تغيير زيت موتور الياريس

[mbaddar2]

استفسار بسيط عن تغيير زيت ياريس 1300 ,انا عربيتى قاطعة 104000 كم , واسئلتى كالاتى
1) ايه افضل نوع زيت شل \موبيل\توتال
2) الافضل 10000 و لا 5000
3) الافضل اغير فى البنزينة و لا حد بتاع زيوت نضيف بره
4) لو زيت ال 10000 و لا 5000 يفضل يتغير على كام (لانى اعتقد مهما كان الزيت مش حيفضل زى ماهو للمسافة المكتوبة على علبة الزيت
5)هل المصفحة اللى تحت الموتور حتسبب مشكلة او صعوبة عند تغيير الزيت عشان العامل يحل طبة الزيت
اتمنى لو الناس تفيدنى بخبراتها و اهو الموضوع يبقى مرجع و لما اغير الزيت ان شاء الله افيد الناس بالمعلومات و الاسعار

[hopeless20]

متابع

[m_galal_elgalaly]

متابع...رجاء الافادة من اهل الخبرة

[محمد يوسف]

1-ابعد تماما عن زيوت موبيل ... شل هيليكس كان ممتاز كنت باحط ال 10000 وبانزله عند 13000...بس للأسف انضرب دلوقتى.... زيت توتال ماجربتوش.... حاليا أنضف زيوت هى فالفولين وليكوى مولى وولف.... حاليا أنا باستعمل فالفولين الذهبى وده 13000 كيلو

2- الأفضل حسب استخدامك.. لو انت بتسافر كتير وبتسوق كتير حط زيت 10000 أو 13000 ..أما لو حركتك قليلة بالعربية حط 3000 أو 5000 لأن الزيت مش مفروض يتركن كتير فى الموتور بدون تشغيل.

3- مش حاتفرق بس يفضل البنزينة أو مركز خدمة نضيف... ومع كل غيار زيت تقيل (10 أو 13 ألف ) لازم تغير الفلتر

4- لأ عادى بتغير على المسافة بتاعته أو أكتر بشرط ما ترنخش الزيت كتير فى الموتور بدون حركة.... يعنى لو عدى سنة وماكملتش 10000 نزله حتى لو بحالته.

5- المصفحة لا تسبب أدنى مشكلة أو صعوبة

[mbaddar2]

الف شكر يا استاذ محمد على المعلومات القيمة ده

[S O P H O S]

بص يا باشا الزيت بيختلف من رأي لرأي
انا عموما بفضل شل من مكان يكون موثوق
ولو الماتور كويس هات 10000 عاوز تقيل شوية علشان الصيف هات ال 7000
كرأي شخصي

[mbaddar2]

الف شكر يا جماعة عالردود و حانقل تجربتى فى تغيير الزيت :

النهاردة غيرت الزيت فى بنزينة شل(اسكندرية-دربالة) , قولتلهم عايز شل الاصفر قالولى لأ فيه توتال بس اصل شركة توتال اشترت شل و توتال 5000 كم زى الشل , فقلت نجرب توتال و الاسعار
1)زيت توتال 5000 كم = 125 ج
2)فلتر زيت = 27 ج
3)مصنعية + اكرامية = 10 ج
يبقى المجموع 170 تقريبا

عندى برضه كام سؤال فنى فى اليارس
1)العامل خد وقت عشان يحل الطبة بسبب المصفحة اللى تحت الموتور , هل ده عادى و لا عيب صتايعى (انا وقفت على ايده لحد ما ربطها جامد لان حسيت مكانها مخنوق)
2)العامل برضه لقى صعوبة فى فك الفلتر عشان مكانه ضيق , هل ده برضه عادى
3)قلت بالمرة اجيب ماية للرادياتير عشان الحر , حبت جركن 4 لتر مياة توتال خضرا تركيز 33% ب 63 , هل المياة ده بتفرق و لا اى كلام , و هل السعر ده عادى و لا مبالغ فيه

و شكرا

[محمد يوسف]

الف شكر يا جماعة عالردود و حانقل تجربتى فى تغيير الزيت :

النهاردة غيرت الزيت فى بنزينة شل(اسكندرية-دربالة) , قولتلهم عايز شل الاصفر قالولى لأ فيه توتال بس اصل شركة توتال اشترت شل و توتال 5000 كم زى الشل , فقلت نجرب توتال و الاسعار
1)زيت توتال 5000 كم = 125 ج
2)فلتر زيت = 27 ج
3)مصنعية + اكرامية = 10 ج
يبقى المجموع 170 تقريبا

عندى برضه كام سؤال فنى فى اليارس
1)العامل خد وقت عشان يحل الطبة بسبب المصفحة اللى تحت الموتور , هل ده عادى و لا عيب صتايعى (انا وقفت على ايده لحد ما ربطها جامد لان حسيت مكانها مخنوق)
2)العامل برضه لقى صعوبة فى فك الفلتر عشان مكانه ضيق , هل ده برضه عادى
3)قلت بالمرة اجيب ماية للرادياتير عشان الحر , حبت جركن 4 لتر مياة توتال خضرا تركيز 33% ب 63 , هل المياة ده بتفرق و لا اى كلام , و هل السعر ده عادى و لا مبالغ فيه

و شكرا

فيه كذا نقطة :

1- بنزين توتال اشترى محطات بنزين شل لكن الزيت مختلف..فيه زيت شل وزيت توتال .. وشل أنضف طبعا

2- مش عادى انه ياخد وقت..ممكن العامل مايكونش اشتغل فى الياريس قبل كده.

3- الفلتر ب 27 جنيه ده فلتر مضروب... الفلتر التويوتا ب 55 جنيه

4- الياريس بيتحط لها ميه حمرا مش خضرا... وخد بالك فيه فرق ... لو كنت ما حطتش منها غيرها

[mbaddar2]

الف شكر يا استاذ محمد , طب كم سؤال فى السريع كده

1)هل اغير الفلتر تانى بالاصلى و لا استنى بعد 4000 كيلو لما اغير ازيت بالمرة , و هل فلتر تويوتا ده متوفر برة و فى محطات البنزين و لا بس فى التوكيل
2) انا المياة اللى جبتها لونها من بره فى الجركن احمر بس لون المياة تطله برة الجركن و انا باحطها اخضر , ده تبقى ايه
و شكرا مقدما

[محمد يوسف]

الف شكر يا استاذ محمد , طب كم سؤال فى السريع كده

1)هل اغير الفلتر تانى بالاصلى و لا استنى بعد 4000 كيلو لما اغير ازيت بالمرة , و هل فلتر تويوتا ده متوفر برة و فى محطات البنزين و لا بس فى التوكيل
2) انا المياة اللى جبتها لونها من بره فى الجركن احمر بس لون المياة تطله برة الجركن و انا باحطها اخضر , ده تبقى ايه
و شكرا مقدما

1- لأ خلاص سيبه وغيره المرة الجاية ..الفلتر الأصلى فى التوكيل أو أى موزع قطع غيار تويوتا

2- مش فاهم يعنى ايه من بره حمرا ومن جوه خضرا؟ الميه وانت بتحطها تكون حمرا وتكون جوه القربة حمرا

[mbaddar2]

معلش اصل اخوك لسه مش خبرة فى العربيات زيكم

ببساطة رحت اشترى مياة رادياتير لقيت مياة تركيز 10% و مياة تركيز 33% و العامل قاللى ال 33% افضل للموتور , و انا عارف انى فيه مياة حمرا و خضرا , ده كان لون المياة احمر من برة الجركن بس لون المياة نفسها اخضر

على اى حال ايه الفرق, و انا حطيت حبة من المية اللى معايا ازود الناقص , اكمل بيها و لا اجيب جركن تانى افضل
و بجد الف شكر مرة تانبة يا استاذ محمد

[محمد يوسف]

معلش اصل اخوك لسه مش خبرة فى العربيات زيكم

ببساطة رحت اشترى مياة رادياتير لقيت مياة تركيز 10% و مياة تركيز 33% و العامل قاللى ال 33% افضل للموتور , و انا عارف انى فيه مياة حمرا و خضرا , ده كان لون المياة احمر من برة الجركن بس لون المياة نفسها اخضر :u_thin1[1]:

على اى حال ايه الفرق, و انا حطيت حبة من المية اللى معايا ازود الناقص , اكمل بيها و لا اجيب جركن تانى افضل
و بجد الف شكر مرة تانبة يا استاذ محمد

بص .. هو الفرق بين الاتنين فى نسبة كيميكالز معينة... هو فيه ناس بتحط الخضرا عادى بس متهيألى الضرر بيبقى على المدى الطويل...وقبل كده مهندس توكيل تويوتا حذرنى من المية الخضرا وقاللى ممكن تبوظ رادياتير الياريس
الميه الحمرا موجودة فى بنزينات التعاون ومصر للبترول ورخيصة

[mbaddar2]

تمام يا استاذ محمد ,و ان شاء الله الناس تستفاد بالمعلومات , سؤال صغير اخير(اخر سؤال ) , حضرتك متعود تغير بنزين فى التوكيل و لا برة , و هل فى فرق كبير فى الخدمة و السعر؟

[محمد يوسف]

تمام يا استاذ محمد ,و ان شاء الله الناس تستفاد بالمعلومات , سؤال صغير اخير(اخر سؤال ) , حضرتك متعود تغير بنزين فى التوكيل و لا برة , و هل فى فرق كبير فى الخدمة و السعر؟

أغير بنزين ؟
أكيد تقصد زيت

لما كنت باحط شل هيليكس ألترا كنت باحطه فى بنزينة شل ... ومرة خدته معايا التوكيل فى صيانة دورية وخلليتهم

حطوه وخدوا مصنعية وتمن فلتر بس .... لما غيرت لفالفولين باحطه فى مركز خدمة توب جير

سعر الزيت نفسه ثابت والمصنعية كلام فاضى بس فى التوكيل المصنعية أزيد 10 جنيه تقريبا

ميزة التوكيل انك تضمن الفلتر

[mbaddar2]

الف شكر للمرة العاشرة يا استاذ محمد

سؤال اخير تانى عشان انا باهتم بالتفاضيل

1-الصح حل المصفحة عشان حل الطبة و تغيير الفلتر و لا الناس فى التوكيل بتغير الزيت و الفلتر من غير حل المصفحة

و شكرا للمرة المية