Tweet
لو سمحتم يا جماعة انا محتار جدا بين الفورد فوكاس 2014 و نظيرتها من الكورولا مش عارف اختار ايه اللي شاددني للفورد انها الماني وفي الفئة الاولى منها كل حاجة abs , ebd , sensors , واربعة شباك كهربا و 4 اير باج ..بس اللي مخوفني منها سعر اعادة البيع .. ودي يعتبر عامل جذب للكورولا غير شكلها وامكانياتها طبعا .. اتمنى تساعدوني في الاختيار وتقولولي رأيكم
-
-
الكورولا توكيل واعادة بيع و اعتمادية وقطع غيار و كماليات وشكل جديد كل حاجه فى صالح الكورولا توكل على الله
Sent from my GT-S5282 using Forum Runner -
بيتهيألي ان الفورد امريكاني جايز اكون غلطانالمشاركة الأصلية كتبت بواسطة khaled_zakaria مشاهدة المشاركةComment
-
ياريت حضرتك تقولنا بتقارن انهي فئات عشان نعرف نفيدك، و الفوكاس مش الماني هي اسبانيالمشاركة الأصلية كتبت بواسطة khaled_zakaria مشاهدة المشاركة
الفوكاس اسبانيالمشاركة الأصلية كتبت بواسطة zeco مشاهدة المشاركةpsycholain سابقاComment
-
على رائ الإعلانات .....تويوتا وبس..... حقيقى تويوتا خاصة الكرولا اثبتت طوال ال23 سنة سواقة انها الصديق الوفى في الاعتمادية والتحمل وإعادة البيع والصيانة وكل حاجة ..اتكل على الله وخذ كرولا مع احترامى للفورد وكل ما فيها من إمكانيات انا اختيارى حيكون للكرولاComment
-
في حالة قرانت بين الفئة اولى فوكاس والتانيو كورولا مين يكسب وفي حالة قارنت بين الفئة التاني والفئة التانية مين اللي يكسب ؟ معلش اسألتي كتيرة وعلى فكرة انا كذا حد قالي ان الفورد السنة دي الماني والتوكيل نفسه قالي انها المانيالمشاركة الأصلية كتبت بواسطة mohamed.hany مشاهدة المشاركة
وشكرا لكل الردود :)Comment
-
الرد المفيد بين الكورولا والفوكس
من الأخر وبدون تردد خالص هات الكورولا وخاصة الفئة الوسطى ب 189 الف
الأسباب :-
1- اعتمادية عالية
2- وسع داخلى وشنطة اكبر
3- بنزين 92 وليست 95 زى الفوكس
4- شكل جديد مش زى الفوكس بقى ليها سنتين
5- سعر اعادة بيع افضل
6- توكيل أفضل
7- قطع غيار ارخص
8- كماليات واكسسوارات متوقعة تنزل مخصوص للكورولا وفيه كماليات موجودة فى التوكيل أصلا
9- استهلاك بنزين افضل
10- جير بوكس أفضل لأنه CVT ومعروف انه موفر وافضل فى السحب على السرعات القليلة اما الجير بتاع الفوكس dual clutch
11- أنعم من الفوكس بالنسبة للعفشة
12- الفوكس الحاجه الوحيدة التى ممكن أن تتميز بها عن التويوتا هى الشكل الداخلى للتابلوة ودى مجرد اذواق لأنى شايف ان تابلوة التويتا محترم جدا
والسلام ختام
م / طارقComment
-
المشاركة الأصلية كتبت بواسطة sindibad مشاهدة المشاركة
المشكلة ان الفئة اللي ب189 بقى فيها اوفر 7 الاف يعني بقت ب195Comment
-
انتظر
ممكن نحجز ونستنى شهر أو اتنين مفيش مشكلةالمشاركة الأصلية كتبت بواسطة khaled_zakaria مشاهدة المشاركة
لو مستعجل حاجة تانية ممكن ندخل فئات أخرى جاهزةComment
-
احب اضيف علي كلام حضرتك السليم 100% المقارنة التفصيلية عشان خاطر صاحب الموضوع يشوف الفروق بعنيه :المشاركة الأصلية كتبت بواسطة Sindibad مشاهدة المشاركة
الفرق واضح جدا لصالح الكورولا و بأكتساحpsycholain سابقاComment
-
اول مره اعرف ان ال CVT افضل من ال Dual clutch زى ال dsg ?
ممكن حد يوضح؟Comment
-
كيفية عمل ال CVTالمشاركة الأصلية كتبت بواسطة JapRuleZ مشاهدة المشاركة
أولا كى نفهم كيفية عملة يجب أن نفهم ماهى فائدة الجير بوكس
الجير بوكس ينقل الحركة الدوارة الى عجل السيارة ويحول عزم الموتور الى عجل السيارة
فعن بدء التحرك تحتاج السيارة الى عزم عالى كى تتغلب على ثقلها وقصورها الذاتى وده وظيفة الجير الأول او النقلة الأولى فى الجير بوكس بيكون الموتور واصل عليه ترس كبير والعجل واصل عليه ترس صغير والأتنين معشقين قى بعض وده تقدر تتخيله فى ميكانزم الدراجه لما بتلاقى الرس اللى على البدال كبير والترس اللى على العجلة الخلفيه صغير - ليه ؟ علشان يديلك عزم عالى تتحرك بيه - طيب والدراجات المزودة بمجموعة تروس - بتلاقى فى الأول بيشتغل عل ترس خلفى صغير وبعدين ينقل لأكبر ليعطى سرعة اكبر ثم لكبر ثم لأكبر فتزيد السرعة تدريجيا بدون تحميل عالى على قوة رجلك اللى هى بتمثل الموتور فى السيارة
ولذلك اللى عنده مانوال وييجى يطلع على التانى او التالت أو الرابع السيارة متطلعشى لأن العزم غير كافى
ال تروس فى الجير بوكس كل ما تكتر كل ما يكون تحويل العزم الى سرعة سلس ومفهوش دفعات او رجرجات اللى نحسها لما السيارة تنقل من جير للتانى سواء لفوق او لتحت
ال CVT بيعمل ده من غير تروس أصلا - وبيحول العزم الى سرعة على عدد لانهائى من النقلات أو النسب
لأنه ببساطة عبارة عن ترسين بيكبر قطرهم او يصغر وبينهم جنزير
وعلشان أقرب الفكرة تخيل ان ترسين الدراجة بيتغير قطرهم يعنى بيكبروا ويصغروا بحيث لما واحد يكبر قطرة التانى يصغر علشان يحافظ على شد الجنزير اللى بينهم لنه لو واحد ضغر والتانى صغر برضه الجنزير اللى بينهم هيقع والعكس لو الأتنين كبروا الجنزير هيتقطع من كتر الشد
ولذلك ال CVT سلس جدا وكفائته عاليه لنك تقدر تبرمجة بسهولة وبأى طريقة - يعنى تقدر تخلى الترس يكبر او يضغر تدريجيا او على دفعات محددة بتوصل أحيانا فى سيارات الى سبع دفعات يعنى سبع نقلات
ال CVT موجود من زمان فى الصناعة فى ماكينات القطع والتخريم والتغذية الألية للمنتجات وخطوط اللأنتاج - لكن اول ظهور له فى السيارات كان على يد نيسان وهوندا
من ضمن مميزاته انه صغير الحجم والوزن ودى طبعا ميزة للأن هيقل استهلاك البنزين معاك بتقليل وزن السيارة - وكمان كفائته عالية
اول سيارة نزلت فى مصر بال CVT هى الهوندا السيتى 2004 - 1300 سى سى والسيارة دى كانت ناجحة جدا ومازالت وكانت معايا لمده خمس سنين - مفيش اسلس من كده ولا أروع من كده
هوندا نزلتها برضه فى ال CRV بس منجحتش قوى لأنها كانت سيارة أثقل من السيتى والجير بوكس بتاعها كان صغير عليها والناس كانت بتغير له زيت عادى مش مخصوص للجير ده وده كان بيقلل من عمر الجير بوكس
أما ال dual clutch ففى حلقة قادمة ان شاء الله
والسلام عليكم
م/طارقComment
-
the dual clutch
السلام عليكم
the dual clutch
ممكن يكون مغمور فى زيت زممكن يكون جاف زى اسطوانة الدبرياج المانوال العادية
واستعمال الأول فى الزيت للتبريد وده بيستخدم فى المواتير ذات العزم العالى فوق 300 نيوتن / متر
اما الجاف فيستعمل فى المواتير ذات العزم المنخفض حتى 250 نيوتن /متر مثل أغلب السيارات العادية مش السوبر
فكرته ان بيكون فيه مجموعتين من الجير بوكس - كل مجموعة بتشتغل على نسب نقل زوجية أو فردية - يعنى لو قلنا مجموعة أ بتشتغل على النقلات الأول والتالث والخامس وأحيانا السابع زى الفولكس اما المجموعة ب فبتشتغل على الثانى والرابع والسادس وده بيعطى سلاسة فى النقل ليه لأن فى الوقت اللى بتكون فيه المجموعة الأولى معشقة نقلة معينة ولتكن مثلا الأولى بتكون التانية جاهزة للنقلة التانية واول ماييجى أمر من وحدة الكنترول او من السائق بالأنتقال للنقلة اللى بعدها بتعشق النقلة التانية فورا فى نفس الوقت اللى بتخلع فيه النقلة الأولى فمبيكونش فيه فترة زمنية مابين de-clutch and the clutch
ولذلك بتكون النقلة سلسة ومتحسش بيها ولا تحس بالرجه من فك الكلتش وتعشيقة
من مميزاته وبالذات النوع الجاف ان كفائتة اكتر من الهيدوماتيك العادى
وده راجع لأن فيه نسبة انزلاق فى الهيدروماتيك العادى ولذلك تجد توفير فى استهلاك الوقود بحوالى من 15-20 %
لكن من عيوبة انه بيتأكل بسرعة وبيعمل مشاكل سواء سخونه او عدم استجابه لنه محتاج كنترولر سريع جدا وسوفت وير عالى جدا ليستجيب لمتطلبات السائق وهو بالظبط علشان أقرب المفهوم للناس كأنه جيربوكس مانوال عادى بدراع فتيس وبدال اسطوانة دبرياج لكن مش موجودين فى السيارة وتم استبدالهم ب 2 روبوت واحد اللى بيدوس على دواسة الدبرياج يعنى بيعمل كلتش ود-كلتش والتانى اللى بيعشق النقلة سواءا للأعلى او الأقل
لكن محتاجه تناغم بين السوفت وير والهارد وير والسواق - لأن المانوال انت اللى بتتحكم فى كل شىء لكن الجيربوكس ده اسمه نصف اتوماتيك - يعنى النص انت بتتحكم فيه والنصف التانى السيارة بتتحكم فيه - وانا سقت الجيتا والكورولا الجنوب أفريقى والأثتنين كانوا نفس الفكرة - أسواهم كانت التويوتا
وتخلت عنه تماما بعد المشاكل اللى حصلت منه وتوجهت للعادى او الCVT
لكن الألمان بالرغم من حدوث مشاكل وبالذات فى الجيتا من 2009 و2010 استمروا فى انتاجه وتطويره ربما وجدوها تحدى لهم وبالفعل كانت المشاكل بتقل مع الوقت - فاضل المشكلة النفسية للى جربوا وعانوا - لكن مما لا شك فيه ان كفائتة ممتازة لأنه مفيهوش اى زحلقة نسبية بيت الترس القائد والمقود
ليه بقى ال CVT افضل من الدوال كلتش
1- الفرق فى الكفائة بينهما صغير جدا لا يتعدى 1 او اتنين %
2- السلاسة اكتر فى ال CVT
3- الحجم والوزن اصغر فى CVT
4- مشاكله اقل بكتير ولا يحتاج الى صيانات نهائى غير تغيير الزيت كل 40-60 الف كم
5- ادائة فى المطالع والمنازل ثابت ومتزن
6- تسارعه وان كان اقل من ال دوال كلتش لكنه افضل فى السرعات التحتانية الى حد سرعة 90-100 كم/ساعة وبعد كدة الدوال يتفوق
7- ممكن برمجته ليشغل الموتور عند سرعة ثابتة اى RPM ثابت وليكن مثلا 3000 RPM والسرعة تطلع من الزيرو لمثلا 90 كم فى الساعة وده بيخلى الموتور بيعطى عزم ثابت للسيارة مع زيادة السرعة وممكن تتضبط عند RPM اللى هو بيعطى اعلى عزم (بنشوف فى المواصفات ان السيارة مكتوب عليها مثلا 110 حصان عند 4500 RPM , و مثلا 160 نيوتن متر عند 2500 RPM) , ولذلك لو تم ضبطه على 2500 فى حالتنا دى مثلا بيكون عندك افضل معدل تسارع من الصفر لحد أخر نسبة من الجير بوكس (يعنى اقل قطر فى ترس واكبر قطر فى الترس التانى)
والسلام ختام
م/طارقComment
-
https://www.google.com.eg/url?sa=t&rct=j&q=&esrc=s&source=vi deo&cd=1&cad=rja &uact=8&v
ده رابط للدوال كلتش
وده لل سى فى تىComment
-
و الله انت كرمتونا اخر كرم بكلامكم دهComment
Comment