..:: تقرير بالمقارنه بين الكورولا 2014 و ليفين 2014 بالصور ::..

[abofandy]

بسم الله الرحمن الرحيم

تحيه طيبه عطره لكل مرتادى القسم بصفه عامه

((( تويوتــــــا )))

ولكل مالكى ومحبى الوحش او الفهد اليابانى

((( كورولا 2014 )))

نوفيكم اليوم بتقرير الجمعة المعتاد بعد انقطاع فتره غياب

اليوم فى تقرير لنسخة من الكورولا 2014 وهى نسخة ال levin 2015

ليحصل ويزداد عدد اصدارات الكورولا الى اربع نسخ

منها

1 - الكورولا للشرق الاوسط (( زى الى فى مصر والخليج ))

2 - الكورولا لشرق اسيا *نسخه الالتيس* (( للفلبين والهند وغيرهم ))

3 - الكورولا النسخة الامريكيه المعروفه

4 - الكورولا ونسخة levin 2015 (( لدول الصيين ))

النسخه بتنزل لدول الصين وفية شوية اختلافات وتشابهات مع الكورولا المصريه الجميله

واليكم الصور لتتحدث عن نفسها

طبعا فى الصورة السابقة بتوضح الوحشين وطبعا اللون الفضى مكتسح علشان بس انا جايبه ( على سبيل الفشخره )

ناتى بقى للمقارنات بين الاتنين وعلى فكره فية فى الصين النسخة العادية للكورولا وملاحظ ان النسختين موجودين هناك ودة الى مش لاقى له تفسير (( لو فية حد من الصين معانا فى المنتدى ممكن يوضحلنا النقطة دى ))

اولا واجه السيارتين من الامام والشبكه الاماميه

ثانيا : شكل الفوانيس والاختلاف بينهم

انا حاسس ان نفس فوانيس النسخة الامريكيه بس متعدله شوية بس للاجمل طبعا

ثالثا : نيجى لمقارنه الفوجات

انا شايف ان الفوجات فى النسخة المصرية شكلها اشيك بس الله اعلم بخامه الفانوس نفسه بقى لان دة لازم نمسكه بايدنا علشان نشوف خاماته عامله اية

وللامانه خامه الفانوس الفوج بتاع الكورولا 2014 اقل من اى عام مضى للكورولا ودة السبب الوحيد الى مخلين انها نازله بفوج h16 19watt .

رابعا : الشكل الخارجى الجانبى للسياريتن

لو تلاحظوا فى النسخة المصرية على اليمين متعدله وزى الفل مش بتحك فى المطبات (( يارب عجل بقى بالتعديل بقى لانى خالص جبت اخرى بدل ما اتهور وابيعها واخسرر فلوس واحنا بنلمم القرشين علشان نتجوز بقى .. فكها من عندك يارب ))

خامسا / شكل الجنط فى السيارتين

انا شايف ان فى النسخة الصينى شكل الجنط احلى ودة بيرجع لانهم مدخلين فيه لونين وهما الاسود والميتالك فدة بيدى فخامه اكبر وشياكه

والى عجبنى ان بردة مصمم بتصميم المروحه علشان التبريد للتيل والطنابير ودى تصميم هندسى عبقرى

سادسا : شكل المقابض

مفيش اختلاف بين الاتنين زى بعض ولكن النسخة المصرية مش بينزل فيها النيكل الى فى الاوكر دى بس ان شاء الله نجيبه من السعودية وهو موجود بس نشوف حد من حبايبنا الى فى عبد اللطيف الجميل انا كلمت كذا واحد معانا فى المنتدى بس مش عارف مطنشنا ليه بس

سابعا : شكل الفوانيس الخلفيه

فية اختلاف واضح طبعا وفى النسخة الصينى حاسس ان شكل الفانوس واخد من النسخة الامريكى برضة ولكن على الاجمل (( طبعا اكيد فى اختلاف فى الاراء لانها اذواق )) وفيه ناس مش عجبها الخلفية بتاعه الكورولا المصرية

ثامنا / الخلفية الحضاريه للسيارتين (( على راى عادل امام ))

تاسعا : المقصورة والتابلو للسيارتين

عاشرا : الطاره والعدادت

11 - التكيييييف

12 - الكراسى

بصراحة الكرسى عليه فرش جلد شكله تحفه ماشاء الله انا عارف عندنا حتى فى الهاى لاين جايبنه نص جلد ونص قماش ليه انا مش عارف ما الناس زى الفل اهى ومدلعه زباينها اى نعم فى عز الحر بيجيب التهابات وبواسير بس الدنيا ماشية يعنى ومدى فخامه وشياكه

13 - الارتياح فى الجلوس والقيادة والمسافه من سقف السياره

لو تلاحظوا العربية نازله بفتحه سقف كمان .. حاجة تجيب الضغط والله ... اموت واعرف انا مش منازلينها فى الهاى لاين عندنا ليه وانا دافع 25 الف جنيه زياده على الفول وابشن وكمان ميحطش فتحه سقف ويقولك اصل الثبات وسقف العربية انخفض علشان الايرودينامكس (( ناس متعلمه وبتاعه شهادات صحيح ))

14 - الكنبه الخلفية والاتساع فى السياره

شايفين ياجماع الفرش الجلد عامل ازاى فى شكل العربية .. حاجة فخيمه ولا الفنش بتاعه

15 - القنصول الامامى والفرق بينهم

16- القنصول الخلفى

17 - الشنطة

18 - الموتور

19 - الجير بوكس

20 - الشعار و اسم النسخه

وفى النهاية

مبروك لكل مالكى الوحش او الفهد اليابانى

ومبروك مقدما لكل الى هيستلم

ومبرك سلفا لكل من منتظر التعديل (( وانا واحد منهم ))

تحياتى ,,

[moumen_shafik]

موضوع جميل
شكرا لحضرتك

[Mohamed.Hany]

ابو فندي يا جامد ،
مية مية و مشهيصنا دايما

[Hany Saad]

الدكتور المحترم أبو فندى
تسلم أيدك يا كبير على التقارير الجديدة الممتازة دائماً
الكورولا فى الصين بيعشقوها و ده من خبرتى لأنى دائم السفر هناك و مش بس كده لأ ده كمان بيدو حقوق تجميع الموديلات القديمة لشركات صينية هناك و كمان طبعاً بيوردوا أجزاء أخرى لشركات تانية لتستخدمها فى سيارتها
سوق الصين سوق مهول و اى شركة عايزة تنجح و تبيع لازم تفكر فى التجميع هناك و الكلام ده بيحصل عن طريق فتح مصانع ليها لو كانت الماركة مرغوبة أو الأندماج مع شركات صينية موجودة علشان تساعدها فى غزو السوق الصينى لو كانت ماركة مش منتشرة
بالنسبة لسؤال حضرتك ليه فيه موديلين من الكورولا فى الصين و الأجابة هى:
- الموديل المعدل هو تجميع صينى و بيحطوا فيه تاتش صينى فى الشكل زى ما بيعملوا مع اغلب الماركات العالمية و خصوصاً معشوقتهم الجيتا و الباسات
- الموديل الأوروبى من الكورولا اللى نازل عندنا فى مصر ده هما بجيبوه استيراد
السؤال هنا....ليه بيجيبوا استيراد لما هما بيجمعوا هناك
الأجابة:
الصين عامله زى مصر بالظبط فى موضوع بلد المنشأ و هما متأكدين ان العربيات المستوردة أفضل من المجمعة محلياً و العربيات هناك غالية جداً و بالحجز برده و التسليم بعد ٣ شهور زينا بالظبط طبعاً فى حالة المستورد

تلاقى هناك بسات تجميع الصين موديل 2014 و اسمها magotan و لاعبين فى شكل الفوانيس قدام و ورا و شكل الشبكة و تلاقى الباسات المستوردة و طبعاً أغلى بكتير
نفس الشىء الجيتا المجمعة اسمها sagitar و فيه برده الجيتا المستوردة
و نفس الشىء هيكون فى التويوتا: المجمعة محلياً اسمها LEVIN و المستوردة اسمها كورولا

تحياتى

[Mohamed Elnagar]

شكرا علي نقل الصور وكتابه المحتوي

[mostafa magdy]

العربيه جميله في كل نسخها ..
حتي لو نزلت في كولالمبور :d ..
تحياتي لك يا دكتور .. و ربنا يبارك لكم جميعا في العربيه المحترمه " كورولا "

[nazar muharram]

تقرير ممتاز من انسان محترم

[mo7a_mo7a]

شكراً جزيلاً بارك الله فيك

[Samir Sobhi]

الله ينور ياباشا ... شوقتنا للكورولا اكتر واكتر
مجهود محترم ... برجاء قبول فائق الاحترام والتقدير

م: سمير

[ahmzd]

جزاك الله خيرا

[bassem.naguib]

...................... .............. بس خلاص .. أكيد عارف حقول أيه

وشكراً للمهندس/ هاني سعد على إضافة المعلومة .. لأنه فعلاً السوق الصيني سوق واعدة جداً والمستقبل في التصنيع كله رايح للصين

[وائل محمد نبيل]

مجهود محترم لشخص محترم بس للامانه لو فعلا زى ما صديقنا اللى وضح انها متجمعه فى الصين تبقلا تغور فى داهيه والكورلا المصريه برقبتها اما موضوع فتحه السقف دة فا انا عن تجربه العربيه من غير فتحه سقف على المدى الطويل احسن بكتير من اللي بفتحه سقف علشان انا كان معايا الكورلا الخليجى الهاى لاين مو 2008 بفتحه سقف بصراحه لو حضرتك طويل بتيقي ازمه لانهم بيضطروا يقللوا ارتفاع السقف من جوه وعادة بيحتاج صيانه علشان مياه الامطار وما بنفتحش السقف علشان الشمس عندنا بسم الله ما شاء الله حاجه سخنه على طول فا انا شايف ان مالهاش لازمه مطلقا اما موضوعالفرش الجلد وفخامته فا من هنا يبتدى الكلام فعلا هو فخم بجد ومشكور مره تانيه يا دكترة

[abofandy]

موضوع جميل
شكرا لحضرتك

الله يخليك يا مومن باشا
الشكر ليك يا حبيبى على مرورك الجميل دة

[abofandy]

ابو فندي يا جامد ،
مية مية و مشهيصنا دايما

ابو هانى باشا انت عارف انك حبيبى والشهيصة على ايدك انت يا كبير انت اكبر منى سننا دلوقتى هههههه

[abofandy]

الدكتور المحترم أبو فندى
تسلم أيدك يا كبير على التقارير الجديدة الممتازة دائماً
الكورولا فى الصين بيعشقوها و ده من خبرتى لأنى دائم السفر هناك و مش بس كده لأ ده كمان بيدو حقوق تجميع الموديلات القديمة لشركات صينية هناك و كمان طبعاً بيوردوا أجزاء أخرى لشركات تانية لتستخدمها فى سيارتها
سوق الصين سوق مهول و اى شركة عايزة تنجح و تبيع لازم تفكر فى التجميع هناك و الكلام ده بيحصل عن طريق فتح مصانع ليها لو كانت الماركة مرغوبة أو الأندماج مع شركات صينية موجودة علشان تساعدها فى غزو السوق الصينى لو كانت ماركة مش منتشرة
بالنسبة لسؤال حضرتك ليه فيه موديلين من الكورولا فى الصين و الأجابة هى:
- الموديل المعدل هو تجميع صينى و بيحطوا فيه تاتش صينى فى الشكل زى ما بيعملوا مع اغلب الماركات العالمية و خصوصاً معشوقتهم الجيتا و الباسات
- الموديل الأوروبى من الكورولا اللى نازل عندنا فى مصر ده هما بجيبوه استيراد
السؤال هنا....ليه بيجيبوا استيراد لما هما بيجمعوا هناك
الأجابة:
الصين عامله زى مصر بالظبط فى موضوع بلد المنشأ و هما متأكدين ان العربيات المستوردة أفضل من المجمعة محلياً و العربيات هناك غالية جداً و بالحجز برده و التسليم بعد ٣ شهور زينا بالظبط طبعاً فى حالة المستورد

تلاقى هناك بسات تجميع الصين موديل 2014 و اسمها magotan و لاعبين فى شكل الفوانيس قدام و ورا و شكل الشبكة و تلاقى الباسات المستوردة و طبعاً أغلى بكتير
نفس الشىء الجيتا المجمعة اسمها sagitar و فيه برده الجيتا المستوردة
و نفس الشىء هيكون فى التويوتا: المجمعة محلياً اسمها levin و المستوردة اسمها كورولا

تحياتى

باش مهندس هانى
تحيه
اولا على مرورك الكريم للموضوع
ثانيا انا على المستوى الشخصى بتسفيد من تعليق حتى لو كنت بكتسب من معلومه وعلى العكس تمام انا بكتسب منه معلومات كتير جدا بتفدنى على المستوى الشخصى
ثالثا اشكرك على الاضافة وانك جاوبتنى على السوال الى كان محيرنى بخصوص ازاى المودلين بيببقوا موجودين فى الصين وحضرتك افادتنى ودايما يقتنع بكلامك
رابعا ربنا يديم المحبه والمعروف يارب دايما