تقرير (( بالصور )) عن تويوتا يارس 2014 خاص من الداخل ××××

[Y a r i s]

بسم الله الرحمن الرحيم

وبه نستعين على صراط المستقيم سيدنا محمد وعلى أله وصحبه أجمعين
أقدم لكم اليوم يا حضرات تقرير خاص مصور عن تويوتا يارس 2014 الجديدة ... وهقدم لكم التقرير بالصور + الصورة الذهنية وأنطباعي عنها بمنتهى الحيادية .

وخلونا نخش على طول جوا العربية ونفتح الباب ونقول بسم الله الرحمن الرحيم ... يارب يا ساتر ... يالي جووه ... الي مش مغطي شعروا يحط حاجة على راسو ... لا لا بجد أول ما بتخش العربية بتلاقي المنظر دهو



طبعاً من الصورة هنا بنلاحظ حاجة مهمة
بنلاحظ ان المصمم مبتكرشي حاجة جديدة ... ومجابشي حاجة من عندو ... دا عامل كوبي وبست لتابلوة البي أم دابليوا الفئة التالته الجديدة ومش ناقص غير يحط الشاشة بتاعت بي ام وعلامت بي أم دبليو



عامةً

برضو اللمسة الجميلة للمصمم الياباني وأضافتها على عربيات تويوتا يارس كانت لفته أنسانية جميلة فمثلاً بص حضرتك على الصورة الي جية تحس أن الدريكسيون متخيط وواخد خياطة دوبل من الجمب زي Bmw حتى برضو حتت الالمانيوم أو الحته البلاستيك الميتالك المطعمة بيها الدريكسيون كمان لزيزة والتحكم في الصوت من الدريكسيون .... وتخانت وسمك الدريكسيون ذات نفسو بتديك أحساس وملمس ديريكسيونات BMW أحساس الفخامة والرفاهية ويمكن الي ساق أو ركب عربية BMW الفئة التالته الصغيرة هيعرف انا بتكلم عن أيه .



طبعاً أهو زي ما أنتو شايفين يا حضرات
صورة تقريبة للخياطة بس شهادة برضوا أحاسب عليها قدام الناس
أن في بي أم بتحس أن جلد جلد أو حيوان أتقتل وأتخيط علشان بسلامتك تسوق في تويوتا لأ بتحس بالتاتتش الصناعي وتحس أنو جلد مش أصلي قوي بس طبعاً أحسن من الكوري الي بيحسسك أن فايبر أو عجينه مكبوسة ومعمولة ديريكسيون .



بس طبعاً مش عاوز أغادر الصورة الأولانية وأمشي من عليها مرور الكرام
تصميم العدادات ... غير مبتكر بالمرررة يعني شفناه في الانسر شارك وشفناه كمان في الكيا سيراتوا وفي المازدا ثري .

@@@@@@

طيب نيجي بقة للصورة الي جيه من جنب الدريكسيون
ومعليش واحد يقلي انتا هتسلخ العربية هقولك معليش تويوتا على عينا وعلى راسنا بس برضو بنقول ونوضح على بعض العيوب علشان الاشكال الجديدة يتلافوا الموضوع ده

المهم بص كده حضرتك من الجنب



حلو انكم عملتو التشغيل بكبست زرار للعربية الي هو أستارت أنجن ولكننننننننننننننننننننن
أنتا سايبلي طبه ليه مكان المفتاااااح ليييييييييييييييييييييه .

يعني أمتى بس الصنيعي الياباني هيبقى عندو ضميررر

ماهو يا نعمل الحاجة صح الصح يا نقفلها ونقلبها مصنع عجــــــــــــــــل أحسن !

##############

نيجي بقه الناحية التانية



يالهووووووي على الجمال والشياكه والازازة
فعلاً أنهم مبدعين .... بس برضوا انا شايف بي أم قدامي مش شايف شخصية تويوتا الي أتعودنا عليها في بساتطها وجمالها ولو تأملنا الصورة الي فوق دي على طول دي صورة مكان للكوباية + شوف الاكرة معمولة كروم أزاي وملمس رائع رائع رائع يوحي بالفخامة ... تطعيم التابلوة بالخياطة شيك شيك شيك وشغل عالي وعلى مستوى فتحت حامل الكوبايه بيتفتح بشكل أنك تحس بالقوة والفخامة مش بالضعف أو تحس أن مكوناتوا ركيكة .... حاطين لنا كمان تويوتارات في الجنب وأسمحولي أقول



لقد هرمناااااااااااااااااااااااااااااااااااااااااااااا ا
من أجل هذه اللحظة التاريخية الي تحطولنا فيها تويتر في تويوتا يارس .

طبعاً كل ده وحتت كمان النيكل او البلاستيكة او الالمنيوم السيلفر الي مطعم فيها التابلوة دي شغلانه تانية وفخامة فخامة فخامة ... وحلوة منك على قد سنك يا تيوتا ... وبجد تسلم أيديكي يا توتو علي عملاها في اليارس وعلى أن المهندسين بيحاولوا يضيفو كل حاجة ممكن تنضاف من أكسسورات وحليات وكنا بصراحه نفتقدها في الطرزات السابقه ...

ملاحظة : مازال للموضوع بقيه ... كافئ مجهوداتنا بلايك أو شكر وأكتب متابع عقبال ما أحضرلك الباقي ..

@@@@@@@@@@
وتحياتي

[Mohamed.Hany]

تسلم يا كبير علي التقارير الوافية الشافية الدقيقة.
انت فصصت التابلوه كويس , مستنيين من حضرتك بقية العربية , ولا اييه ؟
تحياتي لشخصك الكريم

[Elawany13]

تسلم ياغالى

[Mustafa_Zain]

ألف شكر على الموضوع ويا ريت يكمل ويبقى موسوعة لليارس...

ملحوظتي على اليارس إنك تركز أكتر على الفئة الأولى عشان هي اللي عليها طلب وسعرها مناسب مقارنة ب الهاي لاين...

مشكلت اليارس الجديدة معايا إنها نزلت بعد الكورولا عكس الخليج وده خلاني الصراحة أقفل من اليارس الهاي لاين أول لما شوفتها مقارنة بالكورولا بيزك خصوصا إن فرق السعر مش كتير قوي.

[Y a r i s]

تويوتا يارس 2014

وتستمر المفاجـئات



بصوا العربية دي كلها مفاجئات



هههههههههههه
لا لا بجد بجد

نيجي بقه لناحية السواق ... ونبص كده على الصورة دي ونشوف مع بعض



ها شايفن أيه في الصورة دي .... أخيراً أخيراً بقو ينزلوا خاصية طي المرايات من الداخل Retractable turn بس مع الفئة الهاي لاين ... يعني الي معاه فلوس يبقى قاعد باشا كده وبلمست زررر يقفل المرايا من جوا ... ممعكش فلوس ياحبيبي مد أيدك ما تتكسيفش وقفلها بأيديك بطل تناكه :) .



طبعاً برضو حتت لمبة الاشارة الي بتبقى في اليارس الجديدة كنا زمان بنلف التوفقية كلها ونروح شارع دمشق وشارع بورسعيد أنوا نلاقي الكا فرر بتاع المرايا ابو اشارة مكناش بنلاقي غير للكورولا بس الان بقى بينزل في العربية أستندر .

@@@@@@@@@@@@

طيب هنا بقة صورة درج التابلوة
أو الي بيسموه درج القفازات .... وطبعاً زي ما أحنا شايفين كتاب سلاح التلميذ التيوتاوي موجود فيه ... أو الي بيسموه بعض مانيول العربية .... المهم نخلي بالنا للي بيستلم العربية جديد يخلي بالووو جداً وأول حاجة يبص عليها اذا الكتاب ده موجود او مش موجود ... هتقلي أصل مباحبش المذاكرة هقولك ده مش للمذكرة يا بابا ده لمن تيجي تبيع العربية انشاء الله وجود الكتاب ده في العربية ومتحافظ عليه بيدي لعربيتك سعر وقيمة وتلاقي الزبون يقول واااااااو ده المالك الاول وواضح ان العربية على أبوها وبورقها وكتلوجاتها وكارتينها وحاجتها لذلك حافظ على الكتاب ده مهم جداً .

وطبعاً زي مانتم شايفيني التكيف هنا ديجيتااااال بس لأني راكب الهاي لاين بسم الله مشاء الله



لاحظ كمان لمست الاستانليس او تطعيم الكروووم في التابلووة والاوكر وحتى الكاسيت ... بص من الاخر أنا بمووووت في الحبكشتنات الي زي كده والشغل الؤونطة ده بحبوا يكون موجود في أي عربية وهو ده الي بيفرق بين لمست الفخامه وبين العربيات العاديه ... يعني حبت التفهات دي علشان تعملها هتكلفك ؤلوفات ومش هتتعمل مزبوط .



نيجي بقه لشكل الكنسوووول الوسطاني
وهنلاحظ ان تويوتا مقدميتش شيء جديد هو هو بتاع المودل القديم
نفس الخامات المستخدمة ويمكن نفس المساحه لكن الفرق أن بص هتلاقي زرار فرامل الهاند بريك بقى مطعم كروم .... يعني مثلاً بتاع التويوتا يارس القديمة والله ثم والله لو أتنطط ما هيعرف يعمل زرار فرامل اليد بتاعتوا كروم كده وبتلمع + لاحظ كمان الخياطة بتاعت كنب العربية الخيط الدوبل الازرق الجميل والكرسي ذات نفسوا وانتا قاعد تحس انو حاضنك كده من وره ... ولازق فيك وبيقولك انا معاك يا معلم ..



بصفة عامة تابلوة تويوتا يارس تابلوة لزيبز وشيك وأدي نظرة عليه كمان
الكاسيت cd وفيه فتحت اسمها أيه دي بتاعت الام بي ثري واليو أس بي والحركات بتاعت اليومين دول .... مكان فتحات التكيف ممتاز وأديلو 10/10 لييييييييييه لأنو محطوط في مكان أستراتيجي قريب منك ويدي على قلبك شوية طراوة في عز الحررر من غير ما يضرك ... جميع الزراير والكاسيت وكلو كلو في متناول الايد ومحطوط في أماكن سهلت الحفظ والذاكرة لا تشغل العقل عن القيادة وتبقى سايق وحاسس ان العربيه كلها بتقلك انا كلي ليييييييييك سرعة العربية زي ما احنا شايفين 220 .



@@@@@@@@@@@@

الصالون الخلفي

نيجي بقة نفتح الباب ورى ونشوف الدنيا فيها أيه ورى



بصو الباااااب عامل ازاي اللهم صلي على النبي
لكننننننننننن ... دلوقتي الباب كصاج ممتاز جداً وعارف تعرف العربية فخمه ولا لأ أزاي من قفلت ورنت الباب بتعها وهوا بيتفتح او يتقفل ... بيسيب أنطباع سلبي أو أيجابي للزبون وهو بس بيفتح الباب او بيقفلوا .... ويحس قد أيه العربية دي فخمه ولا عربية أي كلام .... لكن الماتريل بتاع الباب من جوة محتاج يكون أقوى من كده شوية زي الالماني يعني عارفين العربيات الألماني بتيجي تخبط على الفرش الداخلي تحس ان في جوا الباب أجهزة وحاجات وحلات وانو حته وحده لكن في تويوتا يارس بتحس برغم قوة الباب بس بتحس أنو واخد تلبيسة أو عليه حتت بلاستيك أسمها الفرش الداخلي بس طبعاً تقيمي ليها 7/10 .

لكن لا تنسى أن قزاز اليارس بالكامل عازل للحرارة ... وان ابواب يارس بالكامل عازلة للصوت بسم الله مشاء الله .

@@@@@




نيجي بقه نغوص كمان شوية وندخل العربية ونشوف القعدة ورى أخبارها أيه .. هنلاقي ان الموديل الجديد بجميع المقايس أوووسع من الموديل القديم ومش بس كده ممكن تلاته طواااال يقعدوا ورى مرتاحين 170 او 180 وأذا أطول من كده شوية أحنا ممكن نفتحلهم الشنطة ونخليهم يمددوا رجليهم على كتف السواق أذا يحبو ههههههههههههه .



طبعاً مسند النص ده بيبقى في الفئة الكاملة + كراسي خلفية قابلة للثني .

صورة أخرى تبين صدق كلامي وتبين المساحات الحقيقة بين الكراسي الامامية والخلفية وعلى فكرة انا كده مرجع الكرسي الامامي على الاخر أصل بحب أنيم كرسي السواق عادة أكتسبتها من أيام الكابريس الله يسامحها بقه .



بصفة عامة العربية واسعه وجميلة جميلة جميلة من جوى
وتبهرك وتخليك تقول واااااااااااااااو .... فعلاً واو ...



ولمسة الفخامة الداخلية والمساحات الداخليه المستغله فعلاً رائعه رائعه ... وخلو بالكم عمر ما تويوتا تهتم للشكل ولا الي بيشتري تويوتا بيهتم بالشكل... الي بيشتري تويوتا بيهتم بالجوهر وبيهتم بمنتج يعيش أما حتت الشكل والهمبكة والكلام ده سيبينوا للكوري والصيني ... والخامات الداخليه الفخمه سايبينو للفرنساوي والالماني ... والوسع سايبينو للامريكاني ... لكن في تويوتا يارس او جميع فئات تويوتا الأن بقت تجمع أفضل الاشياء وتقتنيها في عربياتها بحيث الي بيقتني تويوتا يارس يكون مرتاح بأذن الله .

@@@@@@@@@@@

وتقبلوا تحياتي
ومتنساش ربنا يكرمك في بتاعه كده تحت زي البصامة مكتوب عليها لايك دوس عليها قبل ما تطلع عقبال ما أنزلك باقي الصور .

[mahmoud_afifi]

تسلم ايدك على التقرير
الهايلاين عربية مختلفه تماما عن الفئه الاولى.
والسعر بتاع الفئتين عاليين قوي. انا مش هدفع اعلى من سعر العربيه عشان علامة تويوتا -_-

[amgomaa]

من اجمل التقارير فى المنتدى شكرا على مجهودك

Sent from my GT-S5282 using Forum Runner

[Y a r i s]

معليش انا طولت عليكم انا عارف ... بس أحنا لازم نتناول العربية وندرسها دراسة مستفحلة ... مينفعش اننا نمر على عربية تويوتا كده مره الكرام ....

نيجي بقه نفتح الشنطة
نشوف فيها أيه !



بسم الله ... كحجم يعني مفيش فرق ملحوظ قوي عن الموديل القديم ... وهو بالزبط الشنطة دي تكفي لاسرة مكونه من اربع اشخاص مسافرين الساحل الشمالي مثلاً وكل واحد معاه شنطة هاند باااك حجم كبير .... او لو رايح تستقبل حد من المطار فهيا تتسع لشنطة كبيرة وحده وهاندباك وحدة وكيس مثلاً لو جايب حاجة معاه من السوق الحرة خرطوشة سجاير ولا حاجة واذا معاه لاب توب يخدو على حجروا بقه او ممكن نحشرهولوا جمب الشنطة .

طبعاً كالعادة التنجيد سقف الشنطة لا جديد



لكن المفاجئة ومش في كل العربيات انك بتلاقي عجلت الاستيبن جنط خامس هدية
ودي نادر ما بتحصل او نقدر نقول في العربيات المحترمة فقطططط



وعلى فكرة تحت سجادت الشنطة هتلاقي سيخ حديد ده الي بترفع بيه الكوريك الي هتلاقيه كالعادة تحت كرسي السواق محطوط بطريقة أحترافية ... وطبعاً جمب الاستيبن ورى هتلاقي شنطة صغيرة كده جلد فيها العدة .

طبعاً مقاس الجنط

185/60r15 ALLOY

ونوع الكويتش يوكوهاما



تـــــــابـــــــع
من فضلك أقلب الصفحة

بس قبل ما تقلب في برضو بتاعه كده على شكل بصمه مكتوب جمبها Like شايفها !!! ... دوس عليها كده شوفها شغاله عندك ولا لأ ... لحــــــــسن يكون الكمبيوتر معلق ولا حاجة :)

[J A G U A R]

تقرير اكثر من رائع تسلم ايدك

[د.محمود صلاح]

واخيرا العدادات امام السائق ، السيارة كده تحفة

تسلم ايدك ع التقرير والمجهود ، اخبار السعر ايه ؟

[مصطفى-حسن]

البتاعة اللى جنب البصامة اللى هيا ليك اشتغلت معايا مرتين وعلقت فى التالتة .............
عايزة تتزيت

[Y a r i s]

هههههههههههههه

لاحول ولاقوة الا بالله

شقى عمرررررررررري ضااااع يارجالة شقى عمري ضااااع
قعدت بكتب تكملت الموضوع وقلت يالله كلوو مره وحده بقه وقعدت أكتب أكتب وأكتب وخلاص جي أدوس على أعتمد المشاركة لقيت الماوس مبيتحركش والكمبيوتر ما بيتنفسش والشاشة مغمى عليها والفانه ياعيني بترعش كده ... وشوية لقيت خير اللهم أجعلو خير الشاشة بقت سوووودة ... ياااااااااااااااااااااااااااااااااااااه يااااااااااااااااااه ألله لايوريكم



عارفين كمية الاحباااااط لمن تشوف الشاشة سووودة
اللهم أني لا أسئلك رد القضاء ولكن أسئلك اللطف فيه لسه هكتب الموصفات تاني والاسعار تاني وانزل صور تاني يااااااااااااااااااااااه ياااااااااااااااااه يازمن
أأأأأأأأأأأأأأه يا مررتي ياني يمه ... لا وانا الي عمال أدعي وأقول يارب ما تقطع الكهربا قبل ما أبعت التقرير ... تيجي الكهربا متقطعش والكمبيوتر هو الي يعلق !!!!!!!!!

[bayoumisoft]

ياريت بقي اسعار قطع الغيار، لاني باسمع انها غالية جدا

[Y a r i s]

تسلم يا كبير علي التقارير الوافية الشافية الدقيقة.
انت فصصت التابلوه كويس , مستنيين من حضرتك بقية العربية , ولا اييه ؟
تحياتي لشخصك الكريم

يارافع من روحي المعنوية يسلملي مرورك يا منسقنا يا غالي ... ياباشا كلو بتشجيعكم ودعمكم ليا :)

تسلم ياغالى

حبيبي الي منورنا ومشرفنا دايمن وعلى طول أحمد باشا يسلملي مرورك يا غالي

ألف شكر على الموضوع ويا ريت يكمل ويبقى موسوعة لليارس...

ملحوظتي على اليارس إنك تركز أكتر على الفئة الأولى عشان هي اللي عليها طلب وسعرها مناسب مقارنة ب الهاي لاين...

مشكلت اليارس الجديدة معايا إنها نزلت بعد الكورولا عكس الخليج وده خلاني الصراحة أقفل من اليارس الهاي لاين أول لما شوفتها مقارنة بالكورولا بيزك خصوصا إن فرق السعر مش كتير قوي.

في دي معاك حق ياباشا ... بس هما بيلعبوا على حتت البانزين أن الي عاوز 1600 سي سي ياخود الكورولا والي عاوز 1300 يديها يارس في ناس بقى هاجس البانزين عندهاااا شيء مرعب وبيني وبينك كل المؤشرات الاقتصادية بتدل على كده مستحيل مصررررر تفضل تدعم البانزين مستحيييييييييييييييل وبالذات مع التكاتيك والموتسيكلات الصيني الي كتروا قوي وعمالين ياكلو في الاحتياطي الاستراتيجي للبلد من النفط ... لازم يوصل لتر البانزين ل 10 جنية في يوم من الايام او على الاقل تلاقي اللتر بدولار يعني 7.5 جنية ... لذلك الاتجاه العام انهم ياخدو عربيات مواتيرها صغيرة بس تكون قوية وفخمة وهنا تيجي دور اليارس ... يعني حتى بتوع الكورولا في يوم من الايام هيعانوا ... لذلك يارس هيا الاختيار الانسب للايام الي جيه

[Y a r i s]

تسلم ايدك على التقرير
الهايلاين عربية مختلفه تماما عن الفئه الاولى.
والسعر بتاع الفئتين عاليين قوي. انا مش هدفع اعلى من سعر العربيه عشان علامة تويوتا -_-

محمد باشااااا منور الموضوع يا غالي
وياباشا الموضوع صدقني نسبي وسعرها مش غالي ولا حاجة ... يعني هيا بتبقى نسبة وتناسب مع الكوري ومع سعر صرف الدولار ... يعني الهاي لاين مثلاً ب 165000 وهيا بتبتدي من 132 مثلاً
ومن زمان سعر اليارس مقارب لسعر هونداي ألينترااا ... حتى كنا زمان بنقول ايه الي عاوز حاجة كبيرة واسعه ياخود ألينتراااا بس يعمل حسابو على 75 جنية في كل تفويل وكل مشوار ... والي عاوز عربية يباني وحلوة يجيب اليارس ... فشوف النهردة سعر الينترا عامل كام ياباشا ومفهاش الف باء الامان لا امبوليزر وهم يحزنون .... وتحياتي

من اجمل التقارير فى المنتدى شكرا على مجهودك

ربنا يخليك ياباشا
كلمتينك دول شهاده غاليه على قلبي اعتز بيهم واشيلهم نيشان على قلبي

sent from my gt-s5282 using forum runner

تقرير اكثر من رائع تسلم ايدك

جاكور باشاااا تسلم يا غالي
ويسلممللي مرورك يا غالي

واخيرا العدادات امام السائق ، السيارة كده تحفة

تسلم ايدك ع التقرير والمجهود ، اخبار السعر ايه ؟

دكتور محمود باشا ربنا يخليك لينا يا دكتور
يارافع من روحنا المعنوية ... وتحياتي