إعـــــــلان

Collapse

.

,
See more
See less

فكرة لتحسين أداء اليارس

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    فكرة لتحسين أداء اليارس

    النهارده بعد صلاة الجمعة وقفت أدردش مع اتنين صحابى واحد معاه لانسر والتانى معاه دايو وكلمتهم عن مشاكل اليارس و كان من ضمن اقتراحاتهم لتقليل مشكلة وصول صوت الموتور وصوت الكاوتش لى حتى مع غلق الزجاج هو انى حا زود عزل العربية (عزل صوت) عن طريق ألواح عزل داخل الكابينة وبطانة الأبواب و داخل الكبوت..وقالوا لى انهم سمعوا عن الموضوع بس مش مجربينه عشان التكلفة

    ياترى خبراء اليارس عندنا ممكن يفيدونى بتفاصيل هذا الموضوع؟ وهل هو فعلا مفيد؟
    الكلمات الدلالية (Tags): 1600, font, rpm, اداء, التوكيل, العزل, اللانسر, الي, اليارس, تزويد, تويوتا, حساس, دايو, صوت, صوت الموتور, صيانة, عربية, عن, غطاء, فكرة, في, كاوتش, كبوت, كل, كماليات, لانسر, لتخزين, مجال, مشاكل, مشكلة, مع, من, موتور, هل
  • #2
    انا عمري ما سمعت عن شكوي ان صوت الياريس مزعج....انا ركبت الياريس واللانسر البومة الـ1600 ...وااللانسر صوتها اعلي بكتير...

    دة علاوة علي ان مافيش كماليات معتمدة من تويوتا لتقليل صوت العربية ...وعموما ...

    انا في رأي الشخصي اي اضافات للعربية مش موثقة ومعتمدة من قبل المصنع ليس لها اي لازمة...دة علاوة علي انها ممكن تعمل مشاكل....يعني مثلا اي شيء ممكن يضاف علي الموتور (غطاء مثلا) ممكن يقلل من كفاءة تبريد الموتور...او دورة الهوا في غرفة الموتور...وبالتالي يؤثر بالسلب علي اداء العربية....

    علي فكرة احسن حل....لو العربية حسيت انك ما وجدتش فيها ايلي كنت متخيلة...او حسيت انها مش قوي...انك تبيعها....وتشتري غيرها....احسن ما تصرف عليها ...وترجع برضة تبيعها تاني...

    وربنا يوفقك لما فية الخير....
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------

    Comment

    • #3
      المشاركة الأصلية كتبت بواسطة hero مشاهدة المشاركة
      انا عمري ما سمعت عن شكوي ان صوت الياريس مزعج....انا ركبت الياريس واللانسر البومة الـ1600 ...وااللانسر صوتها اعلي بكتير...

      دة علاوة علي ان مافيش كماليات معتمدة من تويوتا لتقليل صوت العربية ...وعموما ...

      انا في رأي الشخصي اي اضافات للعربية مش موثقة ومعتمدة من قبل المصنع ليس لها اي لازمة...دة علاوة علي انها ممكن تعمل مشاكل....يعني مثلا اي شيء ممكن يضاف علي الموتور (غطاء مثلا) ممكن يقلل من كفاءة تبريد الموتور...او دورة الهوا في غرفة الموتور...وبالتالي يؤثر بالسلب علي اداء العربية....

      علي فكرة احسن حل....لو العربية حسيت انك ما وجدتش فيها ايلي كنت متخيلة...او حسيت انها مش قوي...انك تبيعها....وتشتري غيرها....احسن ما تصرف عليها ...وترجع برضة تبيعها تاني...

      وربنا يوفقك لما فية الخير....
      لأ..اليارس صوت موتورها عالى بعد ال 80...وصوت كاوتشها مزعج ع الأرض الخشنة وفوق فواصل الكبارى

      Comment

      • #4
        المشاركة الأصلية كتبت بواسطة m5m مشاهدة المشاركة
        لأ..اليارس صوت موتورها عالى بعد ال 80...وصوت كاوتشها مزعج ع الأرض الخشنة وفوق فواصل الكبارى
        أنا معايا العربية بقالى سنة و نصف و أول مرة أسمع المعلومة دى !!!

        صوت الموتور مش عالى لدرجة الإزعاج و إنك تسمعه و إنت قافل الزجاج كمان

        عزل الياريس كويس جدا و يعتبر الأفضل فى فئتها

        Comment

        • #5
          الياريس ملهاش صوت اساسا حتى مع السرعه

          انا مستغرب الصراحه من شكواك من صوت الموتور
          [URL="http://www.nilemotors.com/Nile/showthread.php?t=13386"] [img2]http://up.saudilayer.net/uploads/images/saudilayer-d1b211a585.gif[/img2][/URL]

          [URL="http://www.nilemotors.com/Nile/showthread.php?t=13386"]
          [/URL]

          Comment

          • #6
            عمري ما سمعت للياريس صوت دي شبه السيارة الصامتة موتورها ناعم جداااااااا ولا بيتسمعله صوت اصلا اول واحد يشتكي من الصوت هو انت فعلا لو بتروح التوكيل قولهم علي المشكلة لو ليها حل عندهم

            Comment

            • #7
              يمكن حضرتك حساس شوية بالنسبة للاصوات اثناء القيادة .. و دي صفة موجودة عند ناس كتير انا واحد منهم ..
              عموما .. يفضل لو تسوق اللانسر البوما .. و ياريت ال 1600 علشان تعرف الفرق في العزل .. مشكلة البوما بتظهر اكتر في صوت الكاوتش و الهوا علي السرعات العالية اكتر من صوت المحرك ..
              و ساعتها حتعرف ان الياريس كويسة ..
              برضه .. رجاء اذا عرفت معلومة عن اضافات العزل .. و مين اللي بيعملها .. ادينا فكرة .. و مين عارف .. ممكن الواحد يستخدمها مستقبلا .

              Comment

              • #8
                المشاركة الأصلية كتبت بواسطة Hassan Khalil مشاهدة المشاركة
                يمكن حضرتك حساس شوية بالنسبة للاصوات اثناء القيادة .. و دي صفة موجودة عند ناس كتير انا واحد منهم ..
                عموما .. يفضل لو تسوق اللانسر البوما .. و ياريت ال 1600 علشان تعرف الفرق في العزل .. مشكلة البوما بتظهر اكتر في صوت الكاوتش و الهوا علي السرعات العالية اكتر من صوت المحرك ..
                و ساعتها حتعرف ان الياريس كويسة ..
                برضه .. رجاء اذا عرفت معلومة عن اضافات العزل .. و مين اللي بيعملها .. ادينا فكرة .. و مين عارف .. ممكن الواحد يستخدمها مستقبلا .
                والله عندك حق..أنا موسوس شوية فى حكاية الأصوات

                موضوع تزويد العزل ده صحابى قالوه ولما دورت عليه ع النت لقيته موجود فى المنتدى بتاعنا بس قسم المتسوبيشى ومكتوب انه بيتعمل عند سبير كار فى لاظوغلى

                Comment

                • #9
                  والله جرب تزود عن ال 100 حاتسمع صوت الموتور بيعلى جدا

                  انتو خوفتونى لايكون موتورى فيه مشكلة

                  Comment

                  • #10
                    اي عربية بعد ال100 صوتها بيعلي .. تحديدا في المنطقة بعد 2.5 ار بي ام .. و صوت الموتور بيكون واضح داخل المقصورة .. و عزل العربية مهما كان كويس حيوصل ليك صوت المحرك .. لكن برضه فيه عربيات افضل من عربيات في موضوع العزل .. و الياريس من العربيات الكويسة جدا في هذه النقطة ..
                    * برضه حط في اعتبارك صوت الهوا .. لو انت فاتح الشبك .. و صوت الهوا لو انت قافل الشباك بس اتجاه الريح ضد اتجاه حركة السيارة .. الموضوع ده علي السفر بيكون متعب للغاية .. و بتحس ان صوت الموتور بيعلي اوي .. و العربية تقيلة جدا جدا جدا..
                    * بالاضافة الي ان كثير من الناس بيكونوا راكبين عربية معينة .. وواخدين علي درجة العزل فيها .. و بعدين يركبوا عربية تانية علي اساس سمعتها .. و يفاجئوا بالفرق ..
                    *عموما .. الموضوع نسبي من واحد للتاني .. شوف اللي يريحك و اعمله .. بشرط انك متلعبش في الحاجت المهمة و الغالية في العربية

                    Comment

                    • #11
                      ممكن عربيتك يكون فيها أى مشكله بسيطه
                      إنت عملت صيانة الألف ؟؟؟؟؟؟؟؟؟؟؟؟؟؟؟
                      مين اللى يستحمل كل ده
                      [URL="http://www.0zz0.com"][/URL]

                      Comment

                      • #12
                        ياراجل الياريس ملهاش صوت خالص انا بسمع لها صوت لما اكون فوق 110 او ال Rpm عند 3 ... اكيد لوبتحرق بالعربيه الموتور هاتسمعله صوته
                        دا انا بمجرد بقفل الزجاج مش بسمع اى حاجة ولو شغلت الكاسيت يبقى خلاص كده

                        بس ممكن لما تروح التوكيل تقولهم على الموضوع ده او تعالى وانا اديك لفه بالعربيه وتشوف الصوت هو هو ولا لأ
                        ================================

                        [IMG]http://www.cleanmpg.com/garage/images/2481L.png[/IMG]

                        Comment

                        • #13
                          المشاركة الأصلية كتبت بواسطة محمد ابراهيم 1 مشاهدة المشاركة
                          ممكن عربيتك يكون فيها أى مشكله بسيطه
                          إنت عملت صيانة الألف ؟؟؟؟؟؟؟؟؟؟؟؟؟؟؟
                          أيوه ياباشا..أنا فى ال 3000 دلوقتى

                          Comment

                          • #14
                            المشاركة الأصلية كتبت بواسطة Yarisawy مشاهدة المشاركة
                            ياراجل الياريس ملهاش صوت خالص انا بسمع لها صوت لما اكون فوق 110 او ال Rpm عند 3 ... اكيد لوبتحرق بالعربيه الموتور هاتسمعله صوته
                            دا انا بمجرد بقفل الزجاج مش بسمع اى حاجة ولو شغلت الكاسيت يبقى خلاص كده

                            بس ممكن لما تروح التوكيل تقولهم على الموضوع ده او تعالى وانا اديك لفه بالعربيه وتشوف الصوت هو هو ولا لأ
                            الله يكرمك يازعيم..شايلينك لوقت عوزة

                            Comment

                            • #15
                              أخبار موضوعك الصوت
                              لقيت له حل ؟

                              Comment

                              السابق template التالي
                              Working...
                              X