معلومات ممكن متعرفهاش في كورولا 2014

[Mohamed.Hany]

بسم الله الرحمن الرحيم

زملائى الاعزاء بقسم تويوتا السلام عليكم

الموضوع ده تجميعة لأهم مميزات كورولا 2014 , يا ريت اكون جمعت كل المميزات و لو نسيت اي ميزة ياريت تفكرونا بيها .

المساحة الداخلية زادت 10 سم عن الفئة السابقة بطول قاعدة عجلات 2700 مم

كل Mode في كاسيت العربية كبلوتوث , AUX ,CD ,USB , راديو تقدر تظبتله نظام صوتي مختلف كنسبة Bass , Treble ,Fade ....

الكاميرا الخلفية صغيرة جدا و مدمجة بجانب مقبض فتح الشنطة و صعب ملاحظتها و تعرض الصورة علي الشاشة التاتش المدمجة

وانت مشغل حساسات الركن الامامية , الجانبية و الخلفية بيظهر لك شكل العربية و شرط بتبين المسافة من جميع الجهات مع صوت تنبيه يختلف تردده حسب قرب
المسافة و ان صوت الحساسات الامامية يختلف عن الحساسات الخلفية و بيعملو مع بعض عشان تقدر تميز من غير متبص في التابلوه خالص

يوجد زرار منفصل للنظام الرياضي Sport mode

بمكن تعلية شدة اضاءة التابلوه بالضغط علي زرار ال Trip مدة طويلة و تغيير الاضاءة

يمكن التحكم في غلق نظام ال ECO

نظام ال DRL LED او الاضواء النهارية يعمل فور نزول فرامل اليد الهاند بريك ولا يمكن اطفاءه

اضغط علي مفتاح فتح الشنطة مدة طويلة للفتح الكامل و ليس السنتر فقط

يوجد سخانات في المرايات الجانبية

تقدر توصل أكثر من تليفون على البلوتوث بتاع العربية، بس واحد بس هو اللى هايشتغل

لو لفيت دراع الشبورة مرة واحد هاتشغل نور الشبور الامامى، لو لفيته مرة كمان هايشغل نور الشبورة الخلفى

في علاقة هولدر جوة شنطة العربية

لو ماشى فى حارة وعايز تغير الحارات مش لازم تجيب الدراع للاخر مجرد حركه بسيطه فى الاتجاه اللى انت عايزه وهو هايشغل الاشاره 3 مرات بس ويفصل

ممكن تتحكم في ارتفاع المصابيح لامامية في 5 مستويات مختلفة

تقدر تفصل الايرباج التاني جنب السائق من التابلوه هاتحط المفتاح بتاع العربية فى الفتحة اللي من الجنب و تلفه و هيظهرك في التابلوه انك قافله

الدركسيون تليسكوبيك في 4 اتجاهات

لو شديت دراع النور كأنك بترعش بعد مبطلت العربية النور الامامي هينور لمدة 30 ثانية و بعديت يطفي عشان ينورلك عشان متمشيش في الضلمة وده اسمه Follow me Home

بعد ما تبطل العربية معاك حوالى 45 ثانية عشان تنزل الإزاز, على شرط إن مايكنش فى باب مفتوح

مرايات التعتيم بتشتغل تلقائيا مع شدة الاضاءة

لما بتفتح العربية من الريموت بتقفل نفسها تانى بعد ثوانى لو مافتحتش اى باب من ابواب العربية

في عدد 7 ايرباج منهم ايرباج مخصص فقط لحماية الركبة

زرار رفع زجاج السائق به خاصية Anti pinch يعني لو رفعته اوتوماتيك وقفل علي ايدك هيفتح تاني لوحده

اذا فرملت بقوة فجاءة هتنور اضواء الانتظار بسرعة اعلي لتنبيه القادم من خلفك

العربية نازلة جميع الفئات بنظام الثبات الالكتروني ESP و نظام مساعدة الجرTRC

بعض التابلوهات يوجد بيه لونين اسود في بيج

لو نسيت انوار العربية و مشيت الانوار كلها هتطفي بعد 20 دقيقة

الدركسيون و الفتيس من الجلد

لو نسيت باب مفتوح او مشيت وانت رافع الهاند بريك العربية بتزمر و بتنور لمض تحزيرية لتنبيهك

صوت الكاسيت بيعلي و يوطي مع سرعة العربية و الضوضاء

في مسند يد خلفي و حامل اكواب , و مسند اليد الامامي بيتحرك لقدام و وورا

الاريال مدمج في الزجاج الخلفي

ارتفاع العربية 15.5 سم من اوطي نقطة

وزن العربية 1300 كم بالتمام و الكمال

الشماستين الاماميتين بهم انوار للاضاءة

بمجرد الاقتراب من العربية بالمفتاح الذكي تضئ الانوار و بمجرد لمس اكرة الباب التي بها حساس يفتح السنتر لوك و لمس الاكرة مرة اخري
يغلق السنتر عن طريق حساس و ليس زرار

معدل استهلاك البنزين في الطوالي علي سرعة 100 كم/س هو 4.5 لتر لكل 100 كم

تسارع الكورولا من الثبات الي 100 في 9.5 ثانية

نظام المساعدة في المرتفعات HAC في جميع الفئات

احزمة الامان ISOFIX في جميع الفئات

كاوتش العربية الاحتاطي نفس المقاس و جنط سبور و سرعة الكاوتش V يعني 240 كم/س

حاصلة علي 5 نجوم في اختبارات السلامة و الامان

بها نظام الركن التلقائي , يعني تركن لوحدها

بها فتيس بدون تروس او نقلات CVT

العربية مصفحة تصفح كامل من الاسفل

نعومية باور الدركسيون بتقل من زيادة السرعة

مستني اضافتكم يا رجالة تويوتا

[Abdulrahman M]

انت كرهتني في تويوتا كلها كل شوية مميزات جديده هههههههههههههـ

بهزر طبعاً موضوع مميز كالعادة

[SYD]

موضوع مميز جداً
تسلم ايدك

زرار رفع زجاج السائق به خاصية Anti pinch يعني لو رفعته اوتوماتيك وقفل علي ايدك هيفتح تاني لوحده

الخاصية دي اسمها بردو Dead Lock وعموماً القيمة منها الفتح عند وجود اي عائق للحفاظ علي موتور رفع الزجاج
بس الأصول انها ترفض قفل السنتر وتنبهك باشارات صوتية او علي الأقل ضوئية
كانت في عربية اخويا الفيكترا موديل 96

تحياتي

[Karim Ibiza]

ما شاء الله مجهود رائع
من الواضح ان حضرتك كنت بتفكر تشترى بيجو 301 قبل الكورولا

http://www.nilemotors.net/Nile/419739-301.html

تقدر تفصل الايرباج التاني جنب السائق من التابلوه هاتحط المفتاح بتاع العربية فى الفتحة اللي من الجنب و تلفه و هيظهرك في التابلوه انك قافله

البورا موديل 2000 كان فيها الموضوع ده بس عن طريق زرار فى الطابلوه

بها فتيس بدون تروس او نقلات

الفتيس ده اول ما نزل نزل فى المرسيدس E Class موديل 94 (الزلموكة)

بس حضرتك مقولتش سعرها كام

[Mohamed.Hany]

انت كرهتني في تويوتا كلها كل شوية مميزات جديده هههههههههههههـ

بهزر طبعاً موضوع مميز كالعادة

تسلم يا عبدو

موضوع مميز جداً
تسلم ايدك

الخاصية دي اسمها بردو Dead Lock وعموماً القيمة منها الفتح عند وجود اي عائق للحفاظ علي موتور رفع الزجاج
بس الأصول انها ترفض قفل السنتر وتنبهك باشارات صوتية او علي الأقل ضوئية
كانت في عربية اخويا الفيكترا موديل 96

تحياتي

شكرا يا هندسة

ما شاء الله مجهود رائع
من الواضح ان حضرتك كنت بتفكر تشترى بيجو 301 قبل الكورولا

http://www.nilemotors.net/Nile/419739-301.html

بس حضرتك مقولتش سعرها كام

الموضوع اسمه معلومات ممكن متعرفهاش في الكورولا 2014 مش في البيجو ولا الابيزا 1998 و لا البورا و لا المرسيدس .

عاوز تعرف اسعارها و مواصفاتها :

http://www.nilemotors.net/Nile/380276-2014.html

[omar101970]

الله ينور يا محمد وشكرا لمجهودك

[Samir Sobhi]

بسم الله ماشاء الله ... تسلم ياقائد على التجميعة الحلوة لمميزات الكوروﻻ

[Mohamed.Hany]

الله ينور يا محمد وشكرا لمجهودك

بسم الله ماشاء الله ... تسلم ياقائد على التجميعة الحلوة لمميزات الكوروﻻ

البشمهندسين المحترمين عمر و سمير شكرا لكلامكم المحترم و يارب تكون التجميعة مفيدة

[mars.egypt]

موضوع ممتاز ومشجع جدا ...
الله ينور و شكرا لمجهودك
ممكن اتأكد من النقطه تصفيح ؟
عشان اما سالت في التوكيل قالولي انه تصفيح ضد الصدأ ( مش فاهم معناها )
لاكن التصفيح من اسفل السياره دا حاجه تانيه
نقطه تانيه هو موضوع التحكم الصوتي Voice recognition مزكور في المواصفات من اول الفئه التانيه والتوكيل اكد انه موجود ؟ حد عارف ايه استخدامه ؟

شكرا مقدما

[Mohamed.Hany]

موضوع ممتاز ومشجع جدا ...
الله ينور و شكرا لمجهودك
ممكن اتأكد من النقطه تصفيح ؟
عشان اما سالت في التوكيل قالولي انه تصفيح ضد الصدأ ( مش فاهم معناها )
لاكن التصفيح من اسفل السياره دا حاجه تانيه
نقطه تانيه هو موضوع التحكم الصوتي voice recognition مزكور في المواصفات من اول الفئه التانيه والتوكيل اكد انه موجود ؟ حد عارف ايه استخدامه ؟

شكرا مقدما

الاتنين موجودين :

العربية مصفحة بالكامل من الصدأ

و العربية مصفحة بالكامل من الاسفل تصفيح فوق الممتاز و في كمان حماية خاصة لعلبة الشكمان عن طريق بارين حديد من اول العربية لاخرها.
و كمان في بار حديد عريض من الامام خلف الاكصدام للحماية

هو في مواصفات الهاي لاين فقط و انا مجربتوش عشان اعرف.

اي سؤال تحت امرك

[mars.egypt]

الاتنين موجودين :

العربية مصفحة بالكامل من الصدأ

و العربية مصفحة بالكامل من الاسفل تصفيح فوق الممتاز و في كمان حماية خاصة لعلبة الشكمان عن طريق بارين حديد من اول العربية لاخرها.
و كمان في بار حديد عريض من الامام خلف الاكصدام للحماية

هو في مواصفات الهاي لاين فقط و انا مجربتوش عشان اعرف.

اي سؤال تحت امرك

الف شكر يا كبير

معلش هتقل عليك في سؤال كمان

عندك فكره ايه اخبار تيل الفرامل ؟ عشان اما زنقتهم في التوكيل عن انه في الضمان وعمره الافتراضي ايه قعد يلف ويدور وفي الاخر قالي حسب الاستهلاك وانه ممكن يخلص علي ال 3000 او اقل وخلاصه الكلام انه مفيش ضمان عليه وكله حسب الاستهلاك

وديه حاجه قلقتني لان في مشاكل كتير في العربيات الجديده زي مسمعت في البيجو 301 مثلا انه بيصفر وبيخلص بدري بدري

جربت تامين معا الفطيم - المشرق ؟

[Mohamed.Hany]

الف شكر يا كبير

معلش هتقل عليك في سؤال كمان

عندك فكره ايه اخبار تيل الفرامل ؟ عشان اما زنقتهم في التوكيل عن انه في الضمان وعمره الافتراضي ايه قعد يلف ويدور وفي الاخر قالي حسب الاستهلاك وانه ممكن يخلص علي ال 3000 او اقل وخلاصه الكلام انه مفيش ضمان عليه وكله حسب الاستهلاك

وديه حاجه قلقتني لان في مشاكل كتير في العربيات الجديده زي مسمعت في البيجو 301 مثلا انه بيصفر وبيخلص بدري بدري

جربت تامين معا الفطيم - المشرق ؟

تيل الفرامل حسب الاستخدام و محدش لحق يمشي كتير بالعربية عشان يقول بيتغير علي كام ، و لكن عربيتي ٢٠١١ كنت بغيره كل ٣٠٠٠٠ عشان سواقتي عنيفة شوية و التيل منزوع منه مواد تسبب للسرطان فاستهلاكه سريع وده شئ مفروض علي السيارات بالمواصفات الاوروبية و هتلاقي كل الجديد كدة.

مجربتش تأمين معاهم و عرفت متأخر و لو كنت اعرف قبل كدة كنت ريحت دماغي و امنت معاهم للسهولة و تقليل الورقيات و الوقت ليس الا

[mahmoud kimo]

تقرير ممتاز

بس معلش يا اخ محمد كنت عاوز اقول ان نظام eco مش بيتقفل بس هل بيقفل العلامة اللى بتظر على شاشة التابلوه مش بتفصل النظا م نفسه


بس بعض الحجات مش فاهمها فى العربية


- VSC كل لما اشغله بعد لما ازود السرعة شوية يطفى لوحده مش عارف ازاى استخدمه
- لما اكون واقف وا ادوس على الفرامل جامد شوية فى لمبة فى التابلوه بتنور ( مانع التحرك ) والعربية بتقف بس بعد شوية اللمبة تتطفى والعربية بتمشى وده طبعا لو جايب D مش فاهم ازاى استخدمها

[DrJomaro]

تسلم ايدك :-)

[mars.egypt]

تيل الفرامل حسب الاستخدام و محدش لحق يمشي كتير بالعربية عشان يقول بيتغير علي كام ، و لكن عربيتي ٢٠١١ كنت بغيره كل ٣٠٠٠٠ عشان سواقتي عنيفة شوية و التيل منزوع منه مواد تسبب للسرطان فاستهلاكه سريع وده شئ مفروض علي السيارات بالمواصفات الاوروبية و هتلاقي كل الجديد كدة.

مجربتش تأمين معاهم و عرفت متأخر و لو كنت اعرف قبل كدة كنت ريحت دماغي و امنت معاهم للسهولة و تقليل الورقيات و الوقت ليس الا

الف شكر مره تانيه وربنا يباركلك فيها