..:: اخر اخبار تويوتا كورولا 2015 ::..

[abofandy]

بسم الله الرحمن الرحيم

تحيه طيبة لكل مرتادى قسم

((( تويوتـــــــا )))

وبصفة خاصة ملاك الوحش اليابانى

((( كورولا 2014 )))

الان الخبر المؤكد من تويوتا ايجيبت

اصبحت الان يتم الحجز على تويوتا كورولا 2015 الفئة التانيه

والسعر فى التوكيل 189.999

اى 190.000 جنيه مصرى لا غير .. والجدير بالذكر ان موديل 2015 لا يحمل اى تغييرات سواء فى الشكل او المضمون عن الموديل السابق 2014 وطبعا مدة الحجز من شهرين الى 3 أشهر

- كل الى حجز ان شاء الله هيستلم الموديل الجديد من الدفعات الجديدة القادمه بامر المولى .. الف مبروك لكل الى هيستلم ان شاء الله يستلم بالسعر الجديد مقابل انه هيستلم موديل العام القادم وكمان بالتعديل من المصنع

[omar101970]

الف شكر على المعلومات دى.
انا ليا سؤال لحضرتك وللمهندس محمد هانى ولكل اللى يحب يشاركنى فى الموضوع دا.
أنا بافكر اجيب عربيه جديده ومحتار بين عربيتين.
كورولا الفئه التانيه 2015 او نيسان قاشقاى الشكل الجديد اللى حايكون موديل 2015
انا فاهم ان دى فئه ودى فئه
لو عن رغبه جواى فانا نفسى فى عربيه كروس أوفر
وفى نفس الوقت بصراحه انا مقتنع باليبانى بس يعنى السبورتاج او IX35 مش فى حساباتى
يبقى فى الفئه دى مافيش غيرالقاشقاى والشكل القديم الموجود حاليا بصراحه مش عاجبنى
صالون ضيق تابلوه فقير وكمان فيه كلام على موضوع الموتور اللى ممكن يكون بيسرب زيت
وبصراحه الشكل الجديد انا شفته على اليوتيوب بصراحه جميل والصالون اوسع وظبطو التابلوه كتير
بس المشكله اللى مخلانى متردد موضوع الموتور التيربو تشارجروانا قرأت عنه كتير وكان فيه اربع ملاحظات عليه
اولا لازم بنزين 95 وانا عارف اننا فى مصر حانستعمل 92 حتى لو اثر على النت هورس باور اللى طالعه منه وكمان على عمر الموتور الأفتراضى.
ثانيا سمعت ان صوته اعلى من الموتور العادى وطبعا درجه حراره الموتور الداخليه اعلى وانا بالنسبه ليا مش باحب اسمع صوت المتور تماما
ثالثا صياناته اغلى لأنه المواد بتاعته مختلفه.
رابعا موضوع turbo lag اللى هى شويه تأخير فى استجابه الموتور
شويه واقول لنفسى خليك فى الكورولا عربيه اعتماديه ومافيش عليها كلام ودا اهم من الكروس اوفر
يا ترى ايه رأيك؟

[abofandy]

بص من كلامك كدة وكل الملاحظات الى انت قولتلها على القشقاى تخوف حتى وان كان مفيش حاجة حصلت ع ارض الواقع لسة من الملاحظات دى
بس انا بدفع فلوس مش عايز ادفع دم قلبى وارجع اقول كلمه يارتنى دى
مش عايز ادفع فلوس واقول لنفسى ما انا الى استاهل كنت عارف ملاحظات على العربية فى الاول واشترتها
فية مثل بلدى بيقول مفيش دخااااان من غير ناااار
اكيد الملاحظات الى انت قولتله دى ليها بشاير او ليها وقائع على ارض الواقع ودة موضوع يخوف ويقلق لانك هتدفع مبلغ محترم مش هاين يعنى


بعد ملاحظاتى البسيطة عن القشقاى مقارنه بالكورولا الجديدة :

+ االكورولا انعم فى العفشة كتيييييييييير اوى من القشقاى من خلاص سواقتى ليها
+ باور الدركسيون تقيل جدا فى القشقاى ومتعب على المسافات الطويلة مقارنه بالكورولا
+ الكورولا لا تنسى اعتماديتها ولا تنسى شكلها الجديد وبعد خلوها من عيب الخلوص الارضى فى حصان رابح
+ الكورولا بتمشى بنزين 92 عادى جدا مفيش اى مشاكل ولا فية مشاكل الموتور التيربو
+ اخر نقطة وهى الهاندليج فى الكورولا سلس جدا وممتاز بالنسبة للقشقاى الى ممكن اديله جيد جد مقارنه بامتياز فى الكورولا
+ النقطة الوحيدة الى يخلينى انا اجيب قشقاى شخصيا هى انها كروس اوفر فقط لا غير لو كنت انا من هواه الكروس اوفر



لو فى مكانك وحق ليا الاختيار ساختار ((( كورولا 2015 ))) بدون نقاش وللاسباب الى انا قولتها
ربنا معاك ويوفقك لما فية الخير والصالح
ا

[omar101970]

متشكر اوى لحضرتك وطبعا وجهه نظر تحترم جدا.
يا ريت اسمع رأى المهندس محمد هانى والأستاذ باسم نجيب وكل من يتفضل يشاركنى التفكير...................

[D.Ahmed Ismail]

بلد الصنع تركيا برده ولا اصبحت اليابان
وشكرا

[ahmedtalat]

مش عارف اعمل ايه

انا حاجز موديل 2014 الهاى لاين من يوم 6مارس و لسه ما استلمتش
يا ترى اروح اغير الحجز كده و اجيب موديل 2015 و لا اعمل ايه و لا مش فارقه
ايه رايك ؟

[yahya157e]

انا استلمت الفئة التانية يوم 17 مايو وكان فى واحد بيستلم هاى لاين وكان حاجز يوم 11 مارسفى الفرع الرئيسى العباسية

[Mohamed.Hany]

متشكر اوى لحضرتك وطبعا وجهه نظر تحترم جدا.
يا ريت اسمع رأى المهندس محمد هانى والأستاذ باسم نجيب وكل من يتفضل يشاركنى التفكير...................

اتمني اني اكون وجهة نظري صحيحة و سعدت جدا بالمكالمة التليفونية معاك يا هندسة

[omar101970]

اتمني اني اكون وجهة نظري صحيحة و سعدت جدا بالمكالمة التليفونية معاك يا هندسة

انا اللى بجد شاكر ليك يا باشمهندس محمد وربنا يخليك.
صحيح انتو المين كومباتيتور لينا بس انتا حبيب قلبى بجد واتمنى اتشرف مقابلتك قريب ان شاء الله.

[SYD]

الف شكر علي الموضوع الجامد دة
ومتوقع ان مفيش اي تغيير تماماً لا في المحرك ولا في التجهيزات ولا في الPlatform لحد موديلات 2018 ان شاء الله

تحياتي للجميع

[nazar muharram]

الف مبروك للى استلم والف مبروك مقدما للى لسه هيستلم

[mars.egypt]

انا حاجز موديل 2014 الهاى لاين من يوم 6مارس و لسه ما استلمتش
يا ترى اروح اغير الحجز كده و اجيب موديل 2015 و لا اعمل ايه و لا مش فارقه
ايه رايك ؟

مفيش داعي ... كله ان شاء الله هيستلم 2015 لان من اول الافراج الجمركي الحالي 2015
وعلي حسب مسئول المبيعات التجمع الخامس لا يوجد 2014 حاليا كله مباع

ممكن تتأكد بالاتصال بمسؤل الحجز تليفونيا افضل

الفئه الاولي والثالثه زادوا 2000 جنيه مصري والفئه التانيه زادت 1090 جنيه مصري
الخبر المستفز انها ممكن تزيد تاني علي حسب الدولار !!

[DrJomaro]

الف شكر على المعلومات دى.
انا ليا سؤال لحضرتك وللمهندس محمد هانى ولكل اللى يحب يشاركنى فى الموضوع دا.
أنا بافكر اجيب عربيه جديده ومحتار بين عربيتين.
كورولا الفئه التانيه 2015 او نيسان قاشقاى الشكل الجديد اللى حايكون موديل 2015
انا فاهم ان دى فئه ودى فئه
لو عن رغبه جواى فانا نفسى فى عربيه كروس أوفر
وفى نفس الوقت بصراحه انا مقتنع باليبانى بس يعنى السبورتاج او IX35 مش فى حساباتى
يبقى فى الفئه دى مافيش غيرالقاشقاى والشكل القديم الموجود حاليا بصراحه مش عاجبنى
صالون ضيق تابلوه فقير وكمان فيه كلام على موضوع الموتور اللى ممكن يكون بيسرب زيت
وبصراحه الشكل الجديد انا شفته على اليوتيوب بصراحه جميل والصالون اوسع وظبطو التابلوه كتير
بس المشكله اللى مخلانى متردد موضوع الموتور التيربو تشارجروانا قرأت عنه كتير وكان فيه اربع ملاحظات عليه
اولا لازم بنزين 95 وانا عارف اننا فى مصر حانستعمل 92 حتى لو اثر على النت هورس باور اللى طالعه منه وكمان على عمر الموتور الأفتراضى.
ثانيا سمعت ان صوته اعلى من الموتور العادى وطبعا درجه حراره الموتور الداخليه اعلى وانا بالنسبه ليا مش باحب اسمع صوت المتور تماما
ثالثا صياناته اغلى لأنه المواد بتاعته مختلفه.
رابعا موضوع turbo lag اللى هى شويه تأخير فى استجابه الموتور
شويه واقول لنفسى خليك فى الكورولا عربيه اعتماديه ومافيش عليها كلام ودا اهم من الكروس اوفر
يا ترى ايه رأيك؟

كنت في نفس الموقف و محتار نفس الحيرة مابين الكورولا و القاشقاي و السبورتاج
و بالذات اني مستعجل و مش هقدر استنى شهرين , و بعد لف في المعارض و بهدلة ,و المعاملة مع ناس ملهاش كلمة و مكالمات كتيرة ل م/محمد هاني (طلعت عينه )
الحمدلله استلمت امبارح الكرورولا 2015 من سمير ريان ب 197
بس كل التعب راح لما سقت العربية
( انا اصلا معايا BMW 2500 cc ) و كنت خايف جدا من اني أحس بالفرق في الجري و الثبات
الجري معقول لحد كبير جدا
الثبات لسه مجربتش :-) لكنه مبشر ( لعربية ستوك )

الحقيقة الكورولا هي السهل الممتنع ...

[alaa keshk]

كنت في نفس الموقف و محتار نفس الحيرة مابين الكورولا و القاشقاي و السبورتاج
و بالذات اني مستعجل و مش هقدر استنى شهرين , و بعد لف في المعارض و بهدلة ,و المعاملة مع ناس ملهاش كلمة و مكالمات كتيرة ل م/محمد هاني (طلعت عينه )
الحمدلله استلمت امبارح الكرورولا 2015 من سمير ريان ب 197 :copy of majd(4):
بس كل التعب راح لما سقت العربية
( انا اصلا معايا bmw 2500 cc ) و كنت خايف جدا من اني أحس بالفرق في الجري و الثبات
الجري معقول لحد كبير جدا
الثبات لسه مجربتش :-) لكنه مبشر ( لعربية ستوك )

الحقيقة الكورولا هي السهل الممتنع ...

الف مبروك
أنا أيضا نفس الموقف ونفس الحيرة ............لكن قدر الله أن أطلع على المنتدى
وبناءا على رأى الاعضاء وتحليلاهم لكل شيئ فى الكورولا..وبعد الاستخارة
بفضل الله ومنه حجزت الهاى لاين وإن شاء الله تكون هى السهل الممتنع

[ahmedtalat]

يعنى انا كده حستلم 2014 و لا 2015

يا جماعه انا حاجز من يوم 6 مارس و لسه مستلمتش
معنى كده انى حستلم موديل 2015

انتو متأكدين؟؟؟!!