فرامل يد كرولا 2014

[aiman0173]

الأخوة الأفاضل أعضاء المنتدى العامر
السلام عليكم ورحمة الله وبركاته

انا معي كرولا 2014 في السعودية وفي ملاحظة بتظهر معي في بعض الأوقات مش دايما ومش عارف ايه سببها وهل حصلت مع حد منكم

الملاحظة هي انه احيانا عند شد فرامل اليد أجد السيارة ترتفع لأعلى في الجزء الخلفي وعند تنزيل الفرامل تهبط السيارة مرة ثانية ، الموضوع دا مش بيحصل على طول ، ولكن أوقات اوقات ومش قادر اربطه بحاجة معينة ، بس الأكيد انه في المرة اللي بترتفع وانا بشد فرامل اليد بترجع تهبط وانا بنزل الفرملة ، وبعدين الموضوع ظاهر لأن اولادي حتى اخذوا بالهم منه

معلش هل حد ظهر معاه حاجة زي كده او له تفسير لها ، بصراحة اول مرة تقابلني حاجة زي كده في عربية

[bassem.naguib]

لا مظهرش معايا .. بس من الأفضل أنك تجيب وضع ال n الأول وتشد فرامل اليد .. وبعد كدة تجيب وضع ال P .. علشان العربية متبقاش محملة على الفتيس في التعشيق وأنت راكن .

[aiman0173]

لا مظهرش معايا .. بس من الأفضل أنك تجيب وضع ال n الأول وتشد فرامل اليد .. وبعد كدة تجيب وضع ال p .. علشان العربية متبقاش محملة على الفتيس في التعشيق وأنت راكن .

جزاكم الله خير على الرد ، انا فعلا دي طريقة الركن بتاعي ، اجيب العربية على n وبعدين اشد فرامل اليد وبعدين اجيب وضع ال p

الفكرة ان الموضوع ده مش بيحصل على طول ومش لاقي لها وضع أو توقيت معين بتحصل فيه

طب هل ممكن يبقى فيه حاجة فنية في الموضوع ده

[ENGRIRI]

محصلتش معايا بصراحة

[محمد درغام]

لا يوجد ما يستدعى القلق.. بتحصل لو حضرتك ركنت فى مكان مش مستو... مطلع او منزل جراج مثلا
تحياتى

[swimmer25]

جرب كدا مرة وإنت دايس فرامل رجل ومرة وإنت مش دايس
الفكرة أكيد مع حركة الشد التيل بيمسك في الطنابير ومع حركة التيل والظروف المحيطة ممكن حركة التيل تحرك العربية فوق أو قدام
الكلام دا ممكن يحصل لو العجلة الأمامية ثابتة وبالتالي أي حركة في العجلة الخلفية هتتحس بسهولة

[aiman0173]

محصلتش معايا بصراحة

الحمد لله ، وجزاكم الله خير على الرد

لا يوجد ما يستدعى القلق.. بتحصل لو حضرتك ركنت فى مكان مش مستو... مطلع او منزل جراج مثلا
تحياتى

جزاكم الله خير على الرد ، بس الموضوع بيحصل حتى لو الأرض مستوية ، ان شاء الله احاول اركز اكتر بيحصل امتى

جرب كدا مرة وإنت دايس فرامل رجل ومرة وإنت مش دايس
الفكرة أكيد مع حركة الشد التيل بيمسك في الطنابير ومع حركة التيل والظروف المحيطة ممكن حركة التيل تحرك العربية فوق أو قدام
الكلام دا ممكن يحصل لو العجلة الأمامية ثابتة وبالتالي أي حركة في العجلة الخلفية هتتحس بسهولة

جزاكم الله خير على الرد ، فعلا موضوع التجربة مع دوسة الفرامل دا اول تفكير جه في دماغي وجربت مع دوسة الفرامل ومن غيرها وما قدرتش اوصل لحاجة ، بس الأحتمال ان يكون الرأي ده بالأضافة لرأي الأستاذ/ محمد درغام انها تكون في مطلع او منزل بيخلي العربية تعمل كده

ان شاء الله احاول اجرب في مطلع /منزل وادوس فرامل مع شد فرملة اليد واشوف ايه اللي هيحصل ، ولو وصلت لنتيجة هاقول اللي حصل

[Optiplex]

لا يوجد اى مشكلة او عيب بتحصل معايا كتيررررر

[Hesham Alaa]

السبب هو انك بتشد فرامل اليد و الفتيس على الd و انا متاكد من الموضوع ده لانها بتحصل معايا و كمان الموضوع بيبقى واضح مع الكورولا لانها دفع امامى و دا مش عيب ولا حاجة السبب زى ما بقول و انزل جرب و اتاكد بنفسك

[aiman0173]

السبب هو انك بتشد فرامل اليد و الفتيس على الd و انا متاكد من الموضوع ده لانها بتحصل معايا و كمان الموضوع بيبقى واضح مع الكورولا لانها دفع امامى و دا مش عيب ولا حاجة السبب زى ما بقول و انزل جرب و اتاكد بنفسك

جربت يا باشا وما حصلش ، ان شاء الله هاحاول اركز معاها بتعمل الحركة دي امتى ، ولو وصلت لحاجة هانقلها لكم ان شاء الله

[sharkass]

بسم الله الرحمن الرحيم
الموضوع بسيط جدا هو ان حضرتك لما بتشد فرامل اليد بتكون على حرف n وبعد كده بتحرك العصايا لغاية حرف P فاللحظة دى العربية كإنها عايزة ترجع للخلف لأن العصايا عددت على حرف r قبل P
بعد أذنك حاول تجرب لما تقف بالعربية خالص و تجيب حرف p الأول و بعد ذلك شد فرامل اليد .
مع الشكر

[aiman0173]

بسم الله الرحمن الرحيم
الموضوع بسيط جدا هو ان حضرتك لما بتشد فرامل اليد بتكون على حرف n وبعد كده بتحرك العصايا لغاية حرف p فاللحظة دى العربية كإنها عايزة ترجع للخلف لأن العصايا عددت على حرف r قبل p
بعد أذنك حاول تجرب لما تقف بالعربية خالص و تجيب حرف p الأول و بعد ذلك شد فرامل اليد .
مع الشكر

لأ حضرتك الموضوع بيحصل مع حركة شد فرامل اليد وقبل ما المس الجير خالص علشان احركه من ال n إلى ال p يعني ما لوش علاقة بحركة الجير هي بتعلى وانا بشد الفرملة وبتهبط وانا بنزل الفرملة