مشكله فى فرامل الكورولا 2008

[mirage_kj]

معلش يا جماعه حد يقدر يساعدنى

انا عربيتى كورولا 2008 ولاقيت فجاءه الدواسه بتاعه الفرامل بتسحب للاخر
ومش بتوقف العربيه وده بعد ما عملت ترصيص للعجل ب 10 كيلو تقريبا
روحت لبتاع فرامل قالى علبه الفرامل بتسرب هوا وعايزه تتغير

ممكن اعرف تمنها كام استيراد او جديده
وهل كلامه كده صح ولا ايه
وشكرا

[hanosh]

معلش يا جماعه حد يقدر يساعدنى

انا عربيتى كورولا 2008 ولاقيت فجاءه الدواسه بتاعه الفرامل بتسحب للاخر
ومش بتوقف العربيه وده بعد ما عملت ترصيص للعجل ب 10 كيلو تقريبا
روحت لبتاع فرامل قالى علبه الفرامل بتسرب هوا وعايزه تتغير

ممكن اعرف تمنها كام استيراد او جديده
وهل كلامه كده صح ولا ايه
وشكرا

السلام عليكم
فى الغالب الزيت عندك اتسرب شيك على علبة الزيت فى الكبوت من قدام لو مليانة يبقى اوكى اما لو فاضية جرب املاها وشوف يمكن عندك تسريب فى الزيت ودخل هوا فى الدورة والهوا ده مش بيدخل لوحدة ممكن يكون حصل عندك قطع فى كوتشة البستم بتاع الفرامل فى عجلة من العجلات الاربع وده اللى بيسرب الزيت والكوتشة ديه بتتغير عادى بس اشترى الاصلية حتلاقيها فى التوكيل بحدود 300 جنيه للعجلتين اللى من ورا وهات الاصلى لانى دول مش بيبوظوا بسرعه اصلا تلاقى حاجة قطعتها خيط او حبل او العامل نفسه بتاع الترصيص هوا وبيركب وعادى ممكن انت تركبها وبعد كده لازم تسحب الهوا من الدورة لانى ده اللى بيخلى الفرامل مفيش او اعملها عند اى حد بتاع فرامل

[mirage_kj]

انا امبارح بعد الترصيص علطول لاقيت العبله فعلا فاضيه بس حطيت زيت ومليتها للاخر وبرضه نفس الحكايه هى هى لما بتدوس فرامل بتسحب معاك الدواسه للاخر وبتسمع نفخ هوا كده وانت بتدوس ع الدواسه بس من ناحيه علبه السيرفو

[hanosh]

انا امبارح بعد الترصيص علطول لاقيت العبله فعلا فاضيه بس حطيت زيت ومليتها للاخر وبرضه نفس الحكايه هى هى لما بتدوس فرامل بتسحب معاك الدواسه للاخر وبتسمع نفخ هوا كده وانت بتدوس ع الدواسه بس من ناحيه علبه السيرفو

هيه اكيد اتمليت بس اكيد فضيت تانى لانى كده عندك تسريب دور على تسريب زيت عند فرامل الكوتشات الاربعة وعالج المشكلة بتغيير اى كوتشة مقطوعة وبعدين عبى زيت ولازم تسحب الهوا من دورة الفرامل علشان تحل المشكلة ديه

[mirage_kj]

تمام يا كبير تم حل المشكله وطلع فعلا واخده هوا واتظبطت