بخصوص الفرش في كذا حد... جينز كار ناس محترمة وبيعملوا خصم لحاملي استيكر نايل موتورز... التكلفة بالأرضية حوالي 1500 جنية ممكن اقل او اكتر.

ربنا يديك خيرها ويكفيك شرها ان شاء الله والف مبروك

شكرا لزوقك وردك الوافى . جزاك الله خيرا

[Mohamed.Hany]

شكرا يا محمد على ردك الوافى على اسألتى.

بس اية الفرق بين التامين اللى موجود فى تويوتا والتامين اللى برة

تقريبا التامين اللى فى تويوتا . شركة تانية غير تويوتا اسمها تقريبا الشرق او المشرق حاجة زى كده مش فاكر سعرها بصراحة

مش فاكر الاسم ايه بس هي تابعة لتويوتا ايجيبت .
الميزة انك مش هتتشحطت مبين التأمين و التوكيل و الامور هتبقي اسهل بكتير جدا

[ahmedaly1965]

انا عربيتي كورولا 2013 عملت فرش جلد للكراسي والكنبة وكسوة تفصيل للأرضية وكسوة للشنطة
1200 جنيه
السروجي اسمه ياسر خلف جريدة الأهرام
01227634952

[bayoumisoft]

اخبار استهلاك البنزين في الياريس اية؟؟؟

[bassem_foda]

اولا :
لا تقلق من موضوع الاوراق (التخليص الجمركى + شهادة بيانات موجهه للمرور اللى انت ها ترخص فيه + مبايعة السيارة) وده كله اى معرض او توكيل لازم يعمله تلقائى
ثانيا :
كل مكان وليه الناس اللى تبعهم داخل ادارات المرور لتسيهل استخراج الرخصه وده حصل معايه
بعد اما استلمت اوراق السياره اعطونى رقم شخص تابع لهم داخل مرور مدينة نصر وبالفعل خلص كل حاجه وكل بحسابه
ثالثا:
المصاريف انا دافعت حوالى 1550 شامله اكرامية الشخص اللى خلص لى الاوراق ولى سياره اخرى دافعت الضريبه الخاصه بها
رابعا :
ممكن تستلم السياره لكن ورقة الافراج الجمركى تتأخر عقبال لما تيجى لأنها بتطلع لمجموعة سيارات مش سياره واحد فقط

[bassem_foda]

لا تنسى قرأت كتالوج السياره مهم جدا عن تجربه
ها تلاقى كلام تافه لكن فيه ملاحظات قيمه تفيدك وتفيد السياره

[bayoumisoft]

اولا :
لا تقلق من موضوع الاوراق (التخليص الجمركى + شهادة بيانات موجهه للمرور اللى انت ها ترخص فيه + مبايعة السيارة) وده كله اى معرض او توكيل لازم يعمله تلقائى
ثانيا :
كل مكان وليه الناس اللى تبعهم داخل ادارات المرور لتسيهل استخراج الرخصه وده حصل معايه
بعد اما استلمت اوراق السياره اعطونى رقم شخص تابع لهم داخل مرور مدينة نصر وبالفعل خلص كل حاجه وكل بحسابه
ثالثا:
المصاريف انا دافعت حوالى 1550 شامله اكرامية الشخص اللى خلص لى الاوراق ولى سياره اخرى دافعت الضريبه الخاصه بها
رابعا :
ممكن تستلم السياره لكن ورقة الافراج الجمركى تتأخر عقبال لما تيجى لأنها بتطلع لمجموعة سيارات مش سياره واحد فقط

شكرا علي شرحك الوافي ، جزاك الله خيرا