سعر الكورلا

[kokowasfy]

السلام عليكم
انا معروض قدامى عربية كورلا موصفات كاتالى
فبريكة دواخل بلكامل
رشة برة نضافة فقط كانت مع واحد اجنبى ميعرفش الرش هياثر فى سعر البيع فرشة برة كامل نضافة فقط
عداد 114 الف كيلو
فتيس منوال
موديل 2007
الراجل طالب 75 الف
و مستعد لو انا اتكلت على الله فيها نروح نكشف فى التوكيل اكيد عشان اطمن عليها ارجو الافادة يا شباب فى السعر و لو عربية بل حالة دى تسوى كام هل السعر دا مناسب ارجو الاهتمام ضرورى و اية مميزتها و عيوبة الشائعة و مدى الاعتمادية بتاعت العربية و مش فارقة معاية منول العربية هتبقا عربية تانية دى هتبقا للسفر و المشاوير الفاضية اكتوبر زايد كدا ارجو الافادة ضرورى باى معلومة عن العربية وشكرا

تم نقلة لقسم تويوتا .

[kokowasfy]

نسيت العربية 1300 سى سى

[ahmedelrayan]

هى عربية محترمة جدا بس اعمل الموضوع فى قسم تويوتا هيفدوك اكتر وربنا يوفقك

[nazar muharram]

خلى بالك علشان الاجانب الى عايشين فى مصر بيهرو العربيات

[kokowasfy]

خلى بالك علشان الاجانب الى عايشين فى مصر بيهرو العربيات

اة عارف بس دى عربية نضيفة اوى و كمان جاهزة للكشف فى التوكيل يعنى صحبها مش خايف من حاجة وشكرا لردك مستنى باقى ردود الاعضاء الافادة ضرورى

[J A G U A R]

السعر قليل جدا على العربيه ومعروف ان الكورولا سعرها فى السوق استهبال والاوتو منها موديل 2007 1600 بيوصل ل 120 الف

[Mostafa.Mahran]

السعر يعتبر اقل من سعر السوق

اكشف عليها و لو العربية سليمة و ورقها سليم متستناش عليها و خلص فيها على طول

[S O P H O S]

يا اهلا بيك يا غالي
بص الكورولا معروفة اعتمادية ازاي
التكيف كويس وال 1300 كويس عليها خصوصا انها مانيوال
عربية بتستحمل الفرامل كويسة طالما القطع اصلية زي التيل والطنابير وخلافه
السعر المطلوب ده قليل لانها 2007 وده سعر 2003 : 2005 لو مانيوال 1300
يعني المفروض تكشف عليها كويس لو تمام تبقي فرصة لو في قلق ابعد
اخيرا الثبات متوسط ولو جنط 16 بيكون حلو
واتمني ربنا يوفقك للخير
تحياتي ليك ..

[abofandy]

السعر قليل اوى اوى اوى اووووووووى
على الموديل والحاله الى حضرتك حكيت عليها
العربية
1300 سى سى
رشة بره نظافة ودواخل سليمه
موديل 2007
الفتيس مانويل

عربية بالمواصفات دى سعرها فى السوق من 85 الى 110 الف جنيه