مساعدة يا رجالة الله يكرمكم

[Hatem Taha]

السلام عليكم يا شباب

أنا أول مرة أشارك هنا، بس حبيت آخد رأيكم في حاجة. أنا ساكن في الرياض ولسة مطلع كورولا 2014 من يومين فئة gli اللي فيها جنوط. العربية مشيت بيها 300 كم. لاحظت حاجة مضايقاني بصراحة.. العربية عزلها سيء جدا جدا، العزل الخارجي والأرضي كمان، والغريب اني مبجريش بيها وأقصى سرعة 80 كم عشان فترة التلييين ورغم كدة الصوت مزعج جدا !! أمال لما أبدأ أجري او أسافر بيها هيبقى الصوت عامل ازاي؟ في الأول قلت العربية بتطلع من الوكالة والكفرات مليانة وممكن يكون ده سبب الدوشة، وفعلا لقيتها مضبوطة على ضغط هواء 50 ونزلتها ل 30، صوت الدبدبة على المطبات قل شوية لكن لسة فيه دوشة عالية، خصوصا من الأرض ! أنا كنت مأجر النترا 2014 حوالي 10 ايام، بصراحة عزلها أفضل من الكورولا بكتير.. سؤالي هو .. هل ده طبيعي وده عيب في الكورولا واللا العربية فيها مشكلة؟ وايه الحل اللي حضراتكم تقترحوه؟ وشكرا مقدما على المساعدة.

[حماده المصري]

عيب من الكاوتش الي نازل فيها في الغالب

هو نوعه ايه ورقمه كام يعني لو بردجستون مثلا ادرينالين ولا جي ار 90 ولا ايه

[Hatem Taha]

شكرا على اهتمامك يا باشا
مش عارف الصراحة .. هانزل أشوف وأقولك

[Hatem Taha]

Turanza ER 300

شفته يا باشا
بردجستون اسمه Turanza ER 300

عيب من الكاوتش الي نازل فيها في الغالب

هو نوعه ايه ورقمه كام يعني لو بردجستون مثلا ادرينالين ولا جي ار 90 ولا ايه

[i3abdallah]

انا كمان زيك سحبت السيارة من شهر فى الكويت هنا وعامله معايا 1500 كيلو السيارة عزلها مش حلو على السرعات العالية والكاوتش اللى نازل معاها يوكوهاما مقاس 16

[Hatem Taha]

يعني ده عيب في الكورولا بوجه عام ؟! غريب اننا نقارنها بعربية زي الالنترا ويطلع فرق العزل بالشكل ده !!!

[yassermahmmoud]

أنا كمان أشتريت من السعودية من الوكالة من جدة كورولا 2014 والآن ماشية 1000كم والعزل سيء جداً جداً جداً رغم أن السرعة القصوى التي وصلت إليها 100كم , الكفرات نوع بريجستون، وضغط الهواء 32. هل هذا عيب في الكورولا ؟

[Hatem Taha]

طيب حضرتك عملت صيانة الألف كم؟ أنا مستني لما أعملها وهاقولهم على المشكلة دي يمكن يكون عندهم حل. أنا زعلان بصراحة لإن عربيتي القديمة سيفيك موديل 2000 وحالتها كانت وحشة والدوشة اللي كانت فيها مش فارقة كتير عن العربية الجديدة !!

أنا كمان أشتريت من السعودية من الوكالة من جدة كورولا 2014 والآن ماشية 1000كم والعزل سيء جداً جداً جداً رغم أن السرعة القصوى التي وصلت إليها 100كم , الكفرات نوع بريجستون، وضغط الهواء 32. هل هذا عيب في الكورولا ؟

[yassermahmmoud]

طيب حضرتك عملت صيانة الألف كم؟ أنا مستني لما أعملها وهاقولهم على المشكلة دي يمكن يكون عندهم حل. أنا زعلان بصراحة لإن عربيتي القديمة سيفيك موديل 2000 وحالتها كانت وحشة والدوشة اللي كانت فيها مش فارقة كتير عن العربية الجديدة !!

نعم، أنا عملت صيانة الــ 1000 كم قبل ثلاثة أيام وقد أبلغتهم في الوكالة بهذا الشيء وقالوا لي هذا هو عزل الكورولا طبيعي، وقد صدمت من هذا الرد، وفي الحقيقة أنا مستاء جداً من هذا العزل، وكان معي قبل ذلك كورولا 2007 ولا أشعر بفرق في العزل بين السيارتين، بل بالعكس اشعر ان موديل 2007 افضل.

[Hatem Taha]

لا حول ولا قوة إلا بالله

[وائل محمد نبيل]

هاقولك حاجه بس بصراحه خايف اصدمك بمنتهى الامانه العربيه معايا تقفيل تركيا انا استلمتها بقالى شهر تقريبا وعامل بيها 750 كيلو بس بمنتهى الامانه العزل بتاع العربيه فوق الوصف تماما اكانك مش راكب عربيه خالص كانك فى البيت ممتاز بدرجه عاليه واحسن مليون مرة من الكورلا 2011 او 2007 وكمان من اللانسر الشارك اكيد كده فى عيب جماعى فى عزل العربيات تقفيل تايلاند وعموما الكاوتش عندى بريدجستون تورانزا نفس النوع اللى عندك بس بصراحه مره تانيه العربيه ناعمه جدا وعزلها وهاديه جدااااااااااا جدااااااا

[abofandy]

بصوا ياجماعه
هو فية مشكلة جماعية فى العربيات الكورولا 2014 فى الخليج
وهى مشكلة العزل ان العربية مسموع صوت الطريق وصوت الكاوتش على الاسفلت
المشكلة التانيه الصاج بتاعها خفيف وملحوظ فى غلق الابواب وفتحها مش محمل زى التركى ودة بيرجع لان الباب فى التركى من الداخل فيها كامه او زى ما بنسمها كمره بعرض الباب بتنزيد من متانه وتقل الباب ولكن الصاج فى الاتنين واحد نفس السمك

التقفيل التايلاندى فى شوية مشاكل هذا العام بس ان شاء الله بالتحدث لاى حد فى الوكاله وعمل شكوى ان شاء الله تتحل مفيش فيها مشاكل والكلام دة انا جايبه من موقع تويوتا الخليج فية ناس بتتشكى من الكلام دة وانا نقلت التجربه ليس اكتر والله اعلم بمدى مصدقيتها


بالنسبة للناس فى مصر بتستعجب ازاى فى الخليج بنقارن بين الكورولا والالنترا
ولكن الالنترا فى الخليج مختلفا تمام تمام تمام عن الى بتنزل من غبور فى مصر
الالنترا هناك مختلفة كليا فى الصاج وفى انخفاضها على الارض العربية هناك واطية بطريقة غير عادية وثابته جدا جدا وعزلها ممتاز على العكس تمام فى مصر الالنترا لا ترقى ان تقارن بالكورولا فى مصر لان شتان الفارق سواء فى الكماليات او فى الاوبشن او حتى فى الهاندليينج وكمان السعر برضة مفارق
بينما فى الخليج حتى السعر بين السيارتين متقارب جدا فرق الفين ريال فقط بين الاتنين لصالح الكورولا

[Hatem Taha]

طبعا متشكر جدا لكل اللي ردوا، بس أنا أعمل ايه دلوقتي
المشكلة اني لآخر لحظة كنت بفاضل بين الالنترا والكورولا، حتى الموافقة على التمويل جاتلي على طلب الألنترا.. لكن طبعا سألت ناس كتيييير هنا وفي مصر عن ترشيحاتهم والنسبة كانت لصالح الكورولا 10 : 1 !!
كمان من شوية أخدتها وطلعت بيها على طريق فاضي وجمدت قلبي وجبت بيها 140 كم وطبعا كانت النتيجة مأساوية
رجرجة وصوت عالي جدا وخفيفة رغم ان الشارع مكانش مكسر .. مش حرير يعني بس مكانش مكسر ...

الحمد لله على كل حال ...

شكرا ليكم

[shiko85]

غريب اننا نقارنها بعربية زي الالنترا ويطلع فرق العزل بالشكل ده !!!

[Hatem Taha]

حضرتك زعلان عشان فاكرني بقلل من الالنترا، واللا عشان معاك كورولا خليجي زيي؟
لو الأولى .. بالعكس والله أنا بحب الالنترا جدا
لو التانية .. يبقى ربنا معاك ومعايا

:i_angr1[1]: